മംഗളൂരു: റോ ഓഫീസറായും കേരള പോലീസായും കൃഷി വകുപ്പ് ഉദ്യോഗസ്ഥനായും ചമഞ്ഞു തട്ടിപ്പുനടത്തിയ മലയാളി വിദ്യാർഥി പിടിയിലായ സംഭവത്തിൽ കൂടുതൽ അന്വേഷണത്തിന് കർണാടക പോലീസ്. ഇടുക്കി പള്ളിവാസൽ അമ്പഴച്ചാൽ പച്ചോളി തോക്കുകരയിലെ ബെനഡിക്ട് സാബു (25) വാണ് മംഗളൂരുവിൽ പിടിയിലായത്. മംഗളൂരുവിലെ സ്വകാര്യ കോളജിലെ ഒന്നാം വർഷ നഴ്സിംഗ് വിദ്യാർഥിയാണ് ബെനഡിക്ട്. ആറു മാസം മുന്പാണ് ഇയാൾ കോളജിൽ അഡ്മിഷൻ നേടുന്നത്. പ്രവേശനസമയത്തു താൻ കേരള അഗ്രികൾച്ചർ ഡിപ്പാർട്ട്മെന്റിലെ ഉദ്യോഗസ്ഥനാണെന്നാണു പറഞ്ഞിരുന്നത്. ബോധ്യപ്പെടുത്താനായി വ്യാജ ഐഡി കാർഡും ഇയാൾ കോളജിൽ ഹാജരാക്കിയിരുന്നു. കഴിഞ്ഞദിവസം, മംഗളൂരു പോലീസ് കോളജിൽ ലഹരിവിരുദ്ധ ബോധവത്കരണ പരിപാടി നടത്തിയിരുന്നു. ഇതിൽനിന്നു ലഭിച്ച വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ബെനഡിക്ടിന്റെ തട്ടിപ്പു പുറത്തറിയുന്നത്. ഇയാളുടെ മുറി പരിശോധിച്ച പോലീസ് ഒട്ടേറെ വകുപ്പുകളുടെ വ്യാജ തിരിച്ചറിയൽ കാർഡുകളും കേരള പോലീസിന്റെ യൂണിഫോമും കണ്ടെത്തി. ഇയാളെ വിശദമായി…
Read MoreCategory: Loud Speaker
കേരളത്തിൽ “വീണ സർവീസ് ടാക്സ്’: മിത്തുവിവമാദം അഴിമതിയിൽ നിന്ന് ശ്രദ്ധതിരിച്ചുവിടാനെന്ന് കേന്ദ്രമന്ത്രി
ന്യൂഡൽഹി: കേരളത്തിൽ വീണ സർവീസ് ടാക്സ് നിലനിൽക്കുന്നുണ്ടെന്ന് കേന്ദ്രമന്ത്രി രാജീവ് ചന്ദ്രശേഖർ. പദ്ധതികൾ തുടങ്ങാൻ പിണറായി വിജയന്റെ കുടുംബത്തിന് കമ്മീഷൻ നൽകണമെന്നും അഴിമതി, കുടുംബാധിപത്യം, പ്രീണനം എന്നിവയിൽ യുഡിഎഫും എൽഡിഎഫും ഒരു പോലെയാണെന്നും അദ്ദേഹം പറഞ്ഞു. അഴിമതിയിൽനിന്നു ശ്രദ്ധതിരിക്കാനാണ് സ്പീക്കറുടെ മിത്തുവിവമാദമെന്നും മന്ത്രി കൂട്ടിച്ചേർത്തു.രാഹുൽ ഗാന്ധിയുടെ ചൈനാ പരാമർശത്തിലും വാർത്താ സമ്മേളനത്തിൽ അദ്ദേഹം മറുപടി പറഞ്ഞു. ചൈനയുമായി ബന്ധമുള്ളത് രാഹുലിനാണ്. ചൈനയുമായി രാഹുലാണ് ധാരണാപത്രം ഒപ്പുവച്ചതെന്നും കേന്ദ്രമന്ത്രി പറഞ്ഞു.
Read Moreഎട്ട്മണിക്കൂർ പിന്നിട്ടു; കരുവന്നൂർ സഹകരണ ബാങ്ക് തട്ടിപ്പ് ; മുൻമന്ത്രി മൊയ്തീന്റെ വീട്ടിൽ ഇഡി റെയ്ഡ്
തൃശൂർ/വടക്കാഞ്ചേരി: ഇരുനൂറു കോടിയിലധികം രൂപയുടെ സാന്പത്തിക ക്രമക്കേടും തട്ടിപ്പും നടന്ന കരുവന്നൂർ സഹകരണ ബാങ്ക് കേസുമായി ബന്ധപ്പെട്ട് മുൻ സഹകരണ മന്ത്രിയും എംഎൽഎയുമായ എ.സി. മൊയ്തീന്റെ വീട്ടിൽ എൻഫോഴ്സ്മെന്റ് ഡയറക്ടറേറ്റിന്റെ (ഇഡി) റെയ്ഡ്. വടക്കാഞ്ചേരി തെക്കുംകര പഞ്ചായത്തിലെ പനങ്ങാട്ടുകരയിലുള്ള മൊയ്തീന്റെ വീട്ടിലാണ് ഇഡി സംഘം റെയ്ഡ് നടത്തുന്നത്. ഇന്നുരാവിലെ ഏഴോടെ കൊച്ചിയിൽനിന്ന് മൂന്നു വാഹനങ്ങളിലായി പന്ത്രണ്ടംഗ സംഘമാണ് റെയ്ഡിന് എത്തിയത്. സായുധ സേനാംഗങ്ങളടക്കം വീടിനു മുന്നിൽ കാവലുണ്ട്. മൊയ്തീൻ വീടിനകത്തുതന്നെയുണ്ടെന്നാണ് വിവരം. മൊയ്തീന്റെ ബിനാമികളെന്ന് സംശയിക്കുന്നവരുടെയും വീടുകളിലും പരിശോധനകൾ നടക്കുന്നുണ്ട്.കരുവന്നൂർ തട്ടിപ്പിലെ പ്രതികളുമായി മൊയ്തീനു പങ്കുണ്ടെന്ന ആരോപണം നേരത്തെതന്നെ ഉയർന്നിരുന്നു. ക്രമക്കേടുകൾ നടന്ന സമയത്ത് സഹകരണ മന്ത്രിയായിരുന്ന മൊയ്തീൻ ഇപ്പോൾ കുന്നംകുളം എംഎൽഎയാണ്. കഴിഞ്ഞ ഏതാനും ദിവസങ്ങളായി കരുവന്നൂർ തട്ടിപ്പുകേസ് ഇഡി സജീവമായി അന്വേഷിച്ചുവരികയായിരുന്നു. പ്രതികളുടെ സ്വത്ത് കണ്ടുകെട്ടൽ നടപടികൾ ആരംഭിച്ചിരുന്നുവെങ്കിലും പിന്നീട് കോടതി സ്റ്റേ ചെയ്തതോടെ…
Read Moreദേശീയപാതയോരത്ത് വാഴവെച്ച് കര്ഷകന് ! ആളില്ലാത്തപ്പോള് എത്തി ‘വാഴ വെട്ടിയ ദേശീയപാതാ അതോറിറ്റി കുലയും കൊണ്ട് കടന്നു
മണ്ണുത്തി വടക്കഞ്ചേരി ദേശീയപാതയോരത്ത് വെച്ച വാഴകള് വെട്ടിനശിപ്പിച്ച് കുലയും കൊണ്ട് കടന്ന് ദേശീയ പാതാ അതോറിറ്റി. മണ്ണുത്തി സ്വദേശിയായ മനോജ് മേനോന്റെ വീടിന് മുന്നില് അദ്ദേഹം കൃഷി ചെയ്ത വാഴകളാണ് അധികൃതര് വെട്ടിനശിപ്പിച്ചത്. അദ്ദേഹത്തിന്റെ വീടിന്റെ മുന്നിലെ പത്ത് സെന്റോളം സ്ഥലം ദേശീയപാതയ്ക്കായി ഏറ്റെടുത്തിരുന്നു. എന്നാല്, അതില് ഭൂരിഭാഗം സ്ഥലവും റോഡിനായി ഉപയോഗിച്ചില്ല. തുടര്ന്ന് വീടിന്റെ മുന്നിലെ സ്ഥലം സാമൂഹ്യവിരുദ്ധര് താവളമാക്കുന്നത് ശ്രദ്ധയില്പ്പെട്ടതിന് പിന്നാലെയാണ് വീട്ടുടമസ്ഥന് സ്ഥലത്ത് കൃഷി ആരംഭിച്ചത്. എന്നാല്, വാഴ വലുതായി കുലച്ച് പാകമായതോടെ അതോറിറ്റി അധികൃതരെത്തി വാഴകള് വെട്ടി നിരത്തി. അതിലുണ്ടായ നല്ല വാഴക്കുലകള് വെട്ടാനെത്തിയവര് തന്നെ കൊണ്ടുപോകുകയും ചെയ്തു. അഞ്ച് വര്ഷമായി പ്രദേശത്ത് കൃഷി ചെയ്യുന്നുണ്ടെന്ന് വീട്ടുടമ പറഞ്ഞു. കൃഷിയോടുള്ള പ്രിയംകൊണ്ടാണ് വാഴയും കപ്പയും കൃഷി ചെയ്തത്. വീട്ടുകാര് സ്ഥലത്തില്ലാത്ത സമയത്താണ് അധികൃതരുടെ ഭാഗത്തുനിന്നുള്ള ഈ നടപടി. തൊട്ടടുത്ത സ്ഥലങ്ങളിലെല്ലാം വാഴയും…
Read Moreഅമ്മ അപരിചിതന് മെസേജ് അയയ്ക്കുന്നതില് സംശയം ! കൗമാരക്കാരന് കോടാലി കൊണ്ട് വെട്ടിക്കൊന്നു
അമ്മയ്ക്കു അപരിചിതനുമായി ബന്ധമുണ്ടെന്ന സംശയത്തെത്തുടര്ന്ന് അമ്മയെ ക്രൂരമായി വെട്ടിക്കൊലപ്പെടുത്തി പതിനേഴുകാരന്. മഹാരാഷ്ട്രയിലെ പാല്ഘര് ജില്ലയിലെ പരോള് പ്രദേശത്തെ വസായ് ടൗണ്ഷിപ്പിലാണു ക്രൂരമായ സംഭവം. സൊനാലി ഗോര്ഗ (35) എന്ന യുവതിയാണു കൊല്ലപ്പെട്ടത്. പ്രതിയായ മകന് ഒളിവിലാണ്. സൊനാലി ഫോണില് നിന്ന് അപരിചിതനായ ഒരാള്ക്കു മെസേജ് അയയ്ക്കുന്നതു മകന് ഇഷ്ടമായിരുന്നില്ല. ഇതേച്ചൊല്ലി ഇരുവരും തമ്മില് തര്ക്കമുണ്ടാകാറുണ്ടെന്നു പോലീസ് പറഞ്ഞു. ഞായറാഴ്ച അത്താഴം കഴിക്കുന്നതിനിടെ അമ്മ ഫോണില് മെസേജ് അയയ്ക്കുന്നതു കണ്ടതോടെ മകന് അസ്വസ്ഥനായി. രോഷാകുലനായ മകന് അമ്മയെ കോടാലിയെടുത്തു തുരുതുരെ വെട്ടുകയായിരുന്നു. സംഭവസമയത്തു വീട്ടില് മറ്റാരും ഉണ്ടായിരുന്നില്ല. ഗുരുതരമായി പരുക്കേറ്റ സൊനാലിയെ പിന്നീട് ഭിവണ്ടിയിലെ ആശുപത്രിയില് എത്തിച്ചെങ്കിലും മരിച്ചിരുന്നതായി ഡോക്ടര്മാര് അറിയിച്ചു. മൃതദേഹം പോസ്റ്റ്മോര്ട്ടത്തിന് അയച്ചു.
Read Moreസ്വാതന്ത്ര്യം, ജനാധിപത്യം, സോഷ്യലിസം ; താത്ക്കാലിക ജീവനക്കാരിയെ പിരിച്ചുവിട്ടതിനെതിരേ ചാണ്ടി ഉമ്മന്
കോട്ടയം: ഉമ്മന് ചാണ്ടിയെ പുകഴ്ത്തിപ്പറഞ്ഞ മൃഗസംരക്ഷണ വകുപ്പ് താത്ക്കാലിക ജീവനക്കാരിയെ ജോലിയില്നിന്ന് പിരിച്ചുവിട്ട സംഭവത്തില് പ്രതികരണവുമായി യുഡിഎഫ് സ്ഥാനാര്ഥി ചാണ്ടി ഉമ്മന്. സ്വാതന്ത്ര്യം, ജനാധിപത്യം, സോഷ്യലിസം എന്നൊക്കെ പറയുന്നവരാണോ ഇതൊക്കെ ചെയ്യുന്നതെന്ന് ചാണ്ടി ഉമ്മന് ചോദിച്ചു. ഉമ്മന് ചാണ്ടി തനിക്ക് വേണ്ടി ചെയ്ത സഹായങ്ങള് മാത്രമാണ് അവര് പറഞ്ഞത്. അതിന്റെ പേരില് അവരുടെ ഉപജീവനമാര്ഗം ഇല്ലാതാക്കുകയാണ് ചെയ്തത്. ഇവിടെ സ്വാതന്ത്ര്യം ഇല്ലാതായെന്നതിന്റെ തെളിവല്ലേ ഇത്. തങ്ങള്ക്കിഷ്ടമില്ലാത്ത കാര്യം ആരെങ്കിലും പറഞ്ഞാല് അവര് തങ്ങളുടെ അധികാരപരിധിയിലുള്ള ആളാണെങ്കിൽ അവരെ ദ്രോഹിക്കുകയാണെന്നും അദ്ദേഹം പറഞ്ഞു. പുതുപ്പള്ളി സ്വദേശിയായ പി.ഒ.സതിയമ്മയ്ക്കാണ് ഉമ്മന് ചാണ്ടിയെക്കുറിച്ച് നല്ലത് പറഞ്ഞതിന്റെ പേരില് ജോലി നഷ്ടമായത്. പുതുപ്പള്ളി ഉപതിരഞ്ഞെടുപ്പിനെക്കുറിച്ചുള്ള മാധ്യമപ്രവര്ത്തകരുടെ ചോദ്യത്തിനായിരുന്നു സതിയമ്മയുടെ പ്രതികരണം. ഞായറാഴ്ച ചാനലില് ഇത് സംപ്രേക്ഷണം ചെയ്തതിന് പിന്നാലെ ജോലിക്ക് കയറേണ്ടെന്ന അറിയിപ്പ് ലഭിച്ചു. 15 വര്ഷമായി ചെയ്തുവന്ന ജോലിയാണ് നഷ്ടമായതെന്ന്…
Read Moreവയറ്റില് ശസ്ത്രക്രിയാ ഉപകരണം കണ്ടെത്തിയ സംഭവം; ഡോക്ടർമാരുടെ അറസ്റ്റിനു സാധ്യത
സ്വന്തം ലേഖകന്കോഴിക്കോട്: പ്രസവ ശസ്ത്രക്രിയക്കിടെ വയറ്റില് ശസ്ത്രക്രിയാ ഉപകരണം കുടുങ്ങിയ കേസില് തുടർനടപടികള് വേഗത്തിലാക്കാന് അന്വേഷണ സംഘത്തിന്റെ തീരുമാനം. ഹര്ഷിനയെ പ്രസവശസ്ത്രക്രിയക്ക് വിധേയമാക്കിയ കോഴിക്കോട് മെഡിക്കല് കോളജിലെ രണ്ട് ഡോക്ടര്മാര് , നേഴ്സുമാര് എന്നിവരെ അറസ്റ്റ് ചെയ്യുന്നതടക്കമുള്ള നടപടികളിലേക്ക് കടക്കാനാണ് ആലോചന. നിയമവിദഗ്ധരുടെ കൂടി അഭിപ്രായം തേടിയിട്ടാകും നടപടി. എംആര്ഐ സ്കാനിംഗ് മെഷീന് കമ്പനി പ്രതിനിധികളുടെ മൊഴിയെടുക്കാനും അന്വേഷണ സംഘം തീരുമാനിച്ചിട്ടുണ്ട്. രണ്ടാമത്തെ ശസ്ത്രക്രിയക്ക് ശേഷം ഹര്ഷിന കൊല്ലത്തെ സ്വകാര്യ ആശുപത്രിയില് നടത്തിയ സ്കാനിംഗിൽ ശരീരത്തില് ലോഹത്തിന്റെ സാന്നിധ്യം ഉണ്ടായിരുന്നില്ല. അതേസമയം, ഹർഷീനയുടെ വയറ്റിൽ കത്രിക കുടുങ്ങിയ സംഭവത്തില് ഇടപെട്ട് മനുഷ്യാവകാശകമ്മീഷന് രംഗത്തെത്തി. ഹർഷീനയുടെ വയറ്റിൽ കത്രിക കുടുങ്ങിയ സംഭവത്തിൽ പോലീസില് നിന്ന് വീണ്ടും റിപ്പോർട്ട് തേടിയതായി മനുഷ്യവകാശ കമ്മീഷൻ ആക്ടിംഗ് ചെയർമാൻ കെ. ബൈജുനാഥ് അറിയിച്ചു. മെഡിക്കൽ ബോർഡ് റിപ്പോർട്ടും പോലീസിന്റെ കണ്ടെത്തലും പരിശോധിക്കുമെന്നും മനുഷ്യവകാശ…
Read Moreമാട്രിമോണിയല് ആപ്പ് വഴി പുതിയ തട്ടിപ്പ് ! യുവതിയില് നിന്ന് തട്ടാന് ശ്രമിച്ചത് 45 ലക്ഷം രൂപ
സാങ്കേതിക വിദ്യ പുരോഗമിക്കുന്നതിനനുസരിച്ച് തട്ടിപ്പുകാരും തട്ടിപ്പുകള് അപ്ഡേറ്റ് ചെയ്യാറുണ്ട്. ഒട്ടുമിക്ക ഓണ്ലൈന് ആപ്പുകളും പലരും തട്ടിപ്പിനുപയോഗിക്കുന്നുണ്ട്. കഴിഞ്ഞ ദിവസം ഒരു യുവതി സാമൂഹിക മാധ്യമ പ്ലാറ്റ്ഫോമായ റെഡ്ഡിറ്റില് പങ്കുവെച്ച കുറിപ്പ് സാമൂഹിക മാധ്യമ ഉപഭോക്താക്കളെ ഒന്നാകെ അമ്പരപ്പിച്ചിരിക്കുകയാണ്. ഒരു മാട്രിമോണിയല് സൈറ്റ് വഴി തന്റെ കയ്യില് നിന്നും 45 ലക്ഷം രൂപ തട്ടിയെടുക്കാന് ചിലര് ശ്രമിച്ചതിനെ കുറിച്ചായിരുന്നു യുവതിയുടെ കുറിപ്പ്. ‘ഷാദി ഡോട്ട് കോം തട്ടിപ്പ്’ എന്ന പേരിലാണ് യുവതി തനിക്കുണ്ടായ അനുഭവം വിവരിച്ചത്. പല മാട്രിമോണിയല് സൈറ്റുകളിലും പ്രീമിയം ഉപഭോക്താക്കള്ക്ക് പരസ്പരം കോണ്ടാക്ട് നമ്പറുകള് ഉള്പ്പെടെ കാണാനും ചാറ്റ് ചെയ്യാനുള്ള അവസരമുണ്ട്. അത്തരത്തില് സൈറ്റില് നിന്നും യുവതിയുടെ മുഴുവന് വിവരങ്ങളും കോണ്ടാക്ട് നമ്പറും ലഭിച്ച ഒരാള് വാട്സാപ്പിലൂടെ അവരെ ബന്ധപ്പെട്ടു. ആദ്യ രണ്ട് ദിവസത്തെ സൗഹൃദ സംഭാഷണത്തിന് ശേഷം താന് ആളുകളെ വിദേശത്തേക്ക് കുടിയേറാന് സഹായിക്കുന്ന…
Read Moreഓണം ലക്ഷ്യമാക്കി ചാക്കിലാക്കി സൂക്ഷിച്ചിരുന്ന 100 കുപ്പി മദ്യം പൊക്കി എക്സൈസ് ! 72കാരന് പിടിയില്
ഓണം ലക്ഷ്യമാക്കി വില്പ്പനയ്ക്കായി കരുതിവച്ച 100 നൂറു കുപ്പി മദ്യവുമായി വയോധികന് പിടിയില്. മേലില പൂര്ണിമ നിവാസില് ജനാര്ദ്ദന കുറുപ്പിനെയാണ്(72) കൊട്ടാരക്കര എക്സൈസ് സംഘം അറസ്റ്റ് ചെയ്തത്. വീടിന് പുറകുവശത്തായി ചാക്കുകളിലാക്കിയാണ് 500 മില്ലിയുടെ കുപ്പികളില് മദ്യം സൂക്ഷിച്ചിരുന്നത്. അബ്കാരി കേസുകളില് മുമ്പും ഇയാള് പ്രതിയായിട്ടുണ്ട്. എക്സൈസ് സി.ഐ സി.ശ്യാംകുമാര്, ഇന്സ്പെക്ടര് കെ.ആര്.അനില്കുമാര് എന്നിവരുടെ നേതൃത്വത്തില് കുന്നിക്കോട് പൊലീസിന്റെ സഹായത്തോടെയായിരുന്നു റെയ്ഡ് നടത്തിയത്.
Read Moreവീണാ വിജയന്റെ നികുതി ഇടപാടുകള് ധനകാര്യവകുപ്പ് പരിശോധിക്കും; മാത്യു കുഴൽനാടന്റെ പരാതി ലഭിച്ചതായി ധനമന്ത്രിയുടെ ഫീസ്
തിരുവനന്തപുരം: മുഖ്യമന്ത്രിയുടെ മകള് വീണാ വിജയന് നികുതി നല്കിയില്ലെന്ന മാത്യു കുഴല്നാടന് എംഎല്എയുടെ പരാതി ധനകാര്യ വകുപ്പ് പരിശോധിക്കും. വീണാ വിജയന്റെ എക്സലോജിക് ഐടി കമ്പനി കെഎംആര്എലില്നിന്നു കൈപ്പറ്റിയ 1.72 കോടി രൂപയ്ക്ക് ജിഎസ്ടി അടച്ചിട്ടില്ലെന്നായിരുന്നു മാത്യു കുഴല്നാടൻ പത്രസമ്മേളനത്തിൽ ആരോപിച്ചത്. വീണാ വിജയന് ജിഎസ്ടി നികുതി അടച്ചെങ്കില് രേഖ പുറത്ത് വിടണമെന്ന ആവശ്യമുന്നയിച്ച് ധനമന്ത്രി കെ.എന്. ബാലഗോപാലിന് കുഴൽനാടൻ ഇമെയിലായാണ് പരാതി അയച്ചത്. പരാതി കിട്ടിയതായി ധനമന്ത്രിയുടെ ഓഫീസ് സ്ഥിരീകരിച്ചിരുന്നു. നികുതി സംബന്ധിച്ച പരാതിയായതിനാല് നികുതിവകുപ്പിന് ഇത് കൈമാറും. മന്ത്രി ഞായറാഴ്ച ഓഫീസിൽ എത്താതിരുന്നതിനാൽ ഇന്ന് ഓഫീസിലെത്തുന്ന മന്ത്രി പരാതി നികുതി വകുപ്പിന് കൈമാറും. വീണയുടെ കമ്പനി രജിസ്ട്രര് ചെയ്തിരിക്കുന്നത് കര്ണാടകയിലാണ്. അതിനാല്തന്നെ മാത്യു കുഴല്നാടന്റെ പരാതിയില് സംസ്ഥാന ധനകാര്യ വകുപ്പ് എന്ത് നടപടി സ്വീകരിക്കുമെന്നത് പ്രസക്തമാണ്. അന്തര്സംസ്ഥാന വ്യാപാരവും സേവനവും നടത്തുന്ന കമ്പനികള് അടയ്ക്കേണ്ടത്…
Read More