കെഎസ്ഇ​ബി​യു​ടെ പുതിയ കേ​ബി​ളു​ക​ൾ വ്യാ​പ​ക​മാ​യി ക​ത്തു​ന്നു; ചെ​റി​യ ത​ക​രാ​റു​ക​ളും അ​മി​ത ലോ​ഡു​മാ​ണ് തീ​പി​ടി​ക്കാ​ൻ കാ​ര​ണ​മെന്ന് കെഎസ്ഇ​ബി​ അ​ധി​കൃ​ത​ർ 

റെജി കലവൂർ
ആ​ല​പ്പു​ഴ: കെഎസ്ഇ​ബി​ സ്ഥാ​പി​ച്ചു​കൊ​ണ്ടി​രി​ക്കു​ന്ന പു​തി​യ കേ​ബി​ളു​ക​ൾ​ക്ക് തീ​പി​ടി​ക്കു​ന്ന​ത് വ്യാ​പ​ക​മാ​കു​ന്നു. ദി​വ​സേ​ന നാ​ലും അ​ഞ്ചും സം​ഭ​വ​ങ്ങ​ളാ​ണ് ഇ​ത്ത​ര​ത്തി​ലു​ണ്ടാ​കു​ന്ന​ത്. ഉ​ന്ന​ത വോ​ൾ​ട്ടേ​ജി​ലു​ള്ള വൈ​ദ്യു​ത ലൈ​നാ​യ​തി​നാ​ൽ തീ​യ​ണ​യ്ക്കു​ന്ന ജോ​ലി​യും വെ​ല്ലു​വി​ളി നി​റ​ഞ്ഞ​താ​ണ്. ലൈ​നു​ക​ളി​ലെ ജം​ഗ്ഷ​ൻ ബോ​ക്സു​ക​ളാ​ണ് പ്ര​ധാ​ന​മാ​യും ക​ത്തു​ന്ന​ത്.

വെ​ള്ളം ഉ​പ​യോ​ഗി​ക്കു​ന്ന​ത് സു​ര​ക്ഷി​ത​മ​ല്ലാ​ത്ത​തി​നാ​ൽ ഫോം ​ഉ​പ​യോ​ഗി​ച്ചാ​ണ് ഫ​യ​ർ​ഫോ​ഴ്സ് ജീ​വ​ന​ക്കാ​ർ തീ​യ​ണ​യ്ക്കു​ന്ന​ത്. ഇ​തും പൂ​ർ​ണ​മാ​യും സു​ര​ക്ഷി​ത​മ​ല്ല. ജം​ഗ്ഷ​ൻ ബോ​ക്സു​ക​ളി​ലെ ചെ​റി​യ ത​ക​രാ​റു​ക​ളും അ​മി​ത ലോ​ഡു​മാ​ണ് തീ​പി​ടി​ക്കാ​ൻ കാ​ര​ണ​മാ​കു​ന്ന​തെ​ന്ന് കെഎസ്ഇ​ബി​ അ​ധി​കൃ​ത​ർ പ​റ​യു​ന്നു.

ഗാ​ർ​ഹി​ക ക​ണ​ക്ഷ​നു​ക​ളി​ലു​ണ്ടാ​കു​ന്ന ഷോ​ർ​ട്ട് സ​ർ​ക്ക്യൂ​ട്ടു​ക​ളും തീ​പി​ടിത്ത​ത്തി​ന് കാ​ര​ണ​മാ​കു​ന്നു​ണ്ട്. ത​ക​രാ​റു​ള്ള മെ​യി​ൻ സ്വി​ച്ചു​ക​ളും മ​റ്റു​മാ​ണ് ഇ​തി​ന് വ​ഴി വ​യ്ക്കു​ന്ന​ത്. ന​ഗ​ര​ത്തി​ൽ ഇ​ത്ത​ര​ത്തി​ൽ തീ​പി​ടിത്തം വ്യാ​പ​ക​മാ​യ​തോ​ടെ ജ​ന​ങ്ങ​ൾ ആ​ശ​ങ്ക​യി​ലാ​ണ്. വ്യാ​ഴാ​ഴ്ച ന​ഗ​ര​ത്തി​ലെ പു​ന്ന​മ​ട, മു​ല്ല​യ്ക്ക​ൽ, സീ​വ്യു വാ​ർ​ഡ്, പി​ച്ചു അ​യ്യ​ർ ജം​ഗ്ഷ​ൻ എ​ന്നീ​യി​ട​ങ്ങ​ളി​ൽ തീ​പി​ടിത്ത​മു​ണ്ടാ​യി.

ര​ണ്ടു​വ​ർ​ഷം മു​ന്പ് മു​ല്ല​യ്ക്ക​ലെ ഇ​ല​ക്ട്രി​ക് പോ​സ്റ്റി​ലെ തീ ​സ​മീ​പ​ത്തേ​ക്ക് വ്യാ​പി​ച്ച് വ​ഴി​യോ​ര ക​ട ക​ത്തി​ന​ശി​ച്ചി​രു​ന്നു. സ​ർ​ക്കാ​ർ സ്ഥാ​പ​ന​മാ​യ ഒ​രു കേ​ബി​ൾ ക​ന്പനി​ക്കാണ് വൈ​ദ്യു​തി കേ​ബി​ളു​ക​ളു​ടെ സ്ഥാ​പ​ന ചു​മ​ത​ല. 2500 രൂ​പ​യോ​ള​മാ​ണ് കേ​ബി​ളു​ക​ളു​ടെ ജം​ഗ്ഷ​ൻ ബോ​ക്സി​ന് വി​ല​വ​രു​ന്ന​ത്.

കേ​ബി​ളു​ക​ളും ജം​ഗ്ഷ​ൻ ബോ​ക്സു​ക​ളും ക​ത്തു​ന്ന​ത് സാ​ന്പ​ത്തി​ക ന​ഷ്ട​വു​മു​ണ്ടാ​ക്കു​ന്നു. തീ​പി​ടിത്ത​മൊ​ഴി​വാ​ക്ക​ണ​മെ​ങ്കി​ൽ ലോ​ഡ് കു​റ​യ്ക്കു​ക​യെ​ന്ന​താ​ണ് പ്ര​ധാ​ന പോം​വ​ഴി. അ​ല്ലെ​ങ്കി​ൽ ഗാ​ർ​ഹി​ക ക​ണ​ക്ഷ​നു​ക​ൾ ബോ​ക്സി​ലൂ​ടെ​യ​ല്ലാ​തെ നേ​രി​ട്ട് ബ​ന്ധി​പ്പി​ക്കേ​ണ്ടി​വ​രും.

അ​ങ്ങ​നെ ​ചെ​യ്താ​ൽ ഗാ​ർ​ഹി​ക ക​ണ​ക്ഷ​നു​ക​ളു​ടെ ത​ക​രാ​ർ സു​ര​ക്ഷി​ത​മാ​യും വേ​ഗ​ത്തി​ലും പ​രി​ഹ​രി​ക്കാ​ൻ സാ​ധി​ക്കാ​തെ വ​രും. ലൈ​നു​ക​ൾ ത​മ്മി​ൽ ഷോ​ർ​ട്ടാ​കു​ന്ന​തും അ​തു​വ​ഴി​യു​ള്ള അ​പ​ക​ട​വും ഉൗ​ർ​ജ​ന​ഷ്ട​വു​മൊ​ഴി​വാ​ക്കാ​നാ​ണ് മൂ​ന്നു വ​ർ​ഷം മു​ന്പ് പു​തി​യ കേ​ബി​ളു​ക​ൾ ഉ​പ​യോ​ഗി​ച്ചു​ള്ള ഇ​ല​ക്ട്രി​ക് ലൈ​നു​ക​ൾ സം​സ്ഥാ​ന​ത്ത് ന​ട​പ്പി​ൽ വ​രു​ത്തി​യ​ത്.