വ​ലി​ച്ചെ​റി​യ​രു​ത്, വ​യ​റ്റി​പ്പി​ഴ​പ്പാ​ണ്..! കൊ​റോ​ണ വ​ന്ന​ത് മു​ത​ൽ പ​ട്ടി​ണി​; വ​ല​യി​ൽ മീ​ൻ കു​ടു​ങ്ങി​യെ​ന്ന് വി​ചാ​രി​ച്ച് വ​ലി​ച്ചാ​ൽ വ​ല നി​റ​യെ പ്ലാ​സ്റ്റി​ക്ക് മാ​ലി​ന്യ​ങ്ങള്‍; മ​ത്സ്യ​ത്തൊ​ഴി​ലാ​ളി സ​തീ​ശ​ൻ പറയുന്നു…

കാ​ഞ്ഞ​ങ്ങാ​ട്: “”മാ​ർ​ച്ചി​ൽ കൊ​റോ​ണ വ​ന്ന​ത് മു​ത​ൽ പ​ട്ടി​ണി​യാ​ണ്, ക​ട​ലി​ൽ തോ​ണി​യി​റ​ക്കാ​ൻ ക​ഴി​യാ​ത്ത​തി​നാ​ൽ ചെ​റി​യ ചു​റ്റ​ള​വി​ൽ വ​ല​യി​ടാ​റു​ണ്ട്,

വ​ല​യി​ൽ മീ​ൻ കു​ടു​ങ്ങി​യെ​ന്ന് വി​ചാ​രി​ച്ച് വ​ലി​ച്ചാ​ൽ വ​ല നി​റ​യെ പ്ലാ​സ്റ്റി​ക്ക് മാ​ലി​ന്യ​ങ്ങ​ളാ​ണ്. മാ​ലി​ന്യം കു​ടു​ങ്ങി വ​ല ചു​രു​ണ്ട് മു​ഴു​വ​ൻ ന​ശി​ക്കു​ന്നു”-​പ​റ​യു​ന്ന​ത് അ​ജാ​നൂ​ർ ക​ട​പ്പു​റ​ത്തെ മ​ത്സ്യ​ത്തൊ​ഴി​ലാ​ളി സ​തീ​ശ​ൻ.

ആ​ളു​ക​ൾ ഇ​രു​ട്ടി​ന്‍റെ മ​റ​വി​ലും അ​ല്ലാ​തെ​യും പു​ഴ​യി​ലും ക​ട​ലി​ലു​മാ​യി ത​ള്ളി​യ പ്ലാ​സ്റ്റി​ക് മാ​ലി​ന്യ​മു​ള്‍​പ്പെ​ടെ സ​ക​ല​തും അ​ജാ​നൂ​ർ തീ​ര​ത്ത് ക​ട​ൽ​ത്തി​ര​മാ​ല​ക​ള്‍ തി​രി​ച്ചു​ത​ള്ളു​ന്ന പ​തി​വു​മു​ണ്ട്‌.

ക​ട​പ്പു​റ​ത്ത് മു​ഴു​വ​ൻ മാ​ലി​ന്യം വ​ന്നു നി​റ​ഞ്ഞ​തോ​ടെ ഇ​തെ​ങ്ങ​നെ നീ​ക്കം ചെ​യ്യ​ണ​മെ​ന്ന​റി​യാ​തെ വി​ഷ​മി​ക്കു​ക​യാ​ണ് പ്ര​ദേ​ശ​വാ​സി​ക​ള്‍.

പ്ലാ​സ്റ്റി​ക് ക​വ​റു​ക​ള്‍, കു​പ്പി​ക​ള്‍, ചെ​രി​പ്പു​ക​ള്‍, ച​കി​രി, ചി​ര​ട്ട, വൃ​ക്ഷ​ത്ത​ടി എ​ന്നി​ങ്ങ​നെ എ​ളു​പ്പ​ത്തി​ൽ ദ്ര​വി​ക്കാ​ത്ത ട​ൺ ക​ണ​ക്കി​ന് മാ​ലി​ന്യ​മാ​ണ് ബീ​ച്ചി​ൽ അ​ടി​ഞ്ഞ​ത്.

ഇ​തി​ൽ കു​പ്പി മാ​ലി​ന്യ​ങ്ങ​ൾ​കൊ​ണ്ടാ​ണ് വ​ല​ക​ൾ കൂ​ടു​ത​ലും ന​ശി​ക്കു​ന്ന​ത്. പ്ലാ​സ്റ്റി​ക് മാ​ലി​ന്യ​ങ്ങ​ളാ​ണ് ക​ട​ൽ​ത്തീ​രം നി​റ​യെ. ചി​ല​സ​മ​യ​ങ്ങ​ളി​ൽ അ​റ​വു മാ​ലി​ന്യ​ങ്ങ​ള​ട​ക്കം വ​രു​ന്നു.

മാ​ലി​ന്യ​ക്കൊ​ട്ട​യാ​യ​തി​നാ​ൽ സ​മീ​പ​വാ​സി​ക​ൾ​ക്ക് അ​സ്വ​സ്ഥ​ത​യു​ണ്ടാ​ക്കു​ന്ന മ​ണ​വും കൊ​തു​കി​ന്‍റെ ശ​ല്യ​വും ഉ​ണ്ടാ​കു​ന്ന​താ​യി നാ​ട്ടു​കാ​ർ പ​രാ​തി​പ്പെ​ടു​ന്നു.

പ്ലാ​സ്റ്റി​ക് മാ​ലി​ന്യ​ങ്ങ​ള്‍ ക​ട​ലി​ല്‍ നി​ക്ഷേ​പി​ക്കു​ന്ന​ത് ത​ട​യാ​ൻ അ​ധി​കൃ​ത​രു​ടെ ഭാ​ഗ​ത്തു​നി​ന്നും ഒ​രു ന​ട​പ​ടി​യും ഉ​ണ്ടാ​കു​ന്നി​ല്ല.

ക​ട്ട​മ​ര​വും ക​മ്പ​വ​ല​യും ഉ​പ​യോ​ഗി​ച്ചു​ള്ള പ​ര​മ്പ​രാ​ഗ​ത മ​ത്സ്യ​ബ​ന്ധ​നം തീ​ര​ത്തു​നി​ന്ന് ഏ​ഴ് നോ​ട്ടി​ക് മൈ​ലി​നു​ള്ളി​ലാ​ണ് ന​ട​ക്കു​ന്ന​ത്.

അ​ശാ​സ്ത്രീ​യ​മാ​യി റിം​ഗ് വ​ല ഉ​പ​യോ​ഗി​ക്കു​ന്ന​തി​ലൂ​ടെ മ​ത്സ്യ​ക്കു​ഞ്ഞു​ങ്ങ​ളും മീ​ന്‍​മു​ട്ട​ക​ളും പ​ര​മ്പ​രാ​ഗ​ത വ​ല​ക​ളും വ്യാ​പ​ക​മാ​യി ന​ശി​ക്കാ​ൻ കാ​ര​ണ​മാ​കു​ന്നും. ഇ​തും മ​ത്സ്യ​ത്തൊ​ഴി​ലാ​ളി​ക​ൾ​ക്ക് തി​രി​ച്ച​ടി​യാ​ണ്.