ചോദ്യോത്തര വേളയിൽ യുവ മാധ്യമ പ്രവർത്തകയുടെ തോളിൽ കെെ വെച്ച സംഭവത്തിൽ അസ്വഭാവികത തോന്നിയിട്ടുണ്ടെങ്കിൽ മാപ്പ് പറയാൻ തയാറാണെന്ന് സുരേഷ് ഗോപി. തന്റെ ഭാഗത്തു നിന്നുണ്ടായ നടപടി അവർക്ക് മോശമായി തോന്നിയെന്ന് അറിഞ്ഞു. താൻ മാപ്പ് പറയാൻ തയാറാണ്. ഇന്നലെ പല തവണ അവരുടെ ഭർത്താവിന്റെ നമ്പറിലേക്ക് വിളിച്ചിരുന്നെങ്കിലും ഫോൺ എടുത്തില്ല. ഇന്നലെ ചോദ്യം ചോദിച്ച സമയം തോളിൽ കെെ വെച്ചത് പിതൃ വാത്സ്യല്യത്തോടെയാണെന്നും യാതൊരു മോശം അതിനു പറയാൻ ഇല്ലെന്നും സുരേഷ് ഗോപി പറഞ്ഞു. സംഭവത്തിൽ അസ്വാഭാവികത തോന്നിയെങ്കിൽ മാപ്പ് പറയാൻ തനിക്ക് യാതൊരു മടിയും ഇല്ലന്നും സുത്ഷ് ഗോപി കൂട്ടി ചേർത്തു. ആ സമയത്ത് അവർ യാതൊരു തരത്തിലും ഇതിനോട് പ്രതികരിച്ചിരുന്നില്ല. രണ്ട് തവണ തോളിൽ കൈ വച്ചപ്പോഴും അവർ കൈ തട്ടി മാറ്റി എന്നത് ശരിയാണ്. പക്ഷേ അവരുടെ മുഖത്ത് അപ്പോഴും യാതൊരു…
Read MoreCategory: Loud Speaker
ചൈനയിൽ കൊറോണ വകഭേദം ഉൾപ്പെടെ 8 വൈറസുകൾ കൂടി
ബെയ്ജിംഗ്: കോവിഡ് മഹാമാരി സൃഷ്ടിച്ച ആഘാതത്തില്നിന്നു കരകയറിവരുമ്പോള് ലോകത്തെ വീണ്ടും ആശങ്കയിലാക്കുന്ന മറ്റൊരു റിപ്പോര്ട്ട് കൂടി പുറത്ത്. ഇതുവരെ അറിയപ്പെടാതിരുന്ന എട്ട് വൈറസുകളെ കണ്ടെത്തിയെന്ന് ചൈനീസ് ഗവേഷകര് വ്യക്തമാക്കുന്നു. നിലവില് കണ്ടെത്തിയിരിക്കുന്ന വൈറസുകളിലൊന്ന് കോവിഡിന് കാരണമായ കൊറോണ വൈറസിന്റെ മറ്റൊരു വകഭേദമാണ്. കോവ് -എച്ച്എംയു-1 എന്നാണ് ഈ വൈറസിന്റെ പേരെന്നും ചൈനയുടെ തെക്കന് തീരത്തിനടുത്തുള്ള ഹെയ്നാന് ദ്വീപിലാണ് ഇവയെ കണ്ടെത്തിയതെന്നും ഗവേഷകര് വ്യക്തമാക്കി. ഈ വൈറസുകള് മനുഷ്യരിലേക്കു വ്യാപിക്കാനുള്ള ശേഷി നേടിയാല് അതിശക്തമായ മഹാമാരികള്ക്ക് സാധ്യതയുണ്ടെന്നും ഗവേഷകര് മുന്നറിയിപ്പു നല്കുന്നു. ഹെയ്നാന് ദ്വീപിലുള്ള എലിവര്ഗങ്ങളില്നിന്നെടുത്ത സാംപിളുകളില്നിന്നാണ് വൈറസുകളുടെ സാന്നിധ്യം വ്യക്തമായത്. ഫ്ലാവി വൈറസുകളുടെ കുടുംബത്തില്പ്പെടുന്ന പെസ്റ്റിയാണ് ഇപ്പോള് കണ്ടെത്തിയിരിക്കുന്ന വൈറസ് വിഭാഗങ്ങളിലൊന്ന്. ഇവ ഡെങ്കിപ്പനി, മഞ്ഞപ്പനി എന്നിവയ്ക്കു കാരണമാകുന്നവയാണ്. ശക്തമായ പനിക്കു കാരണമാകുന്ന ആസ്ട്രോ, പാര്വോ എന്നിവയും ഗുഹ്യരോഗങ്ങള്ക്കു കാരണമായേക്കാവുന്ന പാപ്പിലോമ എന്നീ വിഭാഗത്തില്പ്പെട്ട വൈറസുകളെയും ഇപ്പോള്…
Read Moreമോശം പരാമർശം; പ്രിയങ്കയ്ക്കും ഹിമന്ദയ്ക്കും ഇലക്ഷൻ കമ്മീഷൻ നോട്ടീസ്; മതിയായ വിശദീകരണം നൽകണം
ന്യൂഡൽഹി: കോൺഗ്രസ് നേതാവ് പ്രിയങ്കഗാന്ധിക്കും ബിജെപി നേതാവും അസം മുഖ്യമന്ത്രിയുമായ ഹിമന്ദ ബിശ്വശർമയ്ക്കും തെരഞ്ഞെടുപ്പ് കമ്മീഷൻ നോട്ടീസ്. രാജസ്ഥാനില് പ്രധാനമന്ത്രി നരേന്ദ്രമോദിക്കെതിരേ പ്രിയങ്കഗാന്ധി നടത്തിയ പ്രസംഗത്തില് ബിജെപി തെരഞ്ഞെടുപ്പ് കമ്മീഷന് പരാതി നൽകിയിരുന്നു. അസം മുഖ്യമന്ത്രി വർഗീയ പരാമർശങ്ങളോടെയുള്ള പ്രസംഗം നടത്തിയെന്നാരോപിച്ച് കോണ്ഗ്രസും പരാതി കൊടുത്തിരുന്നു. മോദി ഒരു ക്ഷേത്രത്തില് നല്കിയ സംഭാവനയുടെ കവര് തുറന്നപ്പോള് 21 രൂപ മാത്രമാണ് ഉണ്ടായിരുന്നതെന്ന് താന് ടിവിയില് കണ്ടെന്നായിരുന്നു പ്രിയങ്ക ഗാന്ധിയുടെ പരാമര്ശം. ഛത്തീസ്ഗഡ് മന്ത്രി മുഹമ്മദ് അക്ബറിനെ പുറത്താക്കിയില്ലെങ്കിൽ മാതാ കൗശല്യയുടെ നാട് അശുദ്ധമാകുമെന്നായിരുന്നു ഹിമന്ദ ബിശ്വശർമയുടെ പരാമർശം. പരാതികളില് മതിയായ വിശദീകരണം നല്കിയില്ലെങ്കില് നടപടി സ്വീകരിക്കുമെന്നാണ് കമ്മീഷന്റെ മുന്നറിയിപ്പ്. അതിനിടെ കേന്ദ്രസർക്കാരിന്റെ നേട്ടങ്ങൾ പ്രചരിപ്പിക്കുന്ന വികസിത് ഭാരതയാത്ര തെരഞ്ഞെടുപ്പ് നടക്കുന്ന സംസ്ഥാനങ്ങളിൽ ഒഴിവാക്കണമെന്ന് കേന്ദ്ര സർക്കാരിനോട് തെരഞ്ഞെടുപ്പ് കമ്മീഷൻ ആവശ്യപ്പെട്ടു. കേന്ദ്ര പദ്ധതികളുടെ പ്രചാരകരായി സർക്കാർ ഉദ്യോഗസ്ഥരെ…
Read Moreതെലങ്കാനയിൽ തെരഞ്ഞെടുപ്പു സംവാദത്തിനിടെ സ്ഥാനാർഥികൾ തമ്മിൽ കൈയാങ്കളി; പിന്നാലെ അനുയായികളുടെ കൂട്ടയടി
ഹൈദരാബാദ്: തെലങ്കാനയിൽ തത്സമയം സംപ്രേഷണംചെയ്ത ടെലിവിഷൻ തെരഞ്ഞെടുപ്പു സംവാദത്തിനിടെ സ്ഥാനാർഥികൾ തമ്മിൽ കൈയാങ്കളി. ഭൂമി കൈയേറിയെന്ന ആരോപണത്തിൽ പ്രകോപിതനായ ബിആർഎസ് എംഎൽഎയും സ്ഥാനാർഥിയുമായ കെ.പി. വിവേകാനന്ദ, ബിജെപി സ്ഥാനാർഥി കുന ശ്രീശൈലം ഗൗഡിന്റെ മുഖത്തടിക്കുകയും കഴുത്തിനു കുത്തിപ്പിടിക്കുകയും ചെയ്തു. കുത്ബുല്ലാപുർ നിയമസഭാമണ്ഡലത്തിലെ സ്ഥാനാർഥികളാണ് വിവേകാനന്ദയും കുനയും. വിവേകാനന്ദയ്ക്കെതിരേ കേസെടുത്ത് ജയിലിലടയ്ക്കണമെന്ന് ബിജെപി ആവശ്യപ്പെട്ടു. ‘നിങ്ങൾ ഒരു ഭൂമി കൈയേറ്റക്കാരനാണ്’ -വിവേകാനന്ദ ബിജെപിസ്ഥാനാർഥിക്കെതിരേ ആരോപണമുന്നയിച്ചു. എന്നാൽ വിവേകാനന്ദയാണ് ഭൂമി കൈയേറിയതെന്നും തെളിവു ഹാജരാക്കാമെന്നും കുന ശ്രീശൈലം തിരിച്ചടിച്ചു. ഇതുകേട്ടതോടെ രോഷാകുലനായ വിവേകാനന്ദ ശ്രീശൈലത്തിനടുത്തേക്ക് കുതിച്ചെത്തി മുഖത്തടിക്കുകയും കഴുത്തിനു കുത്തിപ്പിടിക്കുകയുമായിരുന്നു. ശ്രീശൈലവും വിട്ടുകൊടുത്തില്ല. നേതാക്കളുടെ അടി കണ്ടതോടെ വേദിക്കുപുറത്തുള്ള അനുയായികളും അക്രമാസക്തരായി. പരസ്പരം കസേരകൾ വലിച്ചെറിഞ്ഞുകൊണ്ടാണ് ഏറ്റുമുട്ടിയത്. കുതിച്ചെത്തിയ പോലീസ് ഏറെ പണിപ്പെട്ട് ഇരുകൂട്ടരെയും തടഞ്ഞ് സ്ഥിതിഗതികൾ നിയന്ത്രണാധീനമാക്കി.
Read Moreചുരത്തിൽ കൊല്ലപ്പെട്ട യുവതിയെ ഇതുവരെ തിരിച്ചറിഞ്ഞില്ല; മാക്കൂട്ടം ചുരത്തിലെ കൊലയാളിയെ തേടിയുള്ള അന്വേഷണം വഴിമുട്ടി
ഇരിട്ടി: ഒരു മാസം കഴിഞ്ഞിട്ടും മാക്കൂട്ടം ചുരം റോഡിൽ ട്രോളി ബാഗിൽ കണ്ടെത്തിയ യുവതിയുടെ മൃതദേഹത്തെക്കുറിച്ചുള്ള അന്വേഷണം വഴിമുട്ടി. അന്വേഷണത്തിനായി മടിക്കേരി ജില്ലാ പോലീസ് മേധാവി രണ്ട് വ്യത്യസ്ത അന്വേഷണ സംഘത്തിന് രൂപം നൽകിയെങ്കിലും കേരളവും കർണാടകവും കേന്ദ്രീകരിച്ച് നടത്തിയ അന്വേഷണത്തിലും സൂചനപോലും കണ്ടെത്താൻ കഴിഞ്ഞിട്ടില്ല. സെപ്റ്റംബർ 19നാണ് മാക്കൂട്ടം ചുരം റോഡിൽ പെരുമ്പാടി ചെക്ക് പോസ്റ്റിൽ നിന്നും രണ്ടു കിലോമീറ്റർ അകലെ റോഡരികിലെ കുറ്റിക്കാട്ടിനുള്ളിൽ ട്രോളി ബാഗിൽ രണ്ടാഴ്ചയോളം പഴക്കം ചെന്ന മൃതദേഹം കണ്ടെത്തിയത്. ചുരംപാതയിൽ വലിച്ചെറിയുന്ന പ്ലാസ്റ്റിക് മാലിന്യങ്ങൾ നീക്കം ചെയ്യുന്ന ജോലിക്കാരാണ് മൃതദേഹം അടങ്ങിയ ട്രോളി ബാഗ് ആദ്യം കണ്ടെത്തിയത്. പിന്നീട് നടത്തിയ ശാസ്ത്രീയ പരിശോധനയിൽ 25നും 35നും ഇടയിൽ പ്രായമുള്ള യുവതിയുടേതാണെന്ന് കണ്ടെത്തിയിരുന്നു. കേരളത്തിൽനിന്നും കർണാടകത്തിൽനിന്നുമായി ദിനംപ്രതി നൂറുകണക്കിന് വാഹനങ്ങൾ പോകുന്നതും ജനവാസമില്ലാത്ത പ്രദേശവുമായതിനാൽ രണ്ട് സംസ്ഥാനങ്ങളും കേന്ദ്രീകരിച്ച് ഒരേ സമയം…
Read Moreലീഗ് ചെലവില് തരൂരിന്റെ ഇസ്രയേല് ഐക്യദാര്ഢ്യം: എം. സ്വരാജ്
കൊച്ചി: കോഴിക്കോട് മുസ് ലിം ലീഗ് നടത്തിയ പാലസ്തീൻ ഐക്യദാർഢ്യ റാലിയിൽ കോണ്ഗ്രസ് പ്രവര്ത്തക സമിതിയംഗം ഡോ. ശശി തരൂർ എംപി നടത്തിയ പ്രസംഗത്തിലെ പരാമർശത്തിനെതിരേ എം. സ്വരാജ്. കോഴിക്കോട് കടപ്പുറത്ത് മുസ് ലിം ലീഗിന്റെ ചെലവില് ശശി തരൂര് ഇസ്രയേല് ഐക്യദാര്ഢ്യ സമ്മേളനം നടത്തിയെന്നാണ് സ്വരാജ് ആരോപിച്ചത്. ഇസ്രയേല് ലക്ഷണമൊത്ത ഭീകര രാഷ്ട്രമാണെന്ന് പറയാന് കോണ്ഗ്രസ് നേതാവിന് ഇപ്പോഴും കഴിയുന്നില്ല. ടെല് അവീവില്നിന്ന് ഇസ്രയേലും ലീഗ് വേദിയില്നിന്നു തരൂരും പലസ്തീനെ ആക്രമിക്കുകയാണെന്ന് സ്വരാജ് കുറ്റപ്പെടുത്തി.എം. സ്വരാജിന്റെ ഫേസ്ബുക്ക് പോസ്റ്റ് ഇങ്ങനെ: “കോഴിക്കോട് കടപ്പുറത്ത് മുസ് ലിം ലീഗിന്റെ ചെലവില് ഡോ. ശശി തരൂര് ഇസ്രയേല് ഐക്യദാര്ഢ്യ സമ്മേളനം നടത്തിയിരിക്കുന്നു. രാജ്യത്തിന്റെ ഏതാണ്ട് തൊണ്ണൂറ് ശതമാനവും ഇതിനോടകം അപഹരിക്കപ്പെട്ടെങ്കിലും പലസ്തീന്റെ ഭാഗത്തുനിന്നുണ്ടായത് “ഭീകരവാദികളുടെ അക്രമ’മാണെന്ന് ശശി തരൂര് ഉറപ്പിക്കുന്നു. ഒപ്പം ഇസ്രയേലിന്റേത് “മറുപടി’ യും ആണത്രെ …..!…
Read Moreതരൂരിന്റെ ഹമാസ് പ്രസംഗം; വെട്ടിലായി ലീഗ്, തരൂരിനെ ലീഗ് ക്ഷണിച്ചതില് കോണ്ഗ്രസിലും മുറുമുറുപ്പ്
സ്വന്തം ലേഖകന് കോഴിക്കോട്: ഇസ്രയേലിൽ ഹമാസ് നടത്തിയത് ഭീകരാക്രമണമെന്ന് വിശേഷിപ്പിച്ച കോൺഗ്രസ് പ്രവർത്തകസമിതിയംഗം ശശി തരൂർ എംപിക്കെതിരേ കടുത്ത അമര്ഷവുമായി മുസ്ലിം ലീഗ്. മുസ്ലിംലീഗ് കോഴിക്കോട്ട് സംഘടിപ്പിച്ച പലസ്തീൻ മനുഷ്യാവകാശ റാലിയിലാണ് കോൺഗ്രസ് നേതാവ് ഹമാസിനെ ഭീകരരായി വിശേഷിപ്പിച്ചത്. ലീഗ് സംഘടിപ്പിച്ച പരിപാടിയില് മുഖ്യാതിഥിയായാണ് തരൂരിനെ ലീഗ് ക്ഷണിച്ചത്. ഇത് തങ്ങള്ക്കുതന്നെ തിരിച്ചടിയായെന്ന വിലയിരുത്തലാണ് ഒരുവിഭാഗം ലീഗ് നേതാക്കള്ക്കുള്ളത്. കോണ്ഗ്രസിലെ ദേശീയ അധ്യക്ഷ തെരഞ്ഞെടുപ്പുമായി ബന്ധപ്പെട്ടുള്ള തര്ക്കത്തിലും മറ്റും തരൂരിനെ പൂര്ണമായി പിന്തുണച്ച ലീഗിന് അപ്രതീക്ഷിത തിരിച്ചടിയായി തരൂരിന്റെ പരാമര്ശം മാറുകയും ചെയ്തു. പലസ്തീന്റെ പേരിൽ നടത്തിയ റാലി ഇസ്രയേലിനുവേണ്ടിയായി മാറിയെന്ന ആക്ഷേപവും ഉയർന്നിട്ടുണ്ട്. ഇസ്രയേലിൽ ഹമാസ് നടത്തിയത് ഭീകരാക്രമണമാണെന്ന് തരൂർ പറഞ്ഞത് യുഡിഎഫിലും പുതിയ വിവാദങ്ങൾക്ക് വഴിയൊരുക്കി. കോണ്ഗ്രസ് സംസ്ഥാന നേതാക്കളെ ഒഴിവാക്കിയാണ് വിശ്വപൗരന് ഇമേജുള്ള തരൂരിനെ പരിപാടിയിലേക്ക് ലീഗ് ക്ഷണിച്ചത്. തരൂർ പങ്കെടുക്കുന്നത് ദേശീയ…
Read Moreസ്ക്രീന് ഷെയര് ആപ്പുകളിലൂടെ ഓണ്ലൈന് തട്ടിപ്പ് വ്യാപകം; തട്ടിപ്പ് രീതിയിങ്ങനെ…
സ്വന്തം ലേഖിക കൊച്ചി: സംസ്ഥാനത്ത് സ്ക്രീന് ഷെയര് ആപ്പുകളിലൂടെ ഓണ്ലൈന് തട്ടിപ്പ് വ്യാപകം. അക്കൗണ്ട് ഉടമയുടെ വിവരങ്ങള് ചോര്ത്താനുള്ള പുതുവഴിയായി ഇപ്പോള് തട്ടിപ്പു സംഘങ്ങള് കണ്ടെത്തിയിരിക്കുന്നത് സ്ക്രീന് ഷെയര് (സ്ക്രീന് പങ്കുവക്കല്) ആപ്ലിക്കേഷനുകളെയാണ്. ഇത്തരത്തില് തട്ടിപ്പിന് ഇരയായ സംഭവങ്ങള് സംസ്ഥാനത്ത് റിപ്പോര്ട്ട് ചെയ്തതോടെ ജാഗ്രത പാലിക്കണമെന്ന് പോലീസ് നിര്ദേശം നല്കിയിട്ടുണ്ട്. തട്ടിപ്പ് ഈ വിധംബാങ്കിന്റെയോ മറ്റു സ്ഥാപനങ്ങളുടെയോ പ്രതിനിധികള് എന്ന വ്യാജേന ഫോണ് ചെയ്യുന്നവര് ഉപഭോക്താക്കളെ ചില ആപ്ലിക്കേഷനുകള് ഡൗണ്ലോഡ് ചെയ്യാന് നിര്ബന്ധിക്കും. അതിനുള്ള ലിങ്കുകളും മെസേജുകളായി അയച്ചുതരും. ബാങ്കുകളുടേതിനു സമാനമായ വ്യാജ ആപ്ലിക്കേഷനുകള് ഡൗണ്ലോഡ് ചെയ്താല് അതിലെ സ്ക്രീന് ഷെയറിംഗ് മാര്ഗത്തിലൂടെ അക്കൗണ്ട് ഉടമയുടെ വിവരങ്ങള് ശേഖരിച്ചാണ് തട്ടിപ്പ്. സ്ക്രീന് ഷെയറിംഗ് സാധ്യമാകുന്ന ഇത്തരം ആപ്ലിക്കേഷനുകള് ഇന്സ്റ്റാള് ചെയ്ത് അവ തുറന്നാലുടന് ഫോണിലെ വിവരങ്ങള് തട്ടിപ്പുകാരുടെ കൈകളിലെത്തും. വിവരങ്ങള് പങ്കുവയ്ക്കും മുമ്പ്ബാങ്കുകളോ മറ്റ് അംഗീകൃത ധനകാര്യ…
Read Moreഒറ്റക്കാലിൽ നിൽക്കാൻപോലും സ്ഥലമില്ല… ട്രെയിന്യാത്ര “ബോധം കെടുത്തുന്നു’; തിരക്ക് കുറയ്ക്കാനുള്ള നടപടി വേണമെന്ന് യാത്രക്കാർ
കോഴിക്കോട്: യാത്രക്കാര്ക്ക് പേടി സ്വപ്നമായി ട്രെയിന്യാത്ര. കഴിഞ്ഞ കുറച്ചുദിവസങ്ങളായി ട്രെയിനുകളിലെ യാത്രാത്തിരക്ക് വലിയ പ്രതിസന്ധിയാണ് യാത്രക്കാര്ക്ക് സൃഷ്ടിച്ചിരിക്കുന്നത്. അവധി എല്ലാം കഴിഞ്ഞ് ഇന്നലെ രാവിലെ പരശുറാം എക്സ്പ്രസില് കയറിയ രണ്ട് സ്ത്രീയാത്രക്കാർ തിരക്ക് മൂലം ബോധം കെട്ടുവീണു. ഈ മാസം അഞ്ചാം തവണയാണ് ട്രെയിനിലെ തിരക്കു മൂലം യാത്രക്കാരുടെ ബോധം പോകുന്ന അവസ്ഥയുണ്ടാകുന്നത്. പൊതുവേ തിരക്ക് ഏറെയുള്ള ട്രെയിനാണ് പരശുറാം എക്സ്പ്രസ്. തിരക്ക് കുറയ്ക്കാനുള്ള നടപടികള് സ്വീകരിക്കുമെന്ന് റെയില്വേ അധികൃതര് അറിയിച്ചിരുന്നുവെങ്കിലും ഒരു നടപടിയും സ്വീകരിച്ചില്ല. സാധാരണ യാത്രക്കാരെ ദുരിതത്തിലാക്കി ട്രെയിനുകളിലെ ജനറൽ കോച്ചുകൾ വെട്ടിച്ചുരുക്കിയിരിക്കുകയാണ്. ഡൽഹി, മഹാരാഷ്ട്ര, ആന്ധ്ര, കർണാടക, തമിഴ്നാട് തുടങ്ങിയ സംസ്ഥാനങ്ങളിൽനിന്ന് മലബാറിലെ വിവിധ ജില്ലകളിലേക്ക് യാത്ര ചെയ്യേണ്ടവരാണ് ഏറെ ബുദ്ധിമുട്ടുന്നത്. കോഴിക്കോട്, മലപ്പുറം, കണ്ണൂർ ജില്ലകളിലെ പല സ്റ്റേഷനുകളിൽനിന്നും ട്രെയിനിൽ കയറാൻപോലും കഴിയാത്ത തിരക്കാണ്. ലഗേജുകള് കൂടിയാകുമ്പോള് ഒറ്റക്കാലില് നിന്നുപോകേണ്ട അവസ്ഥയാണെന്ന്…
Read Moreസ്വകാര്യ ബസുകളിൽ കാമറ; സമയപരിധി ഇനി നീട്ടില്ല; മന്ത്രി ആന്റണി രാജു
തിരുവനന്തപുരം: സ്വകാര്യ ബസുകളിൽ കാമറ സ്ഥാപിക്കാനുള്ള സമയപരിധി ഇനിയും നീട്ടി നൽകില്ലെന്ന് ഗതാഗതമന്ത്രി ആന്റണി രാജു. പത്ത് മാസക്കാലത്തോളം സമയം നീട്ടി നൽകി. സ്വകാര്യ ബസ് ഉടമകളുടെ സമ്മർദ്ദങ്ങൾക്ക് മുന്നിൽ സർക്കാർ മുട്ടുമടക്കില്ലെന്നും മന്ത്രി പറഞ്ഞു. ചാർജ് വർധന ഉൾപ്പെടെയുള്ള ആവശ്യങ്ങൾ സർക്കാർ നടപ്പിലാക്കി. സ്വകാര്യ ബസ് ജീവനക്കാർക്ക് നിരവധി ആനുകൂല്യങ്ങൾ സർക്കാർ നടപ്പിലാക്കിയിട്ടുണ്ട്. കേന്ദ്ര സർക്കാർ കൊണ്ട് വന്ന നിയമം സംസ്ഥാനത്ത് നടപ്പിലാക്കേണ്ടതുണ്ട്. നിലവിലുള്ള നിയമം അശാസ്ത്രീയമാണെന്ന് ബസ് ഉടമകൾക്ക് പരാതിയുണ്ടെങ്കിൽ കോടതിയെ സമീപിക്കാമായിരുന്നല്ലോയെന്നും അദ്ദേഹം ചോദിച്ചു.
Read More