പത്തനാപുരം: കാട്ടാനയുടെ ആക്രമണം തുടരുന്നു;ഭീതിയൊഴിയാതെ കിഴക്കന് മേഖല. കഴിഞ്ഞ ദിവസം കിഴക്കേവെള്ളം തെറ്റിയില് ആദിവാസി വയോധികന് കാട്ടാനയുടെ ആക്രമണത്തില് മരണപ്പെട്ടതാണ് അവസാനത്തെ സംഭവം. കിഴക്കേ വെള്ളംതെറ്റി ആദിവാസി കോളനിയിലെ പുത്തന്പുരയില് കമലന് സ്വാമി(80)ആണ് കഴിഞ്ഞ ദിവസം കൊല്ലപ്പെട്ടത്. ഓണത്തിന് ആവശ്യമായ സാധനങ്ങള് വാങ്ങി വെള്ളംതെറ്റിയിലേക്ക് പോകുംവഴി സന്ധ്യയോടെയായിരുന്നു സംഭവം. കിഴക്കേവെള്ളംതെറ്റിയിലേക്കുള്ള കാനനപാതയില് പതിയിരുന്ന കാട്ടാന തുമ്പിക്കൈ ഉപയോഗിച്ച് കമലന്സാമിയെ അടിച്ചുവീഴ്ത്തുകയായിരുന്നു. മുന്പ് ഇരുചക്രവാഹനത്തില് പോയ വനംവകുപ്പ് ജീവനക്കാര്ക്ക് നേരെയും ആക്രമണശ്രമമുണ്ടായിരുന്നു.ഇവര് മുന്നറിയിപ്പ് നല്കിയെങ്കിലും അത് വകവയ്ക്കാതെ മുന്നോട്ട് പോകവെയാണ് ആക്രമണം ഉണ്ടായത്. പുനലൂര് താലൂക്കാശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു. കുമരംകുടി, പാടം, ചെരുപ്പിട്ടകാവ്, കറവൂര്, ചെമ്പനരുവി, കടശേരി പ്രദേശങ്ങളില് കാട്ടാനയുള്പ്പെടെയുള്ള വന്യമൃഗങ്ങളുടെ ശല്യം വര്ധിച്ചതോടെ ജനജീവിതം ദുസഹമായിരിക്കുകയാണ്.എസ്എഫ്സികെ ടാപ്പിംഗ് സൂപ്പര്വൈസര് സുഗതന് ആറുമാസം മുന്പാണ് കാട്ടാനയുടെ ആക്രമണത്തില് കൊല്ലപ്പെട്ടത്. തുടര്ന്നും മേഖലയില് നിരവധിയാളുകള്ക്ക് കാട്ടാനയുടെ ആക്രമണത്തില് പരിക്കേറ്റിരുന്നു.വൈദ്യൂതവേലികളും…
Read MoreCategory: Kollam
ദുരിതാശ്വാസ ക്യാമ്പിൽ നിന്ന് മടങ്ങുന്നവർ പകര്ച്ചവ്യാധികള്ക്കെതിരെ ജാഗ്രത പുലര്ത്തണമെന്ന് ആരോഗ്യവകുപ്പ്
കൊല്ലം: ജില്ലയില് മഴ കുറയുകയും ദുരിതാശ്വാസ ക്യാമ്പുകളില് നിന്ന് ജനങ്ങള് വീടുകളിലേക്ക് മടങ്ങുകയും ചെയ്ത സാഹചര്യത്തില് ജലജന്യ രോഗങ്ങള്ക്കും മറ്റ് പകര്ച്ചവ്യാധികള്ക്കെതിരെ ജാഗ്രത പാലിക്കണമെന്ന് ജില്ലാ മെഡിക്കല് ഓഫീസറുടെ ചുമതല വഹിക്കുന്ന ഡോ. ആര്. സന്ധ്യ അറിയിച്ചു. മഴ വെള്ളം ഇറങ്ങിയെങ്കിലും പല പ്രദേശങ്ങളിലും വീടുകളുടെ ടെറസുകളിലും ഒഴുക്കു തടസപ്പെട്ട ഓടകളിലും വീട്ടുപരിസരങ്ങളിലെ പാത്രങ്ങളിലുമൊക്കെ വെള്ളം കെട്ടിക്കിടക്കുന്നുണ്ട്. ഒരാഴ്ച്ചയ്ക്കുള്ളില് ഇവിടങ്ങളില് ഉറവിട നശീകരണം നടത്തിയില്ലെങ്കില് മലമ്പനി, ഡെങ്കിപ്പനി, ചിക്കന് ഗുനിയ തുടങ്ങിയ കൊതുകു ജന്യ രോഗങ്ങള്ക്ക് കാരണമായേക്കാം. എല്ലാ വീടുകളിലും ഉറവിട നശീകരണം നടത്തുന്നു എന്ന് ഉറപ്പാക്കാന് ആശാ വര്ക്കര്മാരും ആംഗൻവാടി പ്രവര്ത്തകരും ആരോഗ്യ സേനയും ഗൃഹസന്ദര്ശനം നടത്തണം. ആരോഗ്യ പ്രവര്ത്തകര് ഇതിന് മേല്നോട്ടം വഹിക്കണം. സ്ക്വാഡുകളായാണ് ഉറവിട നശീകരണ പ്രവര്ത്തനങ്ങളില് ഏര്പ്പെടേണ്ടത്. ഉറവിടങ്ങളില് കൂത്താടി നശീകരണ ലായനികള് ആവശ്യാനുസരണം ഉപയോഗിക്കണം. കൊതുകിന്റെ സാന്ദ്രത കൂടുതലായി കണ്ടെത്തിയാല് ഫോഗിംഗ് നടത്താം.…
Read Moreപ്രളയദുരന്ത ഭൂമിയിലേക്ക്അമൃതസ്കൂളിലെ എൻഎസ്എസ് യൂണിറ്റ് ഒരു ലക്ഷം രൂപയുടെ സഹായം എത്തിച്ചു
ചാത്തന്നൂർ: പ്രളയദുരന്ത ഭൂമിയിലേക്ക് പാരിപ്പള്ളി അമൃതസ്കൂളിലെ നാഷണൽസർവീസ് സ്കീം വേളണ്ടിയേഴ്സിന്റെ നേതൃത്വത്തിൽ ഒരു ലക്ഷം രൂപയുടെ അവശ്യസാധനങ്ങൾ എത്തിച്ചു.അമ്പലപ്പുഴ കരൂർ എൽപിഎസിലെ ക്യാമ്പിലും സമീപത്തെ മറ്റൊരു ക്യാമ്പിലുമാണ് അരി,വെളിച്ചെണ്ണ,പയർ തുടങ്ങിയ ഭക്ഷ്യധാന്യങ്ങളും സ്ത്രീകൾ ഉൾപ്പെടെയുള്ളവർക്കുള്ള വസ്ത്രങ്ങളും കിടക്കവിരികളും എത്തിച്ചത്. സ്കൂൾ പ്രിൻസിപ്പാൾ ഇൻ ചാർജ് ഗിരിജാകുമാർ,പ്രോഗ്രാംഒാഫീസർ മോഹനൻഉണ്ണിത്താൻ എന്നിവരുടെ നേതൃത്വത്തിൽ അമ്പലപ്പുഴയിലെ ക്യാമ്പിൽ എത്തിച്ചേർന്ന സംഘത്തെ ക്യാമ്പ് കോർഡിനേറ്ററും പഞ്ചായത്ത് അംഗങ്ങളും ചേർന്ന് സ്വീകരിച്ചു.കൂടാതെ വീട് ശുചീകരിക്കാൻ വോളണ്ടിയേഴ്സിന്റെ സേവനവും പ്രോഗ്രാം ഒാഫീസർ വാഗ്ദാനം ചെയ്തു.
Read Moreഅയല്ക്കൂട്ടങ്ങളുടെ ഒരാഴ്ച്ചത്തെ സമ്പാദ്യം ദുരിതാശ്വാസത്തിന്; കുടുംബശ്രീ സമാഹരിച്ചത് ഒരു കോടി രൂപ
കൊല്ലം: ഒരാഴ്ച്ചത്തെ സമ്പാദ്യം പ്രകൃതിക്ഷോഭത്തെത്തുടര്ന്ന് ദുരിതമനുഭവിക്കുന്നവര്ക്കായി നീക്കിവച്ചപ്പോള് ജില്ലയിലെ കുടുംബശ്രീ അയല്ക്കൂട്ട അംഗങ്ങള് സമാഹരിച്ചത് ഒരു കോടി രൂപ. ഇതില് 86 ലക്ഷം രൂപ കുടുംബശ്രീ ജില്ലാ മിഷന് സംസ്ഥാന മിഷന് മുഖേന മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കി. ജില്ലയിലെ 73 സി.ഡി.എസുകള്ക്കു കീഴിലുള്ള ഇരുപതിനായിരത്തോളം അയല്ക്കൂട്ടങ്ങള് വഴിയാണ് തുക സ്വരൂപിച്ചത്. കുടുംബശ്രീ രൂപം നല്കിയ സന്നദ്ധ സംഘങ്ങള് കൊല്ലം ജില്ലയിലെയും അയല് ജില്ലകളിലെയും ശുചീകരണ പ്രവര്ത്തനങ്ങളില് സജീവമാണ്. അയല്ക്കൂട്ടങ്ങള്ക്ക് പുറമെ കുടുംബശ്രീയുടെ സംരംഭകര്, പരിശീലന ഗ്രൂപ്പുകള് സേവന ഗ്രൂപ്പുകള്, നിര്ഭയ വോളണ്ടിയര്മാര് എന്നിവര് മുഖേന തുണിത്തരങ്ങള്, ഭക്ഷ്യവസ്തുക്കള്, സോപ്പ് മുതലായവ ശേഖരിച്ച് നല്കിയിട്ടുണ്ട്. നെടുമ്പനയിലെ കുടുംബശ്രീ അപ്പാരല് യൂണിറ്റ് ഒരു ലക്ഷത്തിലധികം രൂപ വിലയുള്ള റെഡിമെയ്ഡ് വസ്ത്രങ്ങള് സംഭാവന ചെയ്തു. ന്യൂട്രിമിക്സ് യൂണിറ്റുകള് ഒരു ലക്ഷം രൂപയും അന്പതിനായിരം രൂപ വിലവരുന്ന പൂരക പോഷകാഹാരവും സമാഹരിച്ച്…
Read Moreറോഡരുകിൽ പാർക്ക് ചെയ്യുന്ന വാഹനങ്ങളിൽ നിന്നും മൊബൈൽ ഫോണുകൾ മോഷ്ടിക്കുന്ന സംഘത്തിലെ രണ്ടുപേർ പിടിയിൽ
ചവറ: റോഡ് സൈഡിൽ പാർക്ക് ചെയ്യുന്ന ലോറികളിലെ ജീവനക്കാരിൽനിന്ന് മൊബൈൽഫോണുകൾ അപഹരിക്കുന്ന സംഘത്തിലെ രണ്ടുപേർ പിടിയിൽ. പിടിയിലായവർ ഹരിപ്പാട്, ആശ്രാമം സ്വദേശികളാണ്. പോലീസ് വാഹനപരിശോധനക്കിടയിലാണ് ഇരുവരെയും പിടികൂടിയത്. ബൈക്കിലെത്തിയ യുവാക്കൾ വാഹനം പോലീസ് കൈകാണിച്ചെങ്കിലും നിർത്താതെ പോയി .പിൻതുടർന്ന് പോലീസ് പിടികൂടി ചോദ്യം ചെയ്തപ്പോഴാണ് മൊബൈൽഫോൺ മോഷ്ടിക്കുന്നതിന്റെ ചുരുളഴിഞ്ഞത്. ഇവരിൽനിന്ന് ആറ് മൊബൈൽ ഫോണുകൾ പോലീസ് കണ്ടെടുത്തു. വിശദമായി ചോദ്യം ചെയ്തുവരികയാണ്.
Read Moreദുരിതാശ്വാസ പ്രവർത്തനത്തിൽ തകർന്ന വള്ളങ്ങൾക്ക് 2.50 കോടി; വെളളപ്പൊക്കത്തിൽ അകപ്പെട്ട 65,000 ലധികം ആളുകളെ മത്സ്യത്തൊഴിലാളികൾ രക്ഷിച്ചു
തിരുവനന്തപുരം: പ്രളയത്തിൽ അകപ്പെട്ടവരെ സഹായിക്കുന്നതിനിടയിൽ തകർന്ന 466 വള്ളങ്ങളുടെ അറ്റകുറ്റപ്പണി നടത്തുന്നതിനായി 2.50 കോടി രൂപയുടെ പദ്ധതി നടപ്പാക്കുമെന്നു മന്ത്രി ജെ. മേഴ്സിക്കുട്ടി അമ്മ അറിയിച്ചു. ലഭ്യമായ കണക്കു പ്രകാരം ഏഴു വള്ളം പൂർണ്ണമായി തകർന്നു. തിരുവനന്തപുരം, കൊല്ലം, തൃശ്ശൂർ മലപ്പുറം ജില്ലകളിൽ നിന്ന് പോയ വളളങ്ങളാണ് പൂർണമായി തകർന്നത്. ഇവയ്ക്കു പകരം വള്ളം വാങ്ങി നൽകും. 459 വളളങ്ങൾക്ക് കേടുപാടുകൾ ഉണ്ടായി. ഇത്തരം വളളങ്ങൾ ഒന്നും തന്നെ മത്സ്യബന്ധനത്തിന് ഉപയുക്തമല്ല. ഇവ അറ്റകുറ്റപ്പണി നടത്തും. തിരുവനന്തപുരം ജില്ലയിലെ 98 വളളങ്ങളും കൊല്ലം ജില്ലയിലെ 148 വളളങ്ങളും ആലപ്പുഴയിലെ 100 വളളങ്ങളും എറണാകുളം ജില്ലയിലെ 70 വളളങ്ങളും തൃശ്ശൂരിലെ 12 വളളങ്ങളും, മലപ്പുറം ജില്ലയിലെ 19 വളളങ്ങളും കോഴിക്കോട് ജില്ലയിലെ നാലും കണ്ണൂരിലെ എട്ടു വളളങ്ങളുമാണ് ഭാഗികമായി തകർന്നത്. 3525 മത്സ്യത്തൊഴിലാളികളാണ് രക്ഷാപ്രവർത്തനത്തിന് പങ്കെടുത്തത്. വെളളപ്പൊക്കത്തിൽ അകപ്പെട്ട…
Read Moreദുരന്തബാധിത പ്രദേശങ്ങളിൽ ശുചീകരണവുമായി എൻസിസി കേഡറ്റുകൾ
തിരുവനന്തപുരം: പ്രളയക്കെടുതി നേരിടുന്ന പത്തനംതിട്ട, ഇടുക്കി, കോട്ടയം, എറണാകുളം, ആലപ്പുഴ, തൃശൂർ ജില്ലകളിലെ ദുരിതാശ്വാസ ക്യാന്പുകളിൽ ശുചീകരണവുമായി എൻസിസി കേഡറ്റുകൾ. 118 ദുരിതാശ്വാസ ക്യാന്പുകളിലായി 7753 എൻസിസി കേഡറ്റുകളും 21 സൈനിക ഓഫീസർമാരും155 അസോസിയേറ്റഡ് എൻസിസി ഓഫീസർമാരും 143 ജവാന്മാരും 56 സിവിലിയൻ ജീവനക്കാരും എൻസിസിയുടെ 41 ലോറിയും മറ്റ് ചെറിയ വാഹനങ്ങളും അതാത് ജില്ലാ ഭരണകൂടത്തിന്റെ നിർദേശാനുസരണം ശുചീകരണ പ്രവർത്തനങ്ങളുമായുണ്ട്. കുടിവെള്ളം, ആഹാരസാധനങ്ങൾ, മരുന്ന്, ക്ലീനിംഗ് സാധനങ്ങൾ എന്നിവ എൻസിസി കേഡറ്റുകളുടെ നേതൃത്വത്തിൽ എത്തിച്ചു കൊടുക്കുന്നുണ്ട്. കൊല്ലം എൻസിസി ഗ്രൂപ്പുകളുടെ എട്ടു മുതൽ 12 വരെ ലോറികൾ ദിവസവും പത്തനംതിട്ട, കോട്ടയം, ഇടുക്കി, ആലപ്പുഴ, എറണാകുളം, തൃശൂർ ജില്ലകളിലെ ദുരിതാശ്വാസ ക്യാന്പുകളിലേയ്ക്ക് തിരുവനന്തപുരത്തെ വിവിധ കളക്ഷൻ സെന്ററിൽനിന്നും നിത്യോപയോഗ സാധനങ്ങൾ വിതരണം ചെയ്യുന്നുമുണ്ട്.
Read Moreതദ്ദേശസ്വയംഭരണസ്ഥാപനങ്ങളുടെ നേതൃത്വത്തിൽ ജില്ലയിൽ ശുചീകരണ പ്രവർത്തനങ്ങൾ ഊർജിതം
കൊല്ലം: തദ്ദേശസ്വയംഭരണ സ്ഥാപനങ്ങളുടെയും സന്നദ്ധ പ്രവർത്തകരുടെയും പങ്കാളിത്തത്തോടെ ശുചീകരണ ജോലികൾ ഉൗർജിതമാക്കി. വാർഡ് അംഗങ്ങളുടെ നേതൃത്വത്തിൽ വീടുകളും സ്ഥാപനങ്ങളുമാണ് മാലിന്യവിമുക്തമാക്കുന്നത്. നാലു ഗ്രൂപ്പുകളാണ് ശുചീകരണ പ്രവർത്തനങ്ങളുടെ ഏകോപനം നിർവഹിക്കുന്നത്. ജില്ലാ പ്ലാനിംഗ് ഓഫീസർ, ശുചിത്വമിഷൻ, ഹരിതകേരള മിഷൻ കോ-ഓർഡിനേറ്റർമാർ, എ. ഡി. സി. ജനറൽ എന്നിവർക്കാണ് ഗ്രൂപ്പുകളുടെ ചുമതല. ഗ്രൂപ്പുകളുടെ ഏകോപനം നിർവഹിക്കുന്നത് ജില്ലാ പ്ലാനിംഗ് ഓഫീസറാണ്. കുടുംബശ്രീ പ്രവർത്തകർ, ഹരിത-കാർഷികകർമ സേന അംഗങ്ങൾ, ആശാവർക്കർമാർ, ആംഗൻവാടി ഹെൽപ്പർമാർ, എൻഎസ്എസ് വോളണ്ട ിയർമാർ, സ്റ്റുഡന്റ് പോലിസ് കേഡറ്റുകൾ, സന്നദ്ധസംഘടനകൾ, യുവജനങ്ങൾ, ക്ലബുകൾ തുടങ്ങിയവയാണ് ശുചീകരണവുമായി സഹകരിക്കുന്നത്. ശുചീകരണം പൂർത്തിയാക്കിയ വീടുകളിലേക്ക് ക്യാന്പുകളിലുള്ളവരെ മാറ്റി പാർപ്പിക്കുകയാണ്. ജനപ്രതിനിധികളുമായി ദിവസേന കൂടിയാലോചിച്ചാണ് പുനരധിവാസ പ്രവർത്തനങ്ങൾ നടത്തുന്നത്. പ്ലാസ്റ്റിക് , ആഹാര അവശിഷ്ടം എന്നിവ നീക്കം ചെയ്യുന്നതിന് പ്രത്യേക മാനദണ്ഡം നിശ്ചയിച്ചിട്ടുണ്ട ്. അഴുകുന്ന മാലിന്യം കിണറിന് മൂന്ന് മീറ്റർ അകലെ…
Read Moreസർക്കാരിന് കൈത്താങ്ങായി പ്രകാശ് കലാകേന്ദ്രം ദുരിതാശ്വാസനിധിയിലേക്ക് സംഭാവന നൽകി
കൊല്ലം :മഹാപ്രളയത്തിൽ എല്ലാവരേയും കോർത്തിണക്കി സമാനതകളില്ലാത്ത പ്രതിരോധം ഉയർത്തിയ സർക്കാരിന് കൈത്താങ്ങായി മുഖ്യമന്ത്രിയുടെ ദുരിതാശ്വാസ നിധിയിലേക്ക് 50000 രൂപയുടെ ചെക്ക് പ്രകാശ് കലാകേന്ദ്രം ഭാരവാഹികൾ ജില്ലാ കളക്ടറെ ഏൽപ്പിച്ചു. പ്രകാശ് കലാകേന്ദ്രം ബാലവേദി,വനിതാ വേദി പ്രവർത്തകരുടെനേതൃത്തത്തിൽ ഒരു ലക്ഷത്തോളം രൂപയുടെ പുതുവസ്ത്രങ്ങൾ, ബഡ്ഷീറ്റുകൾ, സാനിറ്ററി നാപ്കിൻ, അടിവസ്ത്രങ്ങൾ, പാൽപ്പൊടി, ഫീഡിംഗ് ബോട്ടിലുകൾ, പഠനോപകരണങ്ങൾ കൂടാതെ ആന്റിബയോട്ടിക് ഉൾപ്പടെയുള്ള മരുന്നുകൾ എന്നിവ സമാഹരിച്ച് അപ്പർകുട്ടനാട്ടെ ദുരിതാശ്വാസ ക്യാമ്പിലെത്തിച്ചു കൊടുത്തു. ബലി പെരുന്നാളിന് രാവിലെ ജനറൽ സെക്രട്ടറി സിആർ പ്രിൻസിന്റെ നേതൃത്വത്തിലുള്ള 15 അംഗ സംഘം ചെങ്ങന്നൂർ താലൂക്ക് ഓഫിസിന്റെ നേതൃത്വത്തിൽ താലൂക്കിലെ പാണ്ടനാട്, പ്രയാർ മേഖലകളിൽ ദുരിതബാധിതർക്ക് വസ്ത്രവും ആഹാരവും എത്തിച്ചു കൊടുക്കുന്ന പ്രയത്നത്തിലാണ്. പ്രളയ ദുരിതബാധിതരെ ഹൃദയത്തോട് ചേർത്ത് അവരെ സഹായിച്ചും ദുതാശ്വാസ ക്യാമ്പുകളിൽ നിന്ന് തിരികെ വീട്ടിലേക്കുള്ള മടക്കത്തിൽ ശുചീകരണത്തിന് സന്നദ്ധ സേവനം നടത്തിയും അവധി…
Read Moreപ്രളയബാധിത പ്രദേശങ്ങളിലെ രോഗപ്രതിരോധം; 10669 കിണറുകള് ക്ലോറിനേറ്റു ചെയ്തു
കൊല്ലം: പ്രളയബാധിത പ്രദേശങ്ങളില് പകര്ച്ച വ്യാധികള്ക്കെതിരായ പ്രതിരോധ നടപടികളുടെ ഭാഗമായി ജില്ലയില് ആരോഗ്യ വകുപ്പ് 10669 കിണറുകള് ക്ലോറിനേറ്റു ചെയ്തു. 993 സംഘങ്ങളുടെ നേതൃത്വത്തിലായിരുന്നു ക്ലോറിനേഷന്. പരിസരം ശുചീകരിക്കുന്നതിനായി ബ്ലീച്ചിംഗ് പൗഡര് ഉപയോഗിച്ച് അണുനശീകരണം നടത്തി. എലിപ്പനി പ്രതിരോധത്തിനായി 1541 പേര്ക്ക് മരുന്ന് നല്കി. 14 ക്യാമ്പുകളില് ഡോക്ടര്മാരുടെ സേവനവും മരുന്ന് വിതരണവും ഉറപ്പാക്കി. ക്യാമ്പുകളില്നിന്ന് മടങ്ങുന്നവര് ശ്രദ്ധിക്കേണ്ട കാര്യങ്ങളടങ്ങിയ നോട്ടീസുകളും വിതരണം ചെയ്തു. ഇന്നും 30നും കൊതുകു, കൂത്താടി നിയന്ത്രണത്തിനായി ഉറവിട നശീകരണ പ്രവര്ത്തനങ്ങള് നടത്തുമെന്ന് ജില്ലാ മെഡിക്കല് ഓഫീസര് ഡോ. വി.വി. ഷേര്ളി അറിയിച്ചു.
Read More