പേരാമ്പ്ര: നിപ്പാ വൈറസ് ബാധിച്ച രോഗിയെ പരിചരിച്ച നഴ്‌സ് മരിച്ചത് വിശ്വസിക്കാനാകാതെ പേരാമ്പ്ര താലൂക്കാശുപത്രിയും ജന്മനാടായ ചെമ്പനോടയും. ഇന്നു പുലര്‍ച്ചെ ഒന്നോടെയാണ് പേരാമ്പ്ര താലൂക്ക് ആശുപത്രിയിലെ സ്റ്റാഫ് നഴ്‌സ് ലിനി മെഡിക്കല്‍ കോളജില്‍ മരിച്ചത്.
നിപ്പാ വൈറസ് ബാധിച്ചാണ് മരണമെന്ന സംശയത്താല്‍ മൃതദേഹം നാട്ടിലേക്കു കൊണ്ടുവരാതെ സംസ്‌കകരിക്കുകയായിരുന്നു. പിഞ്ചു മക്കള്‍ക്കു അമ്മയുടെ മുഖമൊന്നു അവസാനമായി കാണാന്‍ പോലും കഴിഞ്ഞിരുന്നില്ല. തേങ്ങലടക്കാനാവാതെയാണ് ബന്ധുക്കളും നാട്ടുകാരുമുള്ളത്.
