തിരുവനന്തപുരം: കനത്ത മഴയെത്തുടർന്നുണ്ടായ പ്രളയത്തിൽ തിരുവനന്തപുരം ജില്ലയിൽ വ്യാപക നാശനഷ്ടം. ഗൗരീശപട്ടത്ത് 18 ഓളം കുടുംബങ്ങൾ വെള്ളപ്പൊക്കത്തിൽ ഒറ്റപ്പെട്ടു. അഞ്ച് മണിക്കുറായി ഇവർ വീടിന് മുകളിൽ അഭയം പ്രാപിച്ചിരിക്കുകയാണ്. ഫയർഫോഴ്സ് സംഘം സ്ഥലത്ത് എത്തിയെങ്കിലും കനത്ത വെള്ളത്തിൽ ഇവരെ പുറത്തെത്തിക്കാൻ സാധിക്കാത്ത സ്ഥിതിയാണ്. കൂടുതൽ ഉപകരണങ്ങൾ എത്തിച്ച് ഇവരെ പുറത്തെത്തിക്കുമെന്ന് സ്ഥലത്തെത്തിയ കെ.മുരളീധരൻ എംഎൽഎ അറിയിച്ചു. പുലർച്ചെ രണ്ടരയോടെ ആമയിടിഞ്ചാൽ തോട് കരകവിഞ്ഞൊഴുകിയതാണ് 18 ഓളം കുടുംബങ്ങൾ ഒറ്റപ്പെടാൻ കാരണമായത്. വളരെ പെട്ടന്ന് വെള്ളം പൊങ്ങിയതിനാൽ ഇവർക്ക് പുറത്തുകടക്കാൻ കഴിഞ്ഞില്ല. നേരെ പുലർന്ന ശേഷമാണ് ഇവർ കുടുങ്ങിയ വിവരം പുറംലോകമറിഞ്ഞത്. ഉടൻ തന്നെ രക്ഷാപ്രവർത്തകർ സ്ഥലത്തെത്തി. ഫയർഫോഴ്സ് സംഘം വെള്ളത്തിലൂടെ ഇവരുടെ സമീപത്തെത്തി ഭയപ്പെടേണ്ടെന്ന് അറിയിച്ചിട്ടുണ്ട്. ജില്ലയിൽ കനത്ത മഴ തുടരുന്നതിനാൽ അരുവിക്കര, നെയ്യാർ, പേപ്പാറ ഡാമുകളെല്ലാം തുറന്നുവിട്ടിരിക്കുകയാണ്. കരമനയാറ്റിലും കിള്ളിയാറ്റിലും വെള്ളം നിറഞ്ഞതോടെ തലസ്ഥാനം പ്രളയത്തിൽ…
Read MoreCategory: TVM
സംസ്ഥാനത്ത് ഓട്ടോ ടാക്സി നിരക്ക് വർധിപ്പിക്കുമെന്ന് മന്ത്രി ടി.പി.രാമകൃഷ്ണൻ
തിരുവനന്തപുരം: സംസ്ഥാനത്ത് ഓട്ടോ ടാക്സി നിരക്ക് വർധിപ്പിക്കുമെന്ന് മന്ത്രി ടി.പി.രാമകൃഷ്ണൻ. രണ്ടു മാസത്തിനകം ഇക്കാര്യത്തിൽ തീരുമാനമുണ്ടാകും. നിരക്ക് വർധിപ്പിക്കേണ്ട സാഹചര്യമുണ്ടെന്നാണ് സർക്കാർ നിലപാട്. മഴക്കെടുതി മൂലം പൊതുജനങ്ങൾ ബുദ്ധിമുട്ടുന്ന ഈ സാഹചര്യത്തിൽ ഉടനടി വർധനവ് വരുത്താൻ സർക്കാർ ഉദ്ദേശിക്കുന്നില്ലെന്നും മന്ത്രി വ്യക്തമാക്കി.
Read Moreകാലവർഷക്കെടുതി ; സർക്കാർ ഒാണാഘോഷം റദ്ദാക്കും; പ്രളയക്കെടുതിയിൽ 8316കോടിയുടെ നഷ്ടം ഉണ്ടായതായി മുഖ്യമന്ത്രി
തിരുവനന്തപുരം: കേരള ചരിത്രത്തിലെ ഏറ്റവും വലിയ കാലവർഷ കെടുതിയെന്ന് മുഖ്യമന്ത്രി പിണറായി വിജയൻ. സർക്കാർ ഓണാഘോഷം റദ്ദാക്കുമെന്നും ഇതിനായി നീക്കിവച്ച തുക ദുരിതാശ്വാസ പ്രവർത്തനങ്ങൾക്കുപയോഗിക്കുമെന്നും മുഖ്യമന്ത്രി പറഞ്ഞു. വെള്ളപ്പൊക്കത്തിൽ രേഖകൾ നഷ്ടപ്പെട്ടവർക്കായി അദാലത്ത് നടത്തും. പ്രളയ കെടുതിയിലും ഉരുൾപൊട്ടലിലും 38 പേർ മരണമടയുകയും നാലു പേരെ കാണാതാകുകയും ചെയ്തെന്ന് മുഖ്യമന്ത്രി അറിയിച്ചു. മഴക്കെടുതിയെക്കുറിച്ച് നടത്തിയ മന്ത്രിസഭാ യോഗത്തിലെ തീരുമാനങ്ങൾ വിവരിച്ചുകൊണ്ട് നടത്തിയ വാർത്താസമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. 8316 കോടി രൂപയുടെ നാശനഷ്ടം ഉണ്ടായിട്ടുണ്ട്. 20000 വീടുകൾ പൂർണമായും തകർന്നു. പതിനായിരം കിലോ മീറ്റർ റോഡുകൾ തകർന്നിട്ടുണ്ട്. പാലങ്ങൾ തകരുകയും കേടുപാടുകൾ സംഭവിക്കുകയും ചെയ്തിട്ടുണ്ട്. കാർഷിക വിഭവങ്ങൾ വലിയ തോതിൽ നശിച്ചിട്ടുണ്ട്. 27 ഡാമുകൾ തുറന്ന് വിടേണ്ടി വന്നിട്ടുണ്ട്. 215 ഇടങ്ങളിൽ ഉരുൾ പൊട്ടൽ ഉണ്ടായിട്ടുണ്ട്. ഇതുസംബന്ധിച്ച് പാരിസ്ഥിതിക പ്രശ്നങ്ങളുണ്ട്. ധാരാളം പേരുടെ വീടുകൾ തകരുകയും വെള്ളം…
Read Moreസംസ്ഥാനത്ത് നാളെ വരെ കനത്ത മഴ തുടരുമെന്നു കാലാവസ്ഥാ കേന്ദ്രം;60 കിലോമീറ്റർ വരെ വേഗത്തിൽ കാറ്റടിക്കാൻ സാധ്യത
തിരുവനന്തപുരം: സംസ്ഥാനത്ത് നാളെ വരെ കനത്ത മഴ തുടരുമെന്നു കാലാവസ്ഥാ കേന്ദ്രം. പത്തനംതിട്ട, ആലപ്പുഴ, എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ ഇന്നും നാളെയും ഒറ്റപ്പെട്ട മേഖലകളിൽ കനത്ത മഴ ഉണ്ടാകും. നാളെ മുതൽ തെക്കൻ ജില്ലകളിലും മഴ ശക്തമാകും. മണിക്കൂറിൽ 60 കിലോമീറ്റർ വരെ വേഗത്തിൽ കാറ്റടിക്കാൻ സാധ്യതയുള്ളതിനാൽ മൽസ്യത്തൊഴിലാളികൾ കടലിൽ പോകരുതെന്നും മുന്നറിയിപ്പുണ്ട്. ഇടുക്കി അണക്കെട്ടിലെ ജലനിരപ്പ് 2396.96 അടിയായി കുറഞ്ഞു.
Read Moreഇ.പി.ജയരാജൻ മന്ത്രിയായി സത്യപ്രതിജ്ഞ ചെയ്തു; സത്യപ്രതിജ്ഞാ ചടങ്ങ് പ്രതിപക്ഷം ബഹിഷ്കരിച്ചു
തിരുവനന്തപുരം: ഇ.പി.ജയരാജൻ മന്ത്രിയായി സത്യപ്രതിജ്ഞ ചെയ്തു. ഇന്നു രാവിലെ പത്തു മണിക്ക് രാജ്ഭവനിലായിരുന്നു സത്യപ്രതിജ്ഞാ ചടങ്ങ്. ഗവർണർ ജസ്റ്റിസ്. പി.സദാശിവം സത്യവാചകം ചൊല്ലി കൊടുത്തു. അഞ്ചു മിനിറ്റ് നേരം ദൈർഘ്യമുള്ള ലളിതമായ ചടങ്ങായിരുന്നു. സത്യപ്രതിജ്ഞാ ചടങ്ങ് പ്രതിപക്ഷം ബഹിഷ്കരിച്ചു. സത്യപ്രതിജ്ഞാചടങ്ങിൽ മുഖ്യമന്ത്രി പിണറായി വിജയനും മറ്റ് മന്ത്രിമാരും പങ്കെടുത്തു.സത്യപ്രതിജ്ഞാ ചടങ്ങിന് ശേഷം മന്ത്രിമാരും എംഎൽഎമാരും ഇ.പി.ജയരാജനെ അനുമോദിച്ചു. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും ഘടകകക്ഷി നേതാക്കളും സത്യപ്രതിജ്ഞാചടങ്ങിൽ പങ്കെടുത്തു. മുതിർന്ന സിപിഎം നേതാവും ഭരണപരിഷ്കാര കമ്മീഷൻ ചെയർമാനുമായ വി.എസ്.അച്യുതാനന്ദൻ ചടങ്ങിൽ പങ്കെടുത്തില്ല. ഗവർണറുടെ ചായ സൽക്കാരത്തിന് ശേഷം അദ്ദേഹം സെക്രട്ടറിയേറ്റിലെ തന്റെ ഓഫീസിലേക്ക് പോയി. ഇന്ന് ചേരുന്ന മന്ത്രിസഭ യോഗത്തിൽ ഇ.പി.ജയരാജൻ പങ്കെടുക്കും. വ്യവസായം, കായികം, യുവജനക്ഷേമം എന്നീ വകുപ്പുകളാണ് അദ്ദേഹത്തിന് നൽകിയിരിക്കുന്നത്. 22 മാസത്തെ ഇടവേളക്ക് ശേഷമാണ് ഇ.പി.ജയരാജൻ വീണ്ടും മന്ത്രിയായി സത്യപ്രതിജ്ഞ ചെയ്യുന്നത്.…
Read Moreഇ.പി.ജയരാജന്റെ മടങ്ങിവരവിന് എൽഡിഎഫ് അംഗീകാരം; തിരിച്ചുവരവ് വ്യവസായ മന്ത്രിയായി തന്നെ
തിരുവനന്തപുരം: ബന്ധുനിയമന വിവാദത്തിൽ പുറത്തുപോയ ഇ.പി.ജയരാജനെ വീണ്ടും മന്ത്രിസഭയിലേക്ക് കൊണ്ടുവരുന്നതിന് എൽഡിഎഫ് അംഗീകാരം നൽകി. ഇന്ന് ചേർന്ന എൽഡിഎഫ് യോഗമാണ് ഇക്കാര്യം അംഗീകരിച്ചതെന്ന് കണ്വീനർ എ.വിജയരാഘവൻ വാർത്താ സമ്മേളനത്തിൽ അറിയിച്ചു. ജയരാജന്റെ മടങ്ങിവരവ് സംബന്ധിച്ച് സിപിഎമ്മും സിപിഐയും നേരത്തെ തന്നെ ധാരണയിലെത്തിയിരുന്നു. സിപിഎമ്മിന് ഒരു മന്ത്രികൂടി അധികമുണ്ടാകുന്ന സാഹചര്യത്തിൽ ക്യാന്പിനറ്റ് പദവിയോടെ ചീഫ് വിപ്പ് പദവി സിപിഐക്ക് ലഭിക്കും. ഇക്കാര്യത്തിലും നേരത്തെ ധാരണയായിരുന്നു. കഴിഞ്ഞ ദിവസം ചേർന്ന സിപിഎം സംസ്ഥാന സെക്രട്ടറിയേറ്റും സംസ്ഥാന സമിതിയും ജയരാജന്റെ മടങ്ങി വരവിന് പച്ചക്കൊടി വീശിയിരുന്നു. ഇതിന് ശേഷം മുഖ്യമന്ത്രിയും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും സിപിഐ നേതൃത്വവുമായി ആശയവിനിമയം നടത്തി ധാരണയിലെത്തിയ ശേഷമാണ് ഇന്ന് എൽഡിഎഫിൽ വിഷയം അവതരിപ്പിച്ചത്. വ്യവസായ മന്ത്രിയായി തന്നെയാണ് ജയരാജൻ മന്ത്രിസഭയിലേക്ക് എത്തുന്നത്. ചൊവ്വാഴ്ച രാവിലെ 10ന് രാജ്ഭവനിൽ ആഘോഷങ്ങളൊന്നുമില്ലാതെ സത്യപ്രതിജ്ഞ നടക്കും. മഴക്കെടുതിയിൽ…
Read Moreഇതുകൊണ്ടൊന്നും മതിവായില്ല; പ്രളയക്കെടുതിയിൽ വിറങ്ങലിച്ച കേരളത്തിന് കേന്ദ്രം അനുവദിച്ച സഹായം അപര്യാപ്തമെന്ന് റവന്യു മന്ത്രി ഇ.ചന്ദ്രശേഖരൻ
തിരുവനന്തപുരം: പ്രളയക്കെടുതിയിൽ വിറങ്ങലിച്ചു നിൽക്കുന്ന കേരളത്തിന് കേന്ദ്രം അനുവദിച്ച അടിയന്തര ധനസഹായം പര്യാപ്തമല്ലെന്ന് റവന്യു മന്ത്രി ഇ.ചന്ദ്രശേഖരൻ. സംസ്ഥാനത്തിന് ദുരന്ത നിവാരണ പാക്കേജ് അനുവദിക്കണമെന്നും ലഭിച്ച തുകകൊണ്ട് അത്യാവശ്യം ചെയ്യേണ്ട കാര്യങ്ങൾ ചെയ്യുമെന്നും മന്ത്രി പറഞ്ഞു. ധനസഹായം സംബന്ധിച്ച വിഷയത്തിൽ കേന്ദ്രസർക്കാരിൽ നിന്ന് അനുകൂല നിലപാടുണ്ടാകുമെന്നാണ് പ്രതീക്ഷയെന്നും മന്ത്രി പറഞ്ഞു. ബാണാസുര സാഗർ അണക്കെട്ടിന്റെ ഷട്ടറുകൾ ഉയർത്തിയതുമായി ബന്ധപ്പെട്ട ചോദ്യങ്ങളെ മന്ത്രി ചിരിച്ചുതള്ളി. ഇപ്പോഴത്തെ അവസരത്തിൽ വിവാദ വിഷയങ്ങളിൽ പ്രതികരിക്കാൻ താനില്ലെന്നായിരുന്നു മന്ത്രിയുടെ മറുപടി.
Read Moreഅനീഷിന്റെ മൃതദേഹം ബന്ധുക്കൾ ഏറ്റുവാങ്ങി ; വിലാപയാത്രക്കിടെ കെഎസ്ആർടിസി ബസിനു കല്ലേറ്
പാറശാല: ജുഡീഷൽ കസ്റ്റഡിയിലിരിക്കെ മെഡിക്കൽ കോളജ് ആശുപത്രിയിൽ തൂങ്ങി മരിച്ച അനീഷിന്റെ മൃതദേഹം ബന്ധുക്കൾ ഏറ്റുവാങ്ങി സംസ്കരിച്ചു. ഇന്നലെ വൈകുന്നേരം നാലുമണിയോടെ വിലാപയാത്രയായി കൊണ്ടുവന്ന മൃതദേഹം , അതിർത്തിയിൽ കേരള ഭാഗത്തു റോഡിൽ വയ്ക്കുകയും റോഡ് ഉപരോധിക്കുകയും ചെയ്തു.തുടർന്ന് ഉന്നത നേതാക്കൾ സ്ഥലത്തെത്തി ഉപരോധം അവസാനിപ്പിച്ചു. ഉപരോധം കഴിഞ്ഞു മടങ്ങിയവർ കെഎസ്ആർടിസി ബസിനു കല്ലെറിഞ്ഞു . ഇക്കഴിഞ്ഞ 23 നാണു കളിയിക്കാവിള സ്വദേശി അനീഷി (19 )നെ ലഹരിക്കുപയോഗിക്കുന്ന ഗുളികയുമായി അമരവിള എക്സൈസ് സംഘം പിടികൂടി റിമാൻഡ് ചെയ്തത്. ദേഹാസ്വസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ച അനീഷ് 25നു ആശുപത്രിക്കുള്ളിൽ തൂങ്ങിമരിക്കുകയായിരുന്നു. മരണത്തിൽ ദുരൂഹത ആരോപിച്ച ബന്ധുക്കൾ മൃതദേഹം ഏറ്റുവാങ്ങാൻ തയാറായില്ല. തുടർന്നും വീണ്ടും പോസ്റ്റുമോർട്ടം നടത്തണമെന്നും ,കുറ്റക്കാരായ ഉദോഗസ്ഥർക്കെതിരെ നടപടി സ്വീകരിക്കണമെന്നും ആവശ്യപ്പെട്ടു ബന്ധുക്കളും സമരസമിതിയും സമര പരിപാടികൾ ആരംഭിക്കുകയും ചെയ്തുവെങ്കിലും അധികൃതർ അതിനു തയാറായില്ല. തുടർന്ന്…
Read Moreഅഞ്ചു ദിവസംകൂടി മഴ; തീരദേശങ്ങളിൽ വേലിയേറ്റവും ശക്തമായ കരക്കാറ്റിനും സാധ്യതയെന്ന് കാലാവസ്ഥ കേന്ദ്രം
തിരുവനന്തപുരം: അഞ്ചു ദിവസംകൂടി സംസ്ഥാനത്ത് മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. കൊല്ലം, പത്തനംതിട്ട, ആലപ്പുഴ മേഖലകളിൽ ഇന്നും നാളെയും കനത്ത മഴയ്ക്ക് സാധ്യതയുണ്ട്. ഇതേ മേഖലകളിൽ 15 വരെ ഒറ്റപ്പെട്ട കനത്ത മഴയ്ക്ക് സാധ്യതയുണ്ട്. അതേസമയം ഇന്ത്യൻ തീരത്ത് ഇന്നു മുതൽ 15 വരെ പെരിജിൻ സ്പ്രിങ് ടൈഡ്സ് മൂലം ഉണ്ടാകുന്ന വേലിയേറ്റത്തിൽ കേരളം, ലക്ഷദ്വീപ്, ആൻഡമാൻ,നിക്കോബാർ തുടങ്ങിയ മേഖലകളിലെ താഴ്ന്ന തീരപ്രദേശങ്ങളിൽ വെള്ളപ്പൊക്കത്തിനു സാധ്യതയുണ്ട്. അതോടൊപ്പം ശക്തമായ കരക്കാറ്റും ശക്തമായ തിരമാലകളും ഉണ്ടാകും. കരക്കാറ്റിനൊപ്പം ശക്തമായ മഴക്കും സാധ്യത ഉണ്ട്.
Read Moreകർശന സുരക്ഷയിൽ പതിനായിരങ്ങൾ ബലിതർപ്പണം നടത്തി; ദേവസ്വം മന്ത്രി കടകംപള്ളി സുരേന്ദ്രൻ ബലിതർപ്പണ കേന്ദ്രങ്ങൾ സന്ദർശിച്ചു
തിരുവനന്തപുരം: പിതൃതർപ്പണത്തിന് ജില്ലയിലെ വിവിധ കേന്ദ്രങ്ങളിൽ വൻ തിരക്ക്. പ്രധാനപ്പെട്ട പിതൃതർപ്പണ കേന്ദ്രങ്ങളായ തിരുവല്ലം പരശുരാമക്ഷേത്രം, ശംഖുമുഖം, അരുവിക്കര എന്നിവിടങ്ങളിലാണ് ഭക്തജനങ്ങളുടെ വൻ തിരക്ക് അനുഭവപ്പെടുന്നത്. ദേവസ്വം മന്ത്രി കടകംപള്ളി സുരേന്ദ്രൻ ബലിതർപ്പണ കേന്ദ്രങ്ങൾ സന്ദർശിച്ചു. ഇന്ന് പുലർച്ചെ മൂന്ന് മണിയോടെ പിതൃതർപ്പണ ചടങ്ങുകൾക്ക് തുടക്കമായി. തിരുവല്ലം പരശുരാമക്ഷേത്രത്തിൽ ഒരേ സമയം 2500 പേർക്ക് തർപ്പണം നടത്താനുള്ള സൗകര്യമുണ്ട്. ശംഖുമുഖം തീരത്ത് കടൽ പ്രക്ഷുബ്ധമായതിനാലും തീരം കടലെടുത്തതിനാലും പ്രത്യേക തയാറാക്കിയ സ്ഥലത്താണ് പിതൃതർപ്പണ ചടങ്ങുകൾ നടക്കുന്നത്. ആബാലവൃദ്ധം ജനങ്ങളാണ് പിതൃക്കൾക്ക് ബലിതർപ്പണത്തിനായി ശംഖുമുഖത്തും തിരുവല്ലത്തും അരുവിക്കരയിലും എത്തിക്കൊണ്ടിരിക്കുന്നത്. കടൽ പ്രക്ഷുബ്ധമായതിനാൽ ആരും കടലിൽ ഇറങ്ങി കുളിക്കരുതെന്ന് അധികൃതർ ജാഗ്രത നിർദേശം നിരന്തരം നൽകുന്നുണ്ട്. കുളിയ്ക്കുന്നതിന് പ്രത്യേക സജീകരണങ്ങൾ ഒരുക്കിയിട്ടുണ്ട്. പിതൃതർപ്പണ സ്ഥലങ്ങളിൽ വൻ സുരക്ഷയാണ് പോലീസ് ഒരുക്കിയിരിക്കുന്നത്. കെഎസ്ആർടിസിയും പ്രത്യേകം സർവീസ് നടത്തുന്നുണ്ട്. ജില്ലയിൽ 20 ൽ…
Read More