മുണ്ടക്കയം: ക്വാറന്‍റൈൻ നിർദേശം ലംഘിച്ച് ഓടി രക്ഷപ്പെടാൻ ശ്രമിച്ച പൂവഞ്ചി സ്വദേശി പിടിയിലായി.
ക്വാറന്‍റൈൻ നിർദേശിച്ചു വണ്ടന്മേട് പഞ്ചായത്തിൽ നിന്നും കൊക്കയാർ പഞ്ചായത്തിലെ പൂവഞ്ചിയിൽ കൊണ്ടുവന്ന വ്യക്തിയാണ് നാട്ടുകാരിൽ ചിലർ എതിർപ്പ് പ്രകടിപ്പിച്ചതിനെ തുടർന്ന് ഇന്നലെ വൈകിട്ടോടെ ഓടി രക്ഷപ്പെട്ടത്.
പൂവഞ്ചിയിൽ നിന്നും വേലനിലം തൂക്കുപാലം കടന്നു സീവ്യൂ റോഡിലൂടെ മുകൾ ഭാഗത്തേക്ക്‌ പോയ ഇയാൾ റബർ തോട്ടത്തിൽ ഒളിച്ചു. നാട്ടുകാരിൽ ചിലർ തെരഞ്ഞെങ്കിലും കണ്ടെത്താൻ കഴിഞ്ഞില്ല.
ഇന്ന് രാവിലെ വെട്ടുകല്ലാംകുഴി ഭാഗത്ത് നിന്ന് നാട്ടുകാരറിച്ചതിനെ തുടന്ന് 7.30ഓടെ ആരോഗ്യവകുപ്പിന്‍റെ പിടിയിലായി.
