ചടയമംഗലം: ഓണം സ്പെഷൽ ഡ്രൈവിനിടെ കഞ്ചാവുമായി യുവാവിനെ എക്സൈസ് സംഘം അറസ്റ്റ് ചെയ്തു. കടയ്ക്കൽ ഐരക്കുഴി കിണറ്റിൻമുക്ക് മുളങ്കാട്ട് കുഴി ചരുവിളവീട്ടിൽ നവാസ് (കൊട്ടല്ലി -29) ആണ് 1.200 ഗ്രാം കഞ്ചാവുമായി പിടിയിലായത്. ഇയാളെ എക്സൈസ് സംഘം നിരീക്ഷിച്ചു വരുന്നതിനിടെ ആഡംബര ബൈക്കിൽ കഞ്ചാവുമായി വരവെയാണ് സാഹസികമായി പിടികൂടിയത്. സ്കൂൾ കോളേജ് പരിസരങ്ങളിൽ കഞ്ചാവു വിൽപന നടത്തിവരുന്ന ഇയാൾ ഓണത്തിന് വിൽപനയ്ക്കാണ് കഞ്ചാവ് കരുതിയത്. ഓണക്കച്ചവടം ലക്ഷ്യമാക്കി ചാരായം വാറ്റിയ കടയ്ക്കൽ തുണ്ടുവിള പ്രകാശിനെയും അരിഷ്ട വിൽപന നടത്തിയതിന് അന്പലംമുക്ക് പാറംകോട് സുരേന്ദ്രൻപിളള, കുമ്മിൾ നിന്ന് ജയപ്രകാശ്, വിദേശമദ്യം സംഭരിച്ച് വിൽപന നടത്തിയതിന് രഞ്ജിത്തിനെയും അറസ്റ്റ് ചെയ്തു. റെയ്ഡിനോടനുബന്ധിച്ച് അഞ്ച് ലിറ്റൽ ചാരായവും 170 ലിറ്റർ കോടയും 54 ലിറ്റർ അരിഷ്ടവും 31.500 ലിറ്റർ വിദേശമദ്യവും പിടികൂടി. എക്സൈസ് പ്രീവന്റീവ് ഓഫീസർമാരായ ഷിബു പാപ്പച്ചൻ, എ എൻ…
Read MoreCategory: Kollam
കലിതുളളി ഒഴുകിയ വരട്ടാറിനേയും മണിമലയാറിനേയും പമ്പയാറിനെയും അതിജീവിച്ച് റെനിയും സാംസനും ചേർന്ന് രക്ഷിച്ചത് നൂറുകണക്കിന് ജീവനുകൾ
പത്തനാപുരം: കലിതുളളി ഒഴുകിയ വരട്ടാറിനേയും മണിമലയാറിനേയും പമ്പയാറിനെയും അതിജീവിച്ച് റെനിയും സാംസനും ചേര്ന്ന് കരകളിലെത്തിച്ചത് നൂറുകണക്കിന് ജീവനുകള്.അഞ്ച് ദിവസത്തെ രക്ഷാ പ്രവര്ത്തനത്തിന് ശേഷം നാട്ടില് തിരിച്ചെത്തിയ ഇരുവരും പങ്കുവെച്ചത് ഞെട്ടിപ്പിക്കുന്ന അനുഭവങ്ങളാണ്. വെളളത്തില് മുങ്ങിയ വീടുകളില് നിന്നും വയോധികരെയും കൈകുഞ്ഞുങ്ങളേയുമടക്കം രക്ഷപെടുത്തി കൊണ്ടുവരുന്നതിനിടെ ബോട്ടിന്റെ ഡീസല് തീര്ന്നതും കുത്തൊഴുക്കില് പെട്ട് തുരുത്തില് അകപ്പെട്ടുപോയതടക്കം നിരവധി നേര് അനുഭവങ്ങളാണ് റെനിയും സാംസനും പറഞ്ഞത്.പത്തനാപുരം സ്വദേശികളായ ഇവര് അണ്ടര് വാട്ടര് ഡൈവേഴ്സാണ്.അതായത് കടലിന്റെ അടിതട്ടില് വരെ ജോലിചെയ്യുന്നവര്. അതിനാല് കരകവിഞ്ഞൊഴുകിയ ആറ്റിലേക്ക് എടുത്തുചാടുവാനും വീടുകളിലെ ടെറസിന്റെ മുകളില് അകപ്പെട്ടുപോയവരെ രക്ഷിക്കുവാനും ഇരുവര്ക്കും അധികം ആലോചിക്കേണ്ടി വന്നില്ല.രാജ്യത്തിന് പുറത്തും നിരവധി രക്ഷാപ്രവര്ത്തനങ്ങളുടെ ഭാഗമാകുവാനും ഇവര്ക്ക് സാധിച്ചിട്ടുണ്ട്.വെളളത്തെ ഭയക്കരുത് അതിജീവിക്കുകയാണ് വേണ്ടതെന്നും ഈ രക്ഷാപ്രവര്ത്തകര് പറയുന്നു.
Read Moreജില്ലയിലെ മെഡിക്കൽ ക്യാമ്പുകൾക്ക് ആത്മവിശ്വാസം പകർന്ന് ഡിവൈഎഫ്ഐ
കൊല്ലം:ജില്ലയിലെ മെഡിക്കൽ ക്യാമ്പുകൾക്ക് ആത്മവിശ്വാസം പകർന്ന് ഡിവൈഎഫ്ഐ മെഡിക്കൽ സംഘo വിവിധ ക്യാമ്പുകളിലെ അന്തേവാസികളെ പരിശോധിച്ച് സൗജന്വ മരുന്നുകൾ വിതരണം ചെയ്തു.അഞ്ച് ഡോക്ടർമാർ, നഴ്സുമാർ ,പാരാമെഡിക്കൽ സ്റ്റാഫുകൾ എന്നിവർ അടങ്ങുന്നതാണ് മെഡിക്കൽ സംഘം . രോഗലക്ഷണങ്ങൾ പരിശോധിച്ച് ചികിത്സ നൽകുന്നതിനോടോപ്പം തിരികെ വിടുകളിൽ പോകുമ്പോൾ സ്വീകരിക്കേണ്ട മുൻകരുതലുകളെക്കുറിച്ചുള്ള ബോധവത്കരണവും നടത്തുന്നുണ്ട് .മെഡിക്കൽ സoഘത്തിന്ന് ക്യാമ്പുകളിൽ മികച്ച സ്വീകരണമാണ് ലഭിക്കുന്നത് . ആവ ശ്യ മരുന്നുകൾ, ആ ംബുലൻസ് ഓക്സിജൻ അടക്കമുള്ള സജ്ജീകര ണത്തോടെ ജില്ലയിലെ വിവിധ ക്യാമ്പുകളിൽ എത്തിയ സംഘം രോഗികളെ പരിശോധിച്ച് ആവശ്യമായ മരുന്നുകൾ നൽകുകയും തുടർ ചികിത്സ ആവശ്യമുള്ളവർക്ക് അതിനുള്ള നിർദ്ദേശവു നൽകി വരുന്നു . ഡോ.എം.എ വിദ്യ, ഡോ. പാർവതി എന്നിവരാണ് സംഘ ത്തിന് നേതൃത്വം നൽകുന്നത്. ഡിവൈഎഫ്ഐ കൊല്ലം ജില്ല കമ്മറ്റി അംഗങ്ങളായ എൽ അനിത, രശ്മി സുഭഗൻ എന്നീ നഴ്സുമാരും…
Read Moreപ്രതിഫലേച്ഛ കൂടാതെയുള്ള മത്സ്യതൊഴിലാളികളുടെ സേവനം അഭിനന്ദനാർഹമെന്ന് എൻ.കെ. പ്രേമചന്ദ്രൻ എം.പി
കൊല്ലം: പ്രതിഫലേച്ഛ കൂടാതെ സാഹസിക സേവനത്തിലൂടെ ദുരന്തമുഖത്ത് നിന്ന് നൂറുകണക്കിന് ജീവനുകൾ രക്ഷിച്ച മത്സ്യതൊഴിലാളികൾ അഭിനന്ദനമർഹിക്കുന്നതായി എൻ.കെ. പ്രേമചന്ദ്രൻ എം.പി പറഞ്ഞു.പ്രളയക്കെടുതിയിൽ മത്സ്യതൊഴിലാളികൾ നടത്തിയ രക്ഷാപ്രവർത്തനം സമാനതകളില്ലാത്തതാണ്. സ്വന്തം വള്ളങ്ങളും ബോട്ടുകളുമായി ആരുടെയും പ്രേരണയോ സമ്മർദമോ സ്വാധീനമോ കൂടാതെ സ്വമേധയാ സ്വന്തം ചെലവിൽ രക്ഷാപ്രവർത്തനം നടത്തിയ മത്സ്യതൊഴിലാളികളെ എല്ലാ നിലയിലും സഹായിക്കാനുള്ള ബാധ്യത സർക്കാരിനുണ്ടെന്നും എം.പി പറഞ്ഞു. നാശനഷ്ടം സംഭവിച്ച ബോട്ടുകളും വള്ളങ്ങളും അറ്റകുറ്റപ്പണി ചെയ്യുന്നതിനുള്ള തുകയും ഇന്ധനച്ചെലവും നൽകുന്നതോടൊപ്പം മാന്യമായ പാരിതോഷികം നൽകി മത്സ്യതൊഴിലാളികളെ ആദരിക്കാൻ സർക്കാർ തയ്യാറാകണം. തീരദേശ മേഖലയിലധിവസിക്കുന്ന മത്സ്യതൊഴിലാളികളുടെ ക്ഷേമം ഉറപ്പുവരുത്താനുതകുന്ന സമഗ്രമായ ഒരു പാക്കേജിന് രൂപം നൽകണമെന്നും എം.പി ആവശ്യപ്പെട്ടു. ഓഖി ദുരന്തമുണ്ടായപ്പോഴും രക്ഷാപ്രവർത്തനത്തിൽ മുൻപന്തിയിൽ നിന്നത് മത്സ്യതൊഴിലാളികളായിരുന്നു. ഓഖി ദുരന്തത്തിന് ശേഷം മത്സ്യതൊഴിലാളികൾക്ക് പ്രത്യേക പരിശീലനം നൽകി തീരദേശ രക്ഷാസേന രൂപീകരിക്കുമെന്ന് സർവകക്ഷിയോഗത്തിൽ ഗവണ്മെന്റ് ഉറപ്പു നൽകിയെങ്കിലും നാളിതുവരെ…
Read Moreപ്രളയ ദുരിതബാധിതർക്കായി മുഖ്യമന്ത്രിയുടെ ദുരിതാശ്വാസഫണ്ടിലേക്ക് പണം സ്വരൂപിച്ച് നൽകി പാരിപ്പള്ളി അമൃത സ്കൂളിലെ സ്റ്റുഡൻസ്പൊലീസ്
ചാത്തന്നൂർ: പാരിപ്പള്ളി അമൃത സ്കൂളിലെ സ്റ്റുഡൻസ്പൊലീസിന്റെ നേതൃത്വത്തിൽപ്രളയ ദുരിതബാധിതർക്കായി മുഖ്യമന്ത്രിയുടെ ദുരിതാശ്വാസഫണ്ടിലേക്ക് അരലക്ഷം രൂപ നല്കി. കൊല്ലം സിറ്റിപോലീസ് കമ്മിഷണറുടെ ഒാഫീസിൽ കമ്മിഷണർ അരുൾ.ബി.കൃഷ്ണ ചെക്ക് ഏറ്റുവാങ്ങി. 2012ലെ ആദ്യബാച്ചു മുതൽ 2018 വരെയുള്ള കേഡറ്റുകൾ ഒത്തൊരുമിച്ചാണ് തുക സമാഹരിച്ചത്.എസ്പിസി എഡിഎൻഒ സോമരാജൻ,സിപിഒ മാരായ സുഭാഷ്ബാബു, ബിന്ദു.എൻ.ആർ, രഞ്ജിത്ത്,രാജീവ് തുടങ്ങിയവർ പങ്കെടുത്തു.
Read Moreപ്രകൃതി ക്ഷോഭം മൂലം കൊല്ലം ജില്ലയിലെ കാര്ഷിക മേഖലയില് 5.84 കോടി രൂപയുടെ നാശനഷ്ടം
കൊല്ലം :കഴിഞ്ഞ ദിവസങ്ങളിലെ പ്രകൃതി ക്ഷോഭം കൊല്ലം ജില്ലയിലെ കാര്ഷിക മേഖലയില് 5.84 കോടി രൂപയുടെ നാശനഷ്ടം വരുത്തിയതായാണ് പ്രാഥമിക കണക്ക്. പല പ്രദേശങ്ങളും വെള്ളത്തിനടിയിലായതിനാല് അന്തിമ കണക്കെടുപ്പില് നഷ്ടത്തിന്റെ തോത് ഗണ്യമായി ഉയര്ന്നേക്കും. 395.852 ഹെക്ടറില് കൃഷിനാശമുണ്ടായി. 4182 കര്ഷകരെ ഇത് ബാധിച്ചു. വാഴ, റബര്, കുരുമുളക്, തെങ്ങ് എന്നിവയാണ് പ്രധാനമായും നശിച്ചത്. പച്ചക്കറികള്, കിഴങ്ങുവര്ഗങ്ങള്, ഇഞ്ചി എന്നിവയും പ്രളയത്തില് മുങ്ങി. ഒന്നാം വിള നെല്കൃഷി ആരംഭിച്ച സ്ഥലങ്ങളിലെല്ലാം വെള്ളം കയറിയിരിക്കുയാണ്. കഴിഞ്ഞ മാസങ്ങളിലെ മഴക്കെടുതിയിയിലുണ്ടായ കൃഷിനാശം കൂടി കണക്കിലെടുക്കുമ്പോള് ഇതുവരെയുള്ള നഷ്ടത്തിന്റെ കണക്ക് 11.08 കോടി രൂപയാണ്.
Read Moreഭക്ഷ്യ സാധനങ്ങൾ പൂഴ്ത്തിവച്ചാൽ കർശന നടപടി സ്വീകരിക്കുമെന്ന് ടിഎസ്ഒ
കൊട്ടാരക്കര :താലൂക്കിൽ പ്രളയത്തിന്റെ മറവിൽ അരിയും പഞ്ചസാരയും മൈദയും പയർവർഗ്ഗങ്ങളും പലവ്യഞ്ജനങ്ങളും അടക്കമുള്ള ഭക്ഷ്യവസ്തുക്കൾ പൂഴ്ത്തിവച്ച് കൃത്രിമക്ഷാമം സൃഷ്ടിക്കാനും വില വർധിപ്പിക്കാനും ശ്രമിച്ചാൽ അവ കണ്ടുകെട്ടുന്നത് ഉൾപ്പെടെയുള്ള നിയമനടപടികൾ സ്വീകരിക്കും. പൂഴ്ത്തിവെക്കപ്പെട്ട സാധനങ്ങൾ 1955ലെ ആവശ്യസാധന നിയമപ്രകാരം ജില്ലാ കളക്ടറുടെ അനുമതിക്ക് വിധേയമായി കണ്ടുകെട്ടി പൊതുവിതരണ ശൃംഖല വഴി വിതരണം ചെയ്യുമെന്ന് താലൂക്ക് സപ്ലൈ ഓഫീസർ എസ് .എ .സെയ്ഫ് അറിയിച്ചു. ഭക്ഷ്യ വസ്തുക്കൾ നിയമവിധേയമായി അംഗീകരിക്കപ്പെട്ട ഇടങ്ങളിൽ മാത്രമേ മൊത്തവ്യാപാരികൾ സൂക്ഷിക്കാൻ പാടുള്ളൂ. അനുമതി ഇല്ലാത്ത ഗോഡൗണുകളിൽ സൂക്ഷിച്ചിട്ടുള്ള ഭക്ഷ്യ വസ്തുക്കൾ വേണ്ടി വന്നാൽ പിടിച്ചെടുക്കും. സാധനങ്ങൾ വാങ്ങിയ ബില്ലുകൾ നിർബന്ധമായും സൂക്ഷിക്കേണ്ടതും പരിശോധനയ്ക്ക് ലഭ്യമാക്കേണ്ടതുമാണ്. വാങ്ങിയ വിലയിൽ നിന്ന് അമിതമായി ലാഭമെടുത്ത് വിൽപ്പന നടത്തുന്നെന്ന പരാതി ഗൗരവമായി കാണുന്നതാണ്. കൊട്ടാരക്കര താലൂക്കിലെ ഏതെങ്കിലും കേന്ദ്രത്തിൽ പൂഴ്ത്തിവെപ്പ് അക്കാര്യം പൊതുജനങ്ങളും ചെറുകിട വ്യാപാരികളും താലൂക്ക് സപ്ലൈ…
Read Moreദുരിതാശ്വാസ ക്യാന്പുകളിലെ പ്ലാസ്റ്റിക് മാലിന്യം; ശുചിത്വ സാഗരം പദ്ധതിയ്ക്ക് ഉപയോഗിക്കുമെന്ന് മന്ത്രി
കൊല്ലം :പേമാരിയും വെളളപ്പൊക്കവും മനുഷ്യമനസ്സുകളിൽ സൃഷ്ടിച്ച പരിഭ്രാന്തിക്കും അനിശ്ചിതത്വത്തിനും പരിഹാരമായി ജില്ലയിലെ വിവിധ ഭാഗങ്ങളിൽ ആരംഭിച്ച ദുരിതാശ്വാസ ക്യാന്പുകളിലെയും സാധന സമാഹരണ കേന്ദ്രങ്ങളിലെയും പ്ലാസ്റ്റിക്ക് മാലിന്യങ്ങൾ ജില്ലയിൽ പ്രവർത്തിക്കുന്ന ശുചിത്വ സാഗരം പദ്ധതിയിൽ ഉപയോഗിക്കുമെന്ന് മന്ത്രി ജെ. മേഴ്സിക്കുട്ടി അമ്മ അറിയിച്ചു. യു. എൻ. ഒ യുടെയും വേൾഡ് എക്കണോമിക്ക് ഫോറത്തിന്റെയും സവിശേഷ ശ്രദ്ധ പിടിച്ചുപറ്റിയ പദ്ധതിയാണ് ഫിഷറീസ് വകുപ്പിന്റെ നേതൃത്വത്തിൽ നടന്നുവരുന്ന ശുചിത്വ സാഗരം പദ്ധതി. ജില്ലയിലെ മണ്ട്രോതുരത്ത്, നെടുന്പന, പേരൂർ മീനാക്ഷി വിലാസം സ്ക്കൂൾ മറ്റ് ദുരിതാശ്വാസ കേന്ദ്രങ്ങൾ എന്നിവിടങ്ങളിൽ നിന്നാണ് പ്ലാസ്റ്റിക്ക് സമാഹരിക്കുന്നത്. പ്ലാസ്റ്റിക്ക് മാലിന്യങ്ങൾ വൃത്തിയാക്കി സമാഹരിച്ചു വയ്ക്കുന്നതിനുളള നിർദേശം ബന്ധപ്പെട്ട ഉദ്യോഗസ്ഥർക്ക് നൽകിയിട്ടുണ്ടെ ന്ന് മന്ത്രി വ്യക്തമാക്കി. ജില്ലയിലെ പഞ്ചായത്തുകൾ കേന്ദ്രമാക്കി വെളളപൊക്കത്തോട് അനുബന്ധിച്ചുളള പ്ലാസ്റ്റിക്ക് മാലിന്യങ്ങൾ വൃത്തിയാക്കി സമാഹരിക്കുകയാണെങ്കിൽ അവയും പദ്ധതിക്കായി ഉപയോഗിക്കും. നീണ്ട കര, ശക്തികുളങ്ങര ഉൾപ്പടെയുളള…
Read Moreമഴക്കെടുതി രക്ഷാപ്രവര്ത്തനം: മത്സ്യത്തൊഴിലാളികളും വള്ളങ്ങളും തിരികെ എത്തി തുടങ്ങി
കൊല്ലം: ദുരന്തമുഖത്തെ രക്ഷാപ്രവര്ത്തനത്തിന് ചുക്കാന് പിടിച്ച മത്സ്യത്തൊഴിലാളികളേയും വള്ളങ്ങളേയും തിരികെ എത്തിച്ചുതുടങ്ങി. വാടി,മൂതാക്കര, പള്ളിത്തോട്ടം പ്രദേശത്തുനിന്നും ആലപ്പുഴ, കോട്ടയം ജില്ലകളിലെ വിവിധ ഭാഗങ്ങളിലേക്ക് കൊണ്ടുപോയ വള്ളങ്ങളാണ് രാവിലെ എത്തിതുടങ്ങിയത്. മത്സ്യത്തൊഴിലാളികളുടെ മുഖ്യജീവനോപാധിയായ വള്ളങ്ങള് സുരക്ഷിതമായി തിരികെ കൊണ്ടു വരുന്നതിന്റെ ഭാഗമായാണ് ലോറികള് അയച്ചത്.ആശ്രമം മൈതാനത്ത് കാര്യക്ഷമതാ പരിശോധന നടത്തിയാണ് മത്സ്യത്തൊഴിലാളികള്, അവരുടെ ബന്ധുക്കള് എന്നിവരുമായി വാഹനങ്ങള് പുറപ്പെട്ടത്.
Read Moreപുലർച്ചെ മരം കടപുഴകി വീണു; വീട്ടമ്മയും മക്കളും അത്ഭുതകരമായി രക്ഷപ്പെട്ടു
പരവൂർ: മീനമ്പലത്ത് മരം വീണ് വീട്ടമ്മയും മക്കളും അത്ഭുതകരമായി രക്ഷപ്പെട്ടു. മീനമ്പലം മാവിളവീട്ടിൽ ശാരദയും മക്കളുമാണ് രക്ഷപ്പെട്ടത്.കഴിഞ്ഞ പുലർച്ചെയാണ് മീനമ്പലം മാവിള ആം ഗൻവാടിയുടെ മുന്നിലുള്ള അക്കേഷ്യ മരങ്ങൾ വൈദ്യുതകമ്പിയിൽ വീണ് സമീപത്തെ ശാരദയുടെ വീട്ടിലേക്ക് ചാഞ്ഞത്. സമീപത്തെ മറ്റൊരു മരത്തിൽ തട്ടി നിന്നതിനാൽ ദുരന്തം ഒഴിവായി. വിവരമറിഞ്ഞ് കെഎസ്ഇബി ഉദ്യോഗസ്ഥരെത്തി വൈദ്യുതി ബന്ധം വിച്ചേദിച്ചു.തുടർന്ന് വാർഡംഗം ശാന്തിനി,കരിമ്പാലൂർ എസ്എൻഡിപി ശാഖാ പ്രസിഡന്റ് മീനമ്പലം സത്യബാബു എന്നിവരുടെ നേതൃത്വത്തിൽ മരം മുറിച്ചുമാറ്റി.
Read More