കോട്ടയം: താന് ഉന്നയിച്ച ചോദ്യങ്ങള്ക്ക് മൂന്ന് ദിവസമായിട്ടും ഉത്തരമില്ല. മാത്യു കുഴല്നാടന് എംഎല്എ ഇന്ന് വീണ്ടും മാധ്യമങ്ങളെ കാണും. വൈകുന്നേരം മാധ്യമങ്ങളെ കാണുമെന്ന് എംഎല്എ ഫേസ്ബുക്ക് പോസ്റ്റിലൂടെ അറിയിച്ചു. പുതുപ്പള്ളി ഉപതെരഞ്ഞെടുപ്പില് മണര്കാട് മണ്ഡലത്തിന്റെ ചുമതല വഹിക്കുന്നത് കുഴല്നാടനാണ്. വൈകിട്ട് മണര്കാട് വച്ചാകും എംഎല്എ മാധ്യമങ്ങളെ കാണുകയെന്നാണ് വിവരം. മുഖ്യമന്ത്രി പിണറായി വിജയന്റെ മകള് വീണയ്ക്കെതിരെ ഉയര്ന്ന ആരോപണങ്ങള് പരിശോധിക്കാനും അക്കൗണ്ട് വിവരങ്ങളും ആദായനികുതി വിവരങ്ങളും പുറത്തുവിടാനും തയാറുണ്ടോ എന്നു മാത്യു കുഴല്നാടന് എംഎല്എ കഴിഞ്ഞ ദിവസം ചോദിച്ചിരുന്നു. ഇക്കാര്യങ്ങളില് മുഖ്യമന്ത്രിയോ സിപിഎമ്മോ വ്യക്തത വരുത്തണമെന്നും അദ്ദേഹം ആവശ്യപ്പെട്ടിരുന്നു. ഇതുമായി ബന്ധപ്പെട്ട കാര്യങ്ങളാകും വൈകുന്നേരം വാര്ത്താസമ്മേളനത്തില് ഉന്നയിക്കുകയെന്നാണ് സൂചന.
Read MoreCategory: Loud Speaker
ആദ്യം ലൂണ, പിന്നെ ചന്ദ്രയാൻ..! ചന്ദ്രന്റെ ദക്ഷിണധ്രുവത്തിൽ ചാന്ദ്രയാൻ 3 ന്റെ സോഫ്റ്റ് ലാൻഡിംഗ് 23ന്
ബംഗളൂരു: ഇന്ത്യ വിക്ഷേപിച്ച ചന്ദ്രയാൻ 3 ബഹിരാകാശ പേടകത്തിനു മുൻപു റഷ്യയുടെ ലൂണ-25 പേടകം ചന്ദ്രന്റെ ഉപരിതലത്തിൽ ഇറങ്ങും. ചന്ദ്രയാൻ ജൂലൈ 14നും ലൂണ ഓഗസ്റ്റ് 10നുമാണ് വിക്ഷേപിച്ചത്. ചന്ദ്രയാന് ഒന്നോ രണ്ടോ ദിവസം മുന്പ് ചന്ദ്രന്റെ ഉപരിതലത്തിൽ ലൂണ ഇറങ്ങുമെന്നാണ് സൂചന. ചന്ദ്രയാന്റെ റോക്കറ്റിനേക്കാൾ കൂടുതൽ ശക്തമായ സോയൂസ് റോക്കറ്റിന്റെ സഹായത്തോടെയാണു ലൂണയുടെ സഞ്ചാരം. അതേസമയം, പ്രൊപ്പൽഷൻ മൊഡ്യൂളിൽനിന്നു ലാൻഡർ മൊഡ്യൂൾ വിജയകരമായി വേർപെടുത്തിയതോടെ ചന്ദ്രയാൻ 3 മറ്റൊരു പ്രധാന നാഴികക്കല്ല് കൂടി പിന്നിട്ടു. മൊഡ്യൂൾ ഇപ്പോൾ ചന്ദ്രന്റെ ഉപരിതലത്തോട് അടുക്കുന്ന ഒരു ഭ്രമണപഥത്തിലേക്ക് എത്തിക്കൊണ്ടിരിക്കുന്നു. ചന്ദ്രന്റെ ദക്ഷിണധ്രുവത്തിൽ ചാന്ദ്രയാൻ 3 ന്റെ സോഫ്റ്റ് ലാൻഡിംഗ് 23നാണ് തീരുമാനിച്ചിരിക്കുന്നത്
Read Moreകടംകേറി കുത്തുപാളയെടുത്ത് കേരളം ! ഈ വര്ഷം ഇതുവരെ എടുത്തത് 18,500 കോടി; ഏഴുമാസത്തില് ഇനി എടുക്കാവുന്നത് 2000 കോടി മാത്രം
കേരളം മുങ്ങുന്ന കപ്പലാണെന്ന തോന്നലാണ് യുവാക്കളെ കൂട്ടത്തോടെ നാടുവിടാന് പ്രേരിപ്പിക്കുന്നതെന്നാണ് പലരും പറയുന്നത്. ഈ വാക്കുകളെ ശരിവയ്ക്കും വിധത്തിലാണ് ഇപ്പോള് കാര്യങ്ങളുടെ പോക്ക്. നിത്യച്ചെലവിനും പെന്ഷനും പണം തികയാത്തതോടെ വീണ്ടും കടം എടുക്കാനിരിക്കുകയാണ് കേരള സര്ക്കാര്. നിത്യചെലവിനും പെന്ഷനും പണം തികയാത്തതോടെ വീണ്ടും കടം എടുക്കാന് കേരള സര്ക്കാര്. 2,000 കോടി രൂപകൂടിയാണ് കടം എടുക്കാന് സര്ക്കാര് തീരുമാനിച്ചിരിക്കുന്നത്. ഓണത്തിനു സര്ക്കാര് ജീവനക്കാര്ക്ക് ബോണസും ഉത്സവബത്തയും അഡ്വാന്സും നല്കാനും കെഎസ്ആര്ടിസിക്കും സപ്ലൈകോയ്ക്കും സാമ്പത്തിക സഹായം നല്കാനും ഈ തുക വിനിയോഗിക്കും. ക്ഷേമപെന്ഷന് വിതരണത്തിനായി 1,000 കോടി രൂപ കഴിഞ്ഞയാഴ്ച കടമെടുത്തിരുന്നു. ഇതോടെ ഈ വര്ഷത്തെ ഇതുവരെയുള്ള കടമെടുപ്പ് 18,500 കോടിരൂപയാവും. ഈ വര്ഷം ഇനി ശേഷിക്കുന്നത് 2000 കോടിരൂപയാണ്. 20,521 കോടിയാണ് ഈ വര്ഷം സംസ്ഥാന സര്ക്കാരിനു കടമെടുക്കാവുന്ന തുക. ഇതില് 15,390 കോടി രൂപ മാത്രമേ…
Read Moreആളുകളില് നിന്ന് പണം വാങ്ങിയ ശേഷം ഭാര്യയോട് നഗ്നയായി വീഡിയോ കോള് ചെയ്യാനാവശ്യപ്പെട്ട് മര്ദ്ദനം ! ഭര്ത്താവിനെതിരേ കേസ്
നഗ്നയായി വീഡിയോ കോള് ചെയ്യണമെന്നാവശ്യപ്പെട്ട് ഭാര്യയെ മര്ദ്ദിച്ച ഭര്ത്താവിനെതിരേ കേസെടുത്തു. പാലായില് വാടകയ്ക്ക് താമസിക്കുന്ന ബങ്കളം സ്വദേശിയായ യുവാവിനെതിരെയാണ് 20കാരിയായ യുവതി നീലേശ്വരം പോലീസില് പരാതി നല്കിയത്. നഗ്നയായി വീഡിയോകോള് ചെയ്യാന് നിര്ബന്ധിക്കുകയും വിസമ്മതിച്ചപ്പോള് ശാരീരികമായി മര്ദ്ദിക്കുകയും ചെയ്തെന്നുമാണ് പരാതി. ആളുകളില്നിന്ന് പണം വാങ്ങിയ ശേഷം തന്നെ ഭീഷണിപ്പെടുത്തി വിവസ്ത്രയായി നിന്ന് വീഡിയോകോള് ചെയ്യാന് ആവശ്യപ്പെടുകയായിരുന്നുവെന്നാണ് യുവതി പരാതിയില് പറയുന്നത്. ഭര്ത്താവിന്റെ ആവശ്യം നിരാകരിച്ചതിനെ തുടര്ന്ന് ഇയാള് ശാരീരികമായും മാനസികമായും തന്നെ പീഡിപ്പിച്ചതായും ഭാര്യ പോലീസിനോട് പറഞ്ഞു. ഗാര്ഹിക പീഡനത്തിന് യുവാവിനെതിരെ കേസെടുത്ത് നീലേശ്വരം പോലീസ് അന്വേഷണം ആരംഭിച്ചു.
Read Moreഉറങ്ങുകയായിരുന്നു സണ്ണിക്ക് വെടിയേറ്റത് തലയ്ക്ക്; അബദ്ധത്തിൽ പറ്റിയതാണെന്ന പ്രതികളുടെ മൊഴി വിശ്വസിക്കാതെ പോലീസ്; കതകിൽ നിന്ന് കണ്ടെത്തിയത് അഞ്ച് തിരകൾ
ഇടുക്കി: നെടുങ്കണ്ടം മാവടിയില് ഗൃഹനാഥന് വീടിനുള്ളിൽ വെടിയേറ്റു മരിച്ച സംഭവത്തില് മൂന്നംഗ നായാട്ടു സംഘം അറസ്റ്റില്. മാവടി തകിടിയേല് സജി (50 ), മുകളേല്പറമ്പില് ബിനു (40 ), അടിമാലി മുനിയറ കല്ലിടുക്കില് വിനീഷ് (38) എന്നിവരാണ് അറസ്റ്റിലായത്. നെടുംകണ്ടം മാവടി പ്ലാക്കല് സണ്ണി(57)യാണ് ചൊവ്വാഴ്ച രാത്രി വീടിനുള്ളില് തലയ്ക്കു വെടിയേറ്റു മരിച്ചത്. സംഭവം നായാട്ടിനിടെ നടന്ന കൊലപാതകമെന്നു കണ്ടെത്തിയതിനെത്തുടര്ന്നു നടത്തിയ അന്വേഷണത്തിലാണ് പ്രതികള് അറസ്റ്റിലായത്. നാ യാട്ടിനിടെ വീടിനോട് ചേര്ന്നുനിന്ന മൃഗത്തെ വെടിവെച്ചപ്പോള് അബദ്ധത്തില് സണ്ണിക്ക് വെടിയേറ്റതെന്നാണ് പ്രതികള് നല്കിയിരിക്കുന്ന മൊഴി. എന്നാല് ഇക്കാര്യത്തില് കൂടുതല് വ്യക്തത വരുത്തേണ്ടതുണ്ടെന്നും ഇതുസംബന്ധിച്ച് അന്വേഷണം തുടരുകയാണെന്നും പോലീസ് പറഞ്ഞു. നാടന് തോക്ക് ഉപയോഗിച്ച് വീടിന് പുറത്തുനിന്നു വെടിവച്ചതെന്നാണ് പോലീസിന്റെ കണ്ടെത്തല്. കേസന്വേഷണത്തിനായി കട്ടപ്പന ഡിവൈഎസ്പി വി.എ. നിഷാദ്മോന്റെ നേതൃത്വത്തില് 50 അംഗ പ്രത്യേക സംഘത്തിന് രൂപം നല്കിയിരുന്നു. ചൊവ്വാഴ്ച…
Read Moreഹോസ്റ്റലില് ഭക്ഷണം മുടങ്ങി ! പ്രിന്സിപ്പലിനെ ‘വാഴ’യാക്കി എസ്എഫ്ഐ പ്രതിഷേധം; കെ വിദ്യയ്ക്കെതിരേ നടപടിയെടുത്ത അതേ പ്രിന്സിപ്പല്…
അട്ടപ്പാടി ഗവ. കോളേജില് പ്രിന്സിപ്പലിനെ ‘വാഴ’യാക്കി പ്രതിഷേധിച്ച് എസ്എഫ്ഐ. കോളേജ് ഹോസ്റ്റലില് ഉച്ചഭക്ഷണം മുടങ്ങിയതില് പ്രതിഷേധിച്ചായിരുന്നു പ്രിന്സിപ്പല് ലാലി വര്ഗീസിനെ വാഴയോട് ഉപമിച്ച് എസ്എഫ്ഐ സമരം നടത്തിയത്. ആറുമാസമായി ഹോസ്റ്റലിലെ ശുചീകരണ തൊഴിലാളികള്ക്കും പാചകക്കാര്ക്കും വേതനം ലഭിച്ചിരുന്നില്ല. ഇവര് നടത്തിയ പണിമുടക്ക് സമരത്തിന് പിന്തുണയുമായാണ് എസ്എഫ്ഐ എത്തിയ വാഴ സമരം നടത്തിയത്. എസ്എഫ്ഐ മുന് നേതാവ് കെ വിദ്യ അട്ടപ്പാടി കോളേജില് വ്യാജ സര്ട്ടിഫിക്കറ്റ് ഹാജരാക്കിയതിനെതിരെ ശക്തമായ നടപടി സ്വീകരിച്ചയാളാണ് ലാലി വര്ഗീസ്. പോലീസ് ഇടപെട്ട് പ്രശ്നത്തിന് താല്ക്കാലിക പരിഹാരമുണ്ടാക്കി. കുടുംബശ്രീ പ്രവര്ത്തകര്ക്കാണ്, ഹോസ്റ്റലില് ഭക്ഷണ വിതരണ ചുമതലയെന്നും പ്രശ്നം പരിഹരിക്കാന് ഉടന് നടപടി സ്വീകരിക്കുമെന്നും പ്രിന്സിപ്പല് അറിയിച്ചു. മഹാരാജാസ് കോളേജില് അധ്യാപകനെ അപമാനിച്ച സംഭവം; വിദ്യാര്ത്ഥികള്ക്കെതിരെ കേസെടുക്കില്ലെന്ന് പോലീസ് ‘വാഴയാണെങ്കില് കുലയ്ക്കുകയെങ്കിലും ചെയ്യും പ്രിന്സിപ്പല് ഒന്നും ചെയ്യുന്നില്ല’ എന്ന് മുദ്രാവാക്യം വിളിച്ച് പ്രിന്സിപ്പല് എന്നെഴുതിയ ബോര്ഡ്…
Read Moreപുതുപ്പള്ളി ഉപതെരഞ്ഞെടുപ്പ്: സൂക്ഷ്മപരിശോധനയിൽ മൂന്ന് പത്രികകൾ തള്ളി; മത്സരരംഗത്ത് ഏഴുപേര്
കോട്ടയം: പുതുപ്പള്ളി നിയമസഭ ഉപതെരഞ്ഞെടുപ്പില് ആകെ ഏഴ് സ്ഥാനാര്ഥികള്. സൂക്ഷ്മപരിശോധനയില് മൂന്ന് പത്രികകള് തള്ളി. സ്വതന്ത്രനായി റിക്കാര്ഡുകള്ക്ക് വേണ്ടി മല്സരിക്കുന്ന പദ്മരാജന്റേയും എല്ഡിഎഫ്, ബിജെപി ഡമ്മി സ്ഥാനാര്ഥികളുടെയും പത്രികകളാണ് തള്ളിയത്. സിപിഎം ജില്ലാ സെക്രട്ടറിയേറ്റ് അംഗം റെജി സഖറിയ ആയിരുന്നു എല്ഡിഎഫ് ഡമ്മി സ്ഥാനാര്ഥി. മഞ്ജു എസ്. നായര് എന്ഡിഎ ഡമ്മി സ്ഥാനാര്ഥി. എല്ഡിഎഫ്, യുഡിഎഫ്, എന്ഡിഎ മുന്നണികളുടെ സ്ഥാനാര്ഥികള്ക്കൊപ്പം എഎപി സ്ഥാനാര്ഥിയുടെയും സ്വതന്ത്ര സ്ഥാനാര്ഥികളായ പി.കെ. ദേവദാസ്, സന്തോഷ് ജോസഫ്, ഷാജി എന്നിവരുടെയും പത്രിക അംഗീകരിച്ചു. എല്ഡിഎഫിനായി സിപിഎമ്മിന്റെ ജെയ്ക് സി. തോമസ്, യുഡിഎഫിനായി കോണ്ഗ്രസിന്റെ ചാണ്ടി ഉമ്മന്, എന്ഡിഎയ്ക്കായി ബിജെപിയുടെ ജി.ലിജിന് ലാല്, ആംആദ്മി പാര്ട്ടിയുടെ ലൂക്ക് തോമസ് എന്നിവരാണ് പ്രധാനമായും തെരഞ്ഞെടുപ്പ് ഗോദയിലുള്ളത്. നാമനിര്ദേശ പത്രിക പിന്വലിക്കാനുള്ള സമയപരിധി അവസാനിച്ചിട്ടില്ലെന്നതിനാല് പുതുപ്പള്ളിയില് അന്തിമ ചിത്രമായെന്ന് പറയാനാകില്ല. 21 ആണ് പത്രിക പിന്വലിക്കാനുള്ള അവസാന…
Read Moreനില്ക്കാന് സ്ഥമില്ല, വാക്കേറ്റം ഒടുവില് കയ്യാങ്കളിയിലേക്ക്; മെട്രോയില് സ്ത്രീകള് തമ്മില് പൊരിഞ്ഞ അടി
ഡല്ഹി മെട്രോ വാര്ത്തകളിലെ നിറസാന്നിധ്യമാണ്. ഫോട്ടോഷൂട്ടിനും, ഇന്സ്റ്റഗ്രാം റീലിനുമൊക്കെയായി ആളുകള് ഇപ്പോള് എത്തുന്നത് മെട്രോയിലേക്കാണ്. ഈ സംഭവങ്ങളുടെയൊക്കെ ദൃശ്യങ്ങൾ സോഷ്യല് മീഡിയയില് ഇടയ്ക്കിടയ്ക്ക് പ്രത്യക്ഷമാകാറുണ്ട്. കൗതുകരമായ ഇത്തരം സംഭവങ്ങൾ നടക്കുന്നതോടൊപ്പം തന്നെ യാത്രക്കാര് തമ്മിലുണ്ടാകുന്ന സംഘര്ഷത്തിന്റെയും വാക്ക് തര്ക്കത്തിന്റെയും വീഡിയോകളും സോഷ്യല് മീഡിയയില് ചര്ച്ചയാകാറുണ്ട്. എന്നാൽ സമാനമായൊരു സംഭവമാണ് ഇപ്പോള് സോഷ്യല് മീഡിയയില് വൈറലാകുന്നത്. മെട്രോയില് നില്ക്കാന് സ്ഥലമില്ലാത്തതിന്റെ പേരില് രണ്ട് സ്ത്രീകൾ തമ്മിലുള്ള വാക്കേറ്റമാണ് വീഡിയോയില്. രണ്ട്പേരും സ്ഥലത്തിന്റെ പേരില് തര്ക്കം തുടങ്ങി. തുടര്ന്ന് പരസ്പരം സ്ഥലം നൽകി മാറിനില്ക്കാന് ഇരുവരും തയാറാകാത്തതിനെ തുടര്ന്ന് വാക്കേറ്റം കയ്യാങ്കളിലേക്കെത്തി. സമീപത്ത് നില്ക്കുന്നവര് ഇവരെ അനുനയിപ്പിക്കാന് ശ്രമിക്കുന്നുണ്ടെങ്കിലും അവര് അത് കേള്ക്കാന് തയാറായില്ല. ഇവര്ക്കൊപ്പം മെട്രോയില് യാത്ര ചെയ്തിരുന്ന മറ്റൊരു യാത്രക്കാരനാണ് വീഡിയോ എടുത്ത് ട്വിറ്ററില് പോസ്റ്റ് ചെയ്തത്.
Read Moreഇരട്ട വിജയം..! സംസ്ഥാനത്ത് കൂടുതൽ കാലം മുഖ്യമന്ത്രി;അച്യുതമേനോനെ മറികടന്ന് പിണറായി വിജയൻ മൂന്നാം സ്ഥാനത്ത്
തിരുവനന്തപുരം: സംസ്ഥാനത്ത് ഏറ്റവും കൂടുതൽ കാലം മുഖ്യമന്ത്രിയായവരുടെ പട്ടികയിൽ പിണറായി വിജയൻ മൂന്നാം സ്ഥാനത്തെത്തി. സി. അച്യുതമേനോനെ മറികടന്നാണ് പിണറായി വിജയൻ ഇന്ന് മൂന്നാം സ്ഥാനത്തെത്തിയത്. തുടർച്ചയായി രണ്ട് മന്ത്രിസഭകളെ നയിച്ച മുഖ്യമന്ത്രിയും പിണറായി വിജയനാണ്. ഏറ്റവും കൂടുതൽ കാലം മുഖ്യമന്ത്രി സ്ഥാനത്തിരുന്നവരുടെ പട്ടികയിൽ ഒന്നാം സ്ഥാനത്ത് ഇ.കെ. നായനാരും രണ്ടാം സ്ഥാനത്ത് കെ. കരുണാകരനുമാണ്. 2,640 ദിവസങ്ങളാണ് സി.അച്യുതമേനോനൻ മുഖ്യമന്ത്രി സ്ഥാനത്തിരുന്നത്. പിണറായി മുഖ്യമന്ത്രി സ്ഥാനത്ത് ഇന്ന് 2,641ാം ദിവസമാണ്. ഇ.കെ.നായനാർ 4,009 ദിവസങ്ങളും കെ.കരുണാകരൻ 3,246 ദിവസങ്ങളും മുഖ്യമന്ത്രി സ്ഥാനത്തിരുന്നു. രാജ്യത്ത് ഏറ്റവും കൂടുതൽ കാലം മുഖ്യമന്ത്രി സ്ഥാനത്തിരുന്നവരിൽ ഒന്നാം സ്ഥാനത്ത് 1994 ഡിസംബർ 12 മുതൽ 2019 മേയ് 27വരെ സിക്കിം മുഖ്യമന്ത്രിയായിരുന്ന പവൻകുമാർ ചാംലിങ്ങ് ആണ്. രണ്ടാം സ്ഥാനത്ത് ഒഡിഷ മുഖ്യമന്ത്രി നവീൻ പട്നായിക് ആണ്.
Read Moreവാതിൽപ്പടി സേവനം അവതാളത്തിൽ ! കുട്ടനാട്ടിലെ റേഷൻ വിതരണം മുടങ്ങും
മങ്കൊമ്പ്: സൗജന്യ ഓണക്കിറ്റുകളുടെ വിതരണമടക്കം ഉപേക്ഷിച്ചതിനുപിന്നാലെ റേഷൻകടകളിൽ അവശ്യവസ്തുക്കളുമെത്തുന്നില്ലെന്നു പരാതി. ഓണത്തിനു ദിവസങ്ങൾ മാത്രം അവശേഷിക്കുമ്പോഴും വിതരണം ചെയ്യേണ്ട സാധനങ്ങൾ ഇതുവരെയും റേഷൻ കടകളിൽ എത്തിച്ചേർന്നിട്ടില്ലെന്നാണ് ചില്ലറ റേഷൻ വ്യാപാരികൾ പരാതിപ്പെടുന്നത്. ഓണം പ്രമാണിച്ചു നീല, വെള്ള കാർഡുടമകൾക്ക് സർക്കാർ പ്രഖ്യാപിച്ച സ്പെഷൽ അരിയും ആട്ടയുമടക്കം താലൂക്കിലെ 60 ശതമാനം കടകളിലും സ്റ്റോക്ക് ഇനിയും എത്തിയിട്ടില്ല. റേഷൻ കടകൾക്കു സാധനങ്ങളെത്തിക്കേണ്ട ഡോർ ഡെലിവറി സമ്പ്രദായത്തിലെ അപാകതകളാണ് സാധനങ്ങളെത്താൻ വൈകുന്നതെന്നാണ് വ്യാപാരികൾ ആരോപിക്കുന്നത്. പുതിയ കരാറുകാരാണ് ഡോർ ഡെലിവറി സേവനത്തിനായി കരാർ എടുത്തിട്ടുള്ളത്. സാധനങ്ങളെത്തിക്കുന്നതിൽ ഇവർ മെല്ലെപ്പോക്ക് നയമാണ് സ്വീകരിക്കുന്നതെന്നും ആക്ഷേപമുണ്ട്. നിലവിലെ സ്ഥിതി തുടരുന്നത് ഓണക്കാലത്തു കൂടുതൽ ബുദ്ധമുട്ടുകളുണ്ടാക്കുമെന്ന് ഇവർ പറയുന്നു. മാസാവസാനം ഓണത്തിനുശേഷം റേഷൻ കടകൾ അവധിയായതിനാൽ, ഈ മാസത്തെ റേഷൻ വാങ്ങാൻ കാർഡുടമകൾക്ക് ഇനിയും വെറും 10 ദിവസങ്ങൾ മാത്രമേ ലഭിക്കുകയുള്ളൂ. ഇത് വ്യാപാരികളും…
Read More