അവർ സിസിടിവി ഹാർഡ് ഡിസ്കും കൊണ്ടുപോയി! കരുവാറ്റ സഹകരണബാങ്കിൽ നടന്നത് അതിവിദഗ്ധ മോഷണം; പ്ര​ത്യേ​ക സം​ഘം അ​ന്വേ​ഷ​ണം തുടങ്ങി

ഹ​രി​പ്പാ​ട്: നാ​ടി​നെ ന​ടു​ക്കി ക​രു​വാ​റ്റാ​യി​ൽ ഓ​ണം അ​വ​ധി​ക്കാ​യി അ​ട​ച്ച സ​ർ​വീ​സ് സ​ഹ​ക​ര​ണ ബാ​ങ്കി​ൽ മോ​ഷ​ണം ന​ട​ന്ന സം​ഭ​വ​ത്തി​ൽ കാ​യം​കു​ളം ഡി​വൈ​എ​സ്പി അ​ല​ക്സ് ബേ​ബി​യു​ടെ നേ​തൃ​ത്വ​ത്തി​ൽ പ്ര​ത്യേ​ക സം​ഘം രൂ​പീ​ക​രി​ച്ചു അ​ന്വേ​ഷ​ണം ആ​രം​ഭി​ച്ചു.

4.5 കി​ലോ​ഗ്രാം സ്വ​ർ​ണ​വും 4.5 ല​ക്ഷം രൂ​പ​യു​മാ​ണ് മോ​ഷ്ടാ​ക്ക​ൾ അ​പ​ഹ​രി​ച്ച​ത്. അ​തി​നൂ​ത​ന​രീ​തി​യി​ൽ അ​ത്യാ​ധു​നി​ക ഉ​പ​ക​ര​ണ​ങ്ങ​ൾ ഉ​പ​യോ​ഗി​ച്ച് വി​ദ​ഗ്ധ​രാ​യ മോ​ഷ്ടാ​ക്ക​ളു​ടെ മേ​ൽ​നോ​ട്ട​ത്തി​ൽ ന​ട​ന്ന ഈ ​കൊ​ള്ള ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​രെ​പ്പോ​ലും ഞെ​ട്ടി​ച്ചു.

ഇ​ന്ന​ലെ രാ​വി​ലെ സെ​ക്ര​ട്ട​റി ബാ​ങ്ക് തു​റ​ക്കാ​നാ​യി വ​ന്ന​പ്പോ​ഴാ​ണ് ബാ​ങ്കി​ന്‍റെ പൂ​ട്ടു​ത​ക​ർ​ത്ത നി​ല​യി​ൽ ക​ണ്ടെ​ത്തി​യ​ത്. തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് ക​വ​ർ​ച്ച ന​ട​ന്ന​താ​യി ബോ​ധ്യ​മാ​യ​ത്. തു​ട​ർ​ന്ന് ഇ​വ​ർ ഹ​രി​പ്പാ​ട് പോ​ലീ​സി​ൽ വി​വ​രം അ​റി​യി​ക്കു​ക​യാ​യി​രു​ന്നു.

അവർ പുറത്തുവന്നത്..
മു​ൻ​വ​ശ​ത്തെ വാ​തി​ൽ, ഒ​രു ജ​ന​ൽ എ​ന്നി​വ പൊ​ളി​ച്ച നി​ല​യി​ലാ​ണ് കാ​ണ​പ്പെ​ട്ട​ത്. മു​ൻ​വ​ശ​ത്തെ വാ​തി​ലി​ലൂ​ടെ​യാ​ണ് മോ​ഷ്ടാ​ക്ക​ൾ അ​ക​ത്ത് ക​ട​ന്നി​രി​ക്കു​ന്ന​ത്.

തു​ട​ർ​ന്ന് ഗ്യാ​സ് ക​ട്ട​ർ ഉ​പ​യോ​ഗി​ച്ച് സ്ട്രോ​ങ്ങ് റൂ​മി​ന്‍റെ വാ​തി​ലി​ന്‍റെ താ​ഴ്ഭാ​ഗം മു​റി​ച്ചു​മാ​റ്റു​ക​യും അ​തു​വ​ഴി മു​റി​ക്കു​ള്ളി​ൽ ക​ട​ന്ന് സേഫ് ഗ്യാ​സ് ക​ട്ട​ർ ഉ​പ​യോ​ഗി​ച്ച് മു​റി​ച്ചു മാ​റ്റി​യാ​ണ് സ്വ​ർ​ണ​വും പ​ണ​വും ക​വ​ർ​ന്നി​രി​ക്കു​ന്ന​ത്.

മു​ൻ​വ​ശ​ത്തെ വാ​തി​ൽ അ​ക​ത്തു​നി​ന്നു കു​റ്റി​യി​ട്ട ശേ​ഷം ജ​ന​ല​ഴി​ക​ൾ മു​റി​ച്ചാ​ണ് മോ​ഷ്ടാ​ക്ക​ൾ പു​റ​ത്തു​വ​ന്നി​രി​ക്കു​ന്ന​ത് എ​ന്നാ​ണ് പോ​ലീ​സി​ന്‍റെ നി​ഗ​മ​നം. വാ​തി​ൽ അ​ക​ത്തു​നി​ന്ന് കു​റ്റി​യി​ട്ടി​രി​ക്കു​ന്ന​തി​നാ​ൽ ഇ​ത് പൊ​ളി​ച്ചി​രി​ക്കു​ന്ന​ത് ആ​രു​ടെ​യും ശ്ര​ദ്ധ​യി​ൽ പെ​ടി​ല്ല.

ബാ​ങ്കി​ലെ സി​സി​ടി​വി​യു​ടെ ഹാ​ർ​ഡ് ഡി​സ്കു​ക​ളും മോ​ഷ്ടാ​ക്ക​ൾ കൊ​ണ്ടു​പോ​യി. കൂ​ടാ​തെ ര​ണ്ട് ക​ന്പ്യൂ​ട്ട​റു​ക​ളും മോ​ഷ​ണം പോ​യി​ട്ടു​ണ്ട്.
അവരെ സഹായിച്ചത്…
ഗ്യാ​സ് – ഓ​ക്സി​ജ​ൻ സി​ലി​ണ്ട​റു​ക​ളി​ൽ നി​ന്നു​ള്ള മി​ശ്രി​തം കൃ​ത്യ​മാ​യ അ​ള​വി​ൽ ക​ട​ത്തി​വി​ട്ട് ശ​ബ്ദ​ര​ഹി​ത​മാ​യി ഏ​റെ സു​ര​ക്ഷാ സം​വി​ധാ​ന​മു​ള്ള ലോ​ക്ക​ർ ത​ക​ർ​ക്ക​ണ​മെ​ങ്കി​ൽ ഈ ​രം​ഗ​ത്ത് അ​തീ​വ പ്രാ​ഗൽഭ്യം ഉ​ള്ള​വ​രു​ടെ ഒ​രു സം​ഘം ഉ​ണ്ടാ​യി​രി​ക്ക​ണ​മെ​ന്നാ​ണ് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം.

ഈ ​മി​ശ്രി​ത​ത്തി​ന്‍റെ അ​ള​വ് അ​ൽ​പ്പ​മൊ​ന്നു കൂ​ടി​യാ​ൽ വ​ൻ പൊ​ട്ടി​ത്തെ​റി​ക്കു വ​രെ സാ​ധ്യതയു​ണ്ടെ​ന്നാ​ണ് ക​ണ​ക്കാ​ക്കു​ന്ന​ത്. ക​ഴി​ഞ്ഞ ദി​വ​സ​ങ്ങ​ളി​ൽ മേ​ഖ​ല​യി​ൽ രാ​ത്രി​യി​ൽ പെ​യ്ത തോ​രാ​മ​ഴ​യും ക​വ​ർ​ച്ച​ക്കാ​ർ​ക്ക് അ​നു​ഗ്ര​ഹ​മാ​യി​രു​ന്ന​താ​യി ക​രു​താം.

നിക്ഷേ‌‌പകർ പേടിക്കേണ്ട..!
ബാ​ങ്ക് പ്ര​വ​ർ​ത്തി​ക്കു​ന്ന​ത് പ​ഴ​യ കെ​ട്ടി​ട​ത്തി​ലാ​ണെ​ങ്കി​ലും ഇ​വി​ടെ പ​ര​മാ​വ​ധി സു​ര​ക്ഷ​യൊ​രു​ക്കാ​ൻ ഭ​ര​ണ സ​മി​തി ശ്ര​ദ്ധി​ച്ചി​രു​ന്നു. ബാ​ങ്കി​നു പു​തി​യ ആ​സ്ഥാ​ന മ​ന്ദി​രം നി​ർ​മി​ക്കാ​നും നി​ര​വ​ധി പു​ത്ത​ൻ വ​രു​മാ​ന സ്രോ​ത​സ് ക​ണ്ടെ​ത്തു​വാ​നും ക​ഴി​ഞ്ഞ വാ​ർ​ഷി​ക പൊ​തു​യോ​ഗം ഭ​ര​ണ സ​മി​തി​യെ ചു​മ​ത​ല​പ്പെ​ടു​ത്തി​യി​രു​ന്നു.

അ​വ​യോ​രോ​ന്നാ​യി ന​ട​പ്പി​ലാ​ക്കി വ​രി​ക​യാ​യി​രു​ന്നു​വെ​ന്നും കെ​ട്ടി​ടം നി​ർ​മി​ക്കു​വാ​നു​ള്ള തീ​രു​മാ​നം അ​ന്തി​മ ഘ​ട്ട​ത്തി​ലേ​ക്ക് നീ​ങ്ങു​ന്ന വേ​ള​യി​ലാ​ണ് ബാ​ങ്കി​ന് ഇ​ങ്ങ​നെ​യൊ​രു തി​രി​ച്ച​ടി​യു​ണ്ടാ​യ​തെ​ന്നും ബാ​ങ്ക് അ​ധി​കൃ​ത​ർ പ​റ​ഞ്ഞു.

പ​ണ​യ സ്വ​ർ​ണ​ത്തി​നും മ​റ്റും കൃ​ത്യ​മാ​യ ഇ​ൻ​ഷു​റ​ൻ​സ് പ​രി​ര​ക്ഷ​യും നി​ക്ഷേ​പങ്ങ​ൾ​ക്ക് ബാ​ങ്ക് ഗ്യാ​ര​ണ്ടി​യും ഉ​ള്ള​തി​നാ​ൽ സ​ഹ​കാ​രി​ക​ളു​ടെ പ​ണ​വും സ്വ​ർ​ണ നി​ക്ഷേ​പ​വും സു​ര​ക്ഷി​ത​മാ​ണെ​ന്നും യാ​തൊ​രാ​ശ​ങ്ക​യ്ക്കും അ​ടി​സ്ഥാ​ന​മി​ല്ലെ​ന്നും ബാ​ങ്ക് അ​ധി​കൃ​ത​ർ പ​റ​ഞ്ഞു.