കേരളത്തില് ഇത്തവണ മഴ പ്രവചനാതീതമായേക്കുമെന്നും മഴക്കാല തയ്യാറെടുപ്പ് പ്രവര്ത്തനങ്ങള് ഊര്ജ്ജിതമാക്കണമെന്ന് സംസ്ഥാന ദുരന്തനിവാരണ അതോറിറ്റി യോഗത്തില് മുഖ്യമന്ത്രി പിണറായി വിജയന്റെ നിര്ദ്ദേശം. ജൂണ് 4ന് മണ്സൂണ് തുടങ്ങുമെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. മഴയുടെ ലഭ്യതയില് പ്രവചനാതീതസ്വഭാവം പ്രതീക്ഷിക്കുന്നതിനാല് ജില്ലകളിലെ മഴക്കാല തയ്യാറെടുപ്പ് പ്രവര്ത്തനങ്ങളുടെ അവലോകനം ജൂണ്, ജൂലൈ, ഓഗസ്റ്റ്, സെപ്റ്റംബര് മാസങ്ങളില് ആദ്യആഴ്ചയില് പ്രത്യേകമായി നടത്തണം. ജില്ലയുടെ ചുമതലയുള്ള മന്ത്രിമാരുടെയോ ജില്ലാകളക്ടര്മാരുടെയോ നേതൃത്വത്തില് ഇത്തരത്തില് യോഗം ചേരണം. അതില് ഓരോപ്രവര്ത്തികളുടെയും പുരോഗതി അവലോകനം ചെയ്യണമെന്ന് മുഖ്യമന്ത്രി നിര്ദ്ദേശിച്ചു. ആപതാമിത്ര, സിവില് ഡിഫന്സ്, സന്നദ്ധസേന എന്നിങ്ങനെ പരിശീലനം സിദ്ധിച്ചവര്ക്ക് പ്രാദേശികമായി രക്ഷാപ്രവര്ത്തനങ്ങള്ക്കുള്ള ഉപകരണങ്ങള് ലഭ്യമാക്കണം. ആപതാമിത്ര, സിവില് ഡിഫന്സ്, സന്നദ്ധസേന എന്നിങ്ങനെ പരിശീലനം സിദ്ധിച്ചവര്ക്ക് പ്രാദേശികമായി രക്ഷാപ്രവര്ത്തനങ്ങള്ക്കുള്ള ഉപകരണങ്ങള് ലഭ്യമാക്കണം. എല്ലാ തദ്ദേശസ്വയംഭരണ സ്ഥാപനങ്ങളിലും ഒരുസ്ഥലം/കെട്ടിടം കണ്ടെത്തുകയും രക്ഷാപ്രവര്ത്തിന് ഉപയോഗിക്കാവുന്ന ഉപകരണങ്ങള് വാങ്ങിയോ, മഴക്കാലത്തേക്ക് വാടകയ്ക്ക് എടുത്തോ…
Read MoreCategory: Loud Speaker
അരിക്കൊമ്പന് ദൗത്യം നീളുന്നു; ആന ഷണ്മുഖനദിക്കരയില്; ജനവാസ മേഖലയില് ആനയെത്തിയാല് മയക്കുവെടിയെന്ന് തമിഴ്നാട് വനംവകുപ്പ്
തൊടുപുഴ: അരിക്കൊമ്പന് ദൗത്യം നീളുന്നു. ആനയെ മയക്കുവെടി വച്ച് പിടികൂടാനുള്ള നീക്കവുമായി തമിഴ് നാട് വനംവകുപ്പ് മുന്നോട്ടു പോകുകയാണെങ്കിലും അനുകൂല സാഹചര്യങ്ങള് ഒത്തു വരാത്തതാണ് ദൗത്യം നീളാന് കാരണം. വെറ്ററിനറി സര്ജന്മാര് ഉള്പ്പെടെയുള്ള തമിഴ്നാട് വനംവകുപ്പി വന് ദൗത്യസംഘത്തിനൊപ്പം മുതുമലയില് നിന്നുള്ള ആദിവാസി അഞ്ചംഗ സംഘത്തെയും നിയോഗിച്ചിട്ടുണ്ട്. ആന പിടുത്തത്തില് വൈഭവമുള്ള ഇവര്ക്ക് കാടും ഏറെ പരിചയമാണ്. ഇവരുടെ സേവനം കൂടി ഉപയോഗിപ്പെടുത്തുന്നതോടെ അരിക്കൊമ്പനെ വേഗത്തില് തളയ്ക്കാനാകുമെന്നാണ് വനംവകുപ്പിന്റെ കണക്കു കൂട്ടല്. ഇതേ സമയം അരിക്കൊമ്പന് ഷണ്മുഖ നദി ഡാമിനു സമീപത്തുള്ള വനമേഖലയില് തന്നെയാണുള്ളത്. ഇവിടെ ചുറ്റിക്കറങ്ങുന്ന ആനയെ വനപാലക സംഘം പൂര്ണ സമയവും നിരീക്ഷിക്കുന്നുണ്ട്. ഇവിടെ വച്ച് ആനയെ മയക്കുവെടി വച്ച് പിടികൂടുക സാധ്യമല്ല. ജനവാസ മേഖലയില് ആനയെത്തിയാല് മയക്കുവെടി വയ്ക്കാനുള്ള നടപടികളുമായാണ് തമിഴ് നാട് വനംവകുപ്പിന്റെ ദൗത്യ സംഘം നീങ്ങുന്നത്. ഇതിനിടെ ആനയുടെ ആരോഗ്യവും…
Read Moreപുൽപ്പള്ളിയിലെ കര്ഷകന്റെ ആത്മഹത്യ; പോലീസ് കസ്റ്റഡിയിലെടുത്ത കെപിസിസി ജനറല് സെക്രട്ടറിക്ക് ദേഹാസ്വാസ്ഥ്യം
പുല്പ്പള്ളി: കേളക്കവല ചെമ്പകമൂലയില് കര്ഷകന് കിഴക്കേഇടയിലത്ത് രാജേന്ദ്രന് നായരുടെ(55) ആത്മഹത്യയുടെ പശ്ചാത്തലത്തില് കെപിസിസി ജനറല് സെക്രട്ടറിയും പുല്പ്പള്ളി സര്വീസ് സഹകരണ ബാങ്ക് മുന് പ്രസിഡന്റുമായ കെ.കെ. ഏബ്രഹാമിനെ പോലീസ് കസ്റ്റഡിലെടുത്തു. ചൊവ്വാഴ്ച അര്ധരാത്രിയോടെ ചുണ്ടക്കൊല്ലിയിലെ വസതിയില്നിന്നാണ് എസ്ഐ വി.ആര്. മനോജിന്റെ നേതൃത്വത്തില് ഏബ്രഹാമിനെ കസ്റ്റഡിയിലെടുത്തത്. സ്റ്റേഷനില് എത്തിച്ചതിനു പിന്നാലെ ദേഹാസ്വാസ്ഥ്യം അനുഭവപ്പെട്ട ഏബ്രഹാമിനെ അപ്പോള്ത്തന്നെ സമീപത്തെ സ്വകാര്യ ആശുപത്രിയിലേക്കു മാറ്റി. നില മെച്ചപ്പെടാത്ത സാഹചര്യത്തില് പുലര്ച്ചെ സുല്ത്താന്ബത്തേരി താലൂക്ക് ഗവ.ആശുപത്രിയില് അത്യാഹിത വിഭാഗത്തില് പ്രവേശിപ്പിച്ചു.ഏബ്രഹാമിന്റെ ആരോഗ്യനിലയില് പുരോഗതിയുണ്ടെന്നു ആശുപത്രി അധികൃതര് അറിയിച്ചു. പുല്പ്പള്ളി സര്വീസ് സഹകരണ ബാങ്കില് ഏബ്രഹാം ഭരണസമിതി പ്രസിഡന്റായിരുന്ന കാലയളവില് വായ്പ വിതരണത്തില് നടന്ന ക്രമക്കേടുകളെത്തുടര്ന്നു കടക്കെണിയില് അകപ്പെട്ടതിന്റെ മനോവേദനയിലാണ് രാജേന്ദ്രന് നായര് ജീവനൊടുക്കിയതെന്നു ആരോപണം ഉയര്ന്നിരുന്നു. ഏകദേശം 35 ലക്ഷം രൂപയാണ് ബാങ്കില് രാജേന്ദ്രന് നായര്ക്കു ബാധ്യത. എന്നാല് 2017ല് അദ്ദേഹം 73,000…
Read Moreവായ്പാപരിധി വെട്ടികുറച്ചത് എന്തിനെന്ന് മുഖ്യമന്ത്രിക്കും ധനമന്ത്രിക്കും അറിയില്ലെന്ന് വി.ഡി.സതീശൻ
തിരുവനന്തപുരം: കേന്ദ്രസർക്കാർ കേരളത്തിന്റെ വായ്പാപരിധി വെട്ടികുറച്ചത് എന്തിനെന്ന് മുഖ്യമന്ത്രിക്കും ധനമന്ത്രിക്കു പോലും അറിയില്ലെന്ന് പ്രതിപക്ഷ നേതാവ് വി.ഡി. സതീശൻ. വായ്പ പരിധി വെട്ടിക്കുറച്ചതിന്റെ കാരണം അറിയില്ലെങ്കിൽ പിന്നെന്തിനാണ് സർക്കാരെന്നും അദ്ദേഹം ചോദിച്ചു. ഈ വിഷയത്തിൽ പ്രതിപക്ഷം പ്രതികരിക്കാത്തത് വിഷയം അറിയാത്തത് കൊണ്ടാണ്. സാന്പത്തിക പ്രതിസന്ധിക്കിടയിലും സർക്കാരിന്റെ ധൂർത്തിന് കുറവില്ല. അഴിമതിയും ധൂർത്തുമാണ് പിണറായി സർക്കാരിന്റെ മുഖമുദ്ര. പ്രതിപക്ഷം അഞ്ച് അഴിമതി ആരോപണങ്ങൾ തെളിവ് സഹിതം ഉന്നയിച്ചിട്ടും മുഖ്യമന്ത്രി മറുപടി പറഞ്ഞില്ല. കെ, ഫോണ് ഉദ്ഘാടത്തിന് 4.5 കോടി ചെലവിടുകയാണ്. ഇതിന്റെ ഉദ്ഘാടനം നേരത്തെ നടത്തിയതാണ്. കെഎംഎസ് സി എൽ ഗോഡൗണുകളിൽ ആരോ തീവച്ചതാണ്. പ്രതിപക്ഷം ഓരോ ആരോപണങ്ങൾ ഉന്നയിക്കുന്പോഴും തെളിവ് നശിപ്പിക്കാനായി തീയിടുകയാണ് . വന്യ ജീവി ആക്രമണത്തിൽ മനുഷ്യർ കൊലചെയ്യപ്പെടുകയും കൃഷിനാശം സംഭവിക്കുകയും ചെയ്യുന്നു. ഇതിൽ മനുഷ്യർ അരക്ഷിതരാണ്. വന്യ ജീവി നിയമത്തിൽ കാലാനുസൃതമായ മാറ്റം…
Read Moreഉപതെരഞ്ഞെടുപ്പിൽ എല്ഡിഎഫിന് മുൻതൂക്കം; ഒരു സീറ്റ് നേടി ബിജെപി; സീറ്റ് നഷ്ടപ്പെട്ട് ജനപക്ഷം
തിരുവനന്തപുരം: സംസ്ഥാനത്ത് 19 തദ്ദേശ വാര്ഡുകളിലേക്ക് നടന്ന ഉപതെരഞ്ഞെടുപ്പിൽ 18 ഇടത്തെ ഫലം വന്നപ്പോൾ എല്ഡിഎഫിന് മുൻതൂക്കം. എൽഡിഎഫ് 9 സീറ്റും യുഡിഎഫ് 8 സീറ്റും ബിജെപി ഒരു സീറ്റും നേടി. ബിജെപിയിൽ നിന്നും യുഡിഎഫിൽ നിന്നും ജനപക്ഷത്തിന് നിന്നുമായി നാലു സീറ്റുകൾ എൽഡിഎഫ് പിടിച്ചെടുത്തു. തിരുവനന്തപുരം കോർപറേഷനിലെ മുട്ടട ഡിവിഷനിൽ എൽഡിഎഫ് ജയം ആവർത്തിച്ചപ്പോൾ കോട്ടയം നഗരസഭ ഭരണത്തിൽ നിർണായകമാകുമായിരുന്ന പുത്തൻതോട് വാർഡ് യുഡിഎഫ് നിലനിർത്തി. കോട്ടയം മുൻസിപ്പാലിറ്റിയിലെ 38ാം വാർഡ് പുത്തൻതോട് യുഡിഎഫ് നിലനിർത്തി. 75 വോട്ടുകൾക്കാണ് യുഡിഎഫിന്റെ സൂസൻ കെ സേവിയർ ജയിച്ചത്. വിജയത്തോടെ കോട്ടയം നഗരസഭയിൽ യുഡിഎഫ് ഭരണം തുടരും. അതേസമയം, മണിമല പഞ്ചായത്തിലെ വാർഡ് എൽഡിഎഫ് നിലനിർത്തി. എൽഡിഎഫിലെ സുജ ബാബു ജയിച്ചു.പൂഞ്ഞാർ പഞ്ചായത്തിലെ പേരുനിലം വാർഡ് ആണ് ജനപക്ഷത്തിൽ നിന്ന് എൽഡിഎഫ് പിടിച്ചെടുത്തത്. കോഴിക്കോട് പുതുപ്പാട്, എറണാകുളം നെല്ലിക്കുഴി,…
Read Moreഏമാന്മാര് ഇടപെട്ടു, പട്ടിക തിരുത്തി; മൂന്നുവര്ഷമായാലും പോലീസുകാർക്ക് ഒരേ സ്റ്റേഷനില് തുടരാം
കോഴിക്കോട്: ഒരേ പോലീസ് സ്റ്റേഷനില് മൂന്നുവര്ഷം തുടര്ച്ചയായി ജോലി ചെയ്തവരെ ഉള്പ്പെടെ സ്ഥലംമാറ്റിക്കൊണ്ടുള്ള പോലീസിന്റെ ജനറല് ട്രാന്സ്ഫര് പട്ടികയില് ‘തിരുത്ത്’. ഇതോടെ മൂന്നുവര്ഷം കഴിഞ്ഞവരും ഒരേ സ്റ്റേഷനില്തന്നെ തുടരുമെന്ന് ഉറപ്പായി. ഉന്നത ഉദ്യോഗസ്ഥരുടെ ഇടപെടലില് ഉറ്റവരെ കൈയൊഴിയാതെ സ്ഥലംമാറ്റ മാനദണ്ഡങ്ങളില് ഇളവ് വരുത്തിയാണ് കോഴിക്കോട് സിറ്റിയില് പുതിയ ഉത്തരവ് പുറത്തിറക്കിയത്. ഒരേ പോലീസ് സ്റ്റേഷനില് മൂന്നുവര്ഷത്തില് കൂടുതല് ജോലി ചെയ്തവര്ക്ക് വീണ്ടും അതേസ്റ്റേഷനില് നിയമനം നല്കിക്കൊണ്ടുള്ള ഉത്തരവ് പുറത്തിറക്കിയതിന് പിന്നില് രാഷ്ട്രീയ സമ്മര്ദമുണ്ടെന്നാണ് സേനയിലെ അഭിപ്രായം. ഭരണാനുകൂല സംഘടനാ ഭാരവാഹികള് വരെ പുതിയ ഉത്തരവിലൂടെ വീണ്ടും പഴയ തട്ടകത്തില് ഇടം പിടിച്ചപ്പോള് പ്രതിപക്ഷത്തുള്ളവര്ക്കും ആനുകൂല്യം ലഭിച്ചതായാണ് വിവരം. അഞ്ചുവര്ഷത്തിലധികമായി ഓരേ സ്റ്റേഷനില് ജോലി ചെയ്യുന്നവരില് വനിതാ പോലീസ് സേനാംഗവും ഉള്പ്പെട്ടിട്ടുണ്ടെന്നും അഭിപ്രായമുയര്ന്നിട്ടുണ്ട്. ആദ്യ സ്ഥലംമാറ്റ ഉത്തരവ് പുറത്തിറങ്ങിയതിനെ തുടര്ന്ന് 60 പേരാണ് ഇതിനെതിരേ അപേക്ഷ സമര്പ്പിച്ചത്. ഇതില്…
Read Moreമദ്യത്തിനായി പരിശോധന, കിട്ടിയത് സ്ഫോടകവസ്തുശേഖരം; ആത്മഹത്യയ്ക്ക് ശ്രമിച്ച മുസ്തഫ പോലീസിനോട് വെളിപ്പെടുത്തിയത്…
കാസര്ഗോഡ്: മദ്യശേഖരമുണ്ടെന്ന രഹസ്യവിവരത്തെതുടര്ന്ന് എക്സൈസ് സംഘം നടത്തിയ പരിശോധനയില് പിടികൂടിയത് വന് സ്ഫോടകവസ്തുശേഖരം. സംഭവവുമായി ബന്ധപ്പെട്ട് മുളിയാര് കോലാച്ചിയടുക്കത്തെ മുസ്തഫ (42)യെ അറസ്റ്റ് ചെയ്തു. ഇന്നലെ 12.30 ഓടെയാണ് മുസ്തഫയുടെ വീട്ടില് പ്രത്യേക എക്സൈസ് സംഘം പരിശോധന നടത്തിയത്. സംഭവസമയത്ത് ഇയാള് വീട്ടില് തനിച്ചായിരുന്നു. കാറിന്റെ ഡിക്കിയില്നിന്നും വീട്ടില്നിന്നും സ്ഫോടകവസ്തുശേഖരം കണ്ടെടുത്തു. 2800 ജലാറ്റിന് സ്റ്റിക്കും മൂന്നു തരത്തിലുള്ള ഏഴായിരത്തോളം ഡിറ്റണേറ്ററുകളും ഒരു ഡൈനാമിറ്റും അഞ്ചു റോള് വയറുമാണ് എക്സൈസ് സംഘം പിടികൂടിയത്. പരിശോധന നടത്തവേ മുസ്തഫ കൈഞരമ്പ് മുറിച്ച് ആത്മഹത്യയ്ക്ക് ശ്രമിച്ചു. ഉടന്തന്നെ ഇയാളെ കാസര്ഗോട്ടെ സ്വകാര്യാശുപത്രിയില് പ്രവേശിപ്പിച്ചു. കേസ് എക്സൈസ് സംഘം ആദൂര് പോലീസിന് കൈമാറി. കര്ണാടകയില് നിന്നും അനധികൃതമായി മദ്യം കൊണ്ടുവന്ന് വില്പന നടത്തുന്നയാളാണ് മുസ്തഫയെന്ന് പോലീസ് പറഞ്ഞു. താന് മുമ്പ് കര്ണാടകയില് ക്വാറി നടത്തിയിരുന്നതായും കാസര്ഗോട്ടെ ക്വാറികളിലേക്ക് നല്കാനാണ് സ്ഫോടകവസ്തുക്കള് എത്തിച്ചതെന്നുമാണ്…
Read Moreസ്വകാര്യ ബസുകള് കൂട്ടിയിടിച്ച് 25ഓളം പേര്ക്ക് പരിക്ക്; രണ്ടു പേരുടെ നില ഗുരുതരം; ലിമിറ്റഡ് സ്റ്റോപ്പ് അമിതവേഗതയിലായിരുന്നുവെന്ന് നാട്ടുകാര്
ഇരിങ്ങാലക്കുട: കൊടുങ്ങല്ലൂർ-തൃശൂർ സംസ്ഥാനപാതയിൽ ഇരിങ്ങാലക്കുട മാപ്രാണത്ത് രണ്ടു സ്വകാര്യ ബസുകള് കൂട്ടിയിടിച്ചുണ്ടായ അപകടത്തിൽ 25 ലധികം പേര്ക്ക് പരിക്ക്. രണ്ടു പേരുടെ നില ഗുരുതരം. ഇന്ന് രാവിലെ ഏഴോടെ മാപ്രാണം വർണ തിയറ്ററിനു സമീപമാണു അപകടം നടന്നത്. എ.കെ. സണ്സ് എന്ന സ്വകാര്യ ബസിനു പിറകില് അമിതവേഗതയിലെത്തിയ എം.എസ്. മോനോന് എന്ന ലിമിറ്റഡ് സ്റ്റോപ്പ് ബസ് വന്നിടിക്കുകയായിരുന്നു. ഇടിയുടെ ആഘാതത്തില് എ.കെ. സണ്സ് എന്ന സ്വകാര്യ ബസ് മുന്നില് പോയിരുന്ന നെല്ലിക്ക കയറ്റി വില്പന നടത്തിയിരുന്ന ഓട്ടോ റിക്ഷയിലും ഇടിച്ചു. എം.എസ്. മേനോന് എന്ന ലിമിറ്റഡ് സ്റ്റോപ്പ് ബസ് മറ്റൊരു വാഹനത്തെ മറികടക്കുന്നതിനിടയിലാണ് അപകടം സംഭവിച്ചത്. ഇരു ബസുകളും ഇരിങ്ങാലക്കുടയില്നിന്നു തൃശൂരിലേക്ക് പോകുകയായിരുന്നു. രാവിലെ തൃശൂരില് ജോലിക്കു പോകുന്നവരും പഠനത്തിനു പോകുന്ന വിദ്യാര്ഥികളുമാണ് ബസിലുണ്ടായിരുന്നത്. ഇടിയുടെ ആഘാതത്തില് ബസില് വീണും കമ്പികളില് തലയിടിച്ചുമാണ് പലർക്കും പരിക്കേറ്റത്. പരിക്കേറ്റവരിൽ…
Read Moreതമിഴ്നാട്ടിലും ജീവനെടുത്ത് അരിക്കൊമ്പൻ; ആന തട്ടിയിട്ട ബൈക്കിൽ നിന്നു വീണയാൾ മരിച്ചു; ചികിത്സയിലിരിക്കെ മരിച്ചത് കമ്പനം സ്വദേശി പാല്രാജ്
തൊടുപുഴ: അരിക്കൊമ്പന്റെ ആക്രമണത്തില് തമിഴ്നാട്ടിലും മരണം. കഴിഞ്ഞ ശനിയാഴ്ച തമിഴ്നാട്ടിലെ കമ്പത്തിറങ്ങിയ അരിക്കൊമ്പന് ബൈക്കില്നിന്നു തട്ടിവീഴ്ത്തിയ കമ്പം സ്വദേശി പാല്രാജ് (57) ചികിത്സയ്ക്കിടെ മരിച്ചു. കമ്പം ടൗണിലൂടെ ഓടുന്നതിനിടെയാണ് പാല്രാജ് സഞ്ചരിച്ചിരുന്ന ബൈക്ക് അരിക്കൊന്പൻ തുമ്പിക്കൈകൊണ്ട് തട്ടി വീഴ്ത്തിയത്. തലയ്ക്ക് ഗുരുതരമായി പരിക്കേറ്റ പാല്രാജിനെ തേനി മെഡിക്കല് കോളജില് പ്രവേശിപ്പിച്ചിരിക്കുകയായിരുന്നു. ഇന്നു പുലര്ച്ചെയാണ് മരിച്ചത്. തലയ്ക്കു പരിക്കേറ്റതിനു പുറമെ എല്ലുകളും ഒടിഞ്ഞിരുന്നു. ആന്തരിക രക്തസ്രാവവുമുണ്ടായി. ഇതാണ് മരണകാരണമായത്. മൃതദേഹം പോസ്റ്റ്മോര്ട്ടം നടപടികള്ക്കുശേഷം ബന്ധുക്കള്ക്ക് വിട്ടുനല്കും. അരിക്കൊമ്പന്റെ ആക്രമണത്തില് ഇതുവരെ 12 പേരാണ് മരിച്ചത്. കേരളത്തില് 11 പേര് അരിക്കൊമ്പന്റെ ആക്രമണത്തില് കൊല്ലപ്പെട്ടതായാണ് അനൗദ്യോഗിക കണക്ക്. ശനിയാഴ്ചയാണ് അരിക്കൊമ്പന് കമ്പം ടൗണിലെത്തിയത്. ആന ടൗണിലൂടെ ഓടുകയും വാഹനങ്ങള്ക്കുനേരേ ആക്രമണം നടത്തുകയും ചെയ്തു. പാല്രാജിന്റെ ഉള്പ്പെടെ അഞ്ചു വാഹനങ്ങളാണ് ആന തകര്ത്തത്. മറ്റ് വാഹനങ്ങളിലുണ്ടായിരുന്നവര് തലനാരിഴയ്ക്കാണ് ആനയുടെ ആക്രമണത്തില് നിന്നു…
Read Moreനിയമസഭ സാമാജികർക്കെതിരേ വ്യാജ ആരോപണം; രമേശ് ചെന്നിത്തലയുടെ പരാതിയിൽ അന്വേഷണം
തിരുവനന്തപുരം: നിയമസഭ സാമാജികർക്കെതിരേ വ്യാജ ആരോപണം ഉന്നയിച്ചതിന് വാച്ച് ആൻഡ് വാർഡ്കൾക്കെതിരെയും മ്യൂസിയം എസ്ഐക്കെതിരേയും രമേശ് ചെന്നിത്തല നൽകിയ അവകാശ ലംഘന നോട്ടീസിന്മേൽ സ്പീക്കർ എത്തിക്സ് ആൻഡ് പ്രിവിലേജ് കമ്മിറ്റിയുടെ അന്വേഷണം പ്രഖ്യാപിച്ചു. കേരളനിയമസഭയുടെ നടപടിക്രമവും കാര്യനിര്വഹണവും സംബന്ധിച്ച അവകാശ ലംഘോ പ്രശ്നത്തിന് ചട്ടം 159 പ്രകാരം സംഭവം സംബന്ധിച്ച് അന്വേഷിച്ച് റിപ്പോർട്ട് സമർപ്പിക്കാനാണു സ്പീക്കർ എത്തിക്സ് ആൻഡ് പ്രവിലേജ് കമ്മിറ്റിക്ക് നിർദേശം നൽകിയിരിക്കുന്നത്. നിയമസഭാചട്ടം 50 പ്രകാരം പ്രതിപക്ഷം നല്കുന്ന നോട്ടീസുകള്ക്ക് സഭയില് അവതരണാനുമതി തേടുന്നതിനുപോലും അവസരം നല്കാത്തതിൽ പ്രതിഷേധിച്ച് മാർച്ച് 15ന് രാവിലെ സ്പീക്കറുടെ ഓഫീസിനു മുന്നില് സമാധാനപരമായി ധര്ണ നടത്തിക്കൊണ്ടിരുന്ന യുഡിഎഫ് എംഎല്എമാരെ യാതൊരു പ്രകോപനവും കൂടാതെ അഡീഷണല് ചീഫ് മാര്ഷലിന്റെ നേതൃത്വത്തില് വാച്ച് ആൻഡ് വാർഡ് ബലപ്രയോഗത്തിലൂടെ നീക്കം ചെയ്യുകയാണ് ഉണ്ടായതെന്നു രമേശ് ചെന്നിത്തല അവകാശ ലംഘന നോട്ടീസിൽ പറഞ്ഞിരുന്നത്. ബലപ്രയോഗത്തില്…
Read More