അ​സ​ബു​ല്ല ഹാ​ജി! ഒരു വിസ്മയ യാ​ത്രി​ക​ൻ; കു​വൈ​റ്റി​ലെ​ത്തി​യ പ​ന്ത്ര​ണ്ടാ​മ​ത്തെ മ​ല​യാ​ളി​; ആറര പതിറ്റാണ്ടു മുമ്പ് കുവൈറ്റിലെത്തിയപ്പോള്‍ അസബുല്ല ഹാജി തുടക്കമിട്ടത് ഒരു ചരിത്രത്തിന്‌

സ്വ​ന്തം ലേ​ഖ​ക​ൻ

തൃ​ശൂ​ർ: ആ​റ​ര പ​തി​റ്റാ​ണ്ടു മു​ന്പ് കു​വൈ​റ്റി​ലെ​ത്തി​യ​പ്പോ​ൾ അ​സ​ബു​ല്ല ഹാ​ജി ഒ​രു ച​രി​ത്ര​ത്തി​നാ​ണു തു​ട​ക്ക​മി​ട്ട​ത്. മും​ബൈ​യി​ൽ​നി​ന്ന് അ​വി​ടെ​യെ​ത്തു​വോ​ളം നേ​രി​ടേ​ണ്ടി​വ​ന്ന ക​ഷ്ട​പ്പാ​ടു​ക​ൾ ക​ണ​ക്കി​ല്ലാ​ത്ത​താ​യി​രു​ന്നു.

ക​ഠി​ന​വ​ഴി​ക​ൾ താ​ണ്ടി ല​ക്ഷ്യ​ത്തി​ലെ​ത്തി​യ അ​ദ്ദേ​ഹം അ​വി​ടെ​യെ​ത്ത​ുന്ന പ​ന്ത്ര​ണ്ടാ​മ​ത്തെ മ​ല​യാ​ളി​യാ​യി, നാ​ലാ​മ​ത്തെ തൃ​ശൂ​ർ​ക്കാ​ര​നും. അ​തി​ന​ദ്ദേ​ഹ​ത്തെ പ്രാ​പ്ത​നാ​ക്കി​യ​തു മ​ന​സി​ലു​റ​പ്പി​ച്ച കാ​ര്യ​ത്തി​ൽ​നി​ന്നു പി​ന്നോ​ട്ടി​ല്ല എ​ന്ന നി​ശ്ച​യ​ദാ​ർ​ഢ്യം മാ​ത്ര​മാ​യി​രു​ന്നു.

കാ​ട്ടൂ​ർ നെ​ടു​ന്പു​ര കൊ​ര​ട്ടി​പ്പ​റ​ന്പി​ൽ അ​സ​ബു​ല്ല ഹാ​ജി വി​ട​പ​റ​യു​ന്പോ​ഴും അ​ദ്ദേ​ഹം തു​ട​ക്ക​മി​ട്ട ച​രി​ത്ര​ത്തി​ന്‍റെ​യും, മ​ല​യാ​ളി​ക​ൾ​ക്കു പ​ക​ർ​ന്നുന​ൽ​കി​യ ആ​ത്മ​വി​ശ്വാ​സ​ത്തി​ന്‍റെ​യും തി​ള​ക്കം മാ​യു​ന്നി​ല്ല.

മും​ബൈ​യി​ൽ ജോ​ലി​ചെ​യ്യു​ന്ന​ കാ​ല​ത്ത് കു​വൈ​റ്റി​ൽ എ​ണ്ണ ക​ണ്ടെ​ത്തി​യെ​ന്ന വാ​ർ​ത്ത അ​ന്ന് ഇ​രു​പ​തു​വ​യ​സു​ള്ള അ​സ​ബു​ല്ല അ​റി​ഞ്ഞ​ത് ക​പ്പി​ത്താ​നാ​യ ബ​ന്ധു മു​ഹ​മ്മ​ദു​ണ്ണി വ​ഴി​യാ​ണ്.

മൂ​ന്നുവ​ർ​ഷം​കൂ​ടി ക​ഴി​ഞ്ഞാ​ണ് അ​ങ്ങോ​ട്ടേ​ക്ക് ഒ​രു വ​ഴി​യു​ണ്ടെ​ന്ന​റി​ഞ്ഞ​ത്. ക​റാ​ച്ചി​യി​ൽ എ​ത്തി​യാ​ൽ കു​വൈ​റ്റി​ൽ എ​ത്താ​മെ​ന്നാ​യി​രു​ന്നു ആ ​കേ​ട്ട​റി​വ്.

അ​വി​ടെ​യെ​ത്തി​യ​പ്പോ​ഴാ​ണ് അ​തു വേ​റെ കു​വൈ​റ്റാ​ണെ​ന്നു മ​ന​സി​ലാ​യ​ത്. ക​റാച്ചി​യി​ൽ​നി​ന്ന് ഇ​റാ​ക്കിലേ​ക്കു പോ​യ ഒ​രു ക​പ്പ​ലി​ൽ തു​ട​ർ​യാ​ത്ര.

ഇ​റാക്കിന​ടു​ത്തു ബ​സ്റ തു​റ​മു​ഖ​ത്തു ക​പ്പ​ലി​റ​ങ്ങി. കു​വൈ​റ്റി​ലേ​ക്കു ക​പ്പ​ൽ ക​യ​റാ​ൻ ശ്ര​മി​ച്ചെ​ങ്കി​ലും ന​ട​ന്നി​ല്ല. ന​ട​ക്കാ​ൻ തീ​രു​മാ​നി​ച്ചു. യാ​ത്ര മാ​സ​ങ്ങ​ൾ നീ​ണ്ടു.

ആ​ട്ടി​ട​യന്മാർ​ക്കും ഗ്രാ​മീ​ണ​ർ​ക്കും ഒ​പ്പം താ​മ​സം. അ​വ​ർ ന​ൽ​കി​യ ഭ​ക്ഷ​ണം തു​ണി​യി​ൽ പൊ​തി​ഞ്ഞു കൈ​യി​ൽ​വ​ച്ചു, യാ​ത്ര​യി​ൽ ക​ഴി​ക്കാ​ൻ. കു​ടി​ക്കാ​ൻ കി​ട്ടി​യ​തു ചെ​ളി​വെ​ള്ള​മാ​ണ്.

ഒ​ടു​വി​ൽ മ​ത്സ്യ​ത്തൊ​ഴി​ലാ​ളി​ക​ളു​ടെ ഒ​രു വ​ഞ്ചി​യി​ൽ ക​യ​റി​പ്പ​റ്റി. ക​ട​ൽ​യാ​ത്ര ദി​വ​സ​ങ്ങ​ൾ നീ​ണ്ടു. സ്വ​പ്ന​തീ​രത്ത് എ​ത്തി​യ​പ്പോ​ഴാ​ക​ട്ടെ മു​ന്നി​ൽ​പ്പെ​ട്ട​തു പോ​ലീ​സ്. യാ​ത്രാ​രേ​ഖ​ക​ൾ ഇ​ല്ലാ​തെ അ​വി​ടെ തു​ട​രു​ക സാ​ധ്യ​മ​ല്ലാ​യി​രു​ന്നു. നി​രാ​ശ​യോ​ടെ ബ​സ്റ​യി​ലേ​ക്കു മ​ട​ങ്ങേ​ണ്ടി​വ​ന്നു.

അ​സ​ബു​ല്ല തോ​ൽ​ക്കാ​ൻ ഒ​രു​ക്ക​മ​ല്ലാ​യി​രു​ന്നു. ര​ണ്ടാംത​വ​ണ​യും ന​ട​ത്തം തു​ട​ങ്ങി. തേ​ഞ്ഞു തു​ള​വീ​ഴു​ക​യും വാ​റു​പൊ​ട്ടു​ക​യും ചെ​യ്ത ചെ​രി​പ്പു​പേ​ക്ഷി​ച്ച് മ​ണ​ലി​ലൂ​ടെ ന​ട​പ്പ്.

ഇ​ട​യ്ക്ക് ആ​ടു​ക​ളെ കൊ​ണ്ടു​പോ​കു​ന്ന വാ​ഹ​ന​ത്തി​ൽ ഒ​ളി​ച്ചി​രു​ന്നു​ള്ള യാ​ത്ര. ഒ​ന്പ​താംനാ​ൾ ജ​ഹ്റ അ​തി​ർ​ത്തി​യി​ലെ​ത്തി. വെ​ള്ള​മാ​യും ഭ​ക്ഷ​ണ​മാ​യും പ​ല​രു​ടെ​യും സ​ഹാ​യം കി​ട്ടി​യി​ല്ലാ​യി​രു​ന്നെ​ങ്കി​ൽ ഇ​ട​യ്ക്കു വീ​ണു തീ​രു​മാ​യി​രു​ന്ന യാ​ത്ര 121-ാം ദി​ന​മാ​ണ് ല​ക്ഷ്യ​ത്തി​ലെ​ത്തി​യ​ത്.

ബ​ന്ധു​വാ​യ അ​ബ്ദു​ള്ള​യു​ടെ അ​ടു​ത്തെ​ത്തി​യ​തോ​ടെ​യാ​ണ് ധൈ​ര്യ​മാ​യ​ത്. ചെ​റി​യ ജോ​ലി​ക​ളി​ൽ തു​ട​ങ്ങി​യ പ്ര​വാ​സജീ​വി​തം ക​ഠി​ന പ്ര​യ​ത്ന​ത്തി​ലൂ​ടെ അ​ദ്ദേ​ഹം തെ​ളി​മ​യും ഒൗ​ന്ന​ത്യ​വു​മു​ള്ള​താ​ക്കി മാ​റ്റി.

1957ൽ ​ക​പ്പ​ലി​ൽ നാ​ട്ടി​ലേ​ക്കു തി​രി​കെ​വ​ന്ന് പാ​സ്പോ​ർ​ട്ട് ഉ​ൾ​പ്പെ​ടെ​യു​ള്ള രേ​ഖ​ക​ൾ കൃ​ത്യ​മാ​ക്കി​യാ​ണു പി​ന്നീ​ടു കു​വൈ​റ്റി​ലേ​ക്കു മ​ട​ങ്ങി​യ​ത്.

വ്യ​വ​സാ​യ പ്ര​മു​ഖ​നും ലു​ലു ഗ്രൂ​പ്പ് ഇ​ന്‍റ​ർ​നാ​ഷ​ണ​ൽ ചെ​യ​ർ​മാ​നു​മാ​യ എം.​എ. യൂ​സ​ഫ​ലി​യു​ടെ പ​ത്നി ഷാ​ബി​റ​യാ​ണ് അസബുല്ലയുടെ മൂ​ത്ത മ​ക​ൾ. ഷാ​ഹി​ദ, ഷ​ബീ​ർ എ​ന്നി​വ​ർ മ​റ്റു മ​ക്ക​ൾ.

മ​ത, സാ​മൂ​ഹി​ക, വി​ദ്യാ​ഭ്യാ​സ രം​ഗ​ങ്ങ​ളി​ൽ സ​ജീ​വ സാ​ന്നി​ധ്യ​മാ​യി​രു​ന്നു അ​സ​ബു​ല്ല ഹാ​ജി.