കോട്ടയം: രണ്ട് എൻജിനിയറിംഗ് വിദ്യാർഥികളുടെ മരണത്തിൽ കലാശിച്ച അപകടത്തിൽപ്പെട്ടത് അടൂരിൽനിന്നുള്ള അഡോണ ട്രാവൽസ് എന്ന ടൂറിസ്റ്റ് ബസ്. റോഡിൽനിന്നു തെന്നിമാറിയ ബസ് മൂന്നു തവണ മറിഞ്ഞു കുഴിയിൽ പതിച്ചു. മഴയും മൂടൽ മഞ്ഞുമുണ്ടായിരുന്നു. ബസ് മറിഞ്ഞുമറിഞ്ഞു വീഴുന്നതേ ഓർമയുള്ളൂ. ഒന്നിലേറെ തവണ തകിടംമറിഞ്ഞതോടെ ബസിൽ കൂട്ടനിലവിളിയായി. പലരും സീറ്റിൽനിന്നു തെറിച്ചുവീണു. പാട്ടും സംസാരവുമായി ബസിലിരുന്ന വിദ്യാർഥികൾ ബസിനുള്ളിൽ ഉരുണ്ടു മറിഞ്ഞു -ചിക്മംഗളൂർ അപകടത്തിൽ രക്ഷപ്പെട്ട വിദ്യാർഥികൾ ഓർമിക്കുന്നു. വീഴ്ചയുടെ ആഘാതത്തിൽ മെറിനും ഐറിനും തെറിച്ചു ബസിനടിയിൽപ്പെട്ടു. പഠനഭാഗമായി കർണാടകത്തിലെ വിവിധ ഐടി, വ്യവസായകേന്ദ്രങ്ങൾ സന്ദർശിക്കാനാണ് 74 അംഗവിദ്യാർഥി സംഘം അധ്യാപകർക്കും രക്ഷാകർതൃ പ്രതിനിധികൾക്കുമൊപ്പം രണ്ടു ബസുകളിൽ പുറപ്പെട്ടത്. അമൽജ്യോതി കോളജിൽനിന്നു വിവിധ സംഘങ്ങൾ പഠനയാത്ര പോയതിനാൽ ഏതു വാഹനമാണ് അപകടത്തിൽപ്പെട്ടതെന്ന് അറിയാൻ കോളജ് അധികൃതർ ആദ്യം ബുദ്ധിമുട്ടിയിരുന്നു. കോളജിൽനിന്നുപോയ ഒരു ബസ് അപകടത്തിൽപ്പെട്ടു എന്നു മാത്രമാണ് ആദ്യം…
Read Moreമഴയും മൂടല്‍ മഞ്ഞും! ബസ് മറിഞ്ഞുമറിഞ്ഞു വീഴുന്നതേ ഓര്‍മയുള്ളൂ; ഒന്നിലേറെ തവണ തകിടംമറിഞ്ഞതോടെ ബസില്‍ കൂട്ടനിലവിളിയായി; അപകടത്തില്‍ രക്ഷപ്പെട്ട വിദ്യാര്‍ഥികള്‍ പറയുന്നത് ഇങ്ങനെ…
