സമാധാനപരമായ കുടുംബ ജീവിതത്തിനും ഭർത്താവിന്റെ ദീർഘായുസിനുമായ് കലത്തെ വിവാഹം കഴിക്കാൻ വീട്ടുകാർ തന്നെ നിർബന്ധിക്കുന്നെന്ന് യുവതി. മുബൈ സ്വദേശിയാണ് വെളിപ്പെടുത്തലുമായ് രംഗത്തെത്തിയിരിക്കുന്നത്. നിരീശ്വരവാദിയായ തന്നെ ഇത്തരത്തിലുള്ള കാര്യങ്ങൾ ചെയ്യാൻ മാതാപിതാക്കൾ നിർബന്ധിക്കുകയാണെന്ന് യുവതി പറഞ്ഞു. വീട്ടുകാരുടെ നിർബന്ധത്തിന് വഴങ്ങി ഇത്തരം കാര്യങ്ങൾ ചെയ്യാൻ താൽപര്യമില്ലെന്നും ആരെങ്കിലും തന്നെ രക്ഷിക്കണമെന്നും യുവതി സമൂഹ മാധ്യമത്തിലൂടെ പറയുന്നു. എന്നാൽ സോഷ്യൽ മീഡിയ സംഭവം ഏറ്റെടുത്തിരിക്കുകയാണ്. ഇന്ത്യയിൽ ഇത്തരം ആചാരങ്ങൾ എത്തുമെന്ന് താൻ പ്രതീക്ഷിച്ചില്ലെന്നാണ് ഒരാൾ കമന്റിട്ടിരിക്കുന്നത്. ഇങ്ങനെയുള്ള കാര്യങ്ങൾ പ്രോത്സാഹിപ്പിക്കരുതെന്നും ഇത് വാർത്താ മാധ്യമങ്ങളുടെ ശ്രദ്ധയിൽ പെടുത്തണമെന്നുമാണ് സോഷ്യൽ മീഡിയയിൽ വരുന്ന കമന്റുകൾ. മൃഗങ്ങളെയും പാവകളെയും മരങ്ങളെയും വിവാഹം കഴിക്കുന്ന വാർത്തകൾ പുറത്ത് വന്നിട്ടുണ്ട്. എന്നാൽ ഇത്തരമൊരു സംഭവം ആദ്യമായാണ് കേൾക്കുന്നത്.
Read MoreCategory: Today’S Special
ഗൂഗിൾ മാപ്പിനെ കണ്ണടച്ചു വിശ്വസിക്കല്ലേ… ഗൂഗിൾ മാപ്പ് ഉപയോഗിച്ചുള്ള യാത്രയെ കുറിച്ച് കേരള പോലീസിന് പറയാനുണ്ട് ചിലത്
ഗൂഗിൾ മാപ്പിനും വഴി തെറ്റുന്നതിന്റെ തെളിവാണ് മാപ്പിന്റെ സഹായത്തോടെ യാത്ര ചെയ്ത് അപകടത്തിൽപ്പെടുന്ന വാർത്തകൾ. ഇത്തരം അപകടങ്ങൾ കൂടുതലും മൺസൂൺ കാലങ്ങളിലാണ്. മുൻപ് മൈൽ കുറ്റികൾ നോക്കിയും മറ്റ് അടയാളങ്ങൾ പിന്തുടർന്നും വഴി ചോദിച്ചുമായിരുന്നു യാത്രകൾ. ആധുനികകാലത്ത് ഡ്രൈവിംഗിന് ഏറെ സഹായകരമാണ് ഗൂഗിൾ മാപ്പ്. എന്നാൽ, പരിചിതമല്ലാത്ത വഴികളിലൂടെ മാപ്പ് നോക്കി സഞ്ചരിക്കുന്നത് ചിലപ്പോഴെങ്കിലും അപകടം സൃഷ്ടിക്കുന്നു. ഗൂഗിൾ മാപ്പ് ഉപയോഗിച്ച് സഞ്ചരിക്കുമ്പോൾ ശ്രദ്ധിക്കേണ്ട വസ്തുതകൾ: വെള്ളപ്പൊക്കം, പേമാരി തുടങ്ങിയ പ്രകൃതി ദുരന്തങ്ങൾ നേരിടുന്ന അവസരങ്ങളിൽ പലപ്പോഴും റോഡ് ഗതാഗതം തിരിച്ചു വിടാറുണ്ട്. ഇത് ഗൂഗിൾ മാപ്പ് പറഞ്ഞുതന്നെന്നു വരില്ല. മൺസൂൺ കാലങ്ങളിൽ, ട്രാഫിക് കുറവുള്ള റോഡുകളെ ഗൂഗിൾ മാപ്പ് അൽഗോരിതം എളുപ്പം എത്തുന്ന വഴിയായി നമ്മളെ നയിക്കാറുണ്ട്. എന്നാൽ തിരക്ക് കുറവുള്ള റോഡുകൾ സുരക്ഷിതമായിക്കൊള്ളണമെന്നില്ല. തോടുകൾ കവിഞ്ഞൊഴുകിയും മണ്ണിടിഞ്ഞും മരങ്ങൾ കടപുഴകി വീണും യാത്ര സാധ്യമല്ലാത്ത…
Read Moreചെരുപ്പിടാൻ നോക്കി; തല പൊക്കിയത് ഇത്തിരി കുഞ്ഞൻ സർപ്പം
നിർത്താതെ മഴ പെയ്താൽ തണുത്ത് വിറച്ച് മൂടി പുതച്ച് ഉറങ്ങാൻ നല്ല സുഖമാണല്ലെ. ഇത്തിരി ചൂട് കിട്ടാനായി ജീവജാലങ്ങളും അവക്കിഷ്ടമുള്ളിടത്തേക്ക് പോകാറുണ്ട്. ഇഴ ജന്തുക്കൾ വീടിനുള്ളിൽ കടന്നു കൂടുന്നത് ആ സമയത്താണ്. വീട്ടിലെ പൂച്ചകൾ അടുപ്പിന്റെ സെെഡിൽ ചുരുണ്ടു കൂടുന്നു. നായകൾ ചായ്പ്പിനുള്ളിൽ അഭയം പ്രാപിക്കുന്നു. അപ്പോൾ ഇഴ ജന്തുക്കളോ ?അതൊരു ചോദ്യ ചിഹ്നമാണ്. അത്തരത്തിൽ ചൂട് കിട്ടാൻ പറ്റിയ ഇടം കണ്ടെത്തിയിരിക്കുകയാണ് ഇത്തിരി കുഞ്ഞൻ സർപ്പം. എവിടെയാണന്നല്ലേ? ഷൂസിനിടയിൽ. ചെരുപ്പ് ധരിക്കാൻ ഷൂവിന്റെ അടുത്തേക്ക് എത്തിയപ്പോഴാണ് ഷൂവിനുള്ളിൽ നിന്നും ഒരു കുഞ്ഞു സർപ്പം തല പൊന്തി നിന്നത്. ആളുകൾ തന്നെ കണ്ടെന്നു മനസിലാക്കിയപ്പോൾ സർപ്പം പതിയെ ഷൂവിൽ നിന്നും പുറത്തു കടക്കുന്നു. വെറും 15 സെക്കൻഡ് മാത്രം ദൈർഘ്യമുള്ള വീഡിയോ കാണുമ്പോൾ തന്നെ പേടി ആകും. പാമ്പ് ചെരുപ്പിനുള്ളിൽ കടന്നു കൂടിയ കാര്യം നമ്മൾ അറിയാതെ…
Read Moreഎലിഫന്റ് ടൂത്ത് പേസ്റ്റ് പരീക്ഷണം പാളി; ചികിത്സതേടി യൂട്യൂബർ
ലൈവ് സ്ട്രീമിംഗ് വീഡിയോകളിൽ പ്രശസ്തനാണ് ഡാരൻ ജേസൺ വാട്ട്കിൻസ് ജൂനിയർ എന്ന ഐഷോ സ്പീഡ്. ദശലക്ഷക്കണക്കിന് ഫോളോവേഴ്സാണ് ഈ പതിനെട്ടുകാരനുളളത്. ഇപ്പോഴിതാ ഐഷോ സ്പീഡ് പുതിയ പരീക്ഷണം ചെയ്ത് ആശുപത്രിയിൽ ചികിത്സ തേടിയിരിക്കുകയാണെന്ന വാർത്തയാണ് പുറത്തു വരുന്നത്. എലിഫന്റ് ടൂത്ത് പേസ്റ്റ് നിർമ്മിക്കുന്നതിന്റെ പരീക്ഷണ വേളയിലാണ് ഐഷോയെ ആശുപത്രിയിൽ പ്രവേശിപ്പിച്ചിരിക്കുന്നത്. പൊട്ടാസ്യം അയഡൈഡ് അല്ലെങ്കിൽ യീസ്റ്റ്, ചെറുചൂടുള്ള വെള്ളം, ഹൈഡ്രജൻ പെറോക്സൈഡ് എന്നിവ ഉപയോഗിച്ച് ഉണ്ടാക്കുന്ന ഒരു പതയാണ് എലിഫന്റ് ടൂത്ത് പേസ്റ്റ്. ഹൈഡ്രജൻ പെറോക്സൈഡിന്റെ ദ്രുതഗതിയിലുള്ള വിഘടനം മൂലം പതയുടെ രൂപത്തിൽ ഈ മിശ്രിതം പുറത്തേക്ക് വരുന്നു. ഐഷോയുടെ വീഡിയോ സമൂഹമാധ്യമങ്ങളിൽ വെെറലാവുന്നു. എലിഫന്റ് ടൂത്ത് പേസ്റ്റ് നിർമ്മിക്കുന്നതിന്റെ ഇടയിൽ ആ മിശ്രിതം പതഞ്ഞ് പൊങ്ങുകയും റൂമിനുള്ളിൽ നിറയുകയും ചെയ്തു. പിന്നാലെ പുക കൊണ്ട് കണ്ണു കാണാൻ സാധിക്കാതെ വരുന്നതും വാഡിയോയിൽ കാണാൻ സാധിക്കും. പരീക്ഷണം…
Read Moreഉയരെ പറന്ന് പറന്ന്… സ്കൈഡൈവ് ചെയ്ത് 104 കാരി
ആഗ്രഹങ്ങൾ പൂർത്തീകരിക്കാനുള്ള മനസുണ്ടെങ്കിൽ പ്രായം വെറും സംഖ്യ മാത്രമാണ്. ഷിക്കാഗോയിൽ നിന്നുള്ള 104കാരിയായ ഡൊറോത്തി ഹോഫ്നർ അത് തെളിയിച്ചിരിക്കുകയാണ്. വിമാനത്തിൽ നിന്ന് ചാടി സ്കൈഡൈവ് ചെയ്യുന്ന ഏറ്റവും പ്രായം കൂടിയ ആളാണ് ഇപ്പോൾ ഡൊറോത്തി. സ്വപ്നങ്ങളുടെ ചിറകുകൾ വിരിച്ച് വിമാനത്തിൽ നിന്നും ആകാശത്തേക്ക് ഡൈവ് ചെയ്തിരിക്കുകയാണ് അവർ. ഇത് വളരെ രസകരമായിരുന്നെന്നും പാരച്യൂട്ടുമായി ഇറങ്ങി ഗ്രാമപ്രദേശം മുഴുവനായ് കണ്ടെന്നും ഡൊറോത്തി പറഞ്ഞു. ഇത് ആദ്യമായല്ല ഡൊറോത്തി സ്കൈഡൈവ് ചെയ്യുന്നത്. തന്റെ 100-ാം ജന്മദിനത്തിലാണ് ആദ്യമായ് സ്കൈ ഡൈവ് ചെയ്തത്. എന്നാൽ നാല് വർഷത്തിന് ശേഷം അത് വീണ്ടും ചെയ്തിരിക്കുകയാണ്. വീഡിയോ സ്കൈഡൈവ് ചിക്കാഗോ അപ്ലോഡ് ചെയ്തു. സ്കൈഡൈവ് ചിക്കാഗോയിൽ നിന്നുള്ള ഒരു പ്രതിനിധി പറയുന്നതനുസരിച്ച്, ടാൻഡം പാരച്യൂട്ട് ജമ്പ് ചെയ്യുന്ന ഏറ്റവും പ്രായം കൂടിയ വ്യക്തിയായി ഇവർ ഉടൻ പ്രഖ്യാപിക്കപ്പെട്ടേക്കാം. നിലവിൽ 103 വയസ്സുള്ള ഒരു സ്ത്രീയുടെ…
Read Moreആരാണ് ആ ഭാഗ്യവാൻ? 38 കോടി ബംപർ അടിച്ചയാളെ ആർക്കും അറിയില്ല
38 കോടിയുടെ ബംപർ അടിച്ച വിവരം അറിയാതെ മഹാഭാഗ്യവാൻ നിർഭാഗ്യവാനായി എവിടെയോ കഴിയുന്നു. യുകെ നാഷണൽ ലോട്ടറി നറുക്കെടുപ്പിലാണ് അജ്ഞാതനായ ഭാഗ്യശാലിക്ക് മെഗാ ജാക്ക്പോട്ട് അടിച്ചത്. 3.8 ദശലക്ഷം പൗണ്ട് ആണ് (38.15 കോടി രൂപ) സമ്മാനത്തുക. കഴിഞ്ഞ ശനിയാഴ്ചയായിരുന്നു നറുക്കെടുപ്പ്. ഇതുവരെ ആ ഭാഗ്യവാൻ ആരാണന്ന് ആർക്കും അറിയില്ല. ടിക്കെറ്റെടുത്തവർ തങ്ങളുടെ ടിക്കറ്റുകൾ പരിശോധിച്ച് ജാക്ക്പോട്ട് സമ്മാനം ക്ലെയിം ചെയ്യാൻ തങ്ങളുമായി ബന്ധപ്പെടണമെന്നു നാഷണൽ ലോട്ടറി വക്താവ് ആൻഡി കാർട്ടർ എക്സിലൂടെ അറിയിച്ചു. പോസ്റ്റിന് താഴെ തങ്ങൾക്കാണ് സമ്മാനം ലഭിച്ചിരിക്കുന്നതെന്ന് അവകാശപ്പെട്ട് നിരവധി വ്യാജന്മാർ കമന്റിട്ടെങ്കിലും യഥാർഥ ഭാഗ്യവാൻ രംഗത്തെത്തിയില്ല. ജാക്ക്പോട്ട് ടിക്കറ്റിന് രണ്ടു പൗണ്ട് (200 രൂപ) മാത്രമായിരുന്നു വില. എല്ലാ ശനിയാഴ്ചയും ബുധനാഴ്ചയുമാണ് ഈ ജാക്പോട്ട് നറുക്കെടുപ്പ്.
Read Moreഒരു ബസ് ഉടമയുടെ രോദനം; ചിരി പടർത്തി ബസിലെ എഴുത്ത്
ഇന്ന് വെെറൽ ലോകത്തിന്റെ സമയമാണ്. സോഷ്യൽ മീഡിയയുടെ കടന്നു വരവോടെ എന്ത് ചെയ്താലും വെെറലാകാൻ നിഷ്പ്രയാസമാണ്. അത്തരത്തിൽ വെെറൽ പോസ്റ്റൊന്നു കാണാം. ബസിൽ യാത്രചെയ്യാത്തവർ കുറവാണ്. ഒരു ബസ് യാത്രക്കിടെ കണ്ട രസകരമായ കാര്യമാണ് ഇപ്പോൾ ശ്രദ്ധ നേടുന്നത്. ബസിൽ ഡ്രെെവറുടെ സീറ്റിനു പിന്നിൽ എഴുതിയിരിക്കുന്ന ചെറിയൊരു ക്വോട്ട് ആണ് ആളുകളിൽ ചിരി ഉണർത്തുന്നത്. സാധാരണ മഹത് വചനങ്ങൾ വാഹനങ്ങളിൽ എഴുതാറുണ്ട്. അതുപോലെ ഒരു എഴുത്താണ് ഇത്. പക്ഷേ മഹൻമാരുടേത് അല്ലെന്ന് മാത്രം. ദയവു ചെയ്ത് പ്രേമിച്ച് കളയരുത്, വളരെ കഷ്ടപ്പെട്ടു കിട്ടിയ സ്റ്റാഫുകളാണ് എന്നാണ് എഴുത്ത്. വായിച്ചാൽ ആരായാലും ചിരിച്ച് പോകും. ബസിലെ ജീവനക്കാരോട് പ്രേമം തോന്നുന്നവർ കുറവല്ല.അതാകാം ബസ് ഉടമയെ കൊണ്ട് ഇത്തരത്തിലൊരു കാര്യം ചെയ്യാൻ പ്രേരിപ്പിച്ചത്. എന്തായാലും ആളുകൾ ഇത് ഏറ്റെടുത്തു കഴിഞ്ഞു. ഒരു ബസുടമയുടെ രോദനം എന്നാണ് പലരും കമന്റ് ചെയ്തിരിക്കുന്നത്.…
Read Moreയാതൊരു പ്രോട്ടീനും അടങ്ങിയിട്ടില്ലാത്ത ഛന്ന ബട്ടൂര പ്രഭാത ഭക്ഷണമായി എങ്ങനെയാണ് ആളുകൾ കഴിക്കുന്നത്;ചർച്ച ചെയ്ത് സോഷ്യൽ മീഡിയ
ഛന്ന ബട്ടൂര പ്രേമികൾ ധാരാളമാണ്. നോർത്ത് ഇന്ത്യൻ ഭക്ഷണമാണെങ്കിലും ഇന്ന് മിക്ക സ്ഥലങ്ങളിലും ബട്ടൂര പ്രസിദ്ധമാണ്. കേരളത്തിലും ബട്ടൂര പ്രേമികൾ കുറവല്ല. സ്ട്രീറ്റ് ഫുഡ് സ്റ്റാളുകളിലും റെസ്റ്റോറന്റുകളിലും ബട്ടൂര മുൻ പന്തിയിൽ തന്നെ. ഏതു സമയത്തും കഴിക്കാൻ സാധിക്കുന്ന ഭക്ഷണമാണ് ബട്ടൂര. പ്രഭാത ഭക്ഷണമായും ഉച്ചഭക്ഷണമായും ഡിന്നറായും ബട്ടൂര കഴിക്കുന്നവരാണ് നമ്മൾ. എന്നാൽ കഴിഞ്ഞ കുറച്ച് ദിവസങ്ങളായി ഛന്ന ബട്ടൂര ഓൺലൈൻ സംവാദത്തിന്റെ വിഷയമായി മാറിയിരിക്കുകയാണ്. ഫിറ്റ്നസ് ട്രയിനറായ ചിയാൻ എന്ന ട്വിറ്റർ ഉപയോക്താവാണ് ഛന്ന ബട്ടൂര ഒരു വിഷയമാക്കി എടുത്തത്. യാതൊരു പ്രോട്ടീനും അടങ്ങിയിട്ടില്ലാത്ത ഛന്ന ബട്ടൂര പ്രഭാത ഭക്ഷണമായി എങ്ങനെയാണ് ആളുകൾ കഴിക്കുന്നതെന്ന് എനിക്കിതുവരെയും മനസിലായിട്ടില്ലെന്നാണ് ചിയാൻ ട്വിറ്ററിൽ കുറിച്ചത്. ഭക്ഷണം കഴിക്കുന്നത് ആളുകളുടെ ചോയ്സാണ് അതിനെ തടയാൻ ആർക്കും പറ്റില്ലെന്നാണ് മറ്റ് ഉപയോക്താക്കൾ പറയുന്നത്. എന്തായാലും ബട്ടൂര ചർച്ചകൾ സജീവമായി നടക്കുന്നുണ്ട്. ചിയാന്റെ…
Read Moreട്രെയിനിൽ നൃത്തംചെയ്ത്‘സൽമാൻ ഖാൻ’; അതിശയപ്പെട്ട് ആരാധകർ
മുംബൈ: മുംബൈയിലെ ലോക്കൽ ട്രെയിനിൽ പ്രശസ്ത ഹിന്ദി നടൻ സൽമാൻ ഖാൻ നൃത്തംചെയ്തോ?’ സോഷ്യൽ മീഡിയയിൽ പ്രചരിച്ച ദൃശ്യങ്ങൾ കണ്ട് ആളുകൾ അതിശയപ്പെട്ടു. സമൂഹമാധ്യമമായ എക്സിലാണ് ഇതിന്റെ വീഡിയോ പ്രത്യക്ഷപ്പെട്ടത്. “ഇഷ്ക് ദി ഗല്ലി വിച്ച് നോ എൻട്രി’ എന്ന ജനപ്രിയ ഗാനത്തിനു സൽമാൻ ഖാൻ എന്നു തോന്നുന്നയാൾ ചുവടുവയ്ക്കുന്നതാണ് വീഡിയോയിലുള്ളത്. നിമിഷനേരംകൊണ്ട് വീഡിയോ ഹിറ്റാകുകയും ചെയ്തു. “മുംബൈ ലോക്കൽ ട്രെയിൻ ഒരിക്കലും വിസ്മയം അവസാനിക്കുന്നില്ല’ എന്ന അടിക്കുറിപ്പോടെയാണ് വീഡിയോ പങ്കുവച്ചത്. ഇതിൽ നൃത്തംചെയ്യുന്നയാളെ കണ്ടാൽ സൽമാൻ ഖാൻതന്നെയെന്നു തോന്നും. എന്നാൽ, ഗാനരംഗത്തുള്ളത് സൽമാൻ ഖാൻ അല്ല. ഒറിജിനലിനെ വെല്ലുന്ന “ഡ്യൂപ്പ്’ ആണ്. തന്റെ നൃത്ത വൈദഗ്ധ്യം കൊണ്ട് സൽമാന്റെ ആരാധകരെപോലും വിസ്മയിപ്പിക്കുന്ന പ്രകടനമാണ് “ഡ്യൂപ്പ്’ കാഴ്ചവയ്ക്കുന്നത്. “ഇത് ഒറിജിനലിനേക്കാൾ മികച്ചതാണ്’, “മുംബൈയുടെ ആത്മാവ് ആസ്വദിക്കൂ…’ എന്നൊക്കെയാണ് വീഡിയോക്കു കിട്ടിയ കമന്റ്. മുംബൈ ലോക്കൽ ട്രെയിനുകളിലെ യാത്രയ്ക്കിടെ…
Read Moreഓൾട്ടോ കാറിന് മുകളിൽ കയറി നിന്ന് ആൾക്കൂട്ടത്തിനു നടുവിലേക്ക് നോട്ടുകൾ വാരിയെറിഞ്ഞു; വീഡിയോ വെെറൽ
തിരക്കേറിയ റോഡ് എല്ലാവരും അവരവരുടെ കാര്യങ്ങളിൽ വ്യാപൃതരായി ഓടി പായുന്നു. അവിടേക്ക് മുഖം മൂടി ധരിച്ച് ഒരു അജ്ഞാതൻ കാറിലെത്തി കാറിനു മുകളിൽ കയറുന്നു. അയാൾ തന്റെ ബാഗിൽ നിന്നും നോട്ടു കെട്ടുകൾ വാരി ജനക്കൂട്ടങ്ങളുടെ നടുവിലേക്ക് വാരി വിതറുന്നു. ഒരു സിനിമ കഥ പറയുക ആണെന്ന് ധരിക്കേണ്ട. യഥാർഥത്തിൽ നടന്ന സംഭവമാണ്. മറ്റെങ്ങുമല്ല ജയ്പൂരിൽ അരങ്ങേറിയ ഞെട്ടിക്കുന്ന രംഗമാണിത്. വെറും 40 സെക്കന്റ് മാത്രം ദെെർഘ്യമുള്ള വീഡിയോ സോഷ്യൽ മീഡിയയിൽ ഇപ്പോൾ വെെറലാവുകയാണ്. കാറിന് മുകളിൽ നിന്ന് പൊതുജനങ്ങൾക്ക് നടുവിലേക്ക് നോട്ടുകൾ വാരിയെറുകയും അത് വാരനുള്ള ജനങ്ങളുടെ പാച്ചിലും വീഡിയോയിൽ കാണാൻ സാധിക്കും. ‘മണി ഹെയ്സ്റ്റ്’ വെബ് സീരിസിലേതിന് സമാനമായി മാസ്ക്ക് ധരിച്ചാണ് അജ്ഞാതൻ കാറിലെത്തിയത്. സംഭവത്തിലെ കൂടുതല് വിവരങ്ങള് ലഭ്യമായിട്ടില്ല. വീഡിയോ കാണാൻ ഇവിടെ ക്ലിക് ചെയ്യുക.
Read More