സമയപരിധി ലംഘിച്ച് പ്രവര്ത്തിച്ചതിന് ബോളിവുഡ് നടി ശില്പ ഷെട്ടിയുടെ ഉടമസ്ഥതയിലുളള പബ്ബിന്റെ പേരില് പോലീസ് കേസെടുത്തു. ബംഗളൂരുവിലെ ബാസ്റ്റിയന് ഗര്ഡന് സിറ്റി പബ്ബിന്റെ പേരിലാണു കേസ്.
കഴിഞ്ഞ ദിവസം ഈ പബ്ബിലെത്തിയവര് തമ്മില് സംഘര്ഷം നടക്കുന്ന വീഡിയോ സാമൂഹികമാധ്യമങ്ങളില് പ്രചരിച്ചിരുന്നു. പബ്ബുകള് പ്രവര്ത്തിക്കാന് അനുവദിച്ചിരുന്ന സമയത്തിനുശേഷവും ഇത് പ്രവര്ത്തിക്കുന്നുവെന്ന് ഇതില് നിന്ന് വ്യക്തമായിരുന്നു. തുടര്ന്നാണ് പോലീസ് കേസെടുത്തത്.
അര്ധരാത്രിക്കുശേഷം ഒരുമണിവരെയാണ് ബംഗളൂരുവില് പബ്ബുകള്ക്ക് പ്രവര്ത്തിക്കാന് അനുമതിയുളളത്. ബംഗളൂരുവില് പ്രവര്ത്തിക്കുന്ന ഒട്ടേറെ പബ്ബുകളില് ബോളിവുഡ് താരങ്ങള്ക്കും ക്രിക്കറ്റ് താരങ്ങൾക്കും ഓഹരിപങ്കാളിത്തമുണ്ട്.
