തിരുവനന്തപുരം: വിഎസ്എസ്സി പരീക്ഷാത്തട്ടിപ്പുമായി ബന്ധപ്പെട്ട് നാലു പേർ കൂടി മെഡിക്കൽ കോളജ് പോലീസിന്റെ കസ്റ്റഡിയിലായി. ഹരിയാന സ്വദേശികളാണ് പിടിയിലായവരെന്ന് അറിയുന്നു. ഇന്നലെ പിടിയിലായ ഹരിയാന സ്വദേശി സുമിത്ത് എന്നയാളുടെ ആധാർ കാർഡ് പരിശോധിച്ചപ്പോൾ വ്യത്യസ്തമായ പേരാണ് ലഭിച്ചതെന്ന് പോലീസ് പറഞ്ഞു. കസ്റ്റഡിയിലുള്ള മറ്റുള്ളവരും ഇതര സംസ്ഥാനക്കാരാണ്. ഇവരുടെ പേരു വിവരം വ്യക്തമായിട്ടില്ല. കഴിഞ്ഞ ദിവസമാണ് അത്യാധുനിക ഉപകരണങ്ങളോടെ പരീക്ഷാഹാളിൽ കയറി വൻ തട്ടിപ്പ് നടത്തിയ രണ്ടുപേർ പിടിയിലായത്. വിഎസ്എസ്ഇ രാജ്യവ്യാപകമായി നടത്തിയ ടെക്നീഷ്യൻ -ഗ്രേഡ് ബി പരീക്ഷയിലാണ് അത്യാധുനിക ഉപകരണങ്ങളുമായി കോപ്പിയടിക്കാൻ ഹരിയാനാ സ്വദേശികൾ എത്തിയത്. മൊബൈൽ ഫോണും ചെവിക്കുള്ളിൽ പെട്ടെന്ന് നോക്കിയാൽ ആരും കാണാത്ത വിധത്തിൽ ഘടിപ്പിക്കാവുന്ന ബ്ലൂടൂത്തും റിമോട്ടുമായി തട്ടിപ്പു നടത്തിയ ഹരിയാന സ്വദേശികളായ സുനിൽ (26), സുമിത്ത് (25) എന്നിവരെ കഴിഞ്ഞ ദിവസം അറസ്റ്റ് ചെയ്തിരുന്നു. ര ഹസ്യവിവരത്തത്തുടർന്ന് പോലീസ് നടത്തിയ പരിശോധനയിലാണ്…
Read MoreCategory: Loud Speaker
ബ്രേക്കിംഗ് ന്യൂസ് ! ചന്ദ്രയാന് 3 ദൗത്യത്തെ പരിഹസിക്കുന്ന ചിത്രവുമായി പ്രകാശ് രാജ്; നടനെ ‘എയറിലാക്കി’ സോഷ്യല് മീഡിയ
ഇന്ത്യയുടെ അഭിമാന ദൗത്യമായ ചന്ദ്രയാന് 3യുടെ സോഫ്റ്റ് ലാന്ഡിംഗിന് രാജ്യം ഒന്നടങ്കം ആകാംക്ഷയോടെ കാത്തിരിക്കുകയാണ്. ഈ സാഹചര്യത്തില് ദൗത്യവുമായി ബന്ധപ്പെട്ട് നടന് പ്രകാശ് രാജ് ട്വിറ്ററില് പങ്കുവച്ച ഒരു ട്വീറ്റിനെതിരെ ജനരോഷം വ്യാപകമായിരിക്കുകയാണ്. ഒരാള് ചായ അടിക്കുന്നതിന്റെ കാര്ട്ടൂണ് ചിത്രമാണ് പ്രകാശ് രാജ് ട്വീറ്റ് ചെയ്തത്. ഇതിന് നല്കിയിരിക്കുന്ന ക്യാപ്ഷനാണ് വിമര്ശനമുയരാന് കാരണം. ‘ബ്രേക്കിംഗ് ന്യൂസ്, വിക്രം ലാന്ഡറിന്റെ ചന്ദ്രനില് നിന്നുള്ള ആദ്യ ചിത്രം, വൗ’ എന്നാണ് അദ്ദേഹം കുറിച്ചിരിക്കുന്നത്. ജസ്റ്റ് ആസ്കിംഗ് എന്ന ഹാഷ്ടാഗും നല്കിയിട്ടുണ്ട്. അന്ധമായ വിദ്വേഷത്തിനെയും ഇന്ത്യയുടെ ശാസ്ത്ര ദൗത്യത്തെ പരിഹസിച്ചതിനുമെതിരെയാണ് മിക്ക കമന്റുകളും. ചന്ദ്രയാന് 3 എന്നത് ഇന്ത്യയുടെ അഭിമാനമാണ് അല്ലാതെ ഇത് ബിജെപിയുടെ മിഷന് അല്ല. ശാസ്ത്രജ്ഞന്മാരുടെ കഠിനപ്രയത്നം കാണാതെ പോകരുതെന്നൊക്കെയാണ് വിമര്ശനം. രാഷ്ട്രീയത്തിന്റെ പേരില് രാജ്യത്തെ അപമാനിക്കരുതെന്നും ചിലര് കമന്റ് ചെയ്തു.
Read Moreരാഷ്ട്രീയത്തിൽ തനിക്കുള്ള പരിചയസമ്പത്ത് അവഗണിച്ചു; ഹൈക്കമാൻഡിനെ അതൃപ്തി അറിയിക്കാൻ രമേശ് ചെന്നിത്തല
തിരുവനന്തപുരം: കോൺഗ്രസ് പ്രവർത്തക സമിതിയിൽ ഉൾപ്പെടുത്താതെ സ്ഥിരം ക്ഷണിതാവാക്കിയതിലുള്ള പ്രതിഷേധം ഹൈക്കമാൻഡിനെ അറിയിക്കാൻ രമേശ് ചെന്നിത്തല. അതേസമയം ഇക്കാര്യത്തിൽ പരസ്യപ്രസ്താവന നടത്തിയേക്കില്ല. ദേശീയ രാഷ്ട്രീയത്തിൽ തനിക്കുള്ള പരിചയസമ്പത്ത് അവഗണിച്ചെന്ന പരാതിയാണ് രമേശ് ചെന്നിത്തലയ്ക്കുള്ളത്. ഇക്കാര്യത്തിൽ എഐസിസി അധ്യക്ഷൻ മല്ലികാർജുൻ ഖാർഗെ, സോണിയാ ഗാന്ധി, രാഹുൽ ഗാന്ധി എന്നിവർക്ക് പ്രതിഷേധമറിയിച്ചു കത്തയയ്ക്കും. കൂടാതെ സംസ്ഥാന രാഷ്ട്രീയത്തിൽ തുടരാൻ അനുവദിക്കണമെന്ന് രമേശ് ചെന്നിത്തല ഹൈക്കമാൻഡിനോട് ആവശ്യപ്പെട്ടേക്കും. കോൺഗ്രസ് പ്രവർത്തക സമിതി പുനഃസംഘടനയ്ക്കു ശേഷം മറ്റു സംസ്ഥാനങ്ങളിലെ മുതിർന്ന നേതാക്കളും പരാതിയുമായി രംഗത്തെത്തിയതായി റിപ്പോർട്ടുകളുണ്ട്. 39 അംഗ പ്രവര്ത്തക സമിതിയില് കേരളത്തില്നിന്ന് മൂന്നു നേതാക്കളാണ് ഉള്പ്പെട്ടിരിക്കുന്നത്. ശശി തരൂർ, കെ.സി. വേണുഗോപാല്, എ.കെ.ആന്റണി എന്നിവരാണ് പ്രവര്ത്തക സമിതിയിലേക്ക് കേരളത്തില്നിന്ന് തെരഞ്ഞെടുക്കപ്പെട്ടത്. രമേശ് ചെന്നിത്തലയെ സ്ഥിരം ക്ഷണിതാവായും കൊടിക്കുന്നില് സുരേഷിനെ പ്രത്യേക ക്ഷണിതാവായും തെരഞ്ഞെടുത്തിട്ടുണ്ട്.
Read More27 ആഴ്ച വളര്ച്ചയെത്തിയ ഗര്ഭം അലസിപ്പിക്കാന് അനുമതി നല്കി സുപ്രീം കോടതി ! പെണ്കുട്ടി സുപ്രീംകോടതിയിലെത്തിയത് ഹൈക്കോടതി നടപടിയെ ചോദ്യം ചെയ്ത്…
27 ആഴ്ചയായ ഗര്ഭം അലസിപ്പിക്കാന് അനുമതി തേടി സുപ്രീംകോടതിയിലെത്തിയ പെണ്കുട്ടിയ്ക്ക് അനുകൂലമായ ഉത്തരവുമായി കോടതി. ബലാല്സംഗത്തിനിരയായാണ് പെണ്കുട്ടി ഗര്ഭിണിയായത്. ഗര്ഭഛിദ്രം നടത്തുന്നത് പെണ്കുട്ടിയുടെ ആരോഗ്യത്തിനു ഭീഷണിയല്ലെന്ന മെഡിക്കല് ബോര്ഡ് റിപ്പോര്ട്ട് പരിഗണിച്ചാണ് നടപടി. ഗര്ഭഛിദ്രത്തിന് അനുമതി തേടി നല്കിയ ഹര്ജി തള്ളിയ ഗുജറാത്ത് ഹൈക്കോടതി നടപടിയെ ചോദ്യം ചെയ്താണ് പെണ്കുട്ടി സുപ്രീം കോടതിയില് എത്തിയത്. കഴിഞ്ഞ ശനിയാഴ്ച അസാധാരണ സിറ്റിങ് നടത്തി ഹര്ജി പരിഗണിച്ച, ജസ്റല്സ് ബിവി നാഗരത്നയുടെ നേതൃത്വത്തിലുള്ള ബെഞ്ച് ഹൈക്കോടതി നടപടിയെ രൂക്ഷമായി വിമര്ശിച്ചിരുന്നു. അടിയന്തര പ്രാധാന്യമുള്ള ഹര്ജി ഹൈക്കോടതി കാര്യമൊന്നുമില്ലാതെ നീട്ടിവച്ചെന്ന് സുപ്രീം കോടതി കുറ്റപ്പെടുത്തി. മെഡിക്കല് ബോര്ഡിനോടു പുതിയ റിപ്പോര്ട്ട് തേടിയ സുപ്രീം കോടതി ഇന്ന് ആദ്യ കേസായി ഇതു പരിഗണിക്കുമെന്ന് വ്യക്തമാക്കിയിരുന്നു. ഇന്നു രാവിലെ കോടതി ചേര്ന്നപ്പോള് സോളിസിറ്റര് ജനറല് എത്തിയിട്ടില്ലെന്നു ചൂണ്ടിക്കാട്ടി സര്ക്കാര് അഭിഭാഷകന് കേസ് മാറ്റിവയ്ക്കാന് അഭ്യര്ഥിച്ചു.…
Read Moreനഷ്ടം നമുക്കാണെന്ന തിരിച്ചറിവ്..! ഗവര്ണറെ പിണക്കേണ്ടെന്ന് സര്ക്കാര്: ബില്ലുകളില് ഒപ്പിടാത്തതിനെതിരേ കോടതിയെ സമീപിക്കില്ല
തിരുവനന്തപുരം: ഗവര്ണറെ പിണക്കേണ്ടെന്ന നിലപാടില് സര്ക്കാര്. നിര്ണായക ബില്ലുകളില് ഒപ്പിട്ടില്ലെങ്കിലും കോടതിയെ സമീപിക്കേണ്ടെന്നാണ് ധാരണ. ഗവര്ണറുമായുള്ള തുറന്ന യുദ്ധം കൂടുതല് പ്രതിസന്ധി ഉണ്ടാക്കുമെന്ന വിലയിരുത്തലിന്റെ അടിസ്ഥാനത്തിലാണ് തീരുമാനം. ചാന്സിലര് ബില്, ലോകായുക്ത ബില് അടക്കമുള്ള നിര്ണായക ബില്ലുകള് നിയമസഭ പാസാക്കി മാസങ്ങള് കഴിഞ്ഞിട്ടും ഗവര്ണര് ഒപ്പ് വച്ചിരുന്നില്ല. ഇതിനെതിരേ കോടതിയെ സമീപിക്കാന് സര്ക്കാരിന് നേരത്തേ നിയമോപദേശം ലഭിച്ചിരുന്നു. എന്നാൽ ഗവര്ണര്ക്കെതിരേ കോടതിയിയെ സമീപിച്ചാല് പിന്നീട് ഒത്തുതീര്പ്പിനുള്ള സാധ്യത മങ്ങുമെന്നാണ് വിലയിരുത്തല്. ഈ സാഹചര്യത്തില് തുടര്നടപടികള് ആലോചിച്ച് മതിയെന്ന് സര്ക്കാര് തീരുമാനമെടുക്കുകയായിരുന്നു.
Read Moreലൈംഗികപീഡനത്തിനിരയായ പ്ലസ് വണ് വിദ്യാര്ഥിനി ചില്ഡ്രന്സ് ഹോമില് ജീവനൊടുക്കി !
ലൈംഗികപീഡനത്തിനിരയായ പ്ലസ് വണ് വിദ്യാര്ഥിനിയെ തൂങ്ങിമരിച്ച നിലയില് കണ്ടെത്തി. കോതമംഗലം ഊന്നുകല് ചില്ഡ്രന്സ് ഹോമിലെ അന്തേവാസിയായ പെണ്കുട്ടിയാണ് മരിച്ചത്. ചൈല്ഡ് വെല്ഫെയര് കമ്മിറ്റി നിര്ഭയ വഴി പുനരധിവസിപ്പിച്ച ആദിവാസി പെണ്കുട്ടിയാണ് ഇന്നലെ രാത്രി 10 മണിയോടുകൂടി താമസസ്ഥലത്തെ ശുചി മുറിയില് ഷാളുപയോഗിച്ച് തൂങ്ങി മരിച്ചത്. ഉടനെ കോതമംഗലം താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാന് ആയില്ല. പോക്സോ കേസിലെ അതിജീവിതയായ പെണ്കുട്ടി രണ്ട് മാസം മുമ്പാണ് ഇവിടെ താമസമാക്കിയത്. ഊന്നുകല് പോലീസ് സ്ഥലത്തെത്തി മേല്നടപടികള് സ്വീകരിച്ചു.
Read Moreകുടകില് ഇരുചക്രവാഹനങ്ങള് കൂട്ടിയിടിച്ചു ! ജോലികഴിഞ്ഞ് മടങ്ങിയ മലയാളി യുവതി മരിച്ചു
കുടക് ജില്ലയിലെ വിരാജ്പേട്ടിന് സമീപം അമ്മാട്ടിയില് ഇരുചക്രവാഹനങ്ങള് കൂട്ടിയിടിച്ച്, ബാങ്കുദ്യോഗസ്ഥയായ മലയാളി യുവതി മരിച്ചു. തൃശ്ശൂര് പാണഞ്ചേരി സ്വദേശി അമൃത(25)യാണ് മരിച്ചത്. പാണഞ്ചേരി വിളക്കത്തറ (നന്ദനം) പ്രകാശന്റെയും ഉഷയുടെയും (നഴ്സ്, മാരായ്ക്കല് ആരോഗ്യ ഉപകേന്ദ്രം) മകളാണ്. കനറാ ബാങ്ക് അമ്മാട്ടി ശാഖയില് ജോലിചെയ്യുകയായിരുന്നു. വെള്ളിയാഴ്ച രാത്രി ജോലി കഴിഞ്ഞ് താമസസ്ഥലത്തേക്ക് പോകുമ്പോള് അമൃത സഞ്ചരിച്ച സ്കൂട്ടര് എതിരേ വന്ന ബൈക്കുമായി കൂട്ടിയിടിക്കുകയായിരുന്നു. ഉടന്തന്നെ മൈസൂരു അപ്പോളോ ആശുപത്രിയില് പ്രവേശിപ്പിച്ചെങ്കിലും മരണം സംഭവിക്കുകയായിരുന്നു. വിരാജ്പേട്ട് റൂറല് പോലീസ് കേസെടുത്തു. സഹോദരി: അശ്വതി
Read Moreമാസപ്പടി അന്വേഷിക്കാൻ കേന്ദ്ര ഏജൻസി വരും; മുഖ്യമന്ത്രിയും മകളും പണം കൈപ്പറ്റിയതിന് രേഖകളുണ്ടെന്ന് കെ സുരേന്ദ്രൻ
തിരുവനന്തപുരം: മുഖ്യമന്ത്രി പിണറായി വിജയന്റെ മകൾ വീണ കരിമണൽ കന്പനിയിൽനിന്നു മാസപ്പടി കൈപ്പറ്റിയ സംഭവം കേന്ദ്ര ഏജൻസികൾ അന്വേഷിക്കുമെന്ന് ബിജെപി സംസ്ഥാന പ്രസിഡന്റ് കെ. സുരേന്ദ്രൻ. നടന്നത് കോടികളുടെ അഴിമതിയാണ്. മുഖ്യമന്ത്രിയും മകളും പണം കൈപ്പറ്റിയതിന് രേഖകളുണ്ട ്. ഈ സംഭവം ഒതുക്കാനാണ് കോണ്ഗ്രസ് ശ്രമിച്ചത്. നിയമസഭയിൽ ഈ വിഷയം കോണ്ഗ്രസ് അവതരിപ്പിച്ചില്ല. ഇക്കാര്യത്തിൽ കോണ്ഗ്രസ് സിപിഎമ്മുമായി ഒത്തുതീർപ്പുണ്ടാക്കിയിരിക്കുകയാണ്. അതുകൊണ്ടാണ് പ്രതിപക്ഷ നേതാവ് വി.ഡി. സതീശന്റെ പുനർജനി പദ്ധതിയുമായി ബന്ധപ്പെട്ട കേസിന്റെ അന്വേഷണം നിലച്ചുപോയതെന്നും ഒരു ചാനലിനു നൽകിയ അഭിമുഖത്തിൽ കെ. സുരേന്ദ്രൻ ആരോപിച്ചു.
Read Moreതാരപ്രചാരണത്തിനൊരുങ്ങി പുതുപ്പള്ളി;എത്തുന്നത് മന്ത്രിമാരുടെയും നേതാക്കളുടെയും വലിയനിര
കോട്ടയം: മുഖ്യമന്ത്രി, പ്രതിക്ഷനേതാവ്, കേന്ദ്രമന്ത്രിമാര്, എംപിമാര്, എംഎല്എമാര് തുടങ്ങി നിരവധി പേരാണ് പുതുപ്പള്ളിയുടെ മണ്ണില് പ്രചാരണത്തിനെത്തുന്നത്. പുതുപ്പള്ളിയില് ഒരുവികസനവുമില്ലെന്ന എല്ഡിഎഫ് സ്ഥാനാര്ഥി ജെയ്ക് സി. തോമസ് ഉള്പ്പെടെയുള്ള നേതാക്കളുടെ ആരോപണങ്ങള്ക്കു അതേ നാണയത്തില് മറുപടി നല്കാന് യുഡിഎഫും സജ്ജമായതോടെ വീറുംവാശിയും കൂടുകയാണ്. പുതുപ്പള്ളിയിലെ വികസനം എവിടെ എന്ന് ചാണ്ടി ഉമ്മനോടും ചോദ്യങ്ങള് ഉയരുന്നു. പുതുപ്പള്ളിയിലെ വികസനത്തിന്റെ പട്ടിക തയാറാക്കിയാണ് യുഡിഎഫ് തിരിച്ചടിക്കൊരുങ്ങുന്നത്. ഇന്നലെ അകലക്കുന്നം തെക്കുംതലയില് സ്ഥിതി ചെയ്യുന്ന കെ.ആര്. നാരായണന് ഇന്സ്റ്റിറ്റ്യൂട്ട് ഓഫ് വിഷ്വല് സയന്സ് ആന്ഡ് ആര്ട്സ് കോളജിലെ വിദ്യാര്ഥികളുടെ മുന്നിലെത്തിയ ചാണ്ടി ഉമ്മനോടും വികസനത്തെക്കുറിച്ച് ചോദ്യം ഉയര്ന്നു. കോളജിനു ശിലപാകിയതും ഉദ്ഘാടനം നടത്തിയതും മുഖ്യമന്ത്രി ഉമ്മന്ചാണ്ടിയാണെന്നു ശിലാഫലകം കാണിച്ചു കൊടുത്തപ്പോഴാണ് വിദ്യാര്ഥികള്ക്കും മനസിലായത്. ഉമ്മന്ചാണ്ടി മുഖ്യമന്ത്രിയായപ്പോള് തറക്കല്ലിട്ട സ്ഥാപനത്തിന് തുടര്ന്നു വന്ന അഞ്ചുവര്ഷക്കാലം എല്ഡിഎഫ് ഒന്നും ചെയ്യാത്തതും പിന്നീട് വന്ന ഉമ്മന്ചാണ്ടി നിര്മിച്ചതും…
Read Moreസുരക്ഷാവലയത്തിൽ മുഖ്യമന്ത്രിക്ക് ഇന്ന് വന്ദേഭാരതിൽ കന്നി യാത്ര; നിരീക്ഷണം ശക്തമാക്കി പോലീസ്
കണ്ണൂർ: മുഖ്യമന്ത്രി പിണറായി വിജയൻ ഇന്ന് കണ്ണൂരിൽനിന്ന് എറണാകുളത്തേക്ക് വന്ദേ ഭാരതിൽ യാത്രചെയ്യും. മുഖ്യമന്ത്രിയുടെ ആദ്യ വന്ദേഭാരത് യാത്രയാണിത്. മകൾ വീണാ വിജയന്റെ പേരിൽ ആരോപണങ്ങളുയർന്ന സാഹചര്യത്തിലും കോൺഗ്രസ് നേതാവ് മാത്യു കുഴൽനാടൻ എംഎൽഎയുടെ ഭൂമിസർവേ നടപടികൾ ആരംഭിച്ചതിനാലും പ്രതിപക്ഷ പ്രതിഷേധമുണ്ടാകാൻ സാധ്യതയുണ്ടെന്ന നിഗമനത്തിൽ കനത്ത സുരക്ഷയിലായിരിക്കും മുഖ്യമന്ത്രിയുടെ യാത്ര. മുഖ്യമന്ത്രി യാത്രചെയ്യുന്ന കോച്ച് സുരക്ഷാ ഉദ്യോഗസ്ഥരുടെ നിയന്ത്രണത്തിലാകും.വിമാനത്തിൽ മുൻപ് യൂത്ത് കോൺഗ്രസ് പ്രവർത്തകരുടെ പ്രതിഷേധമുണ്ടായതും സുരക്ഷ ശക്തമാക്കാൻ കാരണം. വന്ദേ ഭാരത് എക്സ്പ്രസിന് നിരന്തരം കല്ലേറുണ്ടാകുന്നതിനാൽ നിരീക്ഷണവും ശക്തമാക്കിയിട്ടുണ്ട്. തീവണ്ടി പുറപ്പെടുംമുൻപ് ഡ്രോൺ പറത്തിയും പരിശോധനയുണ്ടാകും.വന്ദേ ഭാരത് എക്സ്പ്രസിന് സ്റ്റോപ്പുള്ള എറണാകുളം വരെയുള്ള സ്റ്റേഷനുകളിൽ വൻ സുരക്ഷയാണ് ഒരുക്കുന്നത്. കൂത്തുപറമ്പിൽ ഒരു വിവാഹച്ചടങ്ങിൽ പങ്കെടുക്കാൻ ഇന്നലെ വൈകിട്ടാണ് മുഖ്യമന്ത്രി കണ്ണൂരിലെത്തിയത്. സുരക്ഷാപ്രശ്നങ്ങൾ കണക്കിലെടുത്ത് നിയന്ത്രണങ്ങളെന്ന് പോലീസ് അറിയിച്ചു.
Read More