Category: Today’S Special

പൂച്ചകള്‍ക്കും നായക്കള്‍ക്കുമൊപ്പം സോഷ്യല്‍ മീഡിയയില്‍ വൈറലാകുന്നതാണ് കുരങ്ങുകളുടെ വീഡിയോകള്‍. ഭക്ഷണവുമായി ബന്ധപ്പെട്ട വീഡിയോകളാണ് ഈ കൂട്ടത്തില്‍ അധികവും. എന്നാല്‍ ട്വിറ്ററില്‍ ഇപ്പോള്‍ വൈറലാകുന്നത് ഒരു മനുഷ്യനൊപ്പം തണ്ണിമത്തന്‍ പങ്കുവെച്ചു കഴിക്കുന്ന കുരങ്ങന്‍റെ വീഡിയോയാണ്. ഒരു തണ്ണിമത്തന്‍ രണ്ടായി മുറിക്കുന്നത് കാണിച്ചുകൊണ്ടാണ് വീഡിയോ ആരംഭിക്കുന്നത്. തൊട്ടടുത്ത് തന്നെ ക്ഷമ നശിച്ച് ആവേശത്തോടെ തണ്ണിമത്തന്‍ മുറിക്കുന്നതും നോക്കിയിരിക്കുന്ന ഒരു കുരങ്ങനെയും കാണാം. തണ്ണിമത്തന്‍ രണ്ടായി പകുതിയ്ക്ക് വെച്ച് മുറിച്ചതിന് ശേഷം അതില്‍ നിന്നും ഒരു കഷ്ണം കുരങ്ങന് കഴിക്കാനായി കൊടുത്തു. തണ്ണിമത്തന്‍ കിട്ടിയതും ആവേശത്തോടെയാണ് കുരങ്ങന്‍ അത് കഴിക്കുവാന്‍ തുടങ്ങിയത്. മധുരമുള്ള തണ്ണിമത്തന്‍ ആസ്വദിച്ചാണ് കുരങ്ങന്‍ കഴിക്കുന്നത്. കുരങ്ങന് ഒരു കഷ്ണം മുറിച്ച് നല്‍കുന്നതോടൊപ്പം തനിക്കുള്ളതും അയാള്‍ മുറിച്ചെടുത്ത് കഴിക്കുന്നുണ്ട്. ട്വിറ്ററില്‍ പോസ്റ്റ് ചെയ്ത ഈ വീഡിയോ പെട്ടെന്ന് തന്നെ സമൂഹ മാധ്യമങ്ങളില്‍ വൈറലായി. നിരവധിപേരാണ് വീഡിയോയ്ക്ക് കമന്‍റുകളുമായെത്തിയത്. Eating…

സമൂഹമാധ്യമങ്ങളില്‍ വളര്‍ത്തു മൃഗങ്ങളുടെ വീഡിയോകളില്‍ ഏറ്റവും കൂടുതല്‍ ആളുകള്‍ കാണുന്നതാണ് പൂച്ചകളുടെ ചിത്രങ്ങളും വീഡിയോകളും. എന്നാല്‍ തന്‍റെ വലിപ്പം കൊണ്ട് ശ്രദ്ധിക്കപ്പെട്ട ഒരു പൂച്ചയുടെ വീഡിയോയാണ് ഇപ്പോൾ ഇൻസ്റ്റഗ്രാമിൽ തരംഗമാകുന്നത്. റഷ്യയിലെ ബെല്‍ഗൊറോഡ് മേഖലയിലെ സ്റ്റാറി ഓസ്‌കോള്‍ പട്ടണത്തില്‍ താമസിക്കുന്ന യുലീന മിനിനയുടെ വളര്‍ത്തു മൃഗമാണ് ഈ പൂച്ച. തന്‍റെ നാല് വയസുള്ള മകളുടെ വലിപ്പം ഉണ്ടെന്ന് പറഞ്ഞ് യുലീനയാണ് ഇൻസ്റ്റഗ്രാമിലാണ് ഈ വീഡിയോ പങ്ക് വെച്ചിരിക്കുന്നത്.  പൂച്ച പിന്‍കാലുകളില്‍ നില്‍ക്കുകയും വാതിലിന്‍റെ പിടിയില്‍ പിടിച്ച് തുറക്കുവാൻ ശ്രമിക്കുന്നതും കാണിച്ചുകൊണ്ടാണ് വീഡിയോ തുടങ്ങുന്നത്. ഏറ്റവും വലിയ വളര്‍ത്തു പൂച്ച ഇനങ്ങളിലൊന്നായ മെയ്ന്‍ കൂണ്‍ എന്നാണ് പൂച്ചയ്ക്ക് ഇട്ടിരിക്കുന്ന പേര്. പൂന്തോട്ടത്തിലേക്ക് വിശ്രമിക്കുവാനായി നീണ്ട കാലുകള്‍ നീട്ടി വാതില്‍ തുറന്ന് പുറത്തേക്ക് ഓടുന്ന പൂച്ചയെ വീഡിയോയില്‍ കാണാം. വീഡിയോ ഇന്‍സ്റ്റഗ്രാമിലെത്തിയതിന് പിന്നാലെ നിരവധിപേരാണ് കമന്‍റുകളുമായെത്തിയത്. (വീഡിയോകാണാൻഇവിടെക്ലിക്ക്ചെയ്യുക)

യുഎസിലെ ജോര്‍ജിയയില്‍ അപൂര്‍വമായ മസ്തിഷ്‌ക അണുബാധയെ തുടർന്ന് ഒരു മരണം. ജോര്‍ജയിയയിലെ ഡിപ്പാര്‍ട്ട്‌മെന്‍റ് ഓഫ് പബ്ലിക് ഹെല്‍ത്ത് പറയുന്നത് അനുസരിച്ച് തടാകത്തിലോ കുളത്തിലോ നീന്തുമ്പോള്‍ രോഗം ബാധിച്ചേക്കാമെന്ന് കരുതപ്പെടുന്നു. മസ്തിഷ്‌ക കോശങ്ങളെ നശിപ്പിക്കുകയും മസ്തിഷ്‌ക വീക്കത്തിനും മരണത്തിനും കാരണമാകുന്ന അപൂര്‍വ അണുബാധയായ നെഗ്ലേരിയ ഫൗലേരി അണുബാധ മൂലം ജോര്‍ജിയയില്‍ ഇതിനു മുന്‍പും മരണം സംഭവിച്ചിട്ടുണ്ട്. ജോര്‍ജിയയിലെ ഏതെങ്കിലും ശുദ്ധജല തടാകത്തിലോ കുളത്തിലോ നീന്തുന്നതിനിടെയാവാം മരിച്ച വ്യക്തിയ്ക്ക് രോഗബാധയുണ്ടായതെന്ന് ആരോഗ്യവകുപ്പ് വാര്‍ത്താ കുറിപ്പില്‍ അറിയിച്ചിരുന്നു. അതേസമയം രോഗിയെ സംബന്ധിച്ചുള്ള പേര്, വയസ്, ലിംഗം എന്നിവയുള്‍പ്പെടെയുള്ള വ്യക്തിഗത വിവരങ്ങളൊന്നും തന്നെ പുറത്തുവിട്ടിട്ടില്ല. ഇതിന് മുന്‍പ് 1962 മുതല്‍ ജോര്‍ജിയയില്‍ മറ്റ് അഞ്ച് കേസുകളും നെഗ്ലേരിയ ഫൗലേരി മൂലം റിപ്പോര്‍ട്ട് ചെയ്തിട്ടുണ്ട്. അമേരിക്കന്‍ ഐക്യനാടുകളിലെ ആരോഗ്യ ഏജന്‍സിയായ സെന്‍റേഴ്സ് ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍റെ അഭിപ്രായത്തില്‍ തടാകങ്ങള്‍, നദികള്‍, ചൂടുനീരുറവകള്‍…