ചങ്ങനാശേരി: കിണര് വൃത്തിയാക്കിയതിനുശേഷം തിരികെ മുകളിലേക്ക് കയറുന്നതിനിടയില് കയര് പൊട്ടി കിണറ്റില് വീണ് തൊഴിലാളി മരിച്ചു. പായിപ്പാട് പഞ്ചായത്തിലെ മൂന്നാം വാര്ഡില് പുളിക്കപറമ്പ് നെടിയകാലായില് പരേതനായ രാജുവിന്റെ മകന് റോയി രാജു (34) ആണ് മരിച്ചത്.
തൃക്കൊടിത്താനം സിഎസ്ഐ പള്ളിക്ക് സമീപം വാടകയ്ക്കു താമസിക്കുന്ന വെള്ളിയംതമ്പ് സനില്കുമാറിന്റെ വീട്ടിലെ കിണര് തേകിയ ശേഷം പുറത്തേക്ക് ഇറങ്ങി വരുവാന് ശ്രമിക്കുമ്പോഴാണ് റോയി കിണനുള്ളിലേക്ക് വീണത്.
ഉടന് തന്നെ കിണറിന് മുകളില് ഉണ്ടായിരുന്ന സഹപ്രവര്ത്തകരായ തൊഴിലാളികള് കിണറ്റില് ഇറങ്ങുകയും രക്ഷാപ്രവര്ത്തനം നടത്തുകയും ചെയ്തെങ്കിലും റോയിയുടെ ജീവന് നഷ്ടപ്പെട്ടിരുന്നു. സഹപ്രവര്ത്തകര് അറിയിച്ചതനുസരിച്ച് ചങ്ങനാശേരി ഫയര്ഫോഴ്സ് എത്തി മൃതദേഹം പുറത്തെടുത്ത് ചങ്ങനാശേരി ജനറല് ആശുപത്രിയില് എത്തിച്ചു.
താലൂക്ക് ജനറല് ആശുപത്രിയില് പോസ്റ്റുമോര്ട്ടം നടത്തി ബന്ധുക്കള്ക്ക് വിട്ടുനല്കി. നാലു കോടി സെന്റ് റീത്താസ് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതശരീരം ഇന്ന് 1.30ന് വീട്ടില് എത്തിക്കും. സംസ്കാരം വൈകുന്നേരം നാലിന് നാലുകോടി സെന്റ് തോമസ് പള്ളിയില്.
അമ്മ- റോസമ്മ. സഹോദരി- രഞ്ജു.
