ഡിസ്പുർ: അഴിമതിക്കാരനെന്നു വിളിച്ച കോൺഗ്രസ് നേതാവ് രാഹുൽ ഗാന്ധിക്കു മറുപടിയുമായി അസം മുഖ്യമന്ത്രി ഹിമന്ത ബിശ്വ ശർമ. ഗാന്ധി കുടുംബം രാജ്യത്തെ ഏറ്റവും വലിയ അഴിമതിക്കാരും ഡ്യൂപ്ലിക്കേറ്റുമാണെന്നു ശർമ പറഞ്ഞു. “ഗാന്ധി കുടുംബക്കാർ അഴിമതിക്കാർ മാത്രമല്ല, ഡ്യൂപ്ലിക്കേറ്റും കൂടിയാണ്. അവരുടെ കുടുംബപ്പേര് ഗാന്ധി എന്നല്ല. ആരെങ്കിലും ഡ്യൂപ്ലിക്കേറ്റ് ലൈസൻസ് കൈവശം വച്ചാൽ പിടിക്കാം, പക്ഷേ ഒരാൾ ഡ്യൂപ്ലിക്കേറ്റ് പേര് കൈവശം വച്ചാൽ എന്ത് എന്തു ചെയ്യാനാകും. അതുകൊണ്ടാണ് അവർ യാത്ര നടത്തുന്നത്’ ശർമ പരിഹസിച്ചു. രാജ്യത്തെ ഏറ്റവും അഴിമതിക്കാരനായ മുഖ്യമന്ത്രി ഹിമന്ത ബിശ്വ ശർമയാണെന്നും മറ്റു ബിജെപി മുഖ്യമന്ത്രിമാരെ അഴിമതി പഠിപ്പിക്കാൻ അദ്ദേഹത്തിന് കഴിയുമെന്നുമായിരുന്നു ഭാരത് ജോഡോ ന്യായ് യാത്രയിൽ സംസാരിക്കവേ രാഹുലിന്റെ പരാമർശം. മണിപ്പുരിലെ തൗബാൽ ജില്ലയിൽനിന്നു ജനുവരി 14ന് ആരംഭിച്ച ഭാരത് ജോഡോ ന്യായ് യാത്ര 67 ദിവസങ്ങളിലായി 15 സംസ്ഥാനങ്ങളിലെ 110 ജില്ലകളിലൂടെ…
Read MoreCategory: Loud Speaker
അമ്മയുടെ പ്രസവത്തിന് കൂട്ടിരിക്കാനെത്തിയ പെണ്കുട്ടി ഗർഭിണിയായി; ഭാര്യയുടെ പ്രസവത്തിന് കൂട്ട് വന്ന യുവാവ് അറസ്റ്റിൽ
കല്പ്പറ്റ: പതിനാലുകാരിയെ പീഡിപ്പിച്ച് ഗര്ഭിണിയാക്കിയ കേസില് കര്ണാടക സ്വദേശിയായ യുവാവ് അറസ്റ്റില്. മത്തിക്കാടു എസ്റ്റേറ്റില് മണിവണ്ണനെയാണ് മാനന്തവാടി പോലീസ് അറസ്റ്റ് ചെയ്തത്. വയനാട് മെഡിക്കൾ കോളജിൽ അമ്മയുടെ പ്രസവത്തിനു കൂട്ടിരിക്കാൻ വന്നതായിരുന്നു പെൺകുട്ടി. അവിടെവച്ചാണ് ഇയാള് പെൺകുട്ടിയെ ലൈംഗികമായി ഉപയോഗിച്ചത്. മണിവണ്ണന് ഭാര്യയുടെ പ്രസവവുമായി ബന്ധപ്പെട്ടാണ് മെഡിക്കല് കോളജില് എത്തിയത്. ഇവരുടെ കിടക്കയ്ക്ക് അരികിൽ തന്നെയാണ് പെൺകുട്ടിയുടെ അമ്മയും കിടന്നിരുന്നത്. തുടർന്ന് ഇയാൾ പെൺകുട്ടിയുമായി പരിചയത്തിലായി. ഈ പരിചയം മുതലെടുത്താണ് ആശുപത്രിയില് വച്ച് ഇയാൾ പെണ്കുട്ടിയെ പ്രലോഭിപ്പിച്ച് പീഡനത്തിന് ഇരയാക്കിയത്. കഴിഞ്ഞ വർഷം സെപ്റ്റംബറിലായിരുന്നു സംഭവം. പെൺകുട്ടി ഗർഭിണി ആണെന്നറിഞ്ഞ വീട്ടുകാർ പോലീസിൽ പരാതി നൽകുകയായിരുന്നു. തുടർന്ന് നടത്തിയ ചോദ്യം ചെയ്യലിലാണ് പെൺകുട്ടി വിവരങ്ങൾ പുറത്തുപറഞ്ഞത്. പ്രതിക്കെതിരേ പോക്സോ ഉൾപ്പടെയുള്ള വകുപ്പുകൾ ചുമത്തിയിട്ടുണ്ട്. മാനന്തവാടി സ്റ്റേഷൻ ഹൗസ് ഓഫീസർ എം.എം.അബ്ദുൽ കരിമിന്റെ നേതൃത്വത്തിലുള്ള പോലീസ് സംഘമാണ് പ്രതിയെ…
Read Moreഅയോധ്യയിലെ ശ്രീരാമ വിഗ്രഹം മാറ്റിയത് ആര്, പുതിയ വിഗ്രഹം ആരുടെ നിർദ്ദേശപ്രകാരം, പഴയ വിഗ്രഹത്തിന് എന്ത് സംഭവിച്ചു; ചോദ്യങ്ങളുമായി ദിഗ് വിജയ് സിംഗ്
ന്യൂഡൽഹി: അയോധ്യ രാമക്ഷേത്രത്തിലെ പ്രാണ പ്രതിഷ്ഠാ ചടങ്ങിന് മൂന്ന് ദിവസം മാത്രം ബാക്കി നിൽക്കേ ശ്രീരാമന്റെ വിഗ്രഹത്തെ ചൊല്ലി രാഷ്ട്രീയ വിവാദം മുറുകുന്നു. കൗസല്യയുടെ മടിയിലിരിക്കുന്ന രാമവിഗ്രഹം ക്ഷേത്രത്തിൽ സ്ഥാപിക്കണമെന്നാണ് മൂന്ന് ശങ്കരാചാര്യന്മാർ നിർദ്ദേശിച്ചതെന്നും പുതിയ വിഗ്രഹം ആരുടെ നിർദ്ദേശപ്രകാരമാണെന്നും മുതിർന്ന കോൺഗ്രസ് നേതാവ് ദിഗ് വിജയ് സിംഗ് ചോദിച്ചു. പഴയ വിഗ്രഹത്തിന് എന്ത് സംഭവിച്ചുവെന്ന് വ്യക്തമാക്കണമെന്നും അദ്ദേഹം പറഞ്ഞു. അയോധ്യയിലെ ചടങ്ങുകൾ നരേന്ദ്ര മോദിയും കേന്ദ്ര സർക്കാരും രാഷ്ട്രീയവത്കരിച്ചുവെന്ന ആരോപണം കോൺഗ്രസ് ശക്തമാക്കിയിരിക്കേയാണ് ദിഗ് വിജയ് സിംഗിന്റെ പ്രസ്താവന എന്നത് ശ്രദ്ധേയമാണ്. അതേസമയം ദിഗ് വിജയ് സിംഗിന്റെ ആരോപണം മറുപടി അർഹിക്കുന്നതല്ലെന്ന് ക്ഷേത്ര ട്രസ്റ്റ് ഭാരവാഹികൾ പറഞ്ഞു. ആരോപണത്തിൽ ബിജെപി നേതൃത്വം ഇതുവരെ പ്രതികരിച്ചിട്ടില്ല. പ്രാണ പ്രതിഷ്ഠയ്ക്ക് മുന്നോടിയായുള്ള ചടങ്ങുകൾ അയോധ്യയിൽ പുരോഗമിക്കുകയാണ്. വ്യാഴാഴ്ചയാണ് മൈസൂരുവിലെ ശില്പി നിർമിച്ച ശ്രീരാമന്റെ ശില്പം ക്ഷേത്രത്തിൽ എത്തിച്ചത്. ഇതിന്റെ…
Read Moreഅടുത്ത മാസം ഒന്നു മുതൽ ഒരു വാഹനത്തിനു ഫാസ്ടാഗ് സ്റ്റിക്കർ ഒന്നു മാത്രം: കെവൈസി ഇല്ലെങ്കില് ഫാസ്ടാഗ് പ്രവർത്തിക്കില്ല
കോഴിക്കോട്: ഫാസ്ടാഗ് വഴിയുള്ള ടോൾ കൂടുതൽ കാര്യക്ഷമമാക്കാൻ കേന്ദ്ര സർക്കാർ. അടുത്ത മാസം ഒന്നു മുതൽ ഒരു വാഹനത്തിന് ഒരു ഫാസ്ടാഗ് സ്റ്റിക്കർ മാത്രമേ അനുവദിക്കൂ. കെവൈസി (Know Your Client) വെരിഫിക്കേഷൻ പൂർത്തീകരിക്കാത്ത ഫാസ്ടാഗുകൾ ബാലൻസ് തുകയുണ്ടെങ്കിലും 31നു പ്രവർത്തനരഹിതമാകുമെന്നും കേന്ദ്ര ഗതാഗത മന്ത്രാലയം അറിയിച്ചു. ഒന്നിലധികം ഫാസ്ടാഗുകള് വേണ്ടഒരു വാഹനത്തിൽ ഒന്നിലേറെ ഫാസ്ടാഗുകൾ ഒട്ടിക്കുന്ന പതിവുണ്ട്. ഇതു പലപ്പോഴും രണ്ടു തവണ ടോൾ പിരിവിനും ആശയക്കുഴപ്പങ്ങൾക്കും കാരണമാകുന്നുണ്ട്. ഇനി മുതൽ ആക്ടീവായ ഒരു ഫാസ്ടാഗ് മാത്രമേ അനുവദിക്കൂ. അതിന്റെ കെവൈസി നടപടികൾ പൂർത്തിയാക്കിയിരിക്കുകയും വേണം. ഒന്നിലധികം ഫാസ്ടാഗുകളുണ്ടെങ്കിൽ ഡീആക്ടിവേറ്റ് ചെയ്യാൻ ടോൾ ബൂത്തുകളുമായോ ബാങ്കുമായോ ബന്ധപ്പെടണമെന്നും മന്ത്രാലയം നിർദേശിച്ചു. എട്ടു കോടി വാഹനങ്ങളിൽ പ്രവര്ത്തനക്ഷമമായത് പകുതി മാത്രം. ബാലന്സ് ഉള്ളതും എന്നാല് അപൂര്ണമായ കെവൈസി ഉള്ളതുമായ ഫാസ്ടാഗുകള് 31-ന് ശേഷം ബാങ്കുകള് നിർജീവമാക്കും. അല്ലെങ്കില്…
Read Moreപണി വീണ്ടും പാളി: ഒരേ പ്രതിക്കു മുന്നില് രണ്ടുതവണ കേസ് തോറ്റ് പോലീസ്: ‘കുപ്രസിദ്ധ പയ്യന്’ വീണ്ടും പുറത്തേക്ക്
കോഴിക്കോട്: ഏറെ വിവാദമായ സുന്ദരിയമ്മ വധക്കേസിൽ കോടതി വെറുതെ വിട്ട പ്രതിയെ പോക്സോ കേസിലും വെറുതെ വിട്ടതോടെ പോലീസിനേറ്റത് സമാനതകളില്ലാത്ത തിരിച്ചടി. വിരോധം തീര്ക്കാന് പോലീസ് രണ്ടുതവണയും കള്ളക്കേസെടുത്തുവെന്ന പ്രതിഭാഗത്തിന്റെ വാദം കോടതി അംഗീകരിക്കുകയായിരുന്നു. കല്ലായി നാല്പ്പാലം നെടുംപുരക്കല് ജയേഷാണ്(38) രണ്ടുതവണയും പോലീസ് കേസില്നിന്നു തടിയൂരിയത്. വട്ടക്കിണറിനുസമീപം ഒറ്റയ്ക്ക് താമസിച്ചിരുന്ന സുന്ദരിയമ്മയെന്ന വയോധികയെ 2012 ജൂലൈ 21ന് രാത്രി വീട്ടില്ക്കയറി വെട്ടിക്കൊന്നുവെന്ന കേസില് ജയേഷിനെ 2014ല് പ്രത്യേക അഡീഷണല് സെഷന്സ് ജഡ്ജി എസ്. കൃഷ്ണകുമാര് വെറുതേവിട്ടിരുന്നു. ആരാണ് കൊലചെയ്തതെന്ന് വ്യക്തമാവാത്ത കേസില്, ജയേഷിനെ പ്രതിയാക്കിയെന്നായിരുന്നു കോടതിയുടെ കണ്ടെത്തല്. കേസന്വേഷിച്ച ക്രൈംബ്രാഞ്ച് സിഐ ഇ.പി. പൃഥ്വിരാജില്നിന്ന് ഒരു ലക്ഷം രൂപ ഈടാക്കി ജയേഷിന് നല്കണമെന്നും കോടതി നിര്ദേശിച്ചിരുന്നു. അനാഥനായ യുവാവിനെ കൊലക്കേസില് കുടുക്കിയതുമായി ബന്ധപ്പെട്ട് ‘കുപ്രസിദ്ധ പയ്യന്’ എന്ന സിനിമ ഈസംഭവത്തിന്റെ പശ്ചാത്തലത്തില് പുറത്തിറങ്ങിയതും പോലീസിന് തിരിച്ചടിയായി. ഇതിനുശേഷം…
Read Moreമോദിക്ക് മുന്നില് പിണറായി അനുസരണയുള്ള കുട്ടിയായി മാറി: തൃശൂരില് ബിജെപിക്ക് ജയിക്കാന് സിപിഎം സിപിഐയെ കുരുതി കൊടുക്കും; കെ.മുരളീധരന്
തിരുവനന്തപുരം: മുഖ്യമന്ത്രിയുടെ മകള് വീണാ വിജയന്റെ കമ്പനിക്കെതിരായ കേസ് ഹൈക്കോടതിയുടെ മേല്നോട്ടത്തില് കേന്ദ്ര ഏജന്സികള് അന്വേഷിക്കണമെന്ന് മുതിര്ന്ന കോണ്ഗ്രസ് നേതാവ് കെ.മുരളീധരന്. കേന്ദ്ര ഏജന്സികള് മാത്രം അന്വേഷിച്ചാല് സത്യം പുറത്തുവരില്ലെന്നും മുരളീധരന് പ്രതികരിച്ചു. സാധാരണയായി ഇത്തരം ആരോപണം ഉയരുമ്പോള് കേസിനെ നിയമപരമായും രാഷ്ട്രീയപരമായും നേരിടുമെന്നാണ് എല്ലാവരും പറയുക. എന്നാല് രാഷ്ട്രീയപരമായി നേരിടുമെന്നാണ് എം.വി.ഗോവിന്ദന് പറഞ്ഞത്. കേസിനെ നിയമപരമായി നേരിടാന് സിപിഎമ്മിനെ വെല്ലുവിളിക്കുകയാണെന്നും മുരളീധരന് കൂട്ടിച്ചേര്ത്തു. മുഖ്യമന്ത്രിയുടെ മകള്ക്കുവേണ്ടി ലോക്സഭാ തെരഞ്ഞെടുപ്പില് തൃശൂര് സിപിഎം കുരുതി കൊടുക്കും. തൃശൂരില് ബിജെപിക്ക് ജയിക്കാന് സിപിഐയെ ബലികൊടുക്കുമെന്നും മുരളീധരന് ആരോപിച്ചു. സിപിഎം-ബിജെപി അന്തര്ധാരയുണ്ടെന്ന് മുരളീധരന് ആരോപിച്ചു. മോദിക്ക് മുന്നില് പിണറായി അനുസരണയുള്ള കുട്ടിയായി മാറി. തൃശൂരിൽ സിപിഎം സിപിഐയെ കുരുതി കൊടുക്കാൻ തീരുമാനിച്ചു. ഇനി ബാക്കി ഘടക കക്ഷികളെ എവിടെ കുരുതി കൊടുക്കുമെന്നത് തെരഞ്ഞെടുപ്പിൽ കാണാം. സിപിഎം–ബിജെപി അന്തർധാര വ്യക്തമായി കഴിഞ്ഞു.…
Read Moreരാമക്ഷേത്ര പ്രതിഷ്ഠാ ചടങ്ങ്: കഠിന വ്രതവുമായി പ്രധാനമന്ത്രി; ഉറങ്ങുന്നത് തറയിൽ, കുടിക്കുന്നത് കരിക്കിൻ വെള്ളം; പ്രതിഷ്ഠയ്ക്കു സാക്ഷ്യം വഹിക്കുന്നത് ഭാഗ്യമെന്ന് മോദി
ന്യൂഡൽഹി: അയോധ്യയിലെ രാമക്ഷേത്രത്തിന്റെ പ്രതിഷ്ഠാ ചടങ്ങിന് മുന്നോടിയായി പ്രധാനമന്ത്രി നരേന്ദ്രമോദി വ്രതത്തിൽ. 11 ദിവസത്തെ പ്രത്യേക വ്രതത്തിന്റെ ഭാഗമായി പ്രധാനമന്ത്രി തറയിലാണ് ഉറങ്ങുന്നത്. കരിക്കിന് വെള്ളം മാത്രമാണ് അദ്ദേഹം കുടിക്കുക. സൂര്യോദയത്തിന് മുമ്പുള്ള ഒരു ശുഭസമയത്ത് എഴുന്നേറ്റു ധ്യാനിക്കും. സാത്വികമായ ഭക്ഷണമാണു കഴിക്കുന്നത്. ജനുവരി 12നായിരുന്നു വൃതത്തിന്റെ തുടക്കം. ചരിത്രപരവും മംഗളകരവുമായ പ്രതിഷ്ഠയ്ക്കു സാക്ഷ്യം വഹിക്കുന്നത് ഭാഗ്യമാണെന്നു മോദി പറഞ്ഞിരുന്നു. പ്രതിഷ്ഠാ ദിനത്തിന് ഇനി മൂന്ന് ദിനങ്ങൾ മാത്രമാണ് അവശേഷിക്കുന്നത്. രാമക്ഷേത്ര പ്രതിഷ്ഠയ്ക്കായി വിപുലമായ ഒരുക്കങ്ങളാണ് ഉത്തർപ്രദേശിൽ നടക്കുന്നത്. പരിപാടിയുടെ ഒരുക്കങ്ങളുമായി ബന്ധപ്പെട്ട് പ്രധാനമന്ത്രി നരേന്ദ്ര മോദി മന്ത്രിമാരിൽനിന്ന് വിവരങ്ങൾ തേടി. രാമക്ഷേത്ര പ്രതിഷ്ഠാദിനം ദീപാവലി പോലെ കൊണ്ടാടണമെന്നാണ് പ്രധാനമന്ത്രി ആഹ്വാനം ചെയ്തിരിക്കുന്നത്. രാമക്ഷേത്ര പ്രതിഷ്ഠയ്ക്ക് മുന്നോടിയായി കനത്ത സുരക്ഷയാണ് അയോധ്യയിൽ ഒരുക്കിയിരിക്കുന്നത്. പോലീസ് പരിശോധനയും, ഡ്രോണുകൾ വഴിയുള്ള നിരീക്ഷണം ശക്തമാക്കി.
Read Moreതീവ്രവാദ ബന്ധമുണ്ടെന്ന് സംശയം: അയോധ്യയിൽ മൂന്ന് പേർ പിടിയിൽ: രാമക്ഷേത്ര പ്രതിഷ്ഠയ്ക്ക് മുന്നോടിയായി അയോധ്യയിൽ കനത്ത സുരക്ഷ
അയോധ്യ: രാമക്ഷേത്ര പ്രതിഷ്ഠാ ചടങ്ങിന് മുന്നോടിയായി മൂന്ന് പേരെ ഉത്തർപ്രദേശ് തീവ്രവാദ വിരുദ്ധ സേന കസ്റ്റഡിയിലെടുത്തു. വ്യാഴാഴ്ച അയോധ്യ ജില്ലയിൽ നടത്തിയ പരിശോധനയിലാണ് ഇവർ പിടിയിലായത്. അയോധയിൽ നടത്തിയ പരിശോധനയിൽ സംസ്ഥാന തീവ്രവാദ വിരുദ്ധ സ്ക്വാഡ് സംശയാസ്പദമായ മൂന്ന് പേരെ കസ്റ്റഡിയിലെടുത്തതായി ഉത്തർപ്രദേശ് സ്പെഷ്യൽ ഡയറക്ടർ ജനറൽ ഓഫ് പോലീസ് പ്രശാന്ത് കുമാർ അറിയിച്ചു. പിടിയിലായ മൂന്ന് പേരേയും ചോദ്യം ചെയ്തു വരികയാണ്. ഇവർക്ക് തീവ്രവാദ സംഘടനയുമായി ബന്ധമുണ്ടോയെന്ന് ഇതുവരെ കണ്ടെത്താനായിട്ടില്ലെന്നും ഡിജിപി പറഞ്ഞു. പ്രതിഷ്ഠാ ദിനത്തിന് ഇനി മൂന്ന് ദിനങ്ങൾ മാത്രമാണ് അവശേഷിക്കുന്നത്. രാമക്ഷേത്ര പ്രതിഷ്ഠയ്ക്കായി വിപുലമായ ഒരുക്കങ്ങളാണ് ഉത്തർപ്രദേശിൽ നടക്കുന്നത്. പരിപാടിയുടെ ഒരുക്കങ്ങളുമായി ബന്ധപ്പെട്ട് പ്രധാനമന്ത്രി നരേന്ദ്ര മോദി മന്ത്രിമാരിൽനിന്ന് വിവരങ്ങൾ തേടി. രാമക്ഷേത്ര പ്രതിഷ്ഠാദിനം ദീപാവലി പോലെ കൊണ്ടാടണമെന്നാണ് പ്രധാനമന്ത്രി ആഹ്വാനം ചെയ്തിരിക്കുന്നത്. രാമക്ഷേത്ര പ്രതിഷ്ഠയ്ക്ക് മുന്നോടിയായി കനത്ത സുരക്ഷയാണ് അയോധ്യയിൽ ഒരുക്കിയിരിക്കുന്നത്.…
Read Moreരാമക്ഷേത്ര പ്രതിഷ്ഠാ ദിനത്തിൽ മാംസം വിൽക്കുന്ന കടകൾ അടച്ചിടണം; ഉത്തരവിറക്കി യുപി സർക്കാർ
ലക്നോ: അയോധ്യ രാമക്ഷേത്ര പ്രതിഷ്ഠാ ചടങ്ങിനോട് അനുബന്ധിച്ച് ജനുവരി 22ന് മാംസം വിൽക്കുന്ന കടകൾ അടച്ചിടാൻ ഉത്തരവിട്ട് യുപി സർക്കാർ. യുപി ചീഫ് സെക്രട്ടറിയാണ് ഇതുമായി ബന്ധപ്പെട്ട ഉത്തരവിറക്കിയത്. പ്രതിഷ്ഠാ ദിനമായ ജനുവരി 22ന് സമ്പൂർണ മദ്യനിരോധനം ഏർപ്പെടുത്തിയതിന് പിന്നാലെയാണ് പുതിയ ഉത്തരവ്. ജില്ലാ മജിസ്ട്രേറ്റുമാർക്ക് ചീഫ് സെക്രട്ടറി ഡി.എസ്. മിശ്ര ഉത്തരവ് കൈമാറി. ജനുവരി 22മുതൽ 26വരെ ക്ഷേത്രങ്ങളും സർക്കാർ കെട്ടിടങ്ങളും ദീപാലംകൃതമാക്കണമെന്നും നിർദേശമുണ്ട്. ഈ നിർദേശം കർശനമായി പാലിക്കണമെന്നും മിശ്ര പറഞ്ഞു. സംസ്ഥാനത്തെ പ്രധാന നഗരങ്ങളിൽ നിന്നും അയോധ്യയിലേക്ക് ഗ്രീൻ കോറിഡോറുകൾ നിർമിക്കണമെന്നും വഴിയോരങ്ങളിൽ അനധികൃതമായ നിർമാണം കാരണം തടസം നേരിടുന്നുണ്ടെങ്കിൽ അവ നീക്കണമെന്നും യുപി ചീഫ് സെക്രട്ടറി നിർദേശിച്ചു. ജനുവരി 22ന് ആണ് പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ അയോധ്യ രാമക്ഷേത്രത്തിൽ പ്രതിഷ്ഠാ ചടങ്ങ് നടക്കുന്നത്. പ്രതിഷ്ഠയ്ക്ക് മുന്നോടിയായുള്ള ചടങ്ങുകൾ ചൊവ്വാഴ്ച മുതൽ…
Read Moreസസ്യഭുക്കിനോട് എന്തിനീ ക്രൂരത… ജല്ലിക്കെട്ട് കാളയെക്കൊണ്ട് ജീവനുള്ള കോഴിയെ തീറ്റിച്ചു; യൂട്യൂബര്ക്കെതിരേ കേസ്
ചെന്നൈ: ജല്ലിക്കെട്ട് മത്സരത്തിനു വേണ്ടി എത്തിച്ച കാളയെ കൊണ്ട് ജീവനുള്ള പൂവൻ കോഴിയെ കഴിപ്പിച്ച സംഭവത്തില് യുട്യൂബര്ക്കെതിരേ പോലീസ് കേസെടുത്തു. സേലം ചിന്നപ്പട്ടിയിലെ യുട്യൂബറായ രഘുവിനും സുഹൃത്തുക്കളായ രണ്ടു പേര്ക്കുമെതിരേയാണ് കേസ്. കാളയെകൊണ്ട് നിർബന്ധിച്ച് കോഴിയെ കഴിപ്പിക്കുന്ന വീഡിയോ കഴിഞ്ഞ ദിവസം വൈറലായിരുന്നു. ഇതിനെതിരേ വലിയ വിമർശനമാണ് ഉയർന്നത്. വീഡിയോ ശ്രദ്ധയില്പ്പെട്ടതോടെ ചെന്നൈ കേന്ദ്രീകരിച്ച് പ്രവര്ത്തിക്കുന്ന പീപ്പിള് ഫോര് ക്യാറ്റില് ഇന്ത്യയുടെ പ്രവര്ത്തകന് അരുണ് പ്രസന്ന പരാതി നല്കി. ജല്ലിക്കെട്ടിനായി കൊണ്ടു വന്ന കാളയെകൊണ്ട് ജീവനുള്ള കോഴിയെയാണ് നിര്ബന്ധിച്ച് തീറ്റിച്ചത്. രണ്ടുപേര് കാളയുടെ കൊമ്പ് ബലമായി പിടിച്ചുവച്ചു. ഇതിനിടെ ഒരാള് കോഴിയെ കാളയുടെ വായിലിറക്കി തീറ്റിപ്പിക്കുകയും മറ്റൊരാള് വീഡിയോ പകര്ത്തുകയും ചെയ്തു എന്നാണ് പരാതിയില് പറയുന്നത്. 2.48 ദൈര്ഘ്യമുള്ള വീഡിയോയില് മൂന്നുപേര് ചേര്ന്ന് കാളയെ ബലമായി പിടിച്ചുനിര്ത്തി മറ്റൊരാള് കോഴിയെ ജീവനോടെ കാളയുടെ വായില്വച്ച് ചവപ്പിക്കുന്നതുമാണുള്ളത്. സംഭവത്തിന്റെ…
Read More