തിരുവനന്തപുരം: ശബരിമല സ്വര്‍ണക്കൊള്ളക്കേസില്‍ ഇഡിയുടെ വ്യാപക പരിശോധന. കേരളം, തമിഴ്‌നാട്, കര്‍ണാടക ഉള്‍പ്പെടെയുള്ള സംസ്ഥാനങ്ങളിലെ 21 കേന്ദ്രങ്ങളിലാണ് ഒരേ സമയം പരിശോധന ആരംഭിച്ചത്. ഓപ്പറേഷൻ ഗോൾഡൺ ഷാഡോ എന്ന പേരിലാണ് റെയ്ഡ് നടത്തുന്നത്.ഇന്നു പുലര്‍ച്ചെ ആറോടെയാണ് പരിശോധന തുടങ്ങിയത്. ശബരിമല സ്വര്‍ണക്കൊള്ളക്കേസില്‍ അറസ്റ്റിലായ മുഴുവന്‍ പ്രതികളുടെ വീടുകളിലും ഓഫീസുകളിലുമാണ് പരിശോധന പുരോഗമിക്കുന്നത്. തിരുവിതാംകൂര്‍ ദേവസ്വം ബോര്‍ഡിന്‍റെ നന്ദന്‍കോട്ടെ ആസ്ഥാനത്തും പരിശോധന പുരോഗമിക്കുകയാണ്.ഡല്‍ഹി. ചെന്നൈ, ബംഗളൂരു, കൊച്ചി യൂണിറ്റുകളില്‍ നിന്നുള്ള ഉദ്യോഗസ്ഥരാണ് പരിശോധനകള്‍ക്ക് നേതൃത്വം നല്‍കുന്നത്. കേന്ദ്രസേനയുടെ അകമ്പടിയോടെയാണ് ഇഡിയുടെ പരിശോധന തുടങ്ങിയത്. പണമിടപാടുകളുടെ രേഖകള്‍ ലഭിച്ചതിനെത്തുടർന്നു പ്രതികളുടെ ബാങ്ക് അക്കൗണ്ടുകള്‍ മരവിപ്പിക്കാനുള്ള നടപടികള്‍ ഇഡി ആരംഭിച്ചിട്ടുണ്ട്. സ്വര്‍ണക്കൊള്ളയില്‍ കള്ളപ്പണം വെളുപ്പിക്കല്‍ ഇടപാട് നടന്നുവെന്നതിന്‍റെ തെളിവുകള്‍ ഇഡിക്ക് ലഭിച്ചതിനെ തുടര്‍ന്നാണ് വ്യാപകമായ പരിശോധനക്ക് ഇഡി തുടക്കം കുറിച്ചത്. ഇന്നലെ വൈകുന്നേരത്തോടെയാണ് പരിശോധനകള്‍ നടത്തുന്ന കാര്യത്തില്‍ ഇഡി അന്തിമ തീരുമാനമെടുത്തത്.…
Read Moreശബരിമല സ്വര്‍ണക്കൊള്ള;’ ഓപ്പറേഷൻ ഗോൾഡൺ ഷാഡോ; മൂന്നു സംസ്ഥാനങ്ങളിലായി 21 ഇടങ്ങളിൽ ഇഡി റെയ്ഡ്
