ഉപേക്ഷിക്കപ്പെട്ട നിലയിൽ അജ്ഞാത യുവതിയുടെ മൃതദേഹം കണ്ടെത്തി. ഉത്തർപ്രദേശിലെ ഷാജഹാൻപൂർ ജില്ലയിൽ ഡൽഹി-ലഖ്നൗ ദേശീയ പാതയ്ക്ക് സമീപമാണ് അർദ്ധനഗ്നമായ മൃതദേഹം കണ്ടെത്തിയത്. ശരീരത്തിൽ വസ്ത്രങ്ങളില്ലാത്തതിനാൽ ലൈംഗികാതിക്രമത്തിനും കൊലപാതകത്തിനും സാധ്യതയുള്ളതായി സൂചിപ്പിച്ചു. ഇരയെ തിരിച്ചറിയാൻ ശ്രമിക്കുകയാണെന്നും അവരുടെ ചിത്രങ്ങൾ സമീപത്തുള്ള പോലീസ് സ്റ്റേഷനുകളിൽ പങ്കുവെച്ചിട്ടുണ്ടെന്നും പോലീസ് പറഞ്ഞു. ലൈംഗികാതിക്രമത്തിന് സാധ്യതയുണ്ടോയെന്ന് പരിശോധനകൾ നടത്തിവരികയാണെന്നും മൂർച്ചയേറിയ ആയുധത്തിൽ കഴുത്തിന് പരിക്കേറ്റതാണ് മരണകാരണമെന്നും പോസ്റ്റ്മോർട്ടം നടത്തിയ സംഘത്തിലെ ഒരു അംഗം പറഞ്ഞു. മറ്റെവിടെങ്കിലും വച്ച് കൃത്യം നടത്തിയ ശേഷം മൃതദേഹം ഹൈവേയ്ക്ക് സമീപം ഉപേക്ഷിച്ചതാവാമെന്നും പോലീസ് പറഞ്ഞു.
Read MoreCategory: Loud Speaker
സ്കൂൾ വാൻ തടഞ്ഞ് തോക്ക് ചൂണ്ടി ബൈക്ക് യാത്രികർ; സിനിമ സ്റ്റൈലിലെ ആക്രമണത്തിന് പിന്നിലെ കാരണമിതോ
സ്കൂൾ വിദ്യാർഥികളുമായ് പോകുന്ന വാഹനം തടഞ്ഞ് നിർത്തി ഭീഷണിപ്പെടുത്തുന്ന വീഡിയോ പുറത്ത്. ബീഹാറിലെ മുസാഫർപൂർ ജില്ലയിൽ വിദ്യാർഥികളുമായി പോവുകയായിരുന്ന സ്കൂൾ വാനാണ് ഒരു കൂട്ടം ബൈക്ക് യാത്രികർ തടഞ്ഞുനിർത്തി റീലുകൾ നിർമ്മിക്കുന്നതിനിടെ തോക്ക് ചൂണ്ടിയത്. തുടർന്ന് രണ്ട് വീഡിയോകൾ സോഷ്യൽ മീഡിയയിൽ അപ്ലോഡ് ചെയ്തതോടെയാണ് സംഭവം പുറത്തറിയുന്നത്. സംഭവത്തിൽ മുസാഫർപൂർ പോലീസ് അന്വേഷണം ആരംഭിച്ചു. ദൃശ്യങ്ങൾ ശരിയാണെന്ന് കണ്ടെത്തിയാൽ പ്രതികൾക്കെതിരെ നടപടിയെടുക്കുമെന്ന് ഡിഎസ്പി അഭിഷേക് ആനന്ദ് പറഞ്ഞു. ജില്ലയിലെ മണിയാരി പോലീസ് സ്റ്റേഷൻ പരിധിയിലാണ് സംഭവം. പ്രായപൂർത്തിയാകാത്ത വിദ്യാർഥി കളെ കയറ്റി പോകുന്ന സ്കൂൾ വാൻ ബൈക്ക് യാത്രക്കാർ തടഞ്ഞുനിർത്തുന്നതും അവരുടെ മുന്നിൽ തോക്ക് വീശുന്നതും ആദ്യ വീഡിയോയിൽ കാണാം. മറ്റൊരു വീഡിയോയിൽ, ബൈക്ക് യാത്രക്കാർ ആളൊഴിഞ്ഞ സ്ഥലത്ത് പാർട്ടി നടത്തുകയും അവിടെയും ആയുധങ്ങൾ കാണിക്കുകയും ചെയ്യുന്നു.
Read Moreതെരുവ് നായ ആക്രമണം; ആറ് വയസുകാരന് ഗുരുതര പരിക്ക്
തെരുവ് നായയുടെ ആക്രമണത്തിൽ ആറുവയസുകാരന് ഗുരുതര പരിക്ക്. സംഭവത്തെ തുടർന്ന് കുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചു. യുപിയിലെ ഫേസ്-2 പോലീസ് സ്റ്റേഷൻ പരിധിയിലെ ലോട്ടസ് പനാഷ് സൊസൈറ്റിയിലാണ് സംഭവം. നായയുടെ ഉടമയ്ക്കെതിരെ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. ഡൽഹി-എൻസിആറിൽ കഴിഞ്ഞ കുറച്ച് മാസങ്ങളായി നായ്ക്കളുടെ ആക്രമണ കേസുകൾ വർദ്ധിച്ചു വരികയാണ്. റസിഡൻഷ്യൽ സൊസൈറ്റികളിലുള്ളവർക്കായ് പ്രാദേശിക അധികാരികൾ നിരവധി മാർഗ്ഗനിർദ്ദേശങ്ങൾ പുറപ്പെടുവിക്കുകയും ചെയ്തു. കർശനമായ നടപടികൾ വ്യവസ്ഥകൾ പുതിയ മാനദണ്ഡങ്ങളിൽ ഉൾപ്പെടുത്തുകയും ചെയ്തെങ്കിലും ഫലമുണ്ടായില്ല. നായ്ക്കളെ ആക്രമിക്കുന്ന സംഭവങ്ങൾ ഇപ്പോഴും തുടരുകയാണ്.
Read Moreസോഷ്യൽ മീഡിയയിൽ മകളെ വിൽപനയ്ക്കിട്ട യുവതിക്ക് ആറുമാസമുള്ള കുട്ടി; കേസിൽ നിന്ന് രക്ഷിക്കാൻ ചില രാഷ്ട്രീയ ഇടപെടലുകൾ; വിൽപനയ്ക്ക് യുവതിയെ പ്രേരിപ്പിച്ച സംഭവം ഇങ്ങനെ…
തൊടുപുഴ: പ്രായപൂര്ത്തിയാകാത്ത മകളെ വില്പ്പനയ്ക്കെന്ന് പറഞ്ഞ് സമൂഹ മാധ്യമത്തില് പോസ്റ്റിട്ട കേസില് പ്രതിയായ യുവതിയുടെ അറസ്റ്റ് വൈകിയേക്കും. പെണ്കുട്ടിയുടെ പിതാവ് മൂന്നാമത് വിവാഹം കഴിച്ച മൂവാറ്റുപുഴ പേഴക്കാപ്പിള്ളി സ്വദേശിയായ യുവതിയാണ് സംഭവത്തിനു പിന്നിലെന്ന് പോലീസ് സൈബര് സെല് നടത്തിയ അന്വേഷണത്തില് കണ്ടെത്തിയിരുന്നു. യുവതിക്ക് ആറു മാസം പ്രായമുള്ള കുട്ടിയുള്ളതും സംഭവവുമായി ബന്ധപ്പെട്ട് ഫേസ്ബുക്കില് നിന്നും വിവരം ലഭിക്കാത്തതുമാണ് അറസ്റ്റ് വൈകുന്നതിനു കാരണം. ഇതിനിടെ യുവതിയെ കേസില്നിന്നു രക്ഷപ്പെടുത്താന് രാഷ്ട്രീയ ഇടപെടലുകള് നടക്കുന്നതായും സൂചനയുണ്ട്. കഴിഞ്ഞ ദിവസമാണ് കുട്ടിയുടെ ഇടവെട്ടി സ്വദേശിയായ പിതാവിന്റെ പേരിലുള്ള ഫേസ് ബുക്ക് അക്കൗണ്ടില് അശ്ലീല ഭാഷ്യത്തോടെ കുട്ടിയെ വില്ക്കാനുണ്ടെന്നും ഇതിനായി മണിക്കൂറിന് 2,000 രൂപ എന്നും കാണിച്ച് പോസ്റ്റിട്ടത്. ഒരു പെണ്കുട്ടിയുടെ ചിത്രവും പേരും പോസ്റ്റില് ഉള്പ്പെടുത്തിയിരുന്നു. പോസ്റ്റ് ശ്രദ്ധയില്പെട്ട നാട്ടുകാരില് ചിലര് വിവരം പെണ്കുട്ടിയുടെ മുത്തശിയെ അറിയിച്ചു. ഉടന്തന്നെ പെണ്കുട്ടിയും മുത്തശിയും…
Read Moreകാലം സാക്ഷി..! രമേശ് ചെന്നിത്തലയെ വെട്ടി, പ്രതിപക്ഷ സ്ഥാനത്തേക്ക് വി.ഡി. സതീശൻ ; ഉമ്മൻ ചാണ്ടിയുടെ ആത്മകഥയിലെ വെളിപ്പെടുത്തൽ ചർച്ചയാകുന്നു
തിരുവനന്തപുരം: 2021 ലെ നിയമസഭാ തെരഞ്ഞെടുപ്പിനുശേ ഷം പ്രതിപക്ഷനേതൃസ്ഥാനത്തേക്ക് ഭൂരിപക്ഷം പാർട്ടി എംഎൽഎമാരുടെയും പിന്തുണ രമേശ് ചെന്നിത്തലയ്ക്ക് ലഭിച്ചിട്ടും ഹൈക്കമാൻഡ് പരിഗണിച്ചില്ലെന്ന് ഉമ്മൻചാണ്ടിയുടെ ആത്മകഥയിൽ വെളിപ്പെടുത്തൽ. കാലം സാക്ഷി എന്ന ആത്മകഥയിൽ പാഴായ ഭൂരിപക്ഷ പിന്തുണ എന്ന തലക്കെട്ടിലുള്ള അധ്യായത്തിലാണ് ചെന്നിത്തലയെ പ്രതിപക്ഷ നേതാവാക്കണമെന്ന ഭൂരിപക്ഷ എംഎൽഎമാരുടെ ആവശ്യത്തെ മറികടന്ന് ഹൈക്കമാൻഡ് വി.ഡി സതീശനെ തെരഞ്ഞെടുത്തുവെന്ന് പറയുന്നത്. പ്രതിപക്ഷ നേതാവ് സ്ഥാനത്തേക്ക് പ്രത്യേകിച്ച് ആരുടെയും പേര് ഹൈക്കമാൻഡ് നിർദേശിക്കുന്നില്ലെങ്കിൽ രമേശ് ചെന്നിത്തലതന്നെ ആ സ്ഥാനത്ത് തുടരട്ടെയെന്ന നിലപാടിലായിരുന്നു താനെന്നും ഉമ്മൻ ചാണ്ടി ആത്മകഥയിൽ പറയുന്നു. പ്രതിപക്ഷ നേതാവ് സ്ഥാനം സംബന്ധിച്ച് എഐസിസിയിൽ നിന്ന് എന്തെങ്കിലും നിർദേശമുണ്ടോയെന്നറിയാൻ കെ.സി വേണുഗോപാലിന്റെ തിരുവനന്തപുരത്തെ വീട്ടിൽ താൻ നേരിട്ട് പോയി എന്ന് ഉമ്മൻ ചാണ്ടി പറയുന്നു. ഇതുവരെ നിർദേശങ്ങളൊന്നും ഹൈക്കമാൻഡിൽ നിന്നും വന്നില്ലെന്നും എന്തെങ്കിലുമുണ്ടെങ്കിൽ ചോദിച്ചുപറയാമെന്നും കെ.സി. വേണുഗോപാൽ പറഞ്ഞെങ്കിലും പിന്നെ…
Read Moreപൂജാരിമാർക്ക് അയിത്തമില്ല; വെറും പാവങ്ങൾ അവരെ ഉപദ്രവിക്കരുത്; കെ.സുരേന്ദ്രൻ
ഭാരതത്തിൽ ബ്രാഹ്മണർ ജനസംഖ്യയിൽ ഒരു മൈക്രോസ്കോപ്പിക് മൈനോറിറ്റി മാത്രമാണ്. സവർണ്ണരെന്ന് വിളിക്കുന്നവർ അവർണ്ണരെ അപേക്ഷിച്ച് എണ്ണത്തിൽ വളരെ വളരെ കുറവാണ് ബിജെപി സംസ്ഥാന അധ്യക്ഷൻ കെ.സുരേന്ദ്രൻ. രാധാകൃഷ്ണൻ ജിക്ക് ഒരു തരത്തിലുള്ള അപകർഷതാ ബോധവും ഉണ്ടാവേണ്ട കാര്യമില്ല. ക്ഷേത്രത്തിലെ പൂജാരിമാർ എല്ലാവരോടും ഇങ്ങനെ തന്നെയാണ്. സ്വന്തം മക്കളായാൽപോലും അവർ അന്യരെ സ്പർശിക്കാറില്ല. അതിനു കാരണം അവർ പൂജിക്കുന്ന ദേവനോടുള്ള അന്ധമായ വിശ്വാസമാണ് എന്ന് കെ.സുരേന്ദ്രൻ പറഞ്ഞു. ഫേസ്ബുക്ക് പോസ്റ്റിന്റെ പൂർണ രൂപം.. പ്രിയപ്പെട്ട രാധാകൃഷ്ണൻ ജി അങ്ങേക്ക് ഒരു തരത്തിലുള്ള അപകർഷതാ ബോധവും ഉണ്ടാവേണ്ട കാര്യമില്ല. ഭാരതത്തിൽ ബ്രാഹ്മണർ ജനസംഖ്യയിൽ ഒരു മൈക്രോസ്കോപ്പിക് മൈനോറിറ്റി മാത്രമാണ്. സവർണ്ണരെന്ന് വിളിക്കുന്നവർ അവർണ്ണരെ അപേക്ഷിച്ച് എണ്ണത്തിൽ വളരെ വളരെ കുറവാണ് നമ്മുടെ രാജ്യത്ത്. ക്ഷേത്രത്തിലെ പൂജാരിമാർ എല്ലാവരോടും ഇങ്ങനെ തന്നെയാണ്. സ്വന്തം മക്കളായാൽപോലും അവർ അന്യരെ സ്പർശിക്കാറില്ല. അതിനു കാരണം…
Read Moreകേരളത്തിൽ ഇടിമിന്നലോട് കൂടിയ മഴയ്ക്ക് സാധ്യത ; നാല് ജില്ലകളിൽ യെല്ലോ അലേർട്ട്
സംസ്ഥാനത്ത് വരുന്ന 5 ദിവസം ഒറ്റപ്പെട്ട ശക്തമായ മഴയ്ക്കുള്ള സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്കും സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. ഇടുക്കി, കോഴിക്കോട്, കണ്ണൂർ, കാസർഗോഡ്എന്നി ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചു. കേരളത്തിൽ ഒറ്റപ്പെട്ടയിടങ്ങളിൽ ഇന്ന് ഇടി മിന്നലോടു കൂടിയ മഴക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്. ഇടിമിന്നൽ ഉണ്ടാകുന്ന സമയം സുരക്ഷിത സ്ഥലങ്ങളിലേക്ക് മാറേണ്ടതാണ്. കടലിൽ മത്സ്യ ബന്ധനത്തിനു പോകുന്നവർ ശ്രദ്ധിക്കുക. വടക്ക് – പടിഞ്ഞാറൻ ബംഗാൾ ഉൾക്കടലിൽ പശ്ചിമ ബംഗാൾ – ഒഡിഷ തീരത്തിനു സമീപം ന്യുനമർദ്ദം സ്ഥിതിചെയ്യുന്നതിനാൽ അടുത്ത രണ്ട് ദിവസം ജാർഖണ്ഡിന് മുകളിലൂടെ ന്യൂനമർദ്ദം നീങ്ങാൻ സാധ്യതയുണ്ട്. കച്ച്ന് മുകളിൽ ചക്രവാതചുഴി നിലനിൽക്കുന്നതിനാൽ കേരളത്തിൽ അടുത്ത അഞ്ച് ദിവസം മഴക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ…
Read Moreമെഡിക്കൽ കോളേജിൽ റാഗിങ്; ഏഴ് എംബിബിഎസ് വിദ്യാർഥികളെ പുറത്താക്കി
ജൂനിയർ വിദ്യാർഥിയെ റാഗ് ചെയ്ത എംബിബിഎസ് വിദ്യാർഥികൾക്ക് സസ്പെൻഷൻ. തെലങ്കാനയിലെ വാറങ്കലിലെ കാകതിയ മെഡിക്കൽ കോളേജിലാണ് സംഭവം. ഏഴ് വിദ്യാർഥികളെയാണ് കോളേജിൽ നിന്ന് സസ്പെൻഡ് ചെയ്തത്. തുടർന്ന് വിദ്യാർഥികൾക്കെതിരെ സിറ്റി പൊലീസ് കേസെടുത്തു. എല്ലാ വിദ്യാർത്ഥികളുടെയും മൊഴികൾ രേഖപ്പെടുത്തിയിട്ടുണ്ട്. ഏഴ് വിദ്യാർഥികളെ മൂന്ന് മാസത്തേക്ക് അക്കാദമിക് പ്രവർത്തനങ്ങളിൽ നിന്ന് സസ്പെൻഡ് ചെയ്യുകയും ഒരു വർഷത്തേക്ക് ഹോസ്റ്റലിൽ നിന്ന് പുറത്താക്കുകയും ചെയ്തെന്ന് ഉദ്യോഗസ്ഥൻ അറിയിച്ചു. റാഗിങ് വിരുദ്ധ സമിതി ഇരയായ വിദ്യാർത്ഥിയെയും സംഭവത്തിൽ ഉൾപ്പെട്ട ഏഴ് വിദ്യാർഥികളെയും വിളിച്ച് സംഭവത്തെക്കുറിച്ച് വിശദമായി ചോദിച്ചറിഞ്ഞതായി റിപ്പോർട്ടുകൾ പറയുന്നു. സെപ്റ്റംബർ 14നായിരുന്നു സംഭവം. സസ്പെൻഡ് ചെയ്യപ്പെട്ടവർ മൂന്നാം വർഷ വിദ്യാർഥികളും ജൂനിയർ രണ്ടാം വർഷ വിദ്യാർഥിയുമാണ്. വിദ്യാർഥിയുടെ പരാതിയുടെ അടിസ്ഥാനത്തിൽ പൊലീസ് കേസെടുത്തു. ഹൈദരാബാദിലെ ഗാന്ധി മെഡിക്കൽ കോളേജ് അധികൃതർ ജൂനിയർമാരെ റാഗിങ് നടത്തിയെന്നാരോപിച്ച് 10 വിദ്യാർത്ഥികളെ സസ്പെൻഡ് ചെയ്തതിന് ശേഷം…
Read Moreബംഗ്ലാദേശ് അതിർത്തിയിലൂടെ 14 കോടിയുടെ സ്വർണക്കടത്ത്; ഒരാൾ പിടിയിൽ
കോൽക്കത്ത: പശ്ചിമ ബംഗാളിലെ ഇന്ത്യ-ബംഗ്ലാദേശ് അതിർത്തി മേഖലയിലൂടെ സ്വർണം കടത്താനുള്ള ശ്രമം അതിർത്തി രക്ഷാസേന (ബിഎസ്എഫ്) തകർത്തു. 50 സ്വർണ ബിസ്കറ്റുകളും 16 സ്വർണക്കട്ടികളുമായി ഒരു കള്ളക്കടത്തുകാരനെ സൈന്യം പിടികൂടി. അതിർത്തിയിലെ 68 ബറ്റാലിയൻ പോസ്റ്റിൽനിന്നാണ് ഇയാളെ പിടികൂടിയത്. 23 കിലോയോളം തൂക്കമുള്ള സ്വർണത്തിന് 14 കോടി രൂപ വിലമതിക്കുമെന്നു ബിഎസ്എഫ് അറിയിച്ചു. പിടികൂടിയ കള്ളക്കടത്തുകാരനെയും പിടിച്ചെടുത്ത സ്വർണവും തുടർ നടപടികൾക്കായി ബാഗ്ദയിലെ കസ്റ്റംസ് ഓഫീസിന് കൈമാറുമെന്ന് ബിഎസ്എഫ് അറിയിച്ചു. അതേസമയം, കള്ളക്കടത്തുകാർ സ്വർണക്കടത്തിനായി പാവപ്പെട്ടവരും നിരപരാധികളുമായ ആളുകളെ ചെറിയ തുക ഉപയോഗിച്ച് വശീകരിച്ച് കുടുക്കുന്നുവെന്ന് സൗത്ത് ബംഗാൾ ഫ്രണ്ടിയറിലെ ബിഎസ്എഫ് പബ്ലിക് റിലേഷൻസ് ഓഫീസർ പറഞ്ഞു.
Read Moreജീവനക്കാരെ ബന്ദിയാക്കി ആക്സിസ് ബാങ്ക് കൊള്ളയടിച്ചു; 7 കോടിയും സ്വർണവും കവർന്നു
റായ്ഗഡ്: ഛത്തീസ്ഗഡിൽ ആക്സിസ് ബാങ്കിന്റെ ശാഖയിൽ മോഷണം. റായ്ഗഡിലെ ജഗത്പുർ ശാഖയാണു കൊള്ളയടിച്ചത്. ഏഴ് കോടിയോളം രൂപയും ഒന്നരക്കോടിയുടെ പണയസ്വർണവുമാണു കവർന്നത്. ഇന്നലെ രാവിലെ 9.30നായിരുന്നു സംഭവം. ആയുധങ്ങളുമായി എത്തിയ സഘം ജീവനക്കാരെ ഒരു മുറിയിൽ ബന്ദിയാക്കിയാണ് കവർച്ച നടത്തിയത്. സംഭവത്തിൽ ബാങ്ക് മാനേജർക്ക് പരിക്കേറ്റു. മോഷണത്തിനിടെ മാനേജരുടെ കാലിൽ മൂർച്ചയേറിയ ആയുധം കൊണ്ട് അടിക്കുകയായിരുന്നു. തടർന്ന് പണവും സ്വർണവുമായി പ്രതികൾ ഓടി രക്ഷപ്പെട്ടു. പരിക്കേറ്റ മാനേജരെ പിന്നീട് ആശുപത്രിയിൽ പ്രവേശിപ്പിച്ചു. സംഭവത്തിൽ പോലീസ് അന്വേഷണം ആരംഭിച്ചു.
Read More