പ്രതീക്ഷിച്ച നയം; ആശങ്ക സാരമുള്ളത്

ഇ​ന്ന​ലെ പ​ണ​ന​യ പ്ര​ഖ്യാ​പ​ന​ത്തി​നു​ശേ​ഷം ഡോ​ള​റി​നു നി​ര​ക്ക് കൂ​ടി; ഓ​ഹ​രി​ക​ൾ കു​റേ നേ​രം ചാ​ഞ്ചാ​ടി​യ​ശേ​ഷം ഒ​ടു​വി​ൽ താ​ഴോ​ട്ടു പോ​യി.

റി​സ​ർ​വ് ബാ​ങ്കി​ന്‍റെ പ​ണ​ന​യ​ത്തെ​പ്പ​റ്റി ക​ന്പോ​ള​ത്തി​നു വി​പ​രീ​താ​ഭി​പ്രാ​യം ഉ​ണ്ടെ​ന്ന​ല്ല ഇ​തി​ൽനി​ന്നു മ​ന​സി​ലാ​ക്കേ​ണ്ട​ത്. ബാ​ങ്കി​ന്‍റെ പ​ണ​ന​യ​ക​മ്മി​റ്റി (എം​പി​സി)​യു​ടെ തീ​രു​മാ​നം പ്ര​തീ​ക്ഷി​ച്ച​തു​പോ​ലെ ത​ന്നെ​യാ​യി​രു​ന്നു. അ​തി​ൽ അ​ഭി​പ്രാ​യ​വ്യ​ത്യാ​സ​മി​ല്ല.പ​ക്ഷേ ഗ​വ​ർ​ണ​ർ ശ​ക്തി​കാ​ന്ത​ദാ​സ് ഇ​തോ​ടൊ​പ്പം വേ​റേ ചി​ല കാ​ര്യ​ങ്ങ​ൾ പ​റ​ഞ്ഞു. അ​വ അ​ത്ര ശു​ഭ​ക​ര​മ​ല്ല.

ഒ​ന്ന്: വ​ള​ർ​ച്ച പൊ​തു​വേ താ​ഴോ​ട്ടാ​ണെ​ന്നു ഭ​യ​മു​ണ്ട്. വി​ക​സി​ത രാ​ജ്യ​ങ്ങ​ളി​ലും (അ​മേ​രി​ക്ക​യും യൂ​റോ​പ്പു​മ​ട​ക്കം) വി​ക​സ്വ​ര രാ​ജ്യ​ങ്ങ​ളി​ലും (ചൈ​ന​യും റ​ഷ്യ​യു​മ​ട​ക്കം) വ​ള​ർ​ച്ച​യു​ടെ തോ​തു കു​റ​ഞ്ഞു വ​രി​ക​യാ​ണ്. ഇ​ന്ത്യ​യും ഈ ​പ്ര​വ​ണ​ത​യി​ൽനി​ന്നു വി​ട്ടുനി​ൽ​ക്കാ​ൻ സാ​ധ്യ​ത​യി​ല്ല.ര​ണ്ട്: ചി​ല്ല​റ വി​ല​ക്ക​യ​റ്റം കു​റ​വാ​ണെ​ങ്കി​ലും ഭ​ക്ഷ്യ- ഇ​ന്ധ​ന വി​ല​ക​ൾ മാ​റ്റി നി​ർ​ത്തി​യാ​ൽ അ​ത്ര കു​റ​വാ​ണെ​ന്നു പ​റ​യാ​നാ​വി​ല്ല.

ഇ​തൊ​ക്കെ എ​ല്ലാ​വ​ർ​ക്കും അ​റി​യാ​വു​ന്ന​ത്. പ​ക്ഷേ റി​സ​ർ​വ് ബാ​ങ്ക് ഗ​വ​ർ​ണ​ർ എ​ടു​ത്തു പ​റ​യു​ന്പോ​ൾ അ​തി​ന്‍റെ ഗൗ​ര​വം വ​ർ​ധി​ക്കു​ന്നു.

2019-20ലെ ​വ​ള​ർ​ച്ചപ്ര​തീ​ക്ഷ ഗ​വ​ർ​ണ​ർ ദാ​സ് കു​റ​ച്ചു. ഫെ​ബ്രു​വ​രി​യി​ൽ ക​ണ​ക്കാ​ക്കി​യ 7.4 ശ​ത​മാ​ന​ത്തി​ൽ നി​ന്ന് 7.2 ശ​ത​മാ​ന​ത്തി​ലേ​ക്ക്. ഏ​പ്രി​ൽ – സെ​പ്റ്റം​ബ​റി​ൽ 6.8-7.1 ശ​ത​മാ​ന​മാ​യി​രി​ക്കും വ​ള​ർ​ച്ച എ​ന്നാ​ണു ഗ​വ​ർ​ണ​ർ പ​റ​യു​ന്ന​ത്. തെ​ര​ഞ്ഞെ​ടു​പ്പ് ഉ​യ​ർ​ത്തു​ന്ന ആ​ശ​ങ്ക​ക​ൾ ക​ണ​ക്കി​ലെ​ടു​ക്കാ​തെ​യാ​ണു ദാ​സി​ന്‍റെ ക​ണ​ക്കു​കൂ​ട്ട​ൽ. മ​ൺ​സൂ​ൺ മോ​ശ​മാ​കാ​നു​ള്ള സാ​ധ്യ​ത അ​ദ്ദേ​ഹം പ​രി​ഗ​ണി​ച്ചി​ട്ടു​ണ്ട്.

ഈ ​സാ​ഹ​ച​ര്യ​ത്തി​ൽ റീ​പോ​നി​ര​ക്ക് കു​റ​ച്ച​ത് മ​ന​സി​ലാ​ക്കാ​വു​ന്ന​തേ ഉ​ള്ളൂ. വ​ള​ർ​ച്ച​യെ ഉ​ത്തേ​ജി​പ്പി​ക്കാ​നു​ള്ള വ​ഴി​യാ​ണു നി​ര​ക്കു കു​റ​യ്ക്ക​ൽ. അ​തു​ഫ​ല​പ്ര​ദ​മാ​ക​ണ​മെ​ങ്കി​ൽ വാ​യ്പാപ​ലി​ശ കു​റ​യ​ണം.

റി​സ​ർ​വ് ബാ​ങ്ക് കു​റ​യ്ക്കു​ന്ന​തി​ന് ആ​നു​പാ​തി​ക​മാ​യി ബാ​ങ്കു​ക​ൾ പ​ലി​ശ കു​റ​യ്ക്കു​ന്നി​ല്ല. ഫെ​ബ്രു​വ​രി​യി​ൽ റീ​പോ കാ​ൽ​ശ​ത​മാ​നം കു​റ​ച്ചു. ഏ​താ​നും ബാ​ങ്കു​ക​ൾ മാ​ത്രം പ​ലി​ശ കു​റ​ച്ചു. അ​തും 0.1 ശ​ത​മാ​നം മാ​ത്രം. ഇ​പ്പോ​ഴും അ​ങ്ങ​നെ​യൊ​ക്കെ​യേ സം​ഭ​വി​ക്കൂ.

പ​ലി​ശ നി​ശ്ച​യി​ക്കാ​ൻ ബാ​ഹ്യ മാ​ന​ദ​ണ്ഡം വ​യ്ക്ക​ണ​മെ​ന്നു റി​സ​ർ​വ് ബാ​ങ്ക് നി​ർ​ദേ​ശി​ച്ച​തും പ്രാ​വ​ർ​ത്തി​ക​മാ​യി​ല്ല. അ​തു ന​ട​പ്പാ​ക്കി​യാ​ലും എ​ത്ര ശ​ത​മാ​നം ലാ​ഭ മാ​ർ​ജി​ൻ വേ​ണ​മെ​ന്ന​തു ബാ​ങ്കു​ക​ൾ ത​ന്നെ തീ​രു​മാ​നി​ക്കു​ന്പോ​ൾ ഉ​പ​യോ​ക്താ​ക്ക​ൾ​ക്കു നേ​ട്ട​മി​ല്ല. മ​റി​ച്ച് പ​ലി​ശ കൂ​ടു​ന്ന പ്ര​വ​ണ​ത​യൊ​ണെ​ങ്കി​ൽ നി​ര​ക്കു​ക​ൾ മു​ന്നേ ക​യ​റും.

ഇ​ന്ന​ല​ത്തെ കു​റ​യ്ക്ക​ലോ​ടുകൂ​ടി റീ​പോ നി​ര​ക്ക് 2010-നു​ശേ​ഷ​മു​ള്ള ഏ​റ്റ​വും താ​ണ നി​ര​ക്കി​ലാ​യി. ദാ​സ് ഗ​വ​ണ​റാ​യ ശേ​ഷ​മു​ള്ള ര​ണ്ടാ​മ​ത്തെ കു​റ​യ്ക്ക​ലാ​ണി​ത്. ഇ​പ്പോ​ൾ പ​ണ​ന​യ കാ​ഴ്ച​പ്പാ​ട് “ന്യൂ​ട്ര​ൽ’’ ആ​ണെ​ന്നാ​ണു ഗ​വ​ർ​ണ​ർ പ​റ​യു​ന്ന​ത്. കാ​ല​വ​ർ​ഷ​ത്തെ​പ്പ​റ്റി​യു​ള്ള അ​നി​ശ്ചി​ത​ത്വ​മാ​ണു കാ​ര​ണം.

വാ​ണി​ജ്യ ബാ​ങ്കു​ക​ൾ റി​സ​ർ​വ് ബാ​ങ്കി​ന്‍റെ നി​ര​ക്കു കു​റ​യ്ക്ക​ൽ വേ​ഗം പ്ര​തി​ഫ​ലി​പ്പി​ക്ക​ണ​മെ​ന്നു ദാ​സ് പ​റ​യു​ന്നു​ണ്ട്. പ​ക്ഷേ എ​ന്തു ചെ​യ്യു​മെ​ന്നു പ​റ​ഞ്ഞി​ട്ടി​ല്ല. സു​പ്രീം​കോ​ട​തി വി​ധി മൂ​ലം കി​ട്ടാ​ക്ക​ടം പി​ടി​ക്കാ​നു​ള്ള ശ്ര​മ​ത്തി​നു തി​രി​ച്ച​ടി ഉ​ണ്ടാ​യെന്നു ഗ​വ​ർ​ണ​ർ സ​മ്മ​തി​ക്കു​ന്നു. പ​ക്ഷേ അ​തു മ​റിക​ട​ക്കാ​നു​ള്ള മാ​ർ​ഗ​ത്തെ​പ്പ​റ്റി അ​ദ്ദേ​ഹം ഒ​ന്നും പ​റ​ഞ്ഞി​ല്ല.

റീ​പോ​യും റി​വേ​ഴ്സ് റീ​പോ​യും

റീ​പോ നി​ര​ക്ക്: ബാ​ങ്കു​ക​ൾ അ​ടി​യ​ന്ത​ര ഘ​ട്ട​ത്തി​ൽ റി​സ​ർ​വ് ബാ​ങ്കി​ൽ ക​ട​പ്പ​ത്ര​ങ്ങ​ൾ ഈ​ടു​വ​ച്ച് എ​ടു​ക്കു​ന്ന ഏ​ക​ദി​ന വാ​യ്പ​യു​ടെ പ​ലി​ശ. ഇ​തി​പ്പോ​ൾ
ആ​റു​ശ​ത​മാ​ന​മാ​ക്കി.

റി​വേ​ഴ്സ് റീ​പോ: ബാ​ങ്കു​ക​ൾ മി​ച്ച പ​ണം റി​സ​ർ​വ് ബാ​ങ്കി​ൽ നി​ക്ഷേ​പി​ക്കു​ന്പോ​ൾ ല​ഭി​ക്കു​ന്ന പ​ലി​ശ. ഇ​ത് 5.75 ശ​ത​മാ​ന​മാ​ക്കി.

ഇ​ന്ന​ലെ ന​ട​ന്ന​ത്

റി​സ​ർ​വ് ബാ​ങ്ക് റീ​പോ നി​ര​ക്ക് കാ​ൽ​ശ​ത​മാ​നം കു​റ​ച്ചു. പ​ണ​ന​യ ക​മ്മി​റ്റി​യി​ൽ നാ​ലു​പേ​ർ ഇ​തി​നെ അ​നു​കൂ​ലി​ച്ചു. ര​ണ്ടു​പേ​ർ കു​റ​യ്ക്ക​ണ്ട എ​ന്നു വാ​ദി​ച്ചു.

രൂ​പ​യ്ക്ക് ഇ​ടി​വ്

മും​ബൈ: ക​ഴി​ഞ്ഞ ദി​വ​സ​ങ്ങ​ളി​ൽ ഡോ​ള​റി​നെ​തി​രേ ഉ​യ​ർ​ന്നുപോ​ന്ന രൂ​പ ഇ​ന്ന​ലെ താ​ഴോ​ട്ടു​പോ​യി. ഡോ​ള​ർ നി​ര​ക്ക് 76 പൈ​സ കൂ​ടി 69.17 രൂ​പ​യാ​യി. മൂ​ന്നു ദി​വ​സം കൊ​ണ്ട് 92 പൈ​സ ക​യ​റി​യ ശേ​ഷ​മാ​ണ് രൂ​പ ഇ​ന്ന​ലെ താ​ണ​ത്. റി​സ​ർ​വ് ബാ​ങ്ക് അ​ടി​സ്ഥാ​ന പ​ലി​ശ നി​ര​ക്ക് കു​റ​ച്ച​തും ഇ​തി​നു കാ​ര​ണ​മാ​യി.

ഫി​ച്ച് റേ​റ്റിം​ഗ് ഉ​യ​ർ​ത്തി​യി​ല്ല

ന്യൂ​ഡ​ൽ​ഹി: ആ​ഗോ​ള റേ​റ്റിം​ഗ് ഏ​ജ​ൻ​സി​യാ​യ ഫി​ച്ച് ഇ​ന്ത്യ​യു​ടെ റേ​റ്റിം​ഗ് ഉ​യ​ർ​ത്തി​യി​ല്ല. 2006-ൽ ​ന​ൽ​കി​യ ബി​ബി​ബി മൈ​ന​സ് ആ​ണ് ഇ​ന്ന​ലെ വീ​ണ്ടും ന​ൽ​കി​യ​ത്. സ​ർ​ക്കാ​രി​ന്‍റെ ധ​ന​നി​ല ഭ​ദ്ര​മ​ല്ലെ​ന്ന് ഏ​ജ​ൻ​സി വി​ല​യി​രു​ത്തി. നി​ക്ഷേ​പ​യോ​ഗ്യ​മാ​യ​വ​യി​ൽ ഏ​റ്റ​വും താ​ണ റേറ്റിം​ഗാ​ണ് ഇ​ന്ത്യ​യു​ടേ​ത്.

ഭ​ര​ണ​ത്തു​ട​ർ​ച്ച ഉ​റ​പ്പി​ല്ലെ​ന്ന മ​ട്ടി​ലാ​ണ് ഫി​ച്ചി​ന്‍റെ വി​ശ​ദീ​ക​ര​ണം. തെ​ര​ഞ്ഞെ​ടു​പ്പ് ക​ഴി​ഞ്ഞു​വ​രു​ന്ന ഭ​ര​ണ​കൂ​ട​ത്തി​ന്‍റെ ന​യം വ്യ​ക്ത​മാ​യ​ലേ ഹ്ര​സ്വ​കാ​ല വി​ല​യി​രു​ത്ത​ൽ സാ​ധി​ക്കൂ. ക​ഴി​ഞ്ഞ 30 വ​ർ​ഷ​ത്തി​നി​ടെ മാ​റി​മാ​റി വ​ന്ന സ​ർ​ക്കാ​രു​ക​ളെ​ല്ലാം സാ​ന്പ​ത്തി​ക പ​രി​ഷ്ക​ര​ണ​ങ്ങ​ളോ​ടു യോ​ജി​ക്കു​ന്ന​വ​യാ​യി​രു​ന്നെ​ന്നും ഫി​ച്ച് പ​റ​ഞ്ഞു.

ഇഎംഐ കുറയുന്നത് ഇങ്ങനെ

റീ​പോ നി​ര​ക്ക് കു​റ​ച്ചു. ഇ​തി​ന് ആ​നു​പാ​തി​ക​മാ​യി ബാ​ങ്കു​ക​ൾ വാ​യ്പ പ​ലി​ശ കു​റ​ച്ചാ​ൽ പ്ര​തി​മാ​സ ഗ​ഡു​വി​ൽ (ഇ​എം​ഐ) വ​രു​ന്ന കു​റ​വ് ഇ​ങ്ങ​നെ.

ഭ​വ​ന​വാ​യ്പ

തു​ക: 30 ല​ക്ഷം രൂ​പ
കാ​ലാ​വ​ധി: 15 വ​ർ​ഷം
പ​ലി​ശ ഇ​പ്പോ​ൾ: 8.75 ശ​ത​മാ​നം
ഇ​എം​ഐ: 29,983 രൂ​പ
പലിശ 0.25 ശതമാനം
കുറഞ്ഞാൽ
ഇഎംഐ: 29,542 രൂപ
കു​റ​വ് 441 രൂ​പ

വാ​ഹ​ന വാ​യ്പ

തു​ക : 5 ല​ക്ഷം രൂ​പ
കാ​ലാ​വ​ധി: ഏ​ഴു വ​ർ​ഷം
പ​ലി​ശ: 9.25 ശ​ത​മാ​നം
ഇ​എം​ഐ: 8,108 രൂ​പ

പ​ലി​ശ 9 ശ​ത​മാ​നം ആ​യാ​ൽ
ഇ​എം​ഐ: 8044 രൂ​പ
കു​റ​വ്: 64 രൂ​പ

തു​ക : 10 ല​ക്ഷം
കാ​ലാ​വ​ധി: 7 വ​ർ​ഷം
പ​ലി​ശ: 9.25 ശ​ത​മാ​നം
ഇ​എം​ഐ: 16,216 രൂ​പ

പ​ലി​ശ: 9 ശ​ത​മാ​നം
ഇ​എം​ഐ: 16,089 രൂ​പ
കു​റ​വ്: 127 രൂ​പ

മി​ക്ക ബാ​ങ്കു​ക​ളും നി​ര​ക്ക് മാ​റ്റ​ത്തി​ന്‍റെ ഫ​ലം അ​പ്പോ​ൾത​ന്നെ ഇ​ട​പാ​ടു​കാ​ർ​ക്കു ന​ൽ​കി​ല്ല. വ​ർ​ഷ​ത്തി​ൽ ഒ​രു ത​വ​ണ​യാ​ണ് അ​വ നി​ര​ക്ക് മാ​റ്റു​ക.

സാ​ധാ​ര​ണ ബാ​ങ്കു​ക​ൾ നി​ര​ക്കു മാ​റ്റു​ന്ന​തി​നു പ​ക​രം കാ​ലാ​വ​ധി കൂ​ട്ടു​ക​യോ കു​റ​യ്ക്കു​ക​യോ ആ​ണു ചെ​യ്യു​ന്ന​ത്.

റ്റി.​സി.​മാ​ത്യു