ഐഎസ്എലിൽ (ഇന്ത്യൻ പ്രീമിയർ ലീഗ്) പ്രായവിവാദം. ഞായറാഴ്ച നടന്ന ബംഗളൂരു എഫ്സി – ജംഷഡ്പുർ പോരാട്ടത്തിൽ സൂപ്പർ സബ് ആയി ഇറങ്ങി ഗോൾ നേടിയ ഗൗരവ് മുഖിയുടെ വയസ് പതിനാറാണെന്നും ഐഎസ്എലിൽ ഗോൾ നേടുന്ന ഏറ്റവും പ്രായം കുറഞ്ഞ താരമാണെന്നും വാഴ്ത്തലുകൾ ഉണ്ടായി. എന്നാൽ, ജാർഖണ്ഡ് സ്വദേശിയായ ഗൗരവിന് മധുരപ്പതിനാറല്ലെന്നാണ് പുറത്തുവരുന്ന വിവരങ്ങൾ. ഐഎസ്എലിൽ ഗോൾ നേടുന്ന ഏറ്റവും പ്രായം കുറഞ്ഞ താരമെന്ന റിക്കാർഡ് ഇതോടെ ഗൗരവിനു നഷ്ടമാകും. പ്രായത്തെക്കുറിച്ച് വ്യക്തമായ അറിവില്ലെന്നാണ് ഐഎസ്എൽ അധികൃതരുടെ പ്രതികരണം. ഗൗരവിന്റെ പ്രായത്തെക്കുറിച്ച് എഐഎഫ്എഫ് അന്വേഷണം പ്രഖ്യാപിച്ചിട്ടുണ്ട്. ബംഗളൂരു എഫ്സി നിഷു കുമാറിന്റെ 45-ാം മിനിറ്റിലെ ഗോളിൽ മുന്നിട്ടു നിൽക്കുന്പോഴാണ് 81-ാം മിനിറ്റിൽ ഗൗരവ് ജംഷഡ്പുരിനായി വലകുലുക്കിയത്. 71-ാം മിനിറ്റിൽ ജെറി മെവിഹ്മിംഗ്താംഗയ്ക്കു പകരമാണ് ഗൗരവിനെ പരിശീലകൻ കളത്തിലിറക്കിയത്. ഗൗരവിന്റെ ഗോളിനുശേഷവും ഇരു ടീമുകളും ഓരോ ഗോൾ വീതമടിച്ച് 2-2…
Read MoreCategory: Sports
ഇന്ത്യക്ക് ഇരട്ടസ്വർണം
ബുവേനോസ് ആരീസ്: യൂത്ത് ഒളിന്പിക്സിൽ ഇന്ത്യക്ക് ഇന്നലെ ഇരട്ട സ്വർണം. ആണ്കുട്ടികളുടെ 62 കിലോഗ്രാം വിഭാഗം ഭാരോദ്വഹനത്തിൽ ജെറെമി ലാൽറിന്നുൻഗയും പെൺകുട്ടികളുടെ 10 മീറ്റർ എയർ പിസ്റ്റളിൽ മനു ഭാകറുമാണ് ഇന്ത്യക്കായി സ്വർണം കരസ്ഥമാക്കിയത്. യൂത്ത് ഒളിന്പിക്സിൽ ഒരു ഇന്ത്യൻ പെൺകുട്ടിയുടെ ആദ്യ സ്വർണമാണ് 10 മീറ്റർ എയർ പിസ്റ്റളിലൂടെ മനു സ്വന്തമാക്കിയത്. ഗെയിംസ് ഉദ്ഘാടന ചടങ്ങിൽ ഇന്ത്യയുടെ പതാക വഹിച്ചതും മനു ഭാകറാണ്. 236.5 പോയിന്റുമായാണ് മനു ഒന്നാമത് എത്തിയത്. ഷൂട്ടിംഗ് ലോകകപ്പ്, കോമൺവെൽത്ത് ഗെയിംസ് എന്നിവയിലും പതിനാറുകാരിയായ മനു സ്വർണം കരസ്ഥമാക്കിയിരുന്നു. 2018ൽ മനു നേടുന്ന നാലാമത് സ്വർണമാണിത്. കോമണ് വെൽത്ത് ഗെയിംസ്, ജൂണിയർ ലോകകപ്പ്, ലോകകപ്പ് എന്നിവയിലാണ് മനു സ്വർണം കരസ്ഥമാക്കിയത്. ലോകകപ്പിൽ മിക്സഡ് ടീം ഇനത്തിൽ ജൂണിയർ സീനിയർ വിഭാഗത്തിലും മനുവിന് സ്വർണമുണ്ട്. പതിനഞ്ചുകാരനായ ജെറെമി ലോക യൂത്ത് ചാന്പ്യൻഷിപ്പിൽ വെള്ളി…
Read Moreഐഎസ്എലിൽ ഇനി ഇടവേള
ഇന്ത്യൻ സൂപ്പർ ലീഗ് (ഐഎസ്എൽ) ഫുട്ബോളിൽ ഇനി ചെറിയൊരു ഇടവേള. ഇന്നു മുതൽ 16വരെ പോരാട്ടങ്ങളില്ല. 17ന് ഡൽഹി ഡൈനാമോസ് – എടികെ മത്സരത്തോടെയാണ് വീണ്ടും ഐഎസ്എലിൽ പന്തുരുളുക. രാജ്യാന്തര മത്സരങ്ങൾ ഉള്ളതിനാലാണ് ഈ ഇടവേള. യൂറോപ്പിൽ യുവേഫ നേഷൻസ് ലീഗ് ഉൾപ്പെടെ ഈ ദിവസങ്ങളിൽ നടക്കും. ഇന്ത്യക്കും ഇക്കാലയളവിൽ സൗഹൃദ മത്സരമുണ്ട്. 13-ാം തീയതി ചൈനയ്ക്കെതിരേയാണ് ഇന്ത്യയുടെ സൗഹൃദ പോരാട്ടം. ചരിത്രത്തിലാദ്യമായാണ് ചൈനയിൽ ഇന്ത്യ സൗഹൃദ മത്സരത്തിനിറങ്ങുന്നത്. ഇന്ത്യൻ സമയം വൈകുന്നേരം അഞ്ചിനാണ് കിക്കോഫ്.
Read Moreറൊണാള്ഡോയ്ക്കു ഗോള്; യുവന്റസിനു ജയം
മിലാന്: ഇറ്റാലിയന് സീരീ എയില് യുവന്റസ് വിജയക്കുതിപ്പ് തുടരുന്നു. സീസണിലെ തുടര്ച്ചയായ എട്ടാം മത്സരവും ജയിച്ച് യുവന്റസ് ഒന്നാം സ്ഥാനത്തു തുടരുന്നു. ആദ്യ പകുതിയില് റോഡ്രിഗോ ബെന്റാന്കറും ക്രിസ്റ്റ്യാനോ റൊണാള്ഡോയും നേടിയ ഗോളില് യുവന്റസ് 2-0ന് ഉഡീനെസിനെ തോല്പ്പിച്ചു. വിവിധ ടൂര്ണമെന്റിലായി യുവന്റസിന്റെ തുടര്ച്ചയായ പത്താം ജയമാണ്. ഒരു സീസണിന്റെ തുടക്കത്തില് ആദ്യമായാണ് യുവന്റസ് തുടര്ച്ചയായ 10 മത്സരം ജയിക്കുന്നത്. ലീഗില് റൊണാള്ഡോയുടെ നാലാം ഗോളാണ്. മറ്റൊരു മത്സരത്തില് റോമ 2-0ന് എംപോളിയെ കീഴടക്കി.
Read Moreറോക്ക ഇന്ത്യൻ ഫുട്ബോൾ ടീം പരിശീലകനായേക്കും
മുംബൈ: ഏഷ്യകപ്പിനു ശേഷം ഇന്ത്യൻ ഫുട്ബോൾ ടീമിന്റെ പരിശീലകനായി ആൽബർട്ട് റോക്ക സ്ഥാനമേറ്റെടുത്തേക്കുമെന്ന് സൂചന. കഴിഞ്ഞ സീസണിൽ ബംഗളൂരു എഫ്സിയുടെ പരിശീലകനായിരുന്ന റോക്ക അതിനുശേഷം പരിശീലക സ്ഥാനമൊഴിഞ്ഞിരുന്നു. മുൻപ് ഫ്രാങ്ക് റൈക്കാഡിനു കീഴിൽ ബാഴ്സലോണയുടെ സഹപരിശീലകനായിരുന്ന റോക്ക തുർക്കിഷ് ക്ലബ് ഗലത്സരയുടെയും സഹപരിശീലകനായിരുന്നു. എൽ സാവദോർ പരിശീലകനായി ഒരു വർഷം സേവനമനുഷ്ഠിച്ചതിനു ശേഷമാണ് റോക്ക ബംഗളൂരുവിലെത്തിയത്. നിലവിലെ ഇന്ത്യൻ പരിശീലകനായ സ്റ്റീഫൻ കോണ്സ്റ്റൈന്റന് ഏഷ്യകപ്പ് അവസാനിക്കുന്നതു വരെയാണ് കരാറുള്ളത്. കരാർ പുതുക്കാൻ ഭീമമായ പ്രതിഫലം അദ്ദേഹം ആവശ്യപ്പെടുന്നതാണ് തൽസ്ഥാനത്ത് റോക്ക വരാനുള്ള സാധ്യത തെളിയുന്നത്. ഏഷ്യൻ കപ്പിൽ ഇന്ത്യയുടെ പ്രകടനത്തെ അടിസ്ഥാനമാക്കിയായിരിക്കും ഇക്കാര്യത്തിൽ അവസാന തീരുമാനമുണ്ടാവുക. ജനുവരി അഞ്ച് മുതൽ ഫെബ്രുവരി ഒന്ന് വരെ യുഎഇയിലാണ് 17-ാമത് എഎഫ്സി ഏഷ്യൻ കപ്പ് അരങ്ങേറുക. ഇന്ത്യൻ ടീമിന്റെ പരിശീലക സ്ഥാനത്തേക്ക് മുൻ നായകൻ ബൈചുങ്ങ് ബൂട്ടിയ അടക്കം നിർദേശിച്ചിട്ടുള്ള…
Read Moreആറാം യുവരാജാവ്!
ധാക്ക: ഏഷ്യയിൽ ഇന്ത്യയെ വെല്ലാൻ ആളില്ലെന്ന് തെളിയിച്ച് അണ്ടർ 19 ഏഷ്യ കപ്പ് ക്രിക്കറ്റ് കിരീടം കൗമാരനിര സ്വന്തമാക്കി. ആറാം തവണയാണ് ഇന്ത്യ അണ്ടർ 19 ഏഷ്യ കപ്പ് കിരീടം നേടുന്നത്. രോഹിത് ശർമയുടെ നേതൃത്വത്തിലുള്ള ഇന്ത്യൻ സീനിയർ ടീം ഏഷ്യൻ കിരീടം നേടിയതിനു പിന്നാലെയാണ് കൗമാര താരങ്ങളും കിരീടത്തിൽ മുത്തമിട്ടത്. ഇതോടെ തുടർച്ചയായ രണ്ട് ഏഷ്യൻ കിരീടങ്ങൾ ഇന്ത്യ ഈ വർഷം കരസ്ഥമാക്കി. ചേട്ടന്മാർക്കു പിന്നാലെ അനിയന്മാരും ഏഷ്യയുടെ രാജാക്കന്മാരുമായി. അണ്ടർ 19 ഫൈനലിൽ ശ്രീലങ്കയെ 144 റണ്സിനു തകർത്തെറിഞ്ഞാണ് ഇന്ത്യൻ കൗമാര താരങ്ങൾ കിരീടം ചുണ്ടോടടുപ്പിച്ചത്. സ്കോർ: ഇന്ത്യ 50 ഓവറിൽ മൂന്ന് വിക്കറ്റ് നഷ്ടത്തിൽ 304. ശ്രീലങ്ക 38.4 ഓവറിൽ 160. തോൽവി അറിയാതെയാണ് ഇന്ത്യൻ സംഘം ചാന്പ്യന്മാരായതെന്നതും ശ്രദ്ധേയം. ഗ്രൂപ്പ് എയിൽ മൂന്ന് ജയവുമായി ഒന്നാമതെത്തി സെമിയിൽ ഇടം നേടി. സെമിയിൽ…
Read Moreകോഹ്ലി സച്ചിന്റെ റിക്കാർഡ് മറികടന്നു; ബ്രാഡ്മാൻതന്നെ മുന്നിൽ
വെസ്റ്റ് ഇൻഡീസിനെതിരേയുള്ള ആദ്യ ടെസ്റ്റ് മത്സരത്തിൽ ക്യാപ്റ്റൻ വിരാട് കോഹ്ലിക്കും സെഞ്ചുറി. 24-ാമത്തെ സെഞ്ചുറിയാണ് ഇന്ത്യൻ നായകൻ ഇന്നലെ സ്വന്തം പേരിൽ കുറിച്ചത്. ഈ സെഞ്ചുറി നേട്ടത്തോടെ മാസ്റ്റർ ബ്ലാസ്റ്ററുടെ പേരിലുണ്ടായിരുന്ന ഒരു റിക്കാർഡ് പഴങ്കഥയാവുകയും ചെയ്തു. ഏറ്റവും കുറച്ച് ഇന്നിംഗ്സുകളിൽനിന്ന് 24 സെഞ്ചുറി സ്വന്തമാക്കുന്ന രണ്ടാമത്തെ താരമെന്ന റിക്കാർഡാണ് സച്ചിനിൽ നിന്നു കോഹ്ലി സ്വന്തമാക്കിയത്. അപ്പോഴും തകർക്കപ്പെടാത്ത ഒരു റിക്കാർഡുണ്ട്. അത് ഡോൺ ബ്രാഡ്മാന്റെ പേരിൽത്തന്നെ. 66 ഇന്നിംഗ്സുകളിൽനിന്നാണ് ബ്രാഡ്മാൻ ഈ റിക്കാർഡ് നേടിയത്. കോഹ്ലിക്ക് 123 ഇന്നിംഗ്സുകളും സച്ചിന് 125 റിക്കാർഡുകളും വേണ്ടിവന്നു. സുനിൽ ഗാവസ്കർ (128) മാത്യു ഹെയ്ഡൻ (132) എന്നിവരാണ് നാലും അഞ്ചും സ്ഥാനങ്ങളിൽ. ഈ കലണ്ടർ വർഷത്തിൽ ടെസ്റ്റിൽ 1000 റൺസ് പിന്നിടുന്ന ആദ്യതാരവും കോഹ്ലിയാണ്. ക്യാപ്റ്റനെന്ന നിലയിൽ ഏറ്റവും കൂടുതൽ സെഞ്ചുറി നേടിയ താരവും മറ്റാരുമല്ല.
Read Moreലോകകപ്പിൽ ഇംഗ്ലണ്ടിനെ സെമിയിലെത്തിച്ച സൗത്ത്ഗേറ്റിന്റെ കരാർ ഇംഗ്ലണ്ട് നീട്ടി
ലണ്ടൻ: റഷ്യ ഫിഫ ലോകകപ്പിൽ ഇംഗ്ലണ്ടിനെ സെമിയിലെത്തിച്ച പരിശീലകൻ ഗാരത് സൗത്ത്ഗേറ്റിന് വൻ നേട്ടം. 2022 ൽ ഖത്തർ ലോകകപ്പുവരെ പരിശീലക സ്ഥാനത്ത് സൗത്ത്ഗേറ്റിന്റെ കരാർ ഇംഗ്ലണ്ട് ദീർഘിപ്പിച്ചു. 39 ലക്ഷം യൂറോയാണ് പുതിയ കരാർ പ്രകാരം സൗത്ത്ഗേറ്റിന്റെ പ്രതിഫലം. വലിയ സന്തോഷംമുണ്ടെന്നാണ് കരാർ പുതുക്കിയതിനെക്കുറിച്ച് സൗത്ത്ഗേറ്റ് പ്രതികരിച്ചത്. രാജ്യത്തെ സേവിക്കുകയെന്നുപറയുന്നത് ഏതൊരു പൗരനെ സംബന്ധിച്ചും വലിയ സന്തോഷമുള്ള കാര്യമാണ്. യൂറോ കപ്പിലും ലോകകപ്പിലും ഇംഗ്ലണ്ടിനെ പരിശീലിപ്പിക്കാൻ അവസരം ലഭിച്ചത് ഫുട്ബോൾ ജീവിതത്തിലെ വിയ നേട്ടമാണ് – സൗത്ത്ഗേറ്റ് പറഞ്ഞു. 28 വർഷത്തിനു ശേഷമാണ് ഇംഗ്ലണ്ട് ലോകകപ്പ് സെമിയിൽ കളിക്കുന്നത്. അതിൽ സൗത്ത്ഗേറ്റിന്റെ തന്ത്രങ്ങൾ വിലയ പങ്കുവഹിച്ചു. സെമിയിൽ 2-1ന് ക്രൊയേഷ്യയോട് തോറ്റു. സൗത്ത്ഗേറ്റിന്റെ സഹപരിശീലകൻ സ്റ്റീവ് ഹോളണ്ടിന്റെ കരാറും ഇംഗ്ലണ്ട് നീട്ടിയിട്ടുണ്ട്.
Read Moreചൈന ഓപ്പണ്: സ്വരേവ് പുറത്ത്; ഡെല് പൊട്രോ സെമിയില്
ബെയ്ജിംഗ്: ലോക അഞ്ചാം നമ്പര് അലക്സണ്ടര് സ്വരേവ് ബെയ്ജിംഗ് ഓപ്പണ് ടെന്നീസിന്റെ പ്രീക്വാര്ട്ടില് പുറത്ത്. ലോക 61-ാം റാങ്ക് മലെക് ജാസിരിയാണ് സ്വരേവിനെ തകര്ത്തത്. മൂന്നു സെറ്റ് നീണ്ട പോരാട്ടത്തില് 7-6(7-4), 2-6, 6-4നായിരുന്നു ടുണീഷ്യന് താരത്തിന്റെ ജയം. ഈ തോല്വിയില് തകര്ന്നുപോയ സ്വരേവ് റാക്കറ്റ് നിലത്തെറിഞ്ഞ് ഒടിച്ചു. റാക്കറ്റെറിഞ്ഞ് ഒടിച്ചതുകൂടാതെ കോര്ട്ടിന്റെ വശത്തുണ്ടായിരുന്ന കസേര വലിച്ചെറിയുകയും ചെയ്തു. സ്വരേവ് ഭാവിയില് ടെന്നീസിലെ സൂപ്പര്താരമാകുമെന്ന കരുതലിനിടെയാണ് ഇത്തരം മോശം പ്രവൃത്തികള് ഉണ്ടായത്. യുവാന് മാര്ട്ടിന് ഡെല് പൊട്രോ സെര്ബിയയുടെ ഫിലിപ് ക്രായിനോവിച്ചിനെ 6-3, 6-0ന് തോല്പ്പിച്ചു. സെമിയില് ഡെല് പൊട്രോ ഫാബിയോ ഫോഞ്ഞിനിയെ നേരിടും. ഫോഞ്ഞിനി 6-4, 6-4ന് മാര്ട്ടന് ഫുസോവിസിനെ പരാജയപ്പെടുത്തി.
Read Moreവിജയം കൈവിട്ടു; ബ്ലാസ്റ്റേഴ്സിനെ സമനിലയിൽ കുരുക്കി മുംബൈ
കൊച്ചി: പ്രളയക്കെടുതിയില് രക്ഷകരായ മത്സ്യത്തൊഴിലാളികള്ക്ക് ആദരമര്പ്പിച്ച് രണ്ടാം വിജയത്തിനായി മൈതാനത്തെത്തിയ ബ്ലാസ്റ്റേഴ്സിന് നിരാശ. മുംബൈ സിറ്റി എഫ്സിയാണ് ബ്ലാസ്റ്റേഴ്സിനെ സമനിലയില് (1-1) കുരുക്കിയത്. കലൂര് ജവഹര്ലാല് നെഹ്റു സ്റ്റേഡിയത്തില് ഇന്നലെ നടന്ന വാശിയേറിയ മത്സരത്തിൽ 24-ാം മിനിറ്റില് ഹാളിചരണ് നര്സാരിയിലൂടെ മുമ്പിലെത്തിയെങ്കിലും ഇഞ്ചുറി ടൈമിൽ മുംബൈ സിറ്റിയുടെ പ്രാഞ്ജാല് ഭൂമിജിന്റെ ഗോളാണ് ബ്ലാസ്റ്റേഴ്സിന്റെ വിജയം കൈയെത്തും ദൂരത്തു നിന്നും നഷ്ടപ്പെടുത്തിയത്. തുടര്ച്ചയായ രണ്ടാം മത്സരത്തിലും മികച്ച പ്രകടനമാണ് ബ്ലാസ്റ്റേഴ്്സ് കാഴ്ചവച്ചതെങ്കിലും അവസാന മിനിറ്റുകളിലുണ്ടായ പിഴവുകളാണ് ബ്ലാസ്റ്റേഴ്സിനെ ജയത്തിലെത്തുന്നതിന് വിലങ്ങുതടിയായത്. അതിവേഗ മുന്നേറ്റങ്ങളിലൂടെ മുംബൈയുടെ താളം തെറ്റിച്ച പ്രകടനം ബ്ലാസ്റ്റേഴ്സ് യുവതാരങ്ങൾ പുറത്തെടുത്തു. പന്തടക്കത്തിലും അവസരങ്ങള് സൃഷ്ടിക്കുന്നതിലും ബ്ലാസ്റ്റേഴ്സിനായിരുന്നു മുന്തൂക്കം. ബ്ലാസ്റ്റേഴ്സ് നിരയില് വലിയ മാറ്റങ്ങളില്ലാതെയാണ് സ്വന്തം തട്ടകത്തിലെ ആദ്യ പോരിന് കൊമ്പന്മാര് ഇന്നലെ ഇറങ്ങിയത്. ആദ്യമത്സരത്തില് എടികെയ്ക്കെതിരെ ഇറക്കിയ അതേ ടീമിനെ തന്നെയാണ് ഡേവിഡ് ജയിംസ് ഇന്നലെ…
Read More