മമ്മൂട്ടിയെ കേന്ദ്രകഥാപാത്രമാക്കി ജോഷി ഒരുക്കിയ ചിത്രമാണ് ധ്രുവം ചിത്രം പുറത്തിറങ്ങിയത് 1993ല്‍ ആയിരുന്നു. മലയാളികള്‍ എക്കാലവും കാണുന്ന ചിത്രങ്ങളിലൊന്നാണിത്.
ചിത്രം സാമ്പത്തികമായും വന്‍വിജയമായി. ഇപ്പോഴും ടെലിവിഷനിലൂടെയും മറ്റും നിരവധി ആളുകളാണ് ഈ ചിത്രം കാണുന്നത്. മമ്മൂട്ടിയുടെ കരിയറിലെ തന്നെ മികച്ച സിനിമകളിലൊന്നായിരുന്നു ഇത്.സുരേഷ് ഗോപി, ജയറാം തുടങ്ങിയ വമ്പന്‍ താരനിരയായിരുന്നു ചിത്രത്തില്‍ അണിനിരന്നത്.
എസ്എന്‍ സ്വാമി തിരക്കഥ രചിച്ച ഈ ചിത്രത്തിന്റെ കഥ ഒരുക്കിയത് എകെ സാജന്‍ ആയിരുന്നു. ഇപ്പോഴിതാ ഒരു അഭിമുഖത്തില്‍ ഈ സിനിമ ഉണ്ടായത് കഥ അദ്ദേഹം തുറന്നു പറയുകയാണ്.
ധ്രുവം എന്ന സിനിമ മനസ്സില്‍ ഉണ്ടായിരുന്നപ്പോള്‍ അതിലെ നരസിംഹ മന്നാടിയാര്‍ എന്ന കഥാപാത്രത്തിന് അധികം പ്രാധാന്യം ഇല്ലായിരുന്നു ചിത്രത്തിലെ പ്രധാനപ്പെട്ട കഥാപാത്രം ശരിക്കും ആരാച്ചാര്‍ ആയിരുന്നു.
ആരാച്ചാര്‍ കഥാപാത്രം ആദ്യം മുരളിയെ വെച്ച് ആലോചിച്ചെങ്കിലും, മോഹന്‍ലാലിനോട് പറഞ്ഞിരുന്നു , അന്ന് ഈ കഥ ഒട്ടും വാണിജ്യ സിനിമയ്ക്കു ചേരാത്ത തരത്തിലുള്ള ഒന്നായിരുന്നു എന്ന് പറഞ്ഞവര്‍ പിന്‍വാങ്ങുകയായിരുന്നു.
പിന്നീട് ഈ കഥ എസ്എന്‍ സ്വാമിയോട് പറയുകയും അതില്‍ ആരാച്ചാര്‍ എന്ന കഥാപാത്രത്തെ ഒരിക്കലും മമ്മൂട്ടിക്ക് കൊടുക്കാന്‍ കഴിയില്ല എന്നും മമ്മൂട്ടിക്ക് ഒരു ഹീറോ പരിവേഷം നല്‍കണമെന്നും സ്വാമി പറഞ്ഞു,
അങ്ങനെയാണ് ധ്രുവത്തിലെ നരസിംഹ മന്നാടിയാര്‍ എന്ന കഥാപാത്രത്തിനു ജീവന്‍ വന്നതെന്നും സാജന്‍ അറിയിച്ചു.
