കൊച്ചി: ബിജു രമേശ് വ്യാജരേഖയുണ്ടാക്കി സ്വത്തു തട്ടിയെടുക്കാന് ശ്രമിക്കുന്നെന്നാരോപിച്ച് അമ്മ ഇന്ദിരാ ദേവി, സഹോദരിമാരായ ചിത്ര, മഞ്ജു എന്നിവര് നല്കിയ ഹര്ജിയില് ഹൈക്കോടതി സംസ്ഥാന സര്ക്കാരിന്റെ വിശദീകരണം തേടി. നിലവിലുള്ള കേസുകളില്നിന്നു തങ്ങളുടെ അഭിഭാഷകനെ ഒഴിവാക്കാന് വ്യാജമായി ഒപ്പിട്ടു പരാതി നല്കിയെന്നും ഹര്ജിയില് ആരോപിക്കുന്നു. ഇക്കാര്യമുന്നയിച്ചു നല്കിയ പരാതിയില് സമയബന്ധിതമായി അന്വേഷണം നടത്താന് ഡിജിപിക്കും തിരുവനന്തപുരം സിറ്റി പോലീസ് കമ്മീഷണര്ക്കും നിര്ദേശം നല്കണമെന്നു ഹര്ജിയില് ആവശ്യപ്പെട്ടിട്ടുണ്ട്. ഹൈക്കോടതിയില് നിലവിലുള്ള ഹര്ജികളില് തന്റെ ഒപ്പു വ്യാജമായി ഇട്ട് സത്യവാങ്മൂലം നല്കി കോടതി നടപടികള് ദുരുപയോഗം ചെയ്യാന് സാധ്യതയുണ്ടെന്ന് ഇന്ദിരാദേവി ആരോപിക്കുന്നു. തമിഴ്നാട്ടിലെ ഒരു മജിസ്ട്രേട്ട് കോടതിയുടെ പേരില് ബിജു രമേശ് വ്യാജ സമന്സ് നല്കി. ബിജുവിനു വ്യാജ ഡോക്ടറേറ്റ് ബിരുദമാണുള്ളതെന്നും ഇക്കാര്യങ്ങള് അന്വേഷിക്കണമെന്നും ഹര്ജിയില് ആവശ്യപ്പെട്ടിട്ടുണ്ട്.
Read MoreCategory: Top News
സംസ്ഥാനത്ത് ജയിക്കുന്നത് ശരിക്കും കോവിഡ് വൈറസോ..! കോവിഡ് മാനദണ്ഡങ്ങൾക്ക് പുല്ല് വില..! വോട്ടെണ്ണൽ കേന്ദ്രങ്ങളിൽ തിക്കും തിരക്കും
കോട്ടയം: തദ്ദേശ തെരഞ്ഞെടുപ്പിലെ വോട്ടെണ്ണൽ കേന്ദ്രങ്ങളിൽ തിരക്ക്. കോവിഡ് മാനദണ്ഡങ്ങൾ ലംഘിച്ച് പാർട്ടി പ്രവർത്തകർ വോട്ടെണ്ണൽ കേന്ദ്രങ്ങളിൽ തടിച്ചു കൂടി. വോട്ടെണ്ണല് കേന്ദ്രങ്ങളുടെ 100 മീറ്റര് ചുറ്റളവില് കൂട്ടം ചേരുന്നത് അതാത് ജില്ലാ കളക്ടർമാർ നിരോധിച്ചിരുന്നു. എന്നാൽ നിർദേശങ്ങൾ കാറ്റിൽ പറത്തി അതിരാവിലെ തന്നെ പ്രവർത്തകർ എത്തി. സ്ട്രോംഗ് റൂമുകൾ തുറക്കുന്നതിന് മുൻപ് തന്നെ വോട്ടെണ്ണൽ കേന്ദ്രങ്ങളിൽ പാർട്ടി പ്രവർത്തകർ എത്തിയിരുന്നു. വോട്ടെണ്ണൽ കേന്ദ്രങ്ങൾ കനത്ത പോലീസ് കാവലിലാണെങ്കിലും പ്രവർത്തകർ എത്തിക്കൊണ്ടിരിക്കുകയാണ്. ഒരോ സ്ഥലങ്ങളിലും നടപടികള് പൂര്ത്തിയാകുന്നതുവരെ നിരോധനം നടപ്പാക്കുന്നതിന് അതാത് കളക്ടർമാർ ജില്ലാ പോലീസ് മേധാവിമാരെയാണ് ചുമതലപ്പെടുത്തിയിരിക്കുന്നത്.
Read Moreഒരു വോട്ടിന് പൊട്ടി;കൊച്ചിയിൽ യുഡിഎഫിന് അപ്രതീക്ഷിത തിരിച്ചടി; മേയർ സ്ഥാനാർഥി തോറ്റു
കൊച്ചി: കൊച്ചി കോർപ്പറേഷനിൽ യുഡിഎഫ് മേയർ സ്ഥാനാർഥിയായിരുന്ന മുതിർന്ന നേതാവും കെപിസിസി ജനറൽ സെക്രട്ടറിയുമായ എൻ. വേണുഗോപാൽ പരാജയപ്പെട്ടു. ബിജെപി സ്ഥാനാർഥിയോട് ഒരു വോട്ടിന്റെ വ്യത്യാസത്തിലാണ് പരാജയപ്പെട്ടത്. കൊച്ചി നോർത്ത് ഐലൻഡിലാണ് വേണുഗോപാൽ മത്സരിച്ചത്. വേണുഗോപാലിന്റെ പരാജയം വലിയ തിരിച്ചടിയായാണ് യുഡിഎഫ് കണക്കാക്കുന്നത്.
Read Moreകുട്ടികളുടെ അശ്ലീല ദൃശ്യങ്ങള് ! 350 പേര് പോലീസിന്റെ നിരീക്ഷണത്തില്; കുറ്റവാളികളെ പിടികൂടാന് നൂതന സാങ്കേതിക വിദ്യ ആവിഷ്ക്കരിച്ച് പോലീസ്; വരും ദിവസങ്ങളില് നിരവധിപേര് അറസ്റ്റിലായേക്കും…
ബാലലൈംഗികത ഇന്റര്നെറ്റില് പരതുന്നവര്ക്കും ഡൗണ്ലോഡ് ചെയ്യുന്നവര്ക്കും അപ് ലോഡ് ചെയ്യുന്നവര്ക്കും ഇനി കിട്ടുക എട്ടിന്റെ പണി. കേരള സൈബര് ഡോമും കൗണ്ടറിംഗ് ചൈല്ഡ് സെക്ഷ്വല് എക്സ്പ്ലോയിറ്റേഷന് വിഭാഗവും ചേര്ന്ന് 350ഓളം പേരുടെ വിവരങ്ങള് ശേഖരിച്ചിട്ടുണ്ടെന്ന റിപ്പോര്ട്ടാണ് ഇപ്പോള് പുറത്തു വന്നിക്കുന്നത്. കുട്ടികള്ക്കെതിരെയുള്ള ഓണ്ലൈന് അതിക്രമങ്ങള് തടയുന്നതിനായി നടത്തുന്ന പ്രവര്ത്തനങ്ങളുടെ ഭാഗമായാണ് പോലീസ് നടപടി. ഡാര്ക്ക്നെറ്റ് വെബ്സൈറ്റുകളിലൂടെയും രഹസ്യ രീതിയില് പ്രവര്ത്തിക്കുന്ന സാമൂഹിക മാധ്യമ പ്ലാറ്റ് ഫോമുകളിലും സ്ഥിരമായി കുട്ടികളുടെ ചിത്രങ്ങള് അപ്ലോഡ് ചെയ്യുന്നവരെയും ഡൗണ്ലോഡ് ചെയ്യുന്നവരെയുമാണ് പൊലീസ് നിരീക്ഷിക്കുന്നത്. നോട്ടപ്പുള്ളികളുടെ സൈബര് പ്രവര്ത്തനങ്ങള് മുഴുവന് സമയവും നിരീക്ഷണത്തിലാണ്. ഇന്റര്പോള് ഉള്പ്പെടെയുള്ള അന്താരാഷ്ട്ര ഏജന്സികളുടെ സഹകരണത്തോടെ നടത്തിയ വിവര ശേഖരത്തിന് പിന്നാലെ ഓപറേഷന് പി ഹണ്ട് എന്ന പേരില് കേരളത്തില് പരിശോധനകള് നടത്തിയിരുന്നു. ജൂണ്, ഒക്ടോബര് മാസങ്ങളിലാണ് സംസ്ഥാനവ്യാപകമായി പരിശോധനകള് നടത്തിയത്. ഇതിന്റെ ഭാഗമായി നിരവധി പേരെ അറസ്റ്റ്…
Read Moreഇടിച്ചതിന് ശേഷം എന്തുകൊണ്ട് നിർത്താതെ പോയി? അപകടം അറിഞ്ഞിരുന്നുവെന്ന് ഡ്രൈവർ; ഉടമയും ലോറിയിലുണ്ടായിരുന്നു; വിശദമായി ചോദ്യം ചെയ്യാൻ അന്വേഷണസംഘം
തിരുവനന്തപുരം: മാധ്യമപ്രവർത്തകൻ എസ്.വി. പ്രദീപിന്റെ മരണത്തിനിടയാക്കിയ അപകടവുമായി ബന്ധപ്പെട്ട് പോലീസിന് നിർണായക വിവരങ്ങൾ ലഭിച്ചു. അപകടം അറിഞ്ഞിരുന്നുവെന്ന് ഡ്രൈവർ ജോയി പോലീസിന്റെ ചോദ്യം ചെയ്യലിൽ സമ്മതിച്ചു. അപകട സമയത്ത് ലോറി ഉടമ മോഹനനും വാഹനത്തിലുണ്ടായിരുന്നു. ഇയാളെയും വിശദമായി ചോദ്യം ചെയ്യാൻ അന്വേഷണ സംഘം തീരുമാനിച്ചിട്ടുണ്ട്. മണലുമായി പോകുന്നതിനിടെയാണ് ലോറി പ്രദീപിന്റെ സ്കൂട്ടറിന് പിന്നിലിടിച്ചത്. ഇടിച്ചതിന് ശേഷം എന്തുകൊണ്ട് നിർത്താതെ പോയി എന്നതിന് ഡ്രൈവർ വ്യക്തമായ ഉത്തരം നൽകിയിട്ടില്ല. സ്കൂട്ടറിന് പിന്നിൽ ലോറി ഇടിച്ചതോടെ പ്രദീപ് റോഡിലേക്ക് വീഴുകയും പിൻചക്രം തലയിലൂടെ കയറിയിറങ്ങുകയുമായിരുന്നു. ഡ്രൈവർക്കെതിരേ പോലീസ് കൊലക്കുറ്റത്തിന് കേസ് രജിസ്റ്റർ ചെയ്തിട്ടുണ്ട്. നേമം പോലീസ് സ്റ്റേഷനിലാണ് ലോറിയും ഡ്രൈവറെയും എത്തിച്ചത്. വിശദമായ ചോദ്യം ചെയ്യൽ ഇവിടെ പുരോഗമിക്കുകയാണ്. ഫോർട്ട് അസി. കമ്മീഷണർ പ്രതാപചന്ദ്രൻ നായരുടെ നേതൃത്വത്തിലുള്ള സംഘമാണ് അന്വേഷണം നടത്തുന്നത്. പ്രതിപക്ഷവും ബന്ധുക്കളും ദുരൂഹതയുണ്ടെന്ന സംശയം പ്രകടിപ്പിച്ചിരിക്കുന്നതിനാൽ പോലീസ്…
Read Moreസ്വപ്ന സുരേഷ് മനസു തുറന്നു! ശബ്ദരേഖ വിവാദത്തിനു പിന്നില് പോലീസാണെന്നാണ് സ്വപ്ന; ക്രൈംബ്രാഞ്ചും ആശയക്കുഴപ്പത്തിൽ; ഇഡി ഉദ്യോഗസ്ഥര് രണ്ടു മണിക്കൂറോളം ചോദ്യം ചെയ്തു
കൊച്ചി: ശബ്ദരേഖ പുറത്തുവന്നതിനെ കുറിച്ചു സ്വപ്ന സുരേഷ് എന്ഫോഴ്സ്മെന്റ് ഡയറക്ടറേറ്റിനു (ഇഡി) മുന്നിലും മനസു തുറന്നു. ശബ്ദരേഖ വിവാദത്തിനു പിന്നില് പോലീസാണെന്നാണ് സ്വപ്നയുടെ നിലപാട്. ഇതു സംബന്ധിച്ചു വിശദീകരണം ഇഡിക്കു മുന്നില് സ്വപ്ന നിരത്തിയതായി അറിയുന്നു. ഇഡി എത്തുന്നതിനു മുമ്പു ക്രൈംബ്രാഞ്ചും ചോദ്യം ചെയ്തിരുന്നു. കസ്റ്റംസിനോടു പറഞ്ഞ ശബ്ദരേഖ മൊഴിയില് തന്നെ സ്വപ്ന ഉറച്ചുനിന്നു. സ്വപ്നയുടെ ശബ്ദരേഖ പുറത്തു വന്നതിനെപ്പറ്റി അന്വേഷിക്കുന്ന ക്രൈംബ്രാഞ്ച് സംഘമാണ് സ്വപ്നയുടെ മൊഴി എടുത്തത്. കാവലിനുണ്ടായിരുന്ന വനിതാ പോലീസാണു ശബ്ദരേഖയ്ക്കു പിന്നിലെന്നു സ്വപ്ന തന്നെ കസ്റ്റംസിനോടു വെളിപ്പെടുത്തിയതോടെ അന്വേഷണം എങ്ങനെ മുന്നോട്ടു കൊണ്ടുപോകണമെന്നതില് ക്രൈംബ്രാഞ്ചും ആശയക്കുഴപ്പത്തിലാണ്. എറണാകുളം പ്രിന്സിപ്പൽ സെഷന്സ് കോടതിയാണു സ്വപ്നയെയും സരിത്തിനെയും ജയിലില് ചോദ്യം ചെയ്യാന് ഇഡിക്ക് അനുമതി നല്കിയത്. തൊട്ടുപിന്നാലെയെത്തിയ ഇഡി ഉദ്യോഗസ്ഥര് രണ്ടു മണിക്കൂറോളം ചോദ്യം ചെയ്തു. ഇന്നും ചോദ്യംചെയ്യല് തുടരും. മൂന്നു ദിവസമാണ് ഇഡിക്കു സമയംനല്കിയിരിക്കുന്നത്.…
Read Moreപീഡനക്കേസില് ബിനോയ് കൊടിയേരിയ്ക്കെതിരേ കുറ്റപത്രം സമര്പ്പിച്ചു ! ഡിഎന്എ പരിശോധനാഫലം ഇതുവരെ ലഭിച്ചിട്ടില്ലെന്ന് പോലീസ്; കൊടിയേരി പുത്രന്റെ ഡിഎന്എ ഫലം എന്തുകൊണ്ട് വൈകുന്നു…
പീഡനക്കേസില് കോടിയേരി ബാലകൃഷ്ണന്റ മകന് ബിനോയ് കോടിയേരിയ്ക്കെതിരേ മുംബൈ പോലീസ് കുറ്റപത്രം സമര്പ്പിച്ചു. ബിഹാര് സ്വദേശിനിയെ വിവാഹ വാഗ്ദാനം നല്കി പീഡിപ്പിച്ചതായാണ് പരാതി. കേസെടുത്ത് ഒന്നര വര്ഷത്തിനു ശേഷമാണ് കുറ്റപത്രം സമര്ക്കുന്നത് എന്ന പ്രത്യേകതയുമുണ്ട്. ബിനോയിയെ അന്ധേരി കോടതിയില് 678 പേജുള്ള കുറ്റപത്രം വായിച്ചു കേള്പ്പിച്ചു. ബിനോയിയുടെ ഡിഎന്എ പരിശോധനാ ഫലം ലഭിച്ചിട്ടില്ലെന്ന് പോലീസും അറിയിച്ചു. എന്തുകൊണ്ട് ഡിഎന്എ ഫലം വൈകുന്നുവെന്നതിനെക്കുറിച്ച് കൃത്യമായ വിവരങ്ങള് പുറത്തു വന്നിട്ടില്ല.
Read Moreസംസ്ഥാനത്തെ ജിയോ വരിക്കാരുടെ എണ്ണം ഒരു കോടി കവിഞ്ഞു ! കര്ഷകസമരത്തിന്റെ പശ്ചാത്തലത്തില് റിലയന്സ് ബഹിഷ്കരണത്തിന് ഇടതു സംഘടനകള് ആഹ്വാനം ചെയ്യുമ്പോഴും അംബാനി മാജിക് കേരളത്തില് തുടരുന്നതിങ്ങനെ…
കര്ഷക സമരത്തിന്റെ പശ്ചാത്തലത്തില് അദാനിയുടെയും അംബാനിയുടെയും ഉല്പ്പന്നങ്ങള് ബഹിഷ്കരിക്കണമെന്ന് ഇടതു സംഘടനകള് വ്യാപകമായി ആഹ്വാനം നടത്തുന്നുണ്ട്. എന്നാല് ഇത്തരം ആഹ്വാനങ്ങള് ജിയോയ്ക്ക് യാതൊരു വിധ ക്ഷീണവുമേല്പ്പിക്കില്ലെന്ന വിവരമാണ് ഇപ്പോള് പുറത്തു വരുന്നത്. ജിയോയ്ക്ക് കേരള സര്ക്കിളില് ഒരു കോടിയിലധികം വരിക്കാരാണ് ഉള്ളത്. കോവിഡ് കാലത്തടക്കം വലിയ നേട്ടമാണ് ജിയോ സ്വന്തമാക്കിയത്. കോവിഡ് കാലത്ത് ജിയോയ്ക്ക് കൂടുതല്വരിക്കാരെ നേടാനായത് ജിയോയുടെ മുന്നേറ്റത്തിന് തെളിവായി മാറി. വീട്ടിലിരുന്ന് ജോലിചെയ്യുന്ന സാഹചര്യവും വിദ്യാര്ത്ഥികളുടെ ഓണ്ലൈന് ക്ലാസും ജിയോ ഇന്ഫോകോമിന് തുണയായി. നാലുവര്ഷംകൊണ്ടാണ് ഇത്രയും വരിക്കാരെ ജിയോയ്ക്ക് നേടാനായത്. അടച്ചിടല്കാലത്ത് പൊതുജനങ്ങളുടെ നിര്ദേശപ്രകാരം വിവിധ സ്ഥലങ്ങളില് കണക്ടിവിടിയെത്തിക്കുന്നതിന് താല്ക്കാലിക ടവറുകള് സ്ഥാപിച്ചു. ഡാറ്റാ സ്ട്രീമിങ് നല്കുന്നതിന് നിലവിലുള്ള നെറ്റ്വര്ക്കുകള് ഒപ്റ്റിമൈസ് ചെയ്യുകയുമുണ്ടായി. വൈകാതെ 5ജി സേവനം നല്കാനൊരുങ്ങുകയാണ് കമ്പനി. ഗൂഗിളുമായിചേര്ന്ന് വിലകുറഞ്ഞ 5ജി സ്മാര്ട്ട്ഫോണുകള് വിപണിയിലെത്തിക്കാനും കമ്പനി ലക്ഷ്യമിടുന്നുണ്ട്. ഇതേസമയം തന്നെ റിലയന്സ്…
Read Moreപാചകവാതകത്തിൽ വീണ്ടും പൊട്ടിത്തെറി! ഇന്നു കൂടിയത് 50 രൂപ; വെറും രണ്ടാഴ്ച, വർധന 100 രൂപ; സബ്സിഡി കിട്ടുമോയെന്നു ചോദിച്ചാൽ…
കൊച്ചി: വീണ്ടും ഇരുട്ടടി നല്കി എണ്ണക്കമ്പനികള്. ഗാര്ഹിക ആവശ്യത്തിനുള്ള 14.2 കിലോ ഗ്രാമിന്റെ സബ്സിഡി സിലിണ്ടറിനു 50 രൂപ വര്ധിപ്പിച്ചു. ഈ മാസം രണ്ടാംതവണയും കമ്പനികള് വില വര്ധിപ്പിച്ചതോടെ ഗാര്ഹിക ആവശ്യത്തിനുള്ള സിലിണ്ടറിന്റെ വില 700 രൂപ പിന്നിട്ടു. 651 രൂപയായിരുന്ന സിലിണ്ടര് വില 701 രൂപയായാണു വര്ധിച്ചത്. കഴിഞ്ഞ രണ്ടിനു 50 രൂപ വര്ധിപ്പിച്ചതിനു പിന്നാലെയാണ് ഈ മാസം രണ്ടാം തവണയും വില കൂട്ടിയത്. ഇതോടെ, രണ്ടാഴ്ചയ്ക്കുള്ളില് ഗാര്ഹിക ആവശ്യത്തിനുള്ള സിലിണ്ടറിന്റെ വിലയില്മാത്രം 100 രൂപ വര്ധിച്ചു. കൂടാതെ, 19 കിലോ ഗ്രാം തൂക്കമുള്ള വാണിജ്യ ആവശ്യത്തിനുള്ള സിലിണ്ടറിന്റെ വിലയില് 32 രൂപയുടെ വര്ധനവും രേഖപ്പെടുത്തിയിട്ടുണ്ട്. 1,330 രൂപയാണു കൊച്ചിയില് വാണിജ്യ ആവശ്യത്തിനുള്ള സിലിണ്ടറിന്റെ വില. ഇതൂകൂടാതെ സബ്സിഡിയുള്ള അഞ്ച് കിലോഗ്രാം സിലിണ്ടറിന്റെ വില 36 വര്ധിച്ച് 260 രൂപയായി. വര്ധിപ്പിച്ച വിലകള് ഇന്നു മുതല്…
Read Moreമാധ്യമപ്രവർത്തന്റെ ദുരൂഹമരണം! കൊലക്കുറ്റം ചുമത്തി കേസെടുത്തു; വിദേശത്തു നിന്ന് ഭീഷണികൾ ഉണ്ടായിരുന്നതായി കുടുംബം
തിരുവനന്തപുരം: മാധ്യമപ്രവർത്തകൻ എസ്.വി പ്രദീപ് അജ്ഞാതവാഹനമിടിച്ച് മരിച്ച സംഭവത്തിൽ പോലീസ് കൊലക്കുറ്റം ചുമത്തി കേസെടുത്തു. പ്രദീപിന്റെ മാതാവിന്റെ മൊഴിയുടെ അടിസ്ഥാനത്തിലാണ് നേമം പോലീസ് കേസെടുത്തത്. പ്രദീപിനെ ഇടിച്ച വാഹനം ഇതുവരെ കണ്ടെത്താനായിട്ടില്ല. പ്രദീപിന് നിരവധി ഭീഷണി സന്ദേശങ്ങൾ ലഭിക്കാറുണ്ടായിരുന്നുവെന്നും വിദേശത്ത് നിന്നും ഭീഷണികൾ ഫോണിലൂടെയും മറ്റും വന്നിരുന്നുവെന്നും കൊലപാതകമാണെന്ന് സംശയിക്കുന്നുവെന്നും ബന്ധുക്കൾ പോലീസിൽ മൊഴി നൽകിയിട്ടുണ്ട്. പ്രദീപിനെ ഇടിച്ച വാഹനം ഏതാണെന്ന് കണ്ടെത്താൻ അന്വേഷണം ഊർജിതമാക്കിയെന്ന് ഫോർട്ട് അസിസ്റ്റന്റ് കമ്മീഷണർ ആർ.പ്രതാപൻ നായർ രാഷ്ട്രദീപികയോട് പറഞ്ഞു. അപകടത്തിനുശേഷം നെയ്യാറ്റിൻകര ഭാഗത്തേക്കു പോയ വാഹനം ഇനിയും കണ്ടെത്താനായിട്ടില്ല. പ്രദീപിന്റെ മരണത്തിലെ ദുരൂഹത അന്വേഷിക്കണമെന്നാവശ്യപ്പെട്ട് പ്രതിപക്ഷവും വിവിധ രാഷ്ട്രീയ നേതാക്കളും മാധ്യമസംഘടനകളും ആവശ്യം ഉന്നയിച്ചിരുന്നു. സമഗ്രഅന്വേഷണം ആവശ്യപ്പെട്ട് പ്രതിപക്ഷനേതാവ് രമേശ് ചെന്നിത്തലയും ബിജെപി സംസ്ഥാന അധ്യക്ഷൻ കെ സുരേന്ദ്രനും കേരള പത്രപ്രവർത്തക യൂണിയൻ അടക്കമുളള സംഘടനകളും രംഗത്തെത്തിയിട്ടുണ്ട്. ഇതേത്തുടർന്ന് സംഭവത്തെക്കുറിച്ച്…
Read More