മലയാളത്തിന്റെ നടന വിസ്മയം മോഹൻലാലിന്റെ അമ്മ ശാന്തകുമാരിയുടെ നിര്യാണ വാർത്ത അറിഞ്ഞ് മമ്മൂട്ടി ഓടിയെത്തി. രമേഷ് പിഷാരടി, നിർമാതാവ് ആന്റോ ജോസഫ്, ജോർജ്, ഹൈബി ഈഡൻ എംപി എന്നിവരും മമ്മൂട്ടിക്കൊപ്പം ഉണ്ടായിരുന്നു.
വാർധക്യസഹജമായ അസുഖങ്ങളെത്തുടർന്ന് ചികിത്സയിലായിരുന്ന ശാന്തകുമാരി കൊച്ചി എളമക്കരയിലെ മോഹൻലാലിന്റെ വസതിയിൽവച്ചാണ് അന്തരിച്ചത്. ശാന്തകുമാരിയുടെ 89ാം പിറന്നാൾ ദിവസം എളമക്കരയിലെ വീട്ടിൽ വച്ച് വലിയ ആഘോഷം നടത്തിയിരുന്നു. തന്റെ അഭിനയ ജീവിതത്തിലെ എല്ലാ ഉയർച്ചകളിലും തണലായി നിന്ന അമ്മയുടെ വിയോഗം മോഹൻലാലിന് വലിയ നഷ്ടമാണ്.
