അങ്കമാലി: തിരുനായത്തോട് ശിവനാരായണ ക്ഷേത്രത്തിലെ ഉത്സവത്തിനിടെ ആനയുടെ ചവിട്ടേറ്റ് ഗുരുതരമായി പരിക്കേറ്റ് ചികിത്സയിലായിരുന്ന യൂട്യൂബര്‍ മരിച്ചു. ചൊവ്വര സുരഭി നിലയത്തില്‍ സൂരജ് പിഷാരടി (30) ആണ് ഇന്നു പുലര്‍ച്ചെ മരിച്ചത്. ആന ഇടഞ്ഞ വാർത്ത അറിഞ്ഞ് ഭയന്ന് ഓടുന്നതിനിടെ ആനയുടെ ചവിട്ടേറ്റ സൂരജിനു ഗുരുതരമായി പരിക്കേറ്റി രുന്നു. ഇന്നലെ ഉച്ചയോടെയാണ് ക്ഷേത്രത്തിലെ എഴുന്നള്ളിപ്പിനിടെ ആന ഇടഞ്ഞത്. തിക്കിലും തിരക്കിലുംപ്പെട്ട് 16 പേര്‍ക്ക് പരിക്കേറ്റിരുന്നു. ശീവേലി എഴുന്നള്ളിപ്പിനിടെ മേളം നടക്കുന്നതിനിടയിലാണ് അഞ്ച് ആനകളില്‍ ശബരിനാഥ് എന്ന ആന ഇടഞ്ഞ് ഓടിയത്. പാപ്പാന്മാരെത്തിയാണ് ആനയെ തളച്ചത്. ആന ഊട്ടുപുരയും മറ്റും തകര്‍ക്കാന്‍ ശ്രമിച്ചതോടെ ആളുകള്‍ ഭയന്ന് നാലുപാടും ഓടുകയായിരുന്നു. ഇതിനിടയിൽപ്പെട്ടാണ് സൂരജിന് പരിക്കേൽക്കുന്നത്.
Read Moreഅങ്കമാലി തിരുനായത്തോട് ക്ഷേത്രത്തില്‍ ആനയുടെ ചവിട്ടേറ്റ യുട്യൂബർ മരിച്ചു; അന്ത്യം ചികിത്സയിലിരിക്കെ
