കൊച്ചി: പുരാവസ്തു തട്ടിപ്പുകേസില് അറസ്റ്റിലായ മോന്സണ് മാവുങ്കലുമായി തനിക്ക് തൊഴില്പരമായ ബന്ധം മാത്രമേ ഉള്ളുവെന്ന് നടി ശ്രുതി ലക്ഷ്മി എന്ഫോഴ്സ്മെന്റ് ഡയറക്ടറേറ്റിനു മൊഴി നല്കിയതായി സൂചന. മോന്സനുമായി അടുത്ത ബന്ധമുണ്ടെന്ന് കണ്ടെത്തിയ ശ്രുതിലക്ഷ്മിയെ എന്ഫോഴ്സ്മെന്റ് ഡയറക്ടറേറ്റ് ഇന്നലെ ചോദ്യം ചെയ്തിരുന്നു. മോന്സന് സംഘടിപ്പിച്ച ചടങ്ങുകളില് പങ്കെടുത്തതിന് നടിക്കു ലഭിച്ച പ്രതിഫലം സംബന്ധിച്ചായിരുന്നു ചോദ്യം ചെയ്യല്.മോന്സന്റെ കലൂരിലെ വീട്ടില് നടത്തിയ പിറന്നാള് ആഘോഷത്തില് പങ്കെടുത്ത നടി നൃത്തം അവതരിപ്പിച്ചിരുന്നു. ഇതിന്റെ വീഡിയോ ദൃശ്യങ്ങള് പുറത്തുവന്നിരുന്നു. മോന്സനുമായി നടത്തിയ പണമിടപാടുകള് സംബന്ധിച്ചാണ് ഇഡി ചോദിച്ചത്. മോന്സന്റെ ശിപാര്ശ പ്രകാരം മറ്റു ചില ചടങ്ങുകളിലും നടി പങ്കെടുത്തിട്ടുണ്ട്. മോന്സന്റെ അടുത്ത് മുടി കൊഴിച്ചിലിനു ചികിത്സയ്ക്കായി പോയിരുന്നതായി ശ്രുതി ല്ക്ഷ്മി വെളിപ്പെടുത്തിയിരുന്നു.
Read Moreതൊഴില്പരമായ ബന്ധം മാത്രം! മോന്സന്റെ അടുത്ത് മുടി കൊഴിച്ചിലിനു ചികിത്സയ്ക്കായി പോയി; ഇഡിക്ക് മുന്നിൽ ശ്രുതി ലക്ഷ്മി പറഞ്ഞതെന്തൊക്കെ?
