അഴിമതിക്കാരനാണെന്നാരോപിച്ച് തഹസീല്ദാരുടെ പുറത്ത് പാര്ക്ക് ചെയ്തിരുന്ന വാഹനം കത്തിച്ച് യുവാവ്. തമിഴ്നാട്ടിലെ കണ്ടാച്ചിപുരത്താണ് സംഭവം. ബോലേറോ വാഹനമാണ് കത്തിച്ച് കളഞ്ഞത്. വിവരം അറിഞ്ഞ് പോലീസ് എത്തുമ്പോഴെക്കും വാഹനത്തിന്റെ ഉള്വശം പൂര്ണമായി കത്തിയിരുന്നു. ഒരാള് ഓഫീസിന്റെ മുറ്റത്ത് എത്തി വാഹനത്തിന്റെ ചില്ലുകള് അടിച്ചുതകര്ക്കുകയും ടിന്നര് വാഹനത്തിനകത്തേക്ക് ഒഴിച്ച് തീകൊളുത്തന്നതും സിസിടിവിയില് വ്യക്തമായിരുന്നു. അതിന് ശേഷം അയാള് സംഭവസ്ഥലത്ത് നിന്ന് രക്ഷപ്പെടുന്നതും വീഡിയോയില് വ്യക്തമാണ്. തുടര്ന്ന് നടന്ന അന്വേഷണത്തില് മണിക്കൂറുകള്ക്കുള്ളില് പ്രതിയെ പിടികൂടി. തഹസില്ദാര് അഴിമതിക്കാരനാണെന്നും എല്ലാത്തിനും കൈക്കൂലി ആവശ്യപ്പെടുന്ന സാഹചര്യത്തിലാണ് വാഹനത്തിന് തീകൊളുത്തിയതെന്ന് അദ്ദേഹം പറഞ്ഞു. നേരത്തെ ഓഫീസിന്റെ 20 ജനല്ചില്ലുകള് അടിച്ചുതകര്ത്തതായും പ്രതി പൊലീസിനോട് സമ്മതിച്ചു. ഇയാള്ക്ക് മാനസിക അസ്വാസ്ഥ്യമുണ്ടെന്ന സംശയിക്കുന്നതായും അന്വഷണം പുരോഗമിക്കുന്നതായും പോലീസ് അറിയിച്ചു.
Read Moreഎന്തിനും ഏതിനും കൈക്കൂലി ! ഓഫീസിനു മുമ്പില് കിടന്ന തഹസീല്ദാരുടെ വാഹനം കത്തിച്ചു; ഒരാള് പിടിയില്…
