അണക്കെട്ടുകളില് ജലനിരപ്പ് വന്തോതില് കുറഞ്ഞതോടെ സംസ്ഥാന വൈദ്യുതി വകുപ്പ് വന് പ്രതിസന്ധിയിലാണ്. പുറമെ നിന്ന് അമിത വില നല്കി വൈദ്യുതി വാങ്ങുകയാണ് ഒരു പോംവഴി. ഈ അവസരത്തില് കടുത്ത പ്രതിസന്ധി മറി കടക്കുന്നതിന് വൈദ്യുതി സെസ് കൂട്ടാനൊരുങ്ങി കെ.എസ്.ഇ.ബി. വൈദ്യുതി മന്ത്രി കെ.കൃഷ്ണന്കുട്ടി നാളെ വിളിച്ചു കൂട്ടുന്ന ഉന്നതതല യോഗത്തില് ഇതുസംബന്ധിച്ച് തീരുമാനമുണ്ടായേക്കും. വൈദ്യുതി നിരക്ക് വര്ദ്ധിപ്പിക്കാനുളള സമയപരിധി മൂന്ന് മാസങ്ങള്ക്ക് മുമ്പ് കഴിഞ്ഞെങ്കിലും ,ഹൈക്കോടതി തടഞ്ഞതിനാല് പുതിയ നിരക്ക് പ്രഖ്യാപിക്കാനായിട്ടില്ല. പുറമെ നിന്ന് വൈദ്യുതി വാങ്ങുന്നതിന്റെ നഷ്ടം നികത്താന് അതത് മാസം സെസ് പിരിക്കാന് കെ.എസ്.ഇ.ബിക്ക് അനുമതിയുണ്ടെങ്കിലും അത് യൂണിറ്റിന് 10 പൈസയായി റെഗുലേറ്ററി കമ്മിഷന് കുറച്ചിട്ടുണ്ട്. വൈദ്യുതി വാങ്ങാന് കോടികള് ചെലവായാലും സെസ് അധികം പിരിക്കാനാകാത്ത സ്ഥിതി. അതേ സമയം ,കേന്ദ്ര നിയമമനുസരിച്ച് പരിധിയില്ലാതെ സെസ് ഏര്പ്പെടുത്താനുമാകും. നഷ്ടം നികത്തുന്നതിന് നിയമപരമായി എന്ത് ചെയ്യാനാകുമെന്ന്…
Read MoreCategory: Loud Speaker
വിദ്യാര്ഥിയുടെ മരണത്തിനു പിന്നില് മാര്ക്സിസ്റ്റുകാര് ! ഇടതുപക്ഷം വിദ്യാലയങ്ങളില് ഭീകരാന്തരീക്ഷം സൃഷ്ടിക്കുന്നുവെന്ന് മമത
ജാദവ്പുര് സര്വകലാശാലയില് റാഗിംഗിനെത്തുടര്ന്ന് വിദ്യാര്ഥി മരിച്ച സംഭവത്തില് ഇടതുപക്ഷത്തെ രൂക്ഷമായി കുറ്റപ്പെടുത്തി പശ്ചിമബംഗാള് മുഖ്യമന്ത്രി മമതാബാനര്ജി. വിദ്യാര്ഥിയുടെ മരണത്തിനുത്തരവാദി മാര്ക്സിസ്റ്റുകളാണെന്നും അവര് വിദ്യാഭ്യാസ സ്ഥാപനങ്ങളില് ഭീകരാന്തരീക്ഷം സൃഷ്ടിക്കുകയാണെന്നും മമത ആരോപിച്ചു. ബി.ജെ.പിയും കോണ്ഗ്രസുമായി അവിശുദ്ധ കൂട്ടുകെട്ടിലാണിവര് എന്നും മമത അഭിപ്രായപ്പെട്ടു. മാര്ക്സിസ്റ്റുകളാണ് ഇതിനു പിന്നില്. ബി.ജെ.പിയും കോണ്ഗ്രസുമായി അവിശുദ്ധ കൂട്ടുകെട്ട് വെച്ചു പുലര്ത്തുന്ന അവരുടെ പ്രധാനശത്രു തൃണമൂലാണ്. ലജ്ജയുടെ ഒരു കണിക പോലും അവരില് അവശേഷിക്കുന്നില്ല. ജാദവ്പുര് സര്വകലാശാല അവര് ‘ചെങ്കോട്ടയാക്കി’ മാറ്റി. അതുകൊണ്ടാണ് കൊല്ലപ്പെട്ട വിദ്യാര്ഥിയ്ക്ക് അവന്റെ ശരീരത്തിലുണ്ടായിരുന്ന ഏലസ്സ് അഴിച്ചു മാറ്റേണ്ടി വന്നതെന്നും മമത പറഞ്ഞു. അവരുടെ കുത്തകാവകാശമായാണ് അവര് സര്വകലാശാലയെ കാണുന്നത്. ക്യാമ്പസില് പോലീസിനെ പ്രവേശിപ്പിക്കാനോ സിസിടിവി സ്ഥാപിക്കാനോ അവര് അനുവദിക്കില്ല. ജാദവ്പുര് പോലെ ഏറെ കീര്ത്തികേട്ട ഒരു സര്വകലാശാലയില് ഭീകരാന്തരീക്ഷം സൃഷ്ടിക്കുകയാണവര്. ഗ്രാമങ്ങളില് നിന്ന് വരുന്ന സാധാരണക്കാരായ വിദ്യാര്ഥികളെ പീഡിപ്പിക്കുന്നത് തങ്ങളുടെ…
Read Moreകാഴ്ചയില്ലാത്തതിന്റെ ബുദ്ധിമുട്ട് അനുഭവിച്ചവര്ക്കേ മനസ്സിലാവൂ ! അധ്യാപകന്റെ പരാതിയില് ആറുപേര്ക്ക് സസ്പെന്ഷന്
എറണാകുളം മഹാരാജാസ് കോളേജില് കാഴ്ച പരിമിതിയുള്ള അധ്യാപകനെ വിദ്യാര്ഥികള് ക്ലാസില് അവഹേളിക്കുന്നതിന്റെ വീഡിയോ പുറത്ത് വന്നതിന് പിന്നാലെ ആറ് പേര്ക്ക് സസ്പെന്ഷന്. കെ.എസ്.യു യൂണിറ്റ് വൈസ്.പ്രസിഡന്റ് മുഹമ്മദ് ഫാസില് അടക്കമുള്ളവര്ക്കെതിരെയാണ് നടപടി. ഫാസിലിനെ കൂടാതെ നന്ദന സാഗര്, രാഗേഷ്, പ്രിയദ, ആദിത്യ, ഫാത്തിമ നഫ്ലം എന്നീ വിദ്യാര്ഥികളെയാണ് സസ്പെന്ഡ് ചെയ്തിരിക്കുന്നത്. അപമാനിക്കപ്പെട്ട അധ്യാപകന്, പൊളിറ്റിക്കല് സയന്സ് വിഭാഗം എച്ച്ഒഡി എന്നിവര് നല്കിയ പരാതിയുടെ അടിസ്ഥാനത്തിലാണ് നടപടിയുണ്ടായിരിക്കുന്നത്. സംഭവം അന്വേഷിക്കാന് പ്രത്യേക സമിതിയേയും കോളേജ് അധികൃതര് നിയോഗിച്ചിട്ടുണ്ട്. മഹാരാജാസ് കോളേജില് തന്നെ പഠിച്ച് അധ്യാപകനായ ഡോ.പ്രിയേഷിനാണ് അപമാനം നേരിട്ടത്. സംഭവത്തെക്കുറിച്ച് പ്രിയേഷ് പറയുന്നതിങ്ങനെ… സംഭവം നിര്ഭാഗ്യകരമാണ്. കുട്ടികളുടെ ഭാഗത്ത് നിന്ന് അങ്ങനെ പ്രതീക്ഷിച്ചിരുന്നില്ല. അവര് ഷൂട്ട് ചെയ്യുന്നതും സാമൂഹിക മാധ്യമങ്ങളിലും പ്രചരിച്ചതും ഞാന് അറിഞ്ഞിരുന്നില്ല. അധ്യാപകന് എന്ന നിലയ്ക്ക് എനിക്ക് കൂടി സാമൂഹിക ഉത്തരവാദിത്തമുണ്ട്. അതിലുള്പ്പെട്ട കുട്ടികളെ തെറ്റ്…
Read Moreവഴിയിൽ തടഞ്ഞു നിർത്തി പതിമൂന്നുകാരിയെ കയറിപിടിച്ചു; അമ്പത്തെട്ടുകാരനായ വാവാച്ചനെ അകത്താക്കി പോലീസ്
അടിമാലി: പതിമൂന്നുകാരിയെ അപമാനിച്ച കേസിൽ അന്പത്തെട്ടു കാരൻ അറസ്റ്റിൽ. കല്ലാർ എട്ടേക്കർ ചുണ്ടേക്കാടൽ വാവച്ചനെയാണ് അടിമാലി പോലീസ് അറസ്റ്റ് ചെയ്തത്. സൂളിൽ നടന്ന കൗണ്സ ലിംഗിലാണ് വിവരം പുറത്തറിഞ്ഞത്. അധ്യാപകർ ഇക്കാര്യം ചൈൽഡ് ലൈൻ പ്രവർത്തകരെ അറിയിച്ചു. ചൈൽഡ് ലൈൻ നൽകിയ റിപ്പോർട്ടിന്റെ അടിസ്ഥാനത്തിലാണ് കേസ് രജിസ്റ്റർ ചെയ്തത്. പെണ്കുട്ടിയിൽ നിന്നു മജിസ്ട്രേട്ട് രഹസ്യമൊഴി രേഖപ്പെടുത്തി. വഴിയിൽ തടഞ്ഞു നിർത്തി കയറിപ്പിടിച്ചു എന്നാണ് മൊഴി. പോക്സോ ആക്ട് പ്രകാരം അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Read Moreസി-വിജില് തയ്യാര്; ഉപതെരഞ്ഞെടുപ്പുമായി ബന്ധപ്പെട്ട പെരുമാറ്റച്ചട്ട ലംഘനം നിങ്ങൾക്ക് അയച്ചു നൽകാം; തോക്കുകള് ഹാജരാക്കണം
കോട്ടയം: പുതുപ്പള്ളി നിയമസഭാ ഉപതെരഞ്ഞെടുപ്പിന്റെ സാഹചര്യത്തില് ജില്ലയിലെ എല്ലാ ആയുധ ലൈസന്സ് ഉടമകളും സ്വന്തം പേരിലുള്ള തോക്കുകള് സമീപ പോലീസ് സ്റ്റേഷനുകളിലോ അംഗീകൃത ആര്മറിയിലോ ഡെപ്പോസിറ്റ് ചെയ്ത് രസീത് പകര്പ്പ് പോലീസ് സ്റ്റേഷനില് നിര്ബന്ധമായും ഹാജരാക്കണമെന്ന് ജില്ലാ കളക്ടര് അറിയിച്ചു. മറ്റ് പ്രത്യേക ഇളവ് ആവശ്യമുള്ളവര് ജില്ലാ കളക്ടര്ക്കോ പോലീസ് ചീഫിനോ അപേക്ഷ നല്കി അവ ഒഴിവാക്കിയ രേഖ ലഭിക്കുന്നതുവരെ തോക്കുകള് ഡെപ്പോസിറ്റ് ചെയ്യണം. സി-വിജില് തയ്യാര്; ഉപതെരഞ്ഞെടുപ്പുമായി ബന്ധപ്പെട്ട പെരുമാറ്റച്ചട്ട ലംഘനം നിങ്ങൾക്ക് അയച്ചു നൽകാം കോട്ടയം: പുതുപ്പള്ളി നിയമസഭാ ഉപതെരഞ്ഞെടുപ്പുമായി ബന്ധപ്പെട്ട പെരുമാറ്റച്ചട്ട ലംഘനം ശ്രദ്ധയില് പെട്ടാല് അതിവേഗം അധികാരികളുടെ ശ്രദ്ധയില് പെടുത്താന് സഹായകമായ സി-വിജില് മൊബൈല് ആപ്ലിക്കേഷന് പ്രവര്ത്തനസജ്ജമായി. സി വിജില് സജ്ജമായ ഉടന് ലഭിച്ച പരാതിയില് പാമ്പാടിയില് അനുവാദമില്ലാതെ പോസ്റ്റര് പതിച്ചത് സംബന്ധിച്ച വിഷയത്തില് നടപടിയെടുത്തു. പെരുമാറ്റച്ചട്ട ലംഘനത്തിന്റെ പരിധിയില് വരുന്ന…
Read Moreപുതുപ്പള്ളി ഉപതെരഞ്ഞെടുപ്പ്; കുടുംബയോഗങ്ങളും പൊതുയോഗങ്ങളുമായി തെരഞ്ഞെടുപ്പു രംഗം പ്രചാരണച്ചൂടിലേക്ക്
പുതുപ്പള്ളി: തെരഞ്ഞെടുപ്പ് കണ്വന്ഷന്റെ ആവേശത്തോടെ യുഡിഎഫും തെരഞ്ഞെടുപ്പ് പ്രവര്ത്തനങ്ങള് ഏകോപിപ്പിക്കാന് കേന്ദ്ര ഇലക്ഷന് കമ്മിറ്റി ഓഫീസ് തുറന്ന് എല്ഡിഎഫും സ്ഥാനാര്ഥി പ്രഖ്യാപനത്തിന്റെ ആവേശത്തില് ബിജെപിയും കളംനിറഞ്ഞതോടെ പുതുപ്പള്ളിയില് തെരഞ്ഞെടുപ്പിന്റെ മേളപ്പെരുക്കമായി. നാളെമുതല് സ്ഥാനാര്ഥികള് പത്രിക സമര്പ്പിച്ചുതുടങ്ങും. എല്ഡിഎഫ് സ്ഥാനാര്ഥിയുടെ കണ്വന്ഷന് 16നും ബിജെപിയുടേതു 18നും നടക്കും. തുടര്ന്ന് താഴേത്തട്ടിലേക്ക് കണ്വന്ഷനും കുടുംബയോഗങ്ങളും പൊതുയോഗങ്ങളുമായി തെരഞ്ഞെടുപ്പു രംഗം പ്രചാരണച്ചൂടിലേക്ക് കടക്കും. കേരളം വിറ്റാലും ഓണം ആഘോഷിക്കാനാവാത്ത അവസ്ഥ: കെ.സി. വേണുഗോപാല്പാമ്പാടി: ഉമ്മന്ചാണ്ടി മരിച്ചപ്പോള് കൂടുതല് കരുത്തനായതിനെ സിപിഎം ഭയക്കുകയാണെന്നും അത് ഇരട്ടച്ചങ്കിന്റെ കരുത്തല്ലെന്നും സ്നേഹത്തിന്റെ കരുത്താണെന്നും എഐസിസി ജനറല് സെക്രട്ടറി കെ.സി. വേണുഗോപാല്. യുഡിഎഫ് പുതുപ്പള്ളി നിയോജക മണ്ഡലം തെരഞ്ഞെടുപ്പ് കണ്വന്ഷന് ഉദ്ഘാടനം ചെയ്യുകയായിരുന്നു അദ്ദേഹം. സിപിഎമ്മിനു രാഷ്ട്രീയം ചര്ച്ച ചെയ്യാന് പറ്റാത്ത അവസ്ഥയാണെന്നും കേരളം വിറ്റാല് പോലും ഓണം ആഘോഷിക്കാന് പറ്റാത്ത അവസ്ഥയിലാണു സംസ്ഥാന ഭരണമെന്നും വേണുഗോപാല്…
Read Moreലഹരിക്കടത്ത്; പിടിച്ചെടുത്ത വാഹനങ്ങളുടെ വില ആര് നിശ്ചയിക്കും ? സംസ്ഥാനത്ത് കെട്ടിക്കിടക്കുന്നത് 7,635 വാഹനങ്ങള്
സീമ മോഹന്ലാല്കൊച്ചി: സംസ്ഥാനത്ത് ലഹരിക്കടത്തിന് പിടിച്ചെടുത്ത വാഹനങ്ങള്ക്ക് വില നിശ്ചയിക്കാനായി എക്സൈസ് വകുപ്പില് മെക്കാനിക്കല് എന്ജിനീയറില്ല. ഇതുമൂലം കെട്ടിക്കിടക്കുന്നത് 7,635 വാഹനങ്ങളാണ്. ഇക്കഴിഞ്ഞ ജൂലൈ അവസാനം വരെയുള്ള കണക്കനുസരിച്ച് അബ്കാരി കേസുകളില് പിടിച്ചെടുത്ത 4268 വാഹനങ്ങളും എന്ഡിപിഎസ് കേസുകളില് പിടിച്ചെടുത്ത 3367 വാഹനങ്ങളും ഇതില് ഉള്പ്പെടും. ഇതില് ആഡംബര കാറുകളും ബൈക്കുകളും ഉണ്ട്. ഇവയെല്ലാം റോഡരികില് കിടന്ന് നശിക്കുന്ന അവസ്ഥയാണുള്ളത്. ലേല ഇനത്തില് സര്ക്കാരിന് ലഭിക്കേണ്ട കോടികളുടെ നഷ്ടവും ഇതുമൂലം ഉണ്ടാകുന്നു. ലഹരിക്കടത്തിന് പിടിച്ചെടുത്ത വാഹനങ്ങളില് ലഹരിവസ്തുവിന്റെയും വാഹനത്തിന്റെയും പ്രത്യേക ലിസ്റ്റ് തയാറാക്കിയാണ് മജിസ്ട്രേറ്റിനു മുന്നില് ഹാജരാക്കുന്നത്. തൊണ്ടി മുതലിന്റെ സാമ്പിള് എടുക്കണം. വാഹനം പരിശോധിച്ച് തയാറാക്കിയ ലിസ്റ്റില് എന്ജിന് നമ്പര്, വെഹിക്കിള് നമ്പര്, രജിസ്ട്രേഷന് നമ്പര് എന്നിവ യഥാര്ഥം ആണെങ്കില് മാത്രമമേ മജിസ്ട്രേറ്റ് സര്ട്ടിഫൈ ചെയ്യുകയുള്ളൂ. തുടര്ന്ന് വാഹനം ഡിസ്പോസല് കമ്മിറ്റിക്ക് കൈമാറും. തൊണ്ടിമുതല് സാമ്പിളെടുത്ത്…
Read Moreഒന്നു കൊണ്ടും പേടിക്കേണ്ട…മാസങ്ങള്ക്കുള്ളില് രാജ്യത്ത് ഭരണം മാറും ! നീറ്റ് പരീക്ഷ റദ്ദാക്കുമെന്ന് ജനങ്ങള്ക്ക് സ്റ്റാലിന്റെ ഉറപ്പ്
രാജ്യത്ത് മാസങ്ങള്ക്കുള്ളില് ഭരണമാറ്റമുണ്ടാകുമെന്നും നീറ്റ് വിരുദ്ധ ബില് പ്രാബല്യത്തില് വരുമെന്നും തമിഴ്നാട് മുഖ്യമന്ത്രി എം കെ സ്റ്റാലിന്. നീറ്റു പരീക്ഷയെഴുതുന്ന വിദ്യാര്ഥികള് ആത്മഹത്യയെക്കുറിച്ച് ചിന്തിക്കരുതെന്നും സ്റ്റാലിന് അഭ്യര്ഥിച്ചു. ഭരണ മാറ്റം സംഭവിക്കുമ്പോള് ഒപ്പിടില്ല എന്ന് പറയുന്നവരെല്ലാം അപ്രത്യക്ഷമാകുമെന്നും മുഖ്യമന്ത്രി വ്യക്തമാക്കി. സംസ്ഥാനത്തിന്റെ നീറ്റ് വിരുദ്ധ ബില്ലിനെതിരായ ഗവര്ണര് ആര് എന് രവിയുടെ പരാമര്ശത്തിനെതിരേ പ്രതികരിക്കുകയായിരുന്നു സ്റ്റാലിന്. നീറ്റ് പരീക്ഷയില് രണ്ടാം തവണയും തോറ്റതില് മനംനൊന്ത് പത്തൊന്പതുകാരനായ ജഗദീശ്വരന് ജീവനൊടുക്കിയിരുന്നു. മകന്റെ മരണത്തില് മനംനൊന്ത് പിതാവും കഴിഞ്ഞ ദിവസം ആത്മഹത്യ ചെയ്തു. ഇതിനുപിന്നാലെയാണ് മുഖ്യമന്ത്രിയുടെ പ്രതികരണം. സ്റ്റാലിന്റെ പ്രതികരണം ഇങ്ങനെ…ജഗദീശ്വരന്റെയും പിതാവ് സെല്വശേഖറിന്റെയും വിയോഗത്തില് അഗാധമായ ദു:ഖം രേഖപ്പെടുത്തുന്നു. ഇവരുടെ കുടുംബാംഗങ്ങളെയും സുഹൃത്തുക്കളെയും എങ്ങനെ ആശ്വസിപ്പിക്കണം എന്നറിയില്ല. നന്നായി പഠിക്കുന്ന മകന് ഡോക്ടറായി കാണാന് അവന്റെ മാതാപിതാക്കള് ആഗ്രഹിച്ചു. എന്നാല് ഭാഗ്യമുണ്ടായില്ല. ഭയാനകമായ സംഭവമാണിത്. നീറ്റ് പരീക്ഷയെ ചൊല്ലിയുള്ള…
Read Moreപുതുപ്പളളിയിൽ “സമദൂരം”; ഗണപതി വിവാദം മയപ്പെടുത്തി ജി. സുകുമാരൻ നായർ
കോട്ടയം: പുതുപ്പള്ളി ഉപതെരഞ്ഞെടുപ്പില് സമദൂര സിദ്ധാന്തം തുടരുമെന്ന് എന്എസ്എസ് ജനറല് സെക്രട്ടറി ജി. സുകുമാരന് നായര്. എന്എസ്എസിന്റെ പരമ്പരാഗത നിലപാടില് തത്കാലം മാറ്റം വേണ്ടെന്നാണു തീരുമാനമെന്നും സുകുമാരന് നായര് പറഞ്ഞു. സ്പീക്കര് എ.എന്. ഷംസീറിന്റെ ഗണപതി പരാമര്ശത്തില് തത്കാലം പ്രതികരിക്കാനില്ലെന്നും സുകുമാരന് നായര് പറഞ്ഞു. ഗണപതി വിഷയത്തില് നാമജപഘോഷയാത്രയുമായി സര്ക്കാരിനും സിപിഎമ്മിനുമെതിരേ ശക്തമായ പ്രതിഷേധവുമായി രംഗത്തുവന്ന എന്എസ്എസും ജി. സുകുമാരന് നായരും ഈ വിഷയത്തില് നിലപാടു മയപ്പെടുത്തിയിരിക്കുകയാണ്. എന്എസ്എസിന്റെ പ്രതികരണം ഇടതുമുന്നണിയെ സംബന്ധിച്ച് ആശ്വാസമായിരിക്കുകയാണ്.ഇന്നലെ സിപിഎം സംസ്ഥാന സെക്രട്ടേറിയേറ്റംഗം മന്ത്രി വി.എന്. വാസവനോടൊപ്പം എന്എസ്എസ് ആസ്ഥാനത്ത് എത്തിയ ജയ്ക് സി. തോമസ് ജി. സുകുമാരന് നായരുമായി കൂടിക്കാഴ്ച നടത്തിയിരുന്നു. ഇതിനു പിന്നാലെയാണ് എന്എസ്എസിന്റെ സുപ്രധാനമായ നിലപാടു പുറത്തുവന്നിരിക്കുന്നത്.യുഡിഎഫ് സ്ഥാനാര്ഥി ചാണ്ടി ഉമ്മന് സ്ഥാനാര്ഥി പ്രഖ്യാപനത്തിനു പിറ്റേന്നു തന്നെ എന്എസ്എസ് ആസ്ഥാനത്ത് എത്തിയിരുന്നു.
Read Moreബാത്ത് റൂം ടൈലിന്റെ നിറം ദിവസങ്ങള്ക്കകം മങ്ങി ! 60,000 രൂപ നഷ്ടപരിഹാരം നല്കാന് ഉത്തരവിട്ട് ജില്ലാ ഉപഭോക്തൃഫോറം
നിലവാരമില്ലാത്ത ടൈല് നല്കി ഉപഭോക്താവിന് നഷ്ടം വരുത്തി വച്ച ഡീലറും നിര്മാണ കമ്പനിയും നഷ്ടപരിഹാരം നല്കണമന്ന് എറണാകുളം ജില്ലാ ഉപഭോക്തൃഫോറം വിധി. ദിവസങ്ങള്ക്കകം നിറം മങ്ങിയ ബാത്ത് റൂം ടൈല് മാറ്റി സ്ഥാപിക്കുന്നതിന് 60,000 രൂപ നഷ്ടപരിഹാരം നല്കാനാണ് വിധി. നിലവാരമില്ലാത്ത ടൈലുകളാണ് പരാതിക്കാരനായ ജോര്ജ് ജോസഫിനു ലഭിച്ചതെന്ന് അഡ്വ. ഡി ബി ബിനുവിന്റെ നേതൃത്വത്തിലുള്ള ഫോറം വിധിന്യായത്തില് പറഞ്ഞു. ഇതു ചൂണ്ടിക്കാട്ടിയപ്പോള് പരാതി പരിഹരിച്ചു നല്കുന്നതിലും വീഴ്ച വരുത്തിയതായി ഫോറം കണ്ടെത്തി. ബാത്ത് റൂം വോള് ടൈലും ഫ്ളോര് ടൈലുമാണ് പരാതിക്കാരന് വാങ്ങിയത്. വാങ്ങുന്ന സമയത്ത് ഇതിന്റെ ഗുണനിലവാരത്തെക്കുറിച്ച് ഡീലറോട് ആരാഞ്ഞിരുന്നു. മികച്ച ഗുണനിലവാരമുള്ളതാണെന്നും അല്ലാത്തപക്ഷം മാറ്റിനല്കുമെന്നും ഡീലര് ഉറപ്പു പറഞ്ഞതായി ജോര്ജ് ജോസഫ് അറിയിച്ചു. എന്നാല് പുതിയ ടൈല് പാകി ദിവസങ്ങള്ക്കകം തന്നെ നിറം മങ്ങുകയായിരുന്നു. ഇക്കാര്യം ഡീലറെ അറിയിച്ചപ്പോള് ഫോട്ടോ എടുത്തു നല്കാന്…
Read More