കോയന്പത്തൂർ: തമിഴ്നാട്ടിലെ കോയന്പത്തൂരിനു സമീപം ജനവാസമേഖലയിൽ നടന്ന ഒരു കോഴിവേട്ട വൈറലായിരിക്കുന്നു. വേട്ട നടത്തിയത് മനുഷ്യനല്ല, പുലിയാണ്, സാക്ഷാൽ പുള്ളിപ്പുലി! സോമയനൂർ ഗ്രാമത്തിൽ കഴിഞ്ഞദിവസം പുലർച്ചെ അഞ്ചിനായിരുന്നു സംഭവം. പുള്ളിപ്പുലിയുടെ സിസിടിവി ദൃശ്യങ്ങൾ പുറത്തുവന്നതോടെ നാട്ടുകാർ പരിഭ്രാന്തരാണ്. ദൃശ്യങ്ങളിൽ പത്തടിയിലേറെ ഉയരമുള്ള മതിലിന്റെ മുകളിൽ കോഴി ഇരിക്കുന്നതു കാണാം. വീടിനോടു ചേർന്നുള്ള മതിലാണ്. വീട്ടിലേക്കുള്ള വഴിയിലൂടെ വേഗത്തിൽ പുള്ളിപ്പുലി വരുന്നു. കോഴിയെ ലക്ഷ്യമിട്ടുതന്നെയാണു വരവ്. ഇരയെ ദൂരെനിന്നു പുലി കണ്ടിട്ടുണ്ടാകുമെന്ന് ആ വരവിൽനിന്നു വ്യക്തം. മതിലിന്റെ ചുവട്ടിലെത്തിയ പുള്ളിപ്പുലി കോഴിയെ ഉന്നമിട്ടു മതിലിനുമുകളിലേക്കു ചാടിയുയരുന്നു. എന്നാൽ, ശത്രുവിന്റെ വരവു കണ്ട കോഴി മതിലിൽനിന്നുയർന്നു താഴേക്കു പറക്കുന്നു. ആ സമയം, മതിലിന്റെ മുകളിലെത്തിയ പുലി താഴേക്കു ചാടി കോഴിയെ പിടികൂടുന്നു. തുടർന്നു കോഴിയെ കടിച്ചുപിടിച്ചു മിന്നൽ വേഗത്തിൽ സ്ഥലത്തുനിന്നു മറയുന്നു. സോമയനൂർ ഗ്രാമം വന്യമൃഗശല്യമുള്ള പ്രദേശമാണ്. നേരത്തെയും ഇവിടെ…
Read MoreCategory: Today’S Special
അഗ്നിപർവതം പുകഞ്ഞു… ഗതാഗതമന്ത്രിക്കെതിരേ വയലാറിന്റെ ഗാനങ്ങൾ പാടി വേറിട്ട സമരവുമായി ഡ്രൈവിംഗ് സ്കൂൾ ഉടമ കരപ്പുറം രാജശേഖരൻ
ചേർത്തല: ഡ്രൈവിംഗ് ടെസ്റ്റ് പരിഷ്കരണം മൂലം ഡ്രൈവിംഗ് സ്കൂൾ ഉടമകളെയും വർക്കർമാരെയും പട്ടിണിയിലാക്കിയെന്നാരോപിച്ച് ഗതാഗതമന്ത്രിക്കെതിരേ കരപ്പുറം രാജശേഖരൻ വേറിട്ട പ്രതിഷേധ പരിപാടി സംഘടിപ്പിച്ചു. ഇന്നലെ രാവിലെ സിവിൽസ്റ്റേഷനു സമീപം “ഗതാഗതമന്ത്രി നീതി പാലിക്കുക’ എന്ന ബോർഡ് നെഞ്ചിൽ തൂക്കി അനശ്വരനായ വയലാർ രാമവർമയുടെ ഗാനങ്ങൾ ആലപിച്ചായിരുന്നു പ്രതിഷേധം. നഗരസഭാ വൈസ് ചെയർമാൻ ടി.എസ്. അജയകുമാർ ഉദ്ഘാടനം ചെയ്തു. ഡ്രൈവിംഗ് സ്കൂൾ ഓണേഴ്സ് ആൻഡ് വർക്കേഴ്സ് യൂണിയൻ (എഐടിയുസി) ജോ. സെക്രട്ടറി കെ. സോമൻ അധ്യക്ഷത വഹിച്ചു. അശാസ്ത്രീയമായ ഡ്രൈവിംഗ് പരിശീലനവും വിദ്യാർഥികൾക്ക് ലൈസൻസ് ലഭിക്കാൻ ഒമ്പതു മാസത്തോളമെടുക്കുന്ന സാഹചര്യത്തിലുമാണ് ഡ്രൈവിംഗ് സ്കൂൾ പ്രതിസന്ധിയിലായതെന്ന് കരപ്പുറം രാജശേഖരൻ പറഞ്ഞു. വയലാർ ഫാൻസ് അസോസിയേഷൻ ജനറൽ സെക്രട്ടറിയും കരപ്പുറം ഡ്രൈവിംഗ് സ്കൂൾ ഉടമയുമായ കരപ്പുറം രാജശേഖരൻ നിരവധി ഒറ്റയാൾ പ്രതിഷേധത്തിലൂടെ ശ്രദ്ധേയനാണ്. നവകേരള സദസ് പ്രചാരണത്തിന് സ്ത്രീവേഷം അണിഞ്ഞ് കരപ്പുറം…
Read Moreഭീതിയോടെ ജീവിതം! ഈ ദ്വീപിലെ നിവാസികൾ ജീവിക്കുന്നത് ഭയം ഒഴിയാതെ, കാരണമിങ്ങനെ…
സമ്പന്നമായ സാംസ്കാരിക പൈതൃകം, വന്യജീവികൾ, പ്രകൃതി എന്നിവ കാരണം പ്രശസ്തമായ രാജ്യങ്ങളും ദ്വീപുകളും ഉണ്ട്. എന്നാൽ ദക്ഷിണ കൊറിയയിലെ ഈ ദ്വീപ് പേരുകേട്ടത് ഈ വിധമല്ല, മറിച്ച് സുരക്ഷയുമായി ബന്ധപ്പെട്ടാണ്. പുറത്തുവരുന്ന റിപ്പോർട്ടുകൾ പ്രകാരം ദക്ഷിണ കൊറിയയിലെ യോൺപിയോങ് ദ്വീപിലെ പൗരന്മാർക്ക് സ്വസ്ഥമായി ഉറങ്ങാൻ പോലും കഴിയുന്നില്ല. അവിടെ ആളുകൾക്ക് സാധാരണ ജീവിതം നയിക്കാനും കഴിയില്ല. ഉത്തര കൊറിയയുടെ അതിർത്തിയിൽ നിന്ന് വെറും 3 കിലോമീറ്റർ അകലെയാണ് ഈ ദ്വീപ് സ്ഥിതി ചെയ്യുന്നത്. ശത്രുരാജ്യത്തിന്റെ ആക്രമണം ഭയന്ന് ജനങ്ങൾ നിരന്തരം ജീവിക്കുന്നു എന്നതാണ് പറയപ്പെടുന്നത്. ജനുവരിയിൽ ശാന്തമായ ദ്വീപിൽ പ്യോങ്യാങ് ആക്രമണം നടത്തിയതോടെയാണ് ഭീതിയുള്ള ദിനങ്ങൾ ആരംഭിച്ചത്. ആക്രമണം തനിക്ക് മറക്കാൻ കഴിയുന്നില്ലെന്ന് ദ്വീപ് നിവാസിയായ ജംഗ് യൂൻ ജിൻ എന്ന യുവതി ഒരു അഭിമുഖത്തിൽ പറഞ്ഞതും ശ്രദ്ധ നേടി. വടക്കൻ കൊറിയൻ ദ്വീപുകൾ തീരത്ത് നിന്ന് കണ്ടെത്താൻ…
Read Moreബംഗളൂരുവിൽ പാന്പുകൾ വിളയാടും കാലം! പുറത്തിറങ്ങാൻ പറ്റാത്ത അവസ്ഥയിൽ ആളുകൾ
ബംഗളൂരു: ഒരാഴ്ചയ്ക്കിടെ ബംഗളൂരു നഗരത്തിലെ വൈൽഡ്ലൈഫ് റെസ്ക്യു സംഘത്തിനു നൂറിലേറെ പരാതികളാണു ലഭിച്ചത്. എല്ലാം വിഷപ്പാന്പു ശല്യത്തെക്കുറിച്ച്. വീടുകൾക്കകത്തും പരിസരപ്രദേശങ്ങളിലും പതിവായി പാമ്പുകളെ കാണുന്നുവെന്നാണു പരാതി. യെലഹങ്ക, ബൊമ്മനഹള്ളി എന്നിവിടങ്ങളിൽനിന്നാണു കൂടുതൽ പരാതികൾ എത്തിയത്. സന്ധ്യകഴിഞ്ഞാൽ പുറത്തിറങ്ങാൻ പറ്റാത്ത അവസ്ഥയാണെന്നും പാന്പുകളെ പിടിച്ചു കാട്ടിൽ വിടാൻ നടപടി എടുക്കണമെന്നുമാണു തദ്ദേശീയരുടെ ആവശ്യം. ജീവനക്കാരുടെ കുറവുകാരണം പാമ്പുകളെ പിടിക്കാൻ കൃത്യസമയത്ത് എത്താൻ സാധിക്കുന്നില്ലെന്ന പരാതി റെസ്ക്യു സംഘത്തിനുമുണ്ട്. നഗരത്തിൽ പാന്പുകൾ പെരുകിയിട്ടില്ലെന്നും പ്രജനന സമയമായതിനാലാണ് ഇവയെ കൂടുതലായി കാണുന്നതെന്നും ഫോറസ്റ്റ് ഉദ്യോഗസ്ഥർ വിശദീകരിക്കുന്നു.
Read Moreടിക്കറ്റുണ്ടായിട്ടും എസി കോച്ചില് ഇരിപ്പിടമില്ല… ട്രെയിനിനുള്ളിലെ ദുരവസ്ഥ വിവരിച്ച് യുവതിയുടെ വീഡിയോ
കോഴിക്കോട്: റെയില്വേയില് ടിക്കറ്റ് റിസര്വ് ചെയ്യുന്നവര്ക്കും ഇരിക്കാന് സീറ്റ് കിട്ടാത്ത അവസ്ഥയ്ക്കു പരിഹാരമുണ്ടാക്കാതെ റെയില്വേ. ഉയര്ന്ന ടിക്കറ്റ് നിരക്ക് നല്കി എസി കോച്ചില് ആഴ്ചകള്ക്ക് മുമ്പേ ടിക്കറ്റ് ബുക്ക് ചെയ്താലും സീറ്റ് കിട്ടണമെന്നില്ല. അതേസമയം, റിസര്വ് ചെയ്യാത്തവര് സീറ്റ് കൈയടക്കുന്ന അവസ്ഥയുമുണ്ട്. ചിലരാകട്ടെ ടിക്കറ്റ് പോലും എടുക്കാതെയാണ് റിസര്വേഷന് കോച്ചില് കയറിക്കൂടുന്നത്. പലയിടത്തും കിലോമീറ്ററുകളോളം യാത്ര ചെയ്താലും ടിക്കറ്റ് പരിശോധകർ എത്താറില്ല. പലപ്പോഴും എത്തിയാലും നടപടി എടുക്കാറുമില്ല. ഇതുമായി ബന്ധപ്പെട്ട് എക്സ് ഉപയോക്താവായ ഘര് കെ കലേഷ് പങ്കുവച്ച ഒരു വീഡിയോ വളരെ വേഗം സമൂഹ മാധ്യമങ്ങളില് വൈറലായി. എസി റിസര്വേഷന് കോച്ച് എ വണ് കോച്ചിലെ യാത്രക്കാരിയായിരുന്നു വീഡിയോ ചെയ്തത്. 16337 ഓഖ – എറണാകുളം എക്സ്പ്രസില് നിന്നുള്ള കാഴ്ചയായിരുന്നു അത്. വീഡിയോയില് യുവതി ഇത് തന്റെ സീറ്റാണെന്ന് പറഞ്ഞ് എസി വണിലെ റിസര്വേഷന് സീറ്റ്…
Read Moreഎടാ മോനേ കള്ളാ! ജിമ്മിൽ കയറിയ കള്ളനെ ട്രെഡ്മില്ലിൽ ഓടിച്ച് ഉടമ, ഒടുവിൽ തളർന്ന് അവശനായ കള്ളനെ പോലീസിൽ ഏൽപ്പിച്ചു
ജിംനേഷ്യത്തിൽ കക്കാൻ കയറിയ കള്ളനു കിട്ടിയ എട്ടിന്റെ പണി സമൂഹമാധ്യമങ്ങളില് ചിരി പടർത്തിയിരിക്കുകയാണ്. മധ്യപ്രദേശിലെ ഒരു ജിമ്മിൽ രാത്രി മോഷ്ടിക്കാൻ കയറിയതായിരുന്നു കള്ളൻ. ജിമ്മിൽ സിസിടിവി കാമറകൾ ഉള്ള കാര്യം കള്ളൻ അറിഞ്ഞില്ല. കള്ളൻ കയറിയ കാര്യം തൽസമയം കണ്ട ജിം ഉടമ ഉടൻതന്നെ സ്ഥലത്തെത്തി. ഉടമ എത്തുമ്പോൾ കള്ളൻ കൗതുകത്തോടെ ട്രെഡ്മില്ലിൽ പരിശീലനത്തിലായിരുന്നു. കള്ളനെ കൈയോടെതന്നെ പിടികൂടി. എന്നാൽ ഉടനേ പോലീസിൽ ഏൽപ്പിക്കാനൊന്നും ഉടമ മുതിർന്നില്ല. പകരം കള്ളനെ ട്രെഡ് മില്ലിൽതന്നെ നിർത്തി മെഷീന്റെ സ്പീഡ് കൂട്ടി. കള്ളനാകട്ടെ ട്രെഡ്മില്ലിൽ ഓട്ടടാ ഓട്ടം. ഒടുവിൽ തളർന്ന് അവശനായ കള്ളനെ പോലീസിൽ ഏൽപിക്കുകയുംചെയ്തു. സമൂഹമാധ്യമങ്ങളില് ആയിരക്കണക്കിനാളുകളാണു വീഡിയോ കണ്ട് കമന്റിട്ടത്. https://youtu.be/0lFqXGHSYh0
Read Moreപഴയ ഫർണിച്ചറുകൾ ശേഖരിച്ച് നവീകരിച്ച് വിൽക്കുന്നു; യുവതി പ്രതിമാസം സമ്പാദിക്കുന്നത് 1.6 ലക്ഷം രൂപ
ഇന്നേ വരെ ആരും ചെയ്യാത്ത ഒരു ബിസിനസ്സിനെക്കുറിച്ച് നമ്മൾ പലപ്പോഴും ചിന്തിക്കാറുണ്ട്. ചിലപ്പോൾ ഇത്തരത്തിലുള്ള സാഹസങ്ങൾ വലിയ വിജയം നേടും. യുഎസിൽ നിന്നുള്ള യുവതി വലിച്ചെറിയുന്ന വസ്തുക്കൾ ശേഖരിക്കുകയും അവയെ പുത്തൻപുതുതായി മാറ്റിയെടുക്കുകയും ചെയ്യുന്നു. അമേരിക്കയിൽ നിന്നുള്ള മോളി ഹാരിസ് സ്വന്തമായി ഒരു ബിസിനസ് ആരംഭിച്ചത് നിരവധി പേരെ വിസ്മയിപ്പിച്ചു. പഴയതും ഉപേക്ഷിച്ചതുമായ സാധനങ്ങൾ വാങ്ങുകയും അവ ഉപയോഗയോഗ്യമാക്കാൻ പുനർനിർമ്മിച്ച് യഥാർത്ഥ വിലയുടെ ഇരട്ടിയോ മൂന്നിരട്ടിയോ വിലയ്ക്ക് ഇവ വിൽക്കുകയും ചെയ്യുന്നു. 32 വയസ്സുള്ള മോളി ഹാരിസ് രണ്ട് കുട്ടികളുടെ അമ്മയാണ്. ഇവരുടെ കുടുംബം ആദ്യം ലോവയിലായിരുന്നു താമസിച്ചിരുന്നത്. പിന്നീട് ഫ്ലോറിഡയിലേക്ക് മാറാൻ തീരുമാനിക്കുകയും താമസിക്കാൻ ഒരു ചെറിയ ബീച്ച് ഹൗസ് വാങ്ങുകയും ചെയ്തു. ഭർത്താവിന് ജോലിയുണ്ടായിരുന്നപ്പോൾ തന്നെ കുടുംബം പോറ്റാൻ മോളി സ്വന്തമായി എന്തെങ്കിലും തുടങ്ങാൻ തീരുമാനിച്ചു. അയൽക്കാർ വഴിയരികിൽ ഉപേക്ഷിച്ചു കളഞ്ഞ ഫർണിച്ചറുകൾ അവൾ…
Read Moreഭയം വേണ്ട; പരീക്ഷണം മാത്രം; സംസ്ഥാനത്ത് പലയിടങ്ങളിലും സൈറൺ മുഴങ്ങും
തിരുവനന്തപുരം: ദുരന്ത നിവാരണ അതോറിറ്റി സൈറണുകൾ ഇന്ന് സംസ്ഥാനത്ത് വിവിധയിടങ്ങളിലായി മുഴങ്ങും. പ്രകൃതി ദുരന്തങ്ങളുണ്ടാകുന്ന സാഹചര്യത്തിൽ മുന്നറിയിപ്പ് നൽകുന്നതിനായാണ് സൈറൺ. രാവിലെ11 മുതലാണ് പരീക്ഷണാർഥം സൈറണുകൾ മുഴക്കുന്നത്. ദുരന്ത നിവാരണ അതോറിറ്റി ‘കവചം’ എന്ന പേരിൽ 85 സ്ഥലങ്ങളിലായാണ് സൈറണുകൾ സ്ഥാപിച്ചിരിക്കുന്നത്. 19 സൈറണുകളുടെ പരീക്ഷണം രാവിലെ 11 മണി മുതൽ 2.50 വരെയുള്ള സമയങ്ങളിലും ബാക്കി 66 സൈറണുകളുടെ പരീക്ഷണം വൈകുന്നേരം നാല് മണിക്ക് ശേഷവും നടക്കും. ഇതിന് പുറമേ ഫ്ലാഷ് ലൈറ്റുകളും സ്ഥാപിക്കുന്നുണ്ട്. മൊബൈൽ ടവറുകളിലും സർക്കാർ കെട്ടിടങ്ങളിലും സൈറണുകൽ സ്ഥാപിച്ചിട്ടുണ്ട്. സംസ്ഥാന കൺട്രോൾ റൂമുകൾക്ക് പുറമെ പ്രാദേശിക ഭരണകൂടങ്ങൾക്കും ഇതിലൂടെ അപായ മുന്നറിയിപ്പുകൾ നൽകാൻ സാധിക്കും. പരീക്ഷണമായതിനാൽ ജനങ്ങൾ പരിഭ്രാന്തരാകേണ്ടതില്ലെന്ന് അതോറിറ്റി അറിയിച്ചു.
Read Moreഏതാണ് ആ മൃഗം! സത്യപ്രതിജ്ഞാ ചടങ്ങിനിടെ രാഷ്ട്രപതി ഭവനിൽ അജ്ഞാത മൃഗം; വീഡിയോ വൈറലാകുന്നു
പ്രധാനമന്ത്രി നരേന്ദ്ര മോദിയുടെ സത്യപ്രതിജ്ഞാ ചടങ്ങിനിടെ രാഷ്ട്രപതി ഭവനിൽ നടന്ന അജ്ഞാത മൃഗത്തിൻ്റെ വീഡിയോ സോഷ്യൽ മീഡിയയിൽ വൈറലാവുകയാണ്. വിദേശ രാഷ്ട്രത്തലവന്മാരും മറ്റ് പ്രമുഖരും വ്യവസായികളും സിനിമാ താരങ്ങളും ഉൾപ്പെടെ 8,000 അതിഥികൾ ചടങ്ങിൽ പങ്കെടുത്തിരുന്നു. സത്യപ്രതിജ്ഞ പൂർത്തിയാക്കിയ ശേഷം ബിജെപി എംപി ദുർഗ ദാസ് ഉയ്കെ രാഷ്ട്രപതി ദ്രൗപതി മുർമുവിന് അഭിവാദ്യം അർപ്പിക്കുന്ന സമയത്ത് പകർത്തിയ ഫൂട്ടേജിൽ പൂച്ചയെപ്പോലെയുള്ള ഒരു മൃഗം പിന്നിൽ നടക്കുന്നത് കാണിക്കുന്നു. ചില സോഷ്യൽ മീഡിയ ഉപയോക്താക്കൾ ഇത് പുള്ളിപ്പുലിയാണെന്ന് അഭിപ്രായപ്പെടുന്നു, മറ്റുള്ളവർ ഇത് ഒരു സുരക്ഷാ നായയോ വളർത്തുമൃഗമോ ആണെന്നും പറഞ്ഞു. ദൃശ്യങ്ങൾ പെട്ടെന്ന് തന്നെ സോഷ്യൽ മീഡിയയിൽ പ്രചരിച്ചു. ‘ഇത് എഡിറ്റ് ചെയ്തതാണോ, ഇതെങ്ങനെ ആരും ശ്രദ്ധിച്ചില്ലേ? ഒരു വലിയ പൂച്ചയെ പോലെ തോന്നുന്നു,വാലും നടത്തവും കണ്ടിട്ട് ഒരു പുള്ളിപ്പുലിയായി തോന്നുന്നു. ആളുകൾ ശരിക്കും ഭാഗ്യവാന്മാർ, ഇത് സമാധാനപരമായി…
Read Moreകണ്ടാൽ ഭയന്നുപോകും: സ്കൂട്ടറിനുള്ളില് മൂര്ഖൻ..! വൈറലായി ഞെട്ടിക്കുന്ന ദൃശ്യങ്ങൾ
കാലവർഷക്കാലം ഇഴജന്തുക്കളെ പേടിക്കേണ്ട സമയം കൂടിയാണ്. പെരുമഴയത്ത് കാടുകളിൽനിന്നും പൊത്തുകളിൽനിന്നും വിഷപ്പാമ്പുകളും മറ്റും പുറത്തേക്കിറങ്ങും. അവ ജനവാസമേഖലകളിലേക്കു മാത്രമല്ല, വീടുകളിൽവരെ എത്തും. രാത്രികാലങ്ങളിലെത്തുന്ന ഇവ എവിടെയാണു പതുങ്ങുക എന്നു പറയാൻ പറ്റില്ല. വീടിനുള്ളിലെത്തിയാൽ ഷൂവിനുള്ളിലും കിടക്കയ്ക്കടിയിലും അടുക്കളയിൽ പാത്രങ്ങൾക്കുള്ളിലും വരെ ഇഴജന്തുക്കൾ കയറിക്കൂടും. കഴിഞ്ഞദിവസം മധ്യപ്രദേശിലെ ഇൻഡോറിൽനിന്നു പങ്കുവയ്ക്കപ്പെട്ട വീഡിയോ ഇത്തരത്തിൽ പേടിപ്പെടുത്തുന്ന ഒന്നാണ്. ഒരു വീടിന് മുന്നില് വച്ച സ്കൂട്ടറിന്റെ ഹാന്റില് കവറിനുള്ളില്നിന്ന് ഒരു മൂര്ഖനെ പുറത്തെടുക്കുന്നതാണു വീഡിയോയിലുള്ളത്. പാമ്പുപിടിത്തക്കാരനായ രാജേഷ് ആണു ഇന്സ്റ്റാഗ്രാമിൽ വീഡിയോ പങ്കുവച്ചത്. സ്കൂട്ടറിന്റെ ഹാന്റില് കവര് ഊരിമാറ്റി ഏറെ പരിശ്രമത്തിനുശേഷമാണു പാമ്പിനെ പുറത്തെടുത്തത്. 13 ലക്ഷത്തിലേറെ പേരാണു വീഡിയോ ഇതിനകം കണ്ടത്. വീഡിയോ കണ്ടശേഷം ഇരുചക്ര വാഹനങ്ങള് ഓടിക്കാന് ഭയം തോന്നുന്നെന്നു ചിലരെഴുതി.
Read More