കാപ്പിയും കോവിഡും തമ്മില്‍ എന്തെങ്കിലും ബന്ധമുണ്ടോയെന്ന് പലരും ഏറെ നാളായി ചോദിക്കുന്നു… ഇപ്പോള്‍ ഈ ചോദ്യത്തിന് ഉത്തരമായിരിക്കുകയാണ്.
ഇവ രണ്ടും തമ്മില്‍ ബന്ധമുണ്ടെന്നാണ് പുതിയ പഠനങ്ങള്‍ പറയുന്നത്. യുഎസിലെ ഒരു സംഘം ഗവേഷകരാണ് ഈ പഠനത്തിനു പിന്നില്‍.
കാപ്പിക്ക് ആന്റി ഓക്‌സിഡന്റ്, ആന്റി ഇന്‍ഫ്‌ളമേറ്ററി ഗുണങ്ങളുണ്ട്. കാപ്പികുടിയ്ക്ക് ഇന്‍ഫ്‌ളമേറ്ററി ബയോമാര്‍ക്കറുകളായ സിആര്‍പി, ഇന്റര്‍ല്യൂക്കിന്‍ 6 (IL6), ട്യൂമര്‍ നെക്രോസിസ് ഫാക്ടര്‍ (TNF-1) എന്നിവയുമായി ബന്ധമുണ്ടെന്നും കണ്ടു.
യുകെ ബയോബാങ്കിലെ 40,000 ബ്രിട്ടീഷുകാരുടെ വിവരങ്ങളും വിശകലനം ചെയ്താണ് പഠനം. ദിവസവും കഴിക്കുന്ന കാപ്പി, ചായ, മത്സ്യം, പ്രോസസ്ഡ് മീറ്റ്, റെഡ് മീറ്റ്, പഴങ്ങള്‍, പച്ചക്കറികള്‍ ഇവയുടെ അളവ് പരിശോധിച്ചു.
ദിവസവും 0.67 സെര്‍വിംഗ്സ് എങ്കിലും പച്ചക്കറികള്‍, വേവിച്ചോ വേവിക്കാതെയോ കഴിക്കുന്നത് കോവിഡ് 19 വരാനുള്ള സാധ്യത കുറയ്ക്കുമെന്നു കണ്ടു.
പച്ചക്കറികള്‍ കഴിക്കുക, പ്രോസസ് ചെയ്ത ഇറച്ചിയുടെ ഉപയോഗം കുറയ്ക്കുക, കാപ്പി കുടിക്കുക തുടങ്ങിയ ഭക്ഷണശീലങ്ങള്‍ പിന്തുടരുന്നത് കോവിഡ് വരാനുള്ള സാധ്യത കുറയ്ക്കുമെന്ന് ന്യൂട്രിയന്റ്‌സ് എന്ന ജേണലില്‍ പ്രസിദ്ധീകരിച്ച പഠനം പറയുന്നു.
