തൃ​ശൂ​ർ​ക്കാ​ർ പ്ലാ​സ്റ്റി​ക് ക​വ​റു​കൾ വിട്ടേേേ…. കേ​ര​ള​പ്പി​റ​വി ദി​ന​ത്തി​ൽ തൃ​ശൂ​ർ കോ​ർ​പ​റേ​ഷ​ൻ ന​ട​പ്പാ​ക്കി​യ​പ്ലാ​സ്റ്റി​ക് നി​രോ​ധ​നം വി​ജ​യം 

സ്വ​ന്തം ലേ​ഖ​ക​ൻ

തൃ​ശൂ​ർ: കേ​ര​ള​പ്പി​റ​വി ദി​ന​ത്തി​ൽ തൃ​ശൂ​ർ കോ​ർ​പ​റേ​ഷ​ൻ ന​ട​പ്പാ​ക്കി​യ​പ്ലാ​സ്റ്റി​ക് നി​രോ​ധ​നം വി​ജ​യം കാ​ണു​ന്നു. എ​ന്തി​നും ഏ​തി​നും പ്ലാ​സ്റ്റി​ക് ക​വ​റു​ക​ളെ ആ​ശ്ര​യി​ച്ചി​രു​ന്ന തൃ​ശൂ​ർ​ക്കാ​ർ പ​തി​യെ​പ്പ​തി​യെ ആ ​ശീ​ല​ത്തി​ൽ നി​ന്നും വ​ഴി​മാ​റു​ന്ന കാ​ഴ്ച​യാ​ണു​ള്ള​ത്. ക​ട​ക​ളി​ൽ നി​ന്നും സാ​ധ​ന​ങ്ങ​ൾ വാ​ങ്ങു​ന്പോ​ൾ കി​ട്ടി​യി​രു​ന്ന പ്ലാ​സ്റ്റി​ക് ക​വ​റു​ക​ൾ കി​ട്ടാ​താ​യ​തോ​ടെ ക​ട​ക​ളി​ൽ പോ​കു​ന്പോ​ൾ കൈയി​ൽ സ​ഞ്ചി ക​രു​തു​ന്ന ശീ​ല​ത്തി​ലേ​ക്ക് തൃ​ശൂ​ർ ന​ഗ​ര​വാ​സി​ക​ൾ തി​രി​ച്ചെ​ത്തി​ത്തു​ട​ങ്ങി​യി​രി​ക്കു​ന്നു.

പ്ലാ​സ്റ്റി​ക് ക്യാ​രി ബാ​ഗു​ക​ൾ സൃ​ഷ്ടി​ക്കു​ന്ന ഗു​രു​ത​ര​മാ​യ പ​രി​സ്ഥി​തി പ്ര​ശ്ന​വും ക​വ​റു​ക​ളി​ൽ മാ​ലി​ന്യം നി​റ​ച്ച് ത​ള്ളു​ന്ന​തു​മൊ​ക്കെ ഇ​ല്ലാ​താ​ക്കു​ക​യെ​ന്ന ല​ക്ഷ്യ്ത്തോ​ടെ​യാ​ണ് തൃ​ശൂ​ർ കോ​ർ​പ​റേ​ഷ​ൻ ന​വം​ബ​ർ ഒ​ന്നു​മു​ത​ൽ അ​ന്പ​ത് മൈ​ക്രോ​ണി​ന് താ​ഴെ​യു​ള്ള പ്ലാ​സ്റ്റി​ക് നി​രോ​ധ​നം ന​ട​പ്പാ​ക്കി​യ​ത്. കോ​ർ​പ​റേ​ഷ​ൻ അ​ധി​കൃ​ത​രെ പോ​ലും അ​ന്പ​ര​പ്പി​ക്കു​ന്ന ത​ര​ത്തി​ലാ​ണ് പ്ലാ​സ്റ്റി​ക് നി​രോ​ധ​ന​ത്തോ​ട് തൃ​ശൂ​ർ​ക്കാ​ർ സ​ഹ​ക​രി​ക്കു​ന്ന​ത്. ഒ​രു മാ​സം തി​ക​യു​ന്പോ​ഴേ​ക്കും പു​തി​യ ശീ​ല​ത്തി​ലേ​ക്ക് തൃ​ശൂ​ർ​ക്കാ​ർ മാ​റി പൊ​രു​ത്ത​പ്പെ​ട്ടു​വെ​ന്ന​ത് കേ​ര​ള​ത്തി​ന് ത​ന്നെ മാ​തൃ​ക​യാ​കു​ന്ന​താ​ണ്.

ന​ഗ​ര​വാ​സി​ക​ൾ പ​റ​യു​ന്നു
തു​ട​ക്ക​ത്തി​ൽ ഇ​ത് വ​ലി​യ ബു​ദ്ധി​മു​ട്ടു​ക​ൾ ന​ഗ​ര​വാ​സി​ക​ൾ​ക്കു​ണ്ടാ​ക്കി​യെ​ങ്കി​ലും പ്ലാ​സ്റ്റി​ക് ക​വ​ർ നി​രോ​ധ​നം ക​ർ​ശ​ന​മാ​യി മു​ന്നോ​ട്ടു​പോ​യ​തോ​ടെ കൈ യി​ൽ സ​ഞ്ചി ക​രു​തു​ന്ന​ത് ഒ​രു ബു​ദ്ധി​മു​ട്ട​ല്ലാ​താ​യി. പെ​ട്ട​ന്ന് ക​വ​റു​ക​ൾ കി​ട്ടാ​താ​യ​പ്പോ​ൾ ആ​കെ പെ​ട്ട പോ​ലെ​യാ​യി. പി​ന്നെ പു​റ​ത്തി​റ​ങ്ങു​ന്പോ​ൾ ഒ​രു സ​ഞ്ചി ക​യ്യി​ൽ ക​രു​താ​ൻ തു​ട​ങ്ങി. ഇ​പ്പോ​ൾ അ​ഡ്ജ​സ്റ്റാ​യി. ഒ​രു ന​ല്ല കാ​ര്യ​ത്തി​നു​വേ​ണ്ടി​യ​ല്ലേ. ഇ​ത് മു​ന്നോ​ട്ടു പോ​ക​ട്ടെ. ഇ​നി പ​ഴ​യ പോ​ലെ​യാ​യാ​ൽ വീ​ണ്ടും ശീ​ല​വും മാ​റും. അ​ങ്ങി​നെ​യു​ണ്ടാ​കാ​തി​രി​ക്ക​ട്ടെ തു​ണി സ​ഞ്ചി​യു​മാ​യി ഷോ​പ്പിം​ഗി​നി​റ​ങ്ങി​യ ന​ഗ​ര​വാ​സി​യാ​യ വീ​ട്ട​മ്മ പ​റ​ഞ്ഞു.

തു​ണി സ​ഞ്ചി ക​ച്ച​വ​ടം പൊ​ടി​പൊ​ടി​ക്കു​ന്നു
പ്ലാ​സ്റ്റി​ക് ക്യാ​രി ബാ​ഗു​ക​ൾ തൃ​ശൂ​ർ കോ​ർ​പ​റേ​ഷ​ൻ ക​ർ​ശ​ന​മാ​യി നി​രോ​ധി​ച്ച​തോ​ടെ തു​ണി​സ​ഞ്ചി ക​ച്ച​വ​ടം തൃ​ശൂ​രി​ൽ പൊ​ടി​പൊ​ടി​ക്കു​ന്നു. ക​ട​ക​ളി​ലും മ​റ്റും സാ​ധ​ന​ങ്ങ​ൾ വാ​ങ്ങാ​ൻ പോ​കു​ന്ന​വ​ർ ഇ​പ്പോ​ൾ തു​ണി സ​ഞ്ചി​ക​ൾ കൈ യിൽ ക​രു​തു​ന്നു​ണ്ട്. ചെ​റു​തും വ​ലു​തു​മാ​യ തു​ണി​സ​ഞ്ചി​ക​ൾ വ​ൻ​തോ​തി​ൽ വി​റ്റു​പോ​കു​ന്നു​ണ്ടെ​ന്ന് തൃ​ശൂ​രി​ൽ തു​ണി​സ​ഞ്ചി​ക​ൾ ത​യ്ച്ചു ന​ൽ​കു​ന്ന എ​ല​ഗ​ന്‍റ് എ​ന്ന സ്റ്റി​ച്ചിം​ഗ് ക​ട​യു​ടെ ഉ​ട​മ അ​ശോ​ക​ൻ പ​റ​ഞ്ഞു. പ​ല വ​ലു​പ്പ​ത്തി​ലാ​ണ് തു​ണി സ​ഞ്ചി​ക​ൾ ത​യ്യാ​റാ​ക്കു​ന്ന​ത്. ര​ണ്ടു കി​ലോ മു​ത​ൽ പ​ത്തു കി​ലോ വ​രെ ഭാ​രം താ​ങ്ങു​ന്ന ത​ര​ത്തി​ലു​ള്ള തു​ണി സ​ഞ്ചി​ക​ൾ ത​യ്ക്കു​ന്നു​ണ്ട്. പ​ത്തു രൂ​പ മു​ത​ൽ​ക്ക് സ​ഞ്ചി​ക​ൾ​ക്ക് ഈ​ടാ​ക്കു​ന്നു​ണ്ട്.

ബേ​ക്ക​റി​ക്കാ​രും ഫ്രൂ​ട്ട്സ് വി​ൽ​പ​ന​ക്കാ​രു​മെ​ല്ലാം ഇ​ത്ത​രം ബാ​ഗു​ക​ൾ​ക്ക് ആ​വ​ശ്യ​ക്കാ​രാ​ണ്. ഇ​പ്പോ​ൾ ഹോ​ൾ​സെ​യി​ൽ വി​ൽ​പ​ന​യാ​ണെ​ങ്കി​ലും വൈ​കാ​തെ റീ​ട്ടെ​യി​ൽ വി​ൽ​പ​ന​യും തു​ട​ങ്ങു​മെ​ന്ന് അ​ശോ​ക​ൻ പ​റ​ഞ്ഞു. ഡി​സ്പോ​സ​ബി​ൾ തു​ണി​സ​ഞ്ചി​ക​ളാ​ണ് എ​ല​ഗ​ന്‍റി​ൽ നി​ർ​മി​ക്കു​ന്ന​ത്. ഒ​ന്നോ ര​ണ്ടോ ത​വ​ണ ഉ​പ​യോ​ഗി​ച്ചു ക​ഴി​ഞ്ഞാ​ൽ ക​ള​യാ​വു​ന്ന തു​ണി​സ​ഞ്ചി​ക​ളാ​ണ് ത​ങ്ങ​ളു​ണ്ടാ​ക്കു​ന്ന​തെ​ന്നും സ്ക്രീ​ൻ പ്രി​ന്‍റ് ചെ​യ്ത തു​ണി സ​ഞ്ചി​ക​ളും പ്ലെ​യി​ൻ സ​ഞ്ചി​ക​ളും ല​ഭ്യ​മാ​ണെ​ന്നും അ​ശോ​ക​ൻ പ​റ​ഞ്ഞു.

പ​ല സൂ​പ്പ​ർ​മാ​ർ​ക്ക​റ്റു​കാ​രും ഷോ​പ്പിം​ഗ് മാ​ളു​ക​ളി​ലു​ള്ള​വ​രും ബ​ൾ​ക്ക് ഓ​ർ​ഡ​റു​ക​ളാ​ണ് തു​ണി​സ​ഞ്ചി​ക​ൾ​ക്ക് ന​ൽ​കു​ന്ന​ത്. സൂ​പ്പ​ർ​മാ​ർ​ക്ക​റ്റു​ക​ളി​ൽ നി​ന്നും സാ​ധ​ന​ങ്ങ​ൾ വാ​ങ്ങു​ന്ന​വ​ർ​ക്ക് പ്ലാ​സ്റ്റി​ക് ക്യാ​രി ബാ​ഗി​നു പ​ക​രം ഇ​ത്ത​രം തു​ണി​സ​ഞ്ചി​ക​ളി​ലാ​ണ് ഇ​പ്പോ​ൾ സാ​ധ​ന​ങ്ങ​ൾ ന​ൽ​കു​ന്ന​ത്. സ​ഞ്ചി​ക്ക് ഒ​രു തു​ക​യും ഈ​ടാ​ക്കു​ന്നു​ണ്ട്.

പ്ലാ​സ്റ്റി​ക് ക്യാ​രി ബാ​ഗു​പോ​ലെ ആ​ളു​ക​ൾ ഈ ​തു​ണി​സ​ഞ്ചി​ക​ൾ ഉ​പേ​ക്ഷി​ക്കു​ന്നി​ല്ലെ​ന്ന​തും വീ​ണ്ടും വീ​ണ്ടും ഈ ​സ​ഞ്ചി​ക​ൾ ഉ​പ​യോ​ഗി​ക്കു​ന്നു​വെ​ന്ന​തും പ്ലാ​സ്റ്റി​കി​ന്‍റെ ഉ​പ​യോ​ഗം വ​ള​ര​യ​ധി​കം കു​റ​യ്ക്കാ​ൻ സ​ഹാ​യി​ക്കു​ന്നു​ണ്ട്.
മേ​യ​ർ​ക്ക് പ​റ​യാ​നു​ള്ള​ത്…
തൃ​ശൂ​ർ​ക്കാ​രു​ടെ ഭാ​ഗ​ത്തു നി​ന്നും വ​ള​രെ ന​ല്ല സ​ഹ​ക​ര​ണ​മാ​ണ് പ്ലാ​സ്റ്റി​ക് ക്യാ​രി ബാ​ഗ് നി​രോ​ധ​ന​ത്തി​നോ​ടു​ണ്ടാ​യ​ത്. ഇ​ത് തു​ട​രും.പ്ലാ​സ്റ്റി​ക്കി​​തി​രെ​യു​ള്ള പോ​രാ​ട്ട​ത്തി​ന് തൃ​ശൂ​ർ കോ​ർ​പ​റേ​ഷ​ൻ മാ​തൃ​ക​യാ​കും. റ​സി​ഡ​ൻ​സ് അ​സോ​സി​യേ​ഷ​നു​ക​ൾ വീ​ടു​വീ​ടാ​ന്ത​രം ക​യ​റി​യി​റ​ങ്ങി തു​ണി​സ​ഞ്ചി​ക​ൾ ന​ൽ​കു​ന്നു​ണ്ട്. പ്ലാ​സ്്റ്റി​ക് ഉ​പ​യോ​ഗി​ക്ക​രു​തെ​ന്ന് നി​ർ​ദ്ദേ​ശി​ക്കു​ന്നു​ണ്ട്. വ്യാ​പാ​രി​ക​ളും ന​ല്ല രീ​തി​യി​ൽ

സ​ഹ​ക​രി​ക്കു​ന്നു​ണ്ട്. അ​ടു​ത്ത ജ​നു​വ​രി​യോ​ടെ നി​രോ​ധ​നം പൂ​ർ​ണ​മാ​യും ന​ട​പ്പാ​ക്കാ​നാ​കും. ക​ട​ക​ളി​ൽ ഞാ​നും ഡെ​പ്യൂ​ട്ടി മേ​യ​റും നേ​രി​ട്ടെ​ത്തി പ​രി​ശോ​ധ​ന ന​ട​ത്തി ബോ​ധ​വ​ത്ക​ര​ണം ന​ട​ത്തു​ന്നു​ണ്ട്. സ്കൂ​ളു​ക​ളും വാ​യ​ന​ശാ​ല​ക​ളും സ​ന്ന​ദ്ധ സം​ഘ​ട​ന​ക​ളു​മെ​ല്ലാം അ​ന്പ​തു മൈ​ക്രോ​ണി​ന് താ​ഴെ​യു​ള്ള ്പ്ലാ​സ്റ്റി​ക് നി​രോ​ധ​ന​ത്തെ ഏ​റ്റെ​ടു​ത്ത് വി​ജ​യി​പ്പി​ച്ചു​കൊ​ണ്ടി​രി​ക്കു​ക​യാ​ണ്.

തൊ​ഴി​ൽ ന​ൽ​കു​ന്ന നി​രോ​ധ​നം
പ്ലാ​സ്റ്റി​ക് ക്യാ​രി ബാ​ഗു​ക​ൾ നി​രോ​ധി​ച്ച​ത് വ​ൻ തൊ​ഴി​ൽ സാ​ധ്യ​ത​യാ​ണ് തു​റ​ന്നി​ട്ടി​രി​ക്കു​ന്ന​ത്. തു​ണി സ​ഞ്ചി​ക​ൾ​ക്ക് ആ​വ​ശ്യ​ക്കാ​ർ കൂ ​ടി​യ​തോ​ടെ തു​ണി സ​ഞ്ചി ത​യ്ച്ചു ന​ൽ​കു​ന്ന ക​ച്ച​വ​ടം ത​കൃ​തി​യാ​യി. ഇ​ത് വ​ലി​യ തൊ​ഴി​ൽ​സാ​ധ്യ​ത​യി​ലേ​ക്കാ​ണ് എ​ത്തി​യി​രി​ക്കു​ന്ന​ത്. ഡി​മാ​ന്‍റി​ന് അ​നു​സ​രി​ച്ച് തു​ണി​സ​ഞ്ചി എ​ത്തി​ച്ചു​കൊ​ടു​ക്കാ​നാ​യി പ​ല പു​തി​യ യൂ​ണി​റ്റു​ക​ളും ആ​രം​ഭി​ച്ചി​ട്ടു​ണ്ട്.

ജി​ല്ല​യി​ലെ പ​ഞ്ചാ​യ​ത്തു​ക​ളി​ൽ തു​ണി സ​ഞ്ചി നി​ർ​മാ​ണ യൂ​ണി​റ്റു​ക​ൾ ആ​രം​ഭി​ച്ചു ക​ഴി​ഞ്ഞു. ഒ​രു പ​ഞ്ചാ​യ​ത്തി​ൽ 20 മു​ത​ൽ 25 സ്ത്രീ​ക​ൾ​ക്ക് വ​രെ തൊ​ഴി​ൽ കി​ട്ടു​ന്ന സം​രം​ഭ​മാ​യി തു​ണി​സ​ഞ്ചി നി​ർ​മാ​ണം മാ​റു​ന്നു.
തൃ​ശൂ​ർ കോ​ർ​പ​റേ​ഷ​ൻ കു​ടും​ബ​ശ്രീ യൂ​ണി​റ്റു​ക​ൾ​ക്ക് ദേ​ശീ​യ ഉ​പ​ജീ​വ​ന മി​ഷ​ൻ മു​ഖേ​ന വാ​യ്പ ത​ര​പ്പെ​ടു​ത്തി തു​ണി​സ​ഞ്ചി നി​ർ​മാ​ണ യൂ​ണി​റ്റു​ക​ൾ കോ​ർ​പ​റേ​ഷ​ന്‍റെ എ​ല്ലാ ഡി​വി​ഷ​നു​ക​ളി​ലും ആ​രം​ഭി​ക്കാ​ൻ പ​ദ്ധ​തി ആ​വി​ഷ്ക​രി​ക്കു​ന്നു​ണ്ട്.