സു​ഖ​ചി​കി​ത്സ​യ്ക്കും അറുതിക്കും അവധി; ചാ​ക​രയുടെ പ്ര​തീ​ക്ഷ​യി​ൽ തീരം

കെ.​ടി. വി​ൻ​സ​ന്‍റ്

ചാ​വ​ക്കാ​ട്: മു​ന​ക്ക​ക​ട​വി​ലെ മ​റൈ​ൻ എ​ൻ​ജി​നി​യ​റിം​ഗ് കേ​ന്ദ്ര​ങ്ങ​ളി​ൽ തി​ര​ക്കി​ട്ട പ​ണി ന​ട​ക്കു​ക​യാ​ണ്. ത​ട്ട​ലും മു​ട്ട​ലും പെ​യി​ന്‍റിം​ഗു​മാ​യി അ​വ​സാ​ന മി​നു​ക്കു പ​ണി​യി​ലാ​ണ് എ​ല്ലാ​വ​രും. സ​ഹാ​യി​ക്കാ​ൻ ബോ​ട്ട് തൊ​ഴി​ലാ​ളി​ക​ളും.
ഒ​ടു​വി​ൽ കാ​ത്തി​രു​ന്ന ദി​വ​സം എ​ത്തി. ട്രോ​ളിം​ഗ് നി​രോ​ധ​നം ഇ​ന്ന് തീ​രും.

നാ​ളെ പു​ല​ർ​ച്ചെ മു​ത​ൽ മ​ത്സ്യ​ബ​ന്ധ​നം ആ​രം​ഭി​ക്കും. വ​റു​തി​ക്ക് അ​റു​തി​വ​രു​ത്തി ചാ​ക​ര പ്ര​തീ​ക്ഷ​യി​ലാ​ണ് എ​ല്ലാ​വ​രും. ക​ഴി​ഞ്ഞ​മാ​സം ഒ​ന്പ​തി​ന് ആ​രം​ഭി​ച്ച ട്രോ​ളിം​ഗ് നി​രോ​ധ​നം ഇ​ന്ന് അ​ർ​ധ​രാ​ത്രി അ​വ​സാ​നി​ക്കും. അ​തി​ന്‍റെ തി​ര​ക്കി​ലാ​ണ് മു​ന​ക്ക​ക​ട​വ് തീ​ര​ത്ത്. ബോ​ട്ടു​ക​ൾ​ക്ക് സു​ഖ ചി​കി​ത്സ കൂ​ടി ന​ൽ​കു​ന്ന​കാ​ല​മാ​ണ് നി​രോ​ധ​നം. തൊ​ഴി​ലാ​ളി​ക​ൾ​ക്ക് ദു​രി​ത​കാ​ല​മാ​ണെ​ങ്കി​ലും അ​ന്നം തേ​ടാ​ൻ പോ​കു​ന്ന യാ​ന​ങ്ങ​ൾ അ​വ​ർ​ക്ക് ച​ങ്കാ​ണ്. അ​റ്റ​കു​റ്റ​പ്പ​ണി​ക​ൾ​ക്ക് ക​ര​യ്ക്കു ക​യ​റ്റി​യ ബോ​ട്ടു​ക​ൾ​ക്കൊ​പ്പം തൊ​ഴി​ലാ​ളി​ക​ളും നി​ൽ​ക്കും.

നൂ​റു​ക​ണ​ക്കി​നു ബോ​ട്ടു​ക​ൾ പ​ണി​ക്കാ​യി ക​ര​യ്ക്കു ക​യ​റു​ന്ന സ​മ​യ​മാ​ണ്. ഒ​പ്പം നി​ന്നി​ല്ലെ​ങ്കി​ൽ അ​റ്റു​കു​റ്റ​പ്പ​ണി​ക​ൾ തീ​രി​ല്ലെ​ന്ന് അ​വ​ർ​ക്ക​റി​യാം. മ​റൈ​ൻ എ​ൻ​ജി​നീ​യ​റിം​ഗ് തൊ​ഴി​ലാ​ളി​ക​ൾ​ക്കൊ​പ്പം അ​വ​രും പ​ണി​യെ​ടു​ക്കും. അ​തി​ന്‍റെ അ​വ​സാ​ന​ത്തെ ത​ട്ട​ലും മു​ട്ട​ലു​മാ​ണ് തീ​ര​പ്ര​ദേ​ശ​ത്ത് ന​ട​ക്കു​ന്ന​ത്.

നാ​ളെ​മു​ത​ൽ യ​ന്ത്രം ഘ​ടി​പ്പി​ച്ച ബോ​ട്ടു​ക​ൾ​ക്ക് ക​ട​ലി​ൽ പോ​യ മീ​ൻ പി​ടി​ക്കാം. നി​രോ​ധ​നം ക​ഴി​യു​ന്ന​തോ​ടെ ചാ​ക​ര പ്ര​തീ​ക്ഷ​യി​ലാ​ണ് തീ​രം. ജി​ല്ല​യി​ലെ പ്ര​ധാ​ന ഫി​ഷ്ലാ​ന്‍റിം​ഗ് സെ​ന്‍റ​റു​ക​ളി​ലൊ​ന്നാ​യ ചാ​വ​ക്കാ​ട് മു​ന​ക്ക​ക​ട​വി​ലും ചേ​റ്റു​വ ക​ട​വി​ലും ബോ​ട്ടു​ക​ൾ ത​യാ​റാ​യി​ക​ഴി​ഞ്ഞു. വ​ല​ക​ളു​ടെ കേ​ടു​പാ​ടു​ക​ൾ തീ​ർ​ത്തും ക​ട​ല​മ്മ ക​നി​യും എ​ന്ന കാ​ത്തി​രി​പ്പി​ൽ അ​വ​സാ​ന​ത്തെ മ​ണി​ക്കൂ​റു​ക​ൾ ത​ള്ളി​നീ​ക്കു​ക​യാ​ണ് തൊ​ഴി​ലാ​ളി​ക​ളും അ​നു​ബ​ന്ധ​ന തൊ​ഴി​ലാ​ളി​ക​ളും.

അ​ഴി​മു​ഖ​ത്തെ മ​ണ​ൽ​തി​ട്ട​യു​ടെ ഭീ​ഷ​ണി​യു​ള്ള​തി​നാ​ൽ വ​ലി​യ ബോ​ട്ടു​ക​ളി​ൽ പ​ല​രും നാ​ളെ കൊ​ല്ലം, നീ​ണ്ട​ക​ര, ശ​ക്തി​കു​ള​ങ്ങ​ര ഹാ​ർ​ബ​റു​ക​ളി​ലേ​ക്ക് പോ​കും. അ​വ​ർ ഇ​നി ഓ​ണം ക​ഴി​ഞ്ഞെ തി​രി​ച്ചെ​ത്തു​ക​യു​ള്ളൂ. പ്ര​തീ​ക്ഷ​യി​ലാ​ണെ​ങ്കി​ലും കാ​ലാ​വ​സ്ഥ ച​തി​ക്കു​മോ എ​ന്ന ആ​ശ​ങ്ക​യും തൊ​ഴി​ലാ​ളി​ക​ൾ​ക്കു​ണ്ട്.

ഇ​തി​നി​ടെ മ​ത്സ്യ​ബ​ന്ധ​ന യാ​ന​ങ്ങ​ളു​ടെ ലൈ​സ​ൻ​സ് ഫീ​സ് വ​ർ​ധ​ന, ഡീ​സ​ലി​ന്‍റെ വി​ല കൂ​ടു​ത​ൽ അ​ട​ക്ക​മു​ള്ള സം​ഭ​വ​ത്തി​ൽ പ്ര​തി​ഷേ​ധ​മു​ണ്ട്. ഇ​തി​നെ​തി​രെ ഉ​ട​മ​ക​ളും തൊ​ഴി​ലാ​ളി​ക​ളും ശ​ക്ത​മാ​യ പ്ര​തി​ഷേ​ധം സം​ഘ​ടി​പ്പി​ക്കാ​നും ഒ​രു​ങ്ങു​ന്നു​ണ്ട്.