പണി തുടങ്ങി! സാ​ല​റി ച​ല​ഞ്ചി​നില്ലെങ്കില്‍ ട്രാൻസ്ഫർ ചലഞ്ച്; തലസ്ഥാനത്തെ 9 പോ​ലീ​സു​കാ​ർക്കു പണി മലപ്പുറം പാണ്ടിക്കാട്ട്

തി​രു​വ​ന​ന്ത​പു​രം: സാ​ല​റി ച​ല​ഞ്ചി​നോ​ട് വി​സ​മ്മ​തം പ്ര​ക​ടി​പ്പി​ച്ച പോ​ലീ​സു​കാ​രോ​ട് പ്ര​തി​കാ​ര ന​ട​പ​ടി​യെ​ന്ന് ആ​ക്ഷേ​പം. ഒ​ൻ​പ​ത് പോ​ലീ​സ് ഉ​ദ്യോ​ഗ​സ്ഥ​രെ കൂ​ട്ട​ത്തോ​ടെ സ്ഥ​ലം മാ​റ്റി. പേ​രൂ​ർ​ക്ക​ട എ​സ്എ​പി ക്യാ​ന്പി​ലെ 9 ഹ​വി​ൽ​ദാ​ർ ത​സ്തി​ക​യി​ലു​ള്ള പോ​ലീ​സു​കാ​രെ​യാ​ണ് കൂ​ട്ട​ത്തോ​ടെ സ്ഥ​ലം മാ​റ്റി​യ​ത്. ഒ​ൻ​പ​ത് പേ​രും സാ​ല​റി ച​ല​ഞ്ചി​നെ​തി​രെ വി​സ​മ്മ​ത​പ​ത്രം ന​ൽ​കി​യി​രു​ന്നു. ഇ​താ​ണ് പ്ര​തി​കാ​ര ന​ട​പ​ടി​ക്ക് കാ​ര​ണ​മെ​ന്നാ​ണ് ആ​ക്ഷേ​പം.

ഒ​ൻ​പ​ത് പേ​രെ​യും മ​ല​പ്പു​റം പാ​ണ്ടി​ക്കാ​ട്ടേ​ക്കാ​ണ് സ്ഥ​ലം മാ​റ്റി കൊ​ണ്ടു​ള്ള ഉ​ത്ത​ര​വ് പു​റ​ത്തി​റ​ക്കി​യി​രി​ക്കു​ന്ന​ത്. സ​ർ​വീ​സി​ൽ പ​രി​ശീ​ല​നം ക​ഴി​ഞ്ഞ് പു​തു​താ​യി എ​ത്തു​ന്ന പോ​ലീ​സു​കാ​രെ​യാ​ണ് സാ​ധാ​ര​ണ മ​റ്റ് ജി​ല്ല​ക​ളി​ലേ​ക്ക് സ്ഥ​ലം മാ​റ്റു​ന്ന​ത്. എ​ന്നാ​ൽ ഇ​വ​രെ സ്ഥ​ലം മാ​റ്റി​യ​തി​ന് പി​ന്നി​ൽ പോ​ലീ​സ് അ​സോ​സി​യേ​ഷ​ന്‍റെ പ്ര​തി​കാ​ര ന​ട​പ​ടി​യാ​ണെ​ന്നാ​ണ് ഉ​യ​രു​ന്ന ആ​രോ​പ​ണം.

സാ​ല​റി ച​ല​ഞ്ചി​നോ​ട് വി​സ്സ​മ്മ​തം അ​റി​യി​ച്ച​തി​നു തൊ​ട്ടു​പി​ന്നാ​ലെ സ്ഥ​ലം മാ​റ്റി​യ​ത് പ്ര​തി​കാ​ര ന​ട​പ​ടി​യാ​ണെ​ന്ന് പ്ര​തി​പ​ക്ഷ ക​ക്ഷി​ക​ൾ ആ​രോ​പി​ക്കു​ന്നു. അ​തേ​സ​മ​യം മ​ല​പ്പു​റം ക്യാ​ന്പി​ലേ​ക്ക് ജീ​വ​ന​ക്കാ​രെ മാ​റ്റേ​ണ്ട സ​മ​യ​മാ​യ​തി​നാ​ൽ ന​ട​ത്തി​യ സ്ഥ​ലം​മാ​റ്റം മാ​ത്ര​മാ​ണി​തെ​ന്ന് ക്യാ​ന്പി​ലെ ഉ​ന്ന​ത ഉ​ദ്യോ​ഗ​സ്ഥ​ർ പ​റ​യു​ന്നു.

സാ​ല​റി ച​ല​ഞ്ചി​നോ​ട് കേ​ര​ള പോ​ലീ​സി​ൽ കാ​ര്യ​മാ​യ പി​ന്തു​ണ ല​ഭി​ച്ചി​ട്ടി​ല്ല. എ​സ്എ​പി ക്യാ​ന്പി​ലെ പോ​ലീ​സു​കാ​രി​ൽ ന​ല്ലൊ​രു ശ​ത​മാ​ന​വും സാ​ല​റി ച​ല​ഞ്ചി​നോ​ട് വി​സ്സ​മ്മ​തം പ്ര​ക​ടി​പ്പി​ച്ച​താ​യി സൂ​ച​ന​യു​ണ്ട്. പോ​ലീ​സു​കാ​രെ ഏ​ത് വി​ധേ​ന​യും സാ​ല​റി ച​ല​ഞ്ചി​ന്‍റെ ഭാ​ഗ​മാ​ക്കാ​നാ​ണ് അ​സോ​സി​യേ​ഷ​ൻ ഭാ​ര​വാ​ഹി​ക​ളും ഒ​രു വി​ഭാ​ഗം പോ​ലീ​സ് ഉ​ദ്യോ​ഗ​സ്ഥ​രും ശ്ര​മി​ക്കു​ന്ന​തെ​ന്നും പ​രാ​തി​യു​ണ്ട്.

സാ​ല​റി ച​ല​ഞ്ചി​നോ​ട് സ​ഹ​ക​രി​ക്കാ​ത്ത​വ​ർ​ക്ക് സ്ഥ​ലം​മാ​റ്റു​മെ​ന്ന സ​ന്ദേ​ശം ഭീ​ഷ​ണി​യി​ലൂ​ടെ സാ​ല​റി പി​ടി​ച്ചു​വാ​ങ്ങു​ന്ന​തി​ന് തു​ല്യ​മാ​ണെ​ന്ന് പോ​ലീ​സു​കാ​ർ ആ​രോ​പി​ക്കു​ന്നു.