Tag: manju warrier

മലയാളത്തിന്‍റെ ലേഡീസ് സൂപ്പർ സ്റ്റാർ തമിഴ് സിനിമയിലേക്ക് ചേക്കേറുമ്പോൾ ആരാധകരും കാത്തിരിക്കുകയാണ് മഞ്ജുവിന്‍റെ തമിഴ് മൂവിക്കായ്. വെട്രിമാരൻ- ധനുഷ് കൂട്ടുകെട്ടിൽ ഒരുങ്ങുന്ന അസുരനിലൂടെയാണ് മഞ്ജുവിന്‍റെ കോളിവുഡിലേക്കുള്ള അരങ്ങേറ്റം. തന്‍റെ പുതിയ തമിഴ് സിനിമയെക്കുറിച്ച് വാചാലയാകുന്നതിനിടെ അവതരാകന്‍റെ ഒരു ചോദ്യത്തിനുള്ള മറുപടി വൈറലാകുകയാണ്. മോഹൻലാലിനെക്കുറിച്ച് മൂന്ന് വാക്കുകൾ കൊണ്ട് വിശേഷിക്കാനായിരുന്നു അവതാരകന്‍റെ ചോദ്യം. അദ്ദേഹത്തെ മൂന്ന് വാക്കുകൾ കൊണ്ട് വിശേഷിപ്പിക്കാനാവില്ല, ദൈവത്താൽ തിരഞ്ഞെടുക്കപ്പെട്ട പുത്രനാണ് അദ്ദേഹമെന്നായിരുന്നു മഞ്ജുവിന്‍റെ മറുപടി. അദ്ദേഹത്തിന് ഒപ്പം എട്ട് സിനിമകൾ ചെയ്തിട്ടുണ്ട്. പ്രത്യേകതയുള്ള എനർജിയും ചാമുമൊക്കെയാണ് അദ്ദേഹം ഉള്ളപ്പോൾ ലഭിക്കുക. വളരെ സാധാരണക്കാരനായി സൂപ്പർ സ്റ്റാറിന്‍റെ തലക്കനമില്ലാതെയാണ് എല്ലാവരോടും ഇടപഴകാറ്. ഒടിയന് ശേഷം മരക്കാറിലൂടെ ഇരുവരും തിരിച്ചുവരുകയാണ്. പ്രിയദർശൻ സംവിധാനം ചെയ്യുന്ന ചിത്രത്തിന്‍റെ ലൊക്കേഷൻ ചിത്രങ്ങൾ ഇതിനോടകം ആരാധകർ ഏറ്റെടുത്തുകഴിഞ്ഞു

‘ജസ്റ്റ് ഫോണ്‍ വിമണ്‍’ മാസികയുടെ പുരസ്‌കാര വേദിയില്‍ ശക്തമായ വാക്കുകളിലൂടെ താരമായി മഞ്ജു വാര്യര്‍. തനിക്ക് ലഭിച്ച പുരസ്‌കാരം പ്രളയത്തെ അതിജീവിച്ച കേരളത്തിനും അടിച്ചമര്‍ത്തപ്പെടുന്ന സ്ത്രീകള്‍ക്കുമായാണ് മഞ്ജു സമര്‍പ്പിച്ചത്. പുരസ്‌കാരം ഏറ്റു വാങ്ങിയതിന് ശേഷം സംസാരിക്കുമ്പോഴായിരുന്നു മഞ്ജുവിന്റെ തുറന്നു പറച്ചില്‍.’പുരസ്‌കാരങ്ങള്‍ എന്നും പ്രോത്സാഹനമാണ്. എന്നെ സംബന്ധിച്ച് ഓരോ പുരസ്‌കാരവും പ്രത്യേകതയുള്ളതാണ്. ഇന്ന് ഈ പുരസ്‌കാരവേദിയില്‍ സ്ത്രീകളുടെ വിജയത്തെക്കുറിച്ചാണ് സംസാരിക്കുന്നത്. വളരെ സന്തോഷകരമായ കാര്യങ്ങള്‍. പക്ഷേ ഞാന്‍ മറ്റൊരു കാര്യം സംസാരിക്കുവാന്‍ ആഗ്രഹിക്കുന്നു. നമ്മുടെ രാജ്യത്ത് സ്ത്രീകളുടെ സുരക്ഷയും അന്തസ്സും ചോദ്യം ചെയ്യപ്പെടുകയാണ്. സ്ത്രീകളുടെ അഭിമാനത്തിന് മുറിവേല്‍ക്കുന്നത് നമ്മള്‍ അഭിമാനിക്കുന്ന പുരോഗന സമൂഹത്തിന് ഏല്‍ക്കുന്ന മുറിവാണ്. എനിക്ക് ലഭിച്ച ഈ പുരസ്‌കാരം അടിച്ചമര്‍ത്തപ്പെട്ട സ്ത്രീകള്‍ക്കായി ഞാന്‍ സമര്‍പ്പിക്കുന്നു. അവര്‍ക്കൊപ്പം എന്നും ഞാന്‍ നിലയുറപ്പിക്കുമെന്ന് വാക്ക് തരുന്നു. പ്രളയത്തെ അതിജീവിച്ച് മുന്നോട്ട് വന്ന എന്റെ കേരളത്തിനും ഞാന്‍ ഈ പുരസ്‌കാരം…