ഓടുന്ന ട്രെയിനില്‍ യുവനടിയെ അപമാനിക്കാന്‍ ശ്രമിച്ച യുവാവ് അറസ്റ്റില്‍. ഇന്നലെ രാത്രി മാവേലി എക്സ്പ്രസില്‍ തൃശൂരില്‍ വച്ചാണ് സംഭവം. ട്രെയിന്‍ യാത്രക്കാരനായ യുവാവിനെയാണ് നടിയുടെ പരാതിയില്‍ പിടികൂടിയത്. യുവാവ് തന്നോട് അപമര്യാദയായി പെരുമാറുകയായിരുന്നുവെന്ന് കാണിച്ച് നടി പോലീസിന് പരാതി നല്‍കുകയായിരുന്നു. യുവാവിനെ ചോദ്യം ചെയ്തുവരികയാണെന്ന് പോലീസ് അറിയിച്ചു.
Read More
നരേന്ദ്രമോദി സര്‍ക്കാരിന്റെ അഞ്ചാമത് ബജറ്റ് ഇന്ന്. രാവിലെ 11 ന് ധനമന്ത്രി അരുണ്‍ ജയ്റ്റ്ലി ബജറ്റ് അവതരിപ്പിക്കും. ജി.എസ്.ടി. നടപ്പാക്കിയതിനുശേഷമുള്ള ആദ്യ ബജറ്റ്കൂടിയാകും ഇത്. പൊതുതെരഞ്ഞെടുപ്പിനും എട്ടു സംസ്ഥാനങ്ങളിലെ നിയമസഭാ തെരഞ്ഞെടുപ്പിനും മുമ്പുള്ള ബജറ്റ് ഭരണകക്ഷിയായ ബി.ജെ.പിക്ക് ഏറെ നിര്‍ണായകമാണ്. ഗുജറാത്ത് തെരഞ്ഞെടുപ്പില്‍ ബി.ജെ.പി. നേരിട്ട പ്രതിസന്ധിയുടെ പശ്ചാത്തലത്തില്‍ കാര്‍ഷികമേഖലയെ തുണയ്ക്കുന്ന ബജറ്റാകും ധനമന്ത്രി അരുണ്‍ ജയ്റ്റ്ലി അവതരിപ്പിക്കുക എന്നാണ് സൂചന. ചെറുകിട വ്യവസായികളായിരുന്നു ബി.ജെ.പി. വോട്ട് ബാങ്കിനെ സ്വാധീനിച്ചിരുന്ന ഒരു ഘടകം. ചരക്കുസേവന നികുതിയും നോട്ടുനിരോധനവും ഈ രംഗത്തു തിരിച്ചടിക്കു വഴിവച്ചു. ഈ സാഹചര്യത്തില്‍ ഇവരെ സുഖിപ്പിക്കുന്ന നിര്‍ദേശങ്ങളും ബജറ്റിലുണ്ടാകും. ഒരുവശത്ത് സാമ്പത്തിക നിയന്ത്രണം പാലിക്കാന്‍ നിര്‍ബന്ധിതമാകുമ്പോള്‍ മറുവശത്ത് കാര്‍ഷികരംഗത്തെ മാന്ദ്യം അകറ്റലും തൊഴിലവസരങ്ങള്‍ സൃഷ്ടിക്കലും സാമ്പത്തികവളര്‍ച്ചാ ഇടിവുമൊക്കെ സര്‍ക്കാരിനു കീറാമുട്ടിയാകും. തെരഞ്ഞെടുപ്പിന് ഒരുങ്ങുന്ന എട്ടു സംസ്ഥാനങ്ങളില്‍ ബി.ജെ.പി. ഭരണത്തിലുള്ള മൂന്നു വലിയ സംസ്ഥാനങ്ങളുമുണ്ട്. ഇവിടെയൊക്കെ…
Read More
ന്യൂഡൽഹി: സഞ്ജയ് ലീല ബെൻസാലിയുടെ വിവാദ ചിത്രം “പദ്മാവത്’ വെള്ളിത്തിരയിൽ വിജയഗാഥ തുടരവെ വീണ്ടും വിമർശനങ്ങളും പരിഹാസവുമായി രജപുത്ര കർണിസേന. ചിത്രം കണ്ട ചരിത്രകാരന്മാർ പോലും “പദ്മാവതി’നെക്കുറിച്ച് മികച്ച അഭിപ്രായം പറഞ്ഞതിനു പിന്നാലെയാണ് കർണിസേന വിമർശനവുമായി രംഗത്തെത്തിയത്. “പദ്മാവതി’ൽ, ചരിത്രത്തിന് കോട്ടം തട്ടുന്ന തരത്തിലോ, ചരിത്രത്തെ വളച്ചൊടിക്കുന്ന തരത്തിലോ ഒന്നുമില്ലെന്നായിരുന്നു ചിത്രം കണ്ട ചരിത്രകാരന്മാരും മറ്റ് ചരിത്ര അധ്യാപകരും വിലയിരുത്തിയത്. എന്നാൽ, സണ്ണി ലിയോണിനെ പോലും ആരാധിക്കുന്ന നാട്ടിൽ ചിത്രം വിജയിച്ചതിൽ അത്ഭുതം ഇല്ലെന്നായിരുന്നു കർണിസേന നേതാക്കളുടെ പ്രതികരണം. ചിത്രം ചരിത്രത്തെ വളച്ചൊടിക്കുന്നില്ലെന്ന് എങ്ങനെയാണ് അവർക്ക് പറയാൻ കഴിയുകയെന്ന് കർണിസേനാ വക്താവ് വിജേന്ദ്ര സിംഗ് ചോദിച്ചു. ഗർഭിണിയായ സ്ത്രീകൾ സതി ആചരിക്കാറില്ലായിരുന്നു. എന്നാൽ ചിത്രം മറിച്ചാണ് പറയുന്നത്. 55 കാരനായ അലാവുദ്ദീൻ ഖിൽജിക്കു പകരം 25കാരനായ ഖിൽജിയെയാണ് ചിത്രീകരിച്ചിരിക്കുന്നത്. ചിത്തോർഗഡ് കോട്ടയുടെ വാതിലുകൾ ഖിൽജി ഒരിക്കലും തകർത്തിട്ടില്ല.…
Read More
ചാലക്കുടി: കഴിഞ്ഞ ദിവസം അറസ്റ്റിലായ അന്തർസംസ്ഥാന ലോറിമോഷണ സംഘത്തെ റിമാൻഡ് ചെയ്തു. നോർത്ത് പറവൂർ കളരിത്തറ ടോറസ് ബൈജു എന്ന ബൈജു (44), തമിഴ്നാട് പെരന്പല്ലൂർ ശെൽവകുമാർ എന്ന് ആൾട്ടറേഷൻ ശെൽവം (38) എന്നിവരെയാണ് തമിഴ്നാട്ടിലെ പെരന്പല്ലൂർ കൗൾപാളയത്തുനിന്നു ചാലക്കുടി എസ്ഐ ജയേഷ്ബാലനും സംഘവും അറസ്റ്റുചെയ്തത്. ചാലക്കുടി പോട്ടയിൽനിന്നും കഴിഞ്ഞ സെപ്റ്റംബറിൽ മോഷണം പോയ ടോറസ് ലോറിയെപ്പറ്റി ചാലക്കുടി ഡിവൈഎസ്പി സി.എസ്.ഷാഹുൽ ഹമീദിന്‍റെ നേതൃത്വത്തിൽ പ്രത്യേക സംഘം രൂപീകരിച്ച് നടത്തിയ അന്വേഷണത്തിനൊടുവിലാണ് ഇവരെ പിടികൂടാനായത്. പകൽസമയം കാറിൽ ഹൈവേകൾ കേന്ദ്രീകരിച്ച് കറങ്ങുന്ന സംഘം വാഹനങ്ങൾ കണ്ടുവച്ച് രാത്രിയിൽ അവിടെയെത്തി മോഷണം നടത്തി തമിഴ്നാട്ടിലേക്കു കടക്കുകയാണ് പതിവ്. തമിഴ്നാട്ടിൽ കളവുലോറികൾ വാങ്ങുന്നവരുടെ ഓർഡർപ്രകാരം വിവിധ മോഡൽ ലോറികൾ തേടിനടന്നു മോഷ്ടിക്കുന്നതും ഇവരുടെ പ്രത്യേകതയാണ്. പെരന്പല്ലൂർ സ്വദേശിയായ ഒരു വാഹനബ്രോക്കറുടെ ആവശ്യപ്രകാരം അശോക് ലൈലാൻഡ് ടോറസ് ടിപ്പർ മോഷണം നടത്താൻ…
Read More
കണ്ണൂർ: ലണ്ടനിൽ പഠിക്കുന്ന അമേരിക്കൻ പൗരനാണെന്നും പാസ്പോർട്ടും പണമടങ്ങിയ പേഴ്സും നഷ്ടപ്പെട്ടുവെന്നും കാണിച്ച് പണം തട്ടുകയും കൂടുതൽ പണം തട്ടാൻ ശ്രമിക്കുകയും ചെയ്ത യുവാവ് പിടിയിൽ. ഡൽഹി കിർകി ബ്ലോക്ക് ജംഗ്ഷനിൽ എൽവിസ് മെന്‍റാന (33) യെയാണ് ഇന്നുരാവിലെ പള്ളിക്കുന്ന് ശ്രീപുരത്തിനു സമീപം വച്ച് പള്ളി വികാരിയുടെ വേഷത്തിലെത്തിയ പോലീസ് പിടികൂടിയത്. കാസർഗോഡ് പടിഞ്ഞാറത്ത് ഡോൺബോസ്കോ പള്ളിയിലെ ഫാ. ജയിംസ് പ്ലാക്കാട്ടിൽ നിന്നും 4500 രൂപ കൈപ്പറ്റിയശേഷം കൂടുതൽ പണം വേണമെന്ന് ആവശ്യപ്പെട്ട് ഇയാൾ മൊബൈലിൽ സന്ദേശമയച്ചിരുന്നു. ഈമാസം 26 നാണ് പടിഞ്ഞാറത്തെ പള്ളിയിലെത്തിയ എൽവിസ് ഫാ. ജയിംസിനോട് പാസ്പോർട്ടും പണവും നഷ്ടപ്പെട്ട കാര്യം പറഞ്ഞ് പണം ആവശ്യപ്പെട്ടത്. എൻഫീൽഡ് ബൈക്കിലാണ് ഇയാൾ ഇവിടെ എത്തിയിരുന്നത്. ബാങ്കിലെ അക്കൗണ്ട് നന്പർ വേണമെന്നും ഇയാൾ ആവശ്യപ്പെട്ടിരുന്നു. ഇതുപ്രകാരം ഡോൺബോസ്കോയിലെ ഒരു വിദ്യാർഥിയുടെ അക്കൗണ്ട് നന്പർ എൽവിസിനു നൽകുകയും ചെയ്തു.…
Read More
തൊടുപുഴ: വീട്ടിൽ കുട്ടികളുണ്ടോ സൂക്ഷിച്ചോണേ!. തൊടുപുഴ നഗരത്തിൽ കഴിഞ്ഞ ദിവസം അർധരാത്രിയിൽ സ്റ്റിക്കർ പതിഞ്ഞതു കണ്ടു പരിഭ്രാന്തരായി വീട്ടുകാർ പോലീസ് സ്റ്റേഷനിലേക്കു വിളിച്ചപ്പോൾ ലഭിച്ച മറുപടി ഇതാണെന്നു നാട്ടുകാർ. സാധാരണക്കാർക്കു ഉയർന്ന് പോലീസ് ഓഫീസർമാരുടെ നന്പർ അറിയാത്തതു കൊണ്ട് സ്റ്റേഷനിലേക്ക് വിളിച്ചതാണ്. ഫോണെടുത്ത പോലീസുകാരൻ ഏതായാലും നല്ല ഉപദേശം നൽകി. ഇതോടെ ഭയന്നു പോയതു വീട്ടുകാരാണ്. ഫോണ് വിളിച്ചുവെന്നും ഫോണിൽ കിട്ടിയ മറുപടി ഇതാണെന്നു നാട്ടുകാരുടെ ഇടയിൽ നടക്കുന്ന പ്രചാരണം ഇതാണ്. പലപ്പോഴും അഭ്യൂഹമായിരിക്കുമെന്നും നാട്ടുകാരിൽ ചിലർ വെളിപ്പെടുത്തുന്നു. തൊടുപുഴ പോലീസ് സ്റ്റേഷനിൽനിന്നും തിങ്കളാഴ്ച രാത്രി ഈ പ്രദേശത്തേക്കു വരാത്തതും ഈ പ്രചാരണത്തിനാക്കം കൂട്ടുന്നു.എന്നാൽ പോലീസ് ഇതു നിഷേധിച്ചു. സ്റ്റേഷനിൽ ഇല്ലാത്ത ഒരു പോലീസുകാരനെയാണ് വിവരമറിയിച്ചതെന്നും ഇയാൾ നൽകിയ വിവരമനുസരിച്ച് മുട്ടം പോലീസ് എത്തിയെന്നും തൊടുപുഴ പോലീസ് പറഞ്ഞു. മുട്ടത്തു നിന്നും എത്തിയ പോലീസ് വാഹനം നാട്ടിലൂടെ…
Read More
കൊച്ചി: കൊച്ചി വൈപ്പിനിൽ മാനസികാസ്വാസ്ഥ്യമുള്ള വീട്ടമ്മയേയും തടയാൻ ചെന്ന പതിനേഴുകാരിയായ മകളെയും മർദിച്ച സംഭവത്തിൽ മൂന്നു പേർ അറസ്റ്റിൽ. പള്ളിപ്പുറം വീട്ടിൽ ലിജി അഗസ്റ്റിൻ, മോളി, ഡീന എന്നിവരാണ് അറസ്റ്റിലായത്. വീട്ടമ്മയുടെ ഭർത്താവ് നൽകിയ പരാതിയിലാണ് നടപടി. വൈപ്പിൻ കോണ്വന്റ് കിഴക്ക് വിയറ്റ്നാം കോളനിയിലെ വീട്ടമ്മയ്ക്കും മകൾക്കുമാണ് അയൽവാസികളുടെ മർദനമേറ്റത്. ഞായറാഴ്ച രാത്രിയിലും തിങ്കളാഴ്ച രാവിലെയുമായിരുന്നു മർദനം. വീട്ടമ്മയുടെ തലയ്ക്കും ശരീരത്തിനും കാലിനും പരിക്കുണ്ട്. ഇവർക്ക് മുനന്പം ആശുപത്രിയിൽ പ്രാഥമിക ശുശ്രൂഷ നൽകി. വീട്ടമ്മയ്ക്ക് മാനസികവിഭ്രാന്തിയുള്ളതിനാൽ അഡ്മിറ്റ് ചെയ്തില്ല. മകൾക്ക് കൈയ്ക്കു പരിക്കേറ്റു. തിങ്കളാഴ്ച രാവിലെ അയൽവാസികളുടെ മർദനത്തിൽ നിലത്തുവീണ ഇവരുടെ കാല്പ്പാദത്തിൽ തീയിൽ കാട്ടി ചൂടാക്കിയ ചട്ടുകംവച്ച് പൊള്ളിച്ചതോടെ വേദനകൊണ്ട് ഇവർ കായലിലേക്ക് ചാടി. സംഭവത്തിന്‍റെ ദൃശ്യങ്ങൾ മാധ്യമങ്ങളിലൂടെ പുറത്തുവന്നിരുന്നു. ഇതേതുടർന്നാണ് ഭർത്താവ് പോലീസിൽ പരാതി നൽകിയത്.
Read More
മുംബൈ: ബോളിവുഡ് നടി ജിയാ ഖാൻ ജീവനൊടുക്കിയ സംഭവത്തിൽ സുഹൃത്ത് സൂരജ് പഞ്ചോളിക്കെതിരേ ആത്മഹത്യാ പ്രേരണാക്കുറ്റം ചുമത്തി. മുംബൈയിലെ സെഷൻസ് കോടതിയാണ് കുറ്റം ചുമത്തിയത്. താൻ തെറ്റുകാരനല്ലെന്ന സൂരജിന്‍റെ വാദം കോടതി തള്ളി. നടൻ ആദിത്യ പഞ്ചോളിയുടെയും സെറീന വഹാബിന്‍റെയും മകനാണ് സൂരജ് പഞ്ചോളി. 2013 ജൂണ്‍ 13നാണ് ജിയാ ഖാനെ മുംബൈയിലെ ജൂഹുവിലുള്ള അപ്പാർട്ട്മെന്‍റിനുള്ളിൽ മരിച്ച നിലയിൽ കണ്ടെത്തിയത്. ജിയയുടെ മരണത്തെ തുടർന്ന് കാമുകനായ സൂരജ് പാഞ്ചോളിയെ പോലീസ് കസ്റ്റഡിയിലെടുത്തിരുന്നു. സിബിഐ നടത്തിയ അന്വേഷണത്തിൽ ജിയാ ഖാൻ ജീവനൊടുക്കിയതു തന്നെയെന്നു കണ്ടെത്തി. ജിയയുടെ കാമുകനായിരുന്ന സൂരജ് പഞ്ചോളിയുമായുള്ള ബന്ധത്തിലെ പ്രശ്നങ്ങളാണ് മരണത്തിലേക്കു നയിച്ചതെന്നു സിബിഐ കുറ്റപത്രത്തിൽ ചൂണ്ടികാട്ടുന്നു. കൊലപാതകമല്ലെന്ന് വ്യക്തമായ സാഹചര്യത്തിൽ സൂരജ് പഞ്ചോളിക്കെതിരെ സിബിഐ ആത്മഹത്യാ പ്രേരണക്കുറ്റം ചുമത്തുകയായിരുന്നു. ജിയ ജീവനൊടുക്കുന്നതിന് തൊട്ടുമുന്പ് സൂരജുമായാണ് ഫോണിൽ സംസാരിച്ചത്. കേസിൽ സൂരജ് ഉൾപ്പെടെ 22 പ്രതികളാണ്…
Read More
ഹൈദരാബാദ്: വെട്ടിമുറിച്ച് ബാഗിലാക്കിയ നിലയിൽ അജ്ഞാത സ്ത്രീയുടെ മൃതദേഹം കണ്ടെത്തി. ഹൈദരാബാദിലെ കൊണ്ടാപുർ ബൊട്ടാണിക്കൽ ഗാർഡനു സമീപത്തെ റോഡിലാണ് ബാഗിലാക്കിയ നിലയിൽ മൃതദേഹഭാഗങ്ങൾ കണ്ടെത്തിയത്. ഒരു ബാഗിൽ തലയും കൈകളും മറ്റൊരു ബാഗിൽ ഉടലുമാണ് കണ്ടെത്തിയതെന്ന് മധേപുർ ഡിവിഷൻ എസിപി എൻ.ശ്യാംപ്രസാദ് റാവു പറഞ്ഞു. 20-30 വയസിനിടയിൽ പ്രായമുള്ള സ്ത്രീയുടെ മൃതദേഹമാണ് ഇതെന്നാണു പോലീസിന്റെ പ്രാഥമിക നിഗമനം. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. കണ്ടെത്തിയ മൃതദേഹഭാഗങ്ങൾ ഫോറൻസിക് പരിശോധനയ്ക്ക് അയച്ചു. കഴിഞ്ഞ ദിവസം തെലങ്കാനയിലെ നൽഗൊണ്ടയിൽ പുരുഷന്‍റെ തലയില്ലാത്ത ഉടൽ കണ്ടെത്തിയിരുന്നു.
Read More
തിരുവനന്തപുരം: ബുധനാഴ്ച ആരംഭിക്കാനിരുന്ന അനിശ്ചിതകാല ബസ് സമരം മാറ്റി. മുഖ്യമന്ത്രി പിണറായി വിജയനുമായി കേരള സ്റ്റേറ്റ് പ്രൈവറ്റ് ബസ് ഓപ്പറേറ്റേഴ്സ് കോണ്ഫെഡറേഷൻ ഭാരവാഹികൾ നടത്തിയ ചർച്ചയിലാണ് തീരുമാനം. ബുധനാഴ്ച ചേരുന്ന മന്ത്രിസഭാ യോഗത്തിലും തുടർന്നു നിയമസഭയിലും വിഷയം ചർച്ച ചെയ്യുമെന്നും സർക്കാർ വിഷയം അനുഭാവപൂർവം പരിഗണിക്കുമെന്നും ഉറപ്പ് നൽകിയതിന്‍റെ പശ്ചാത്തലത്തിലാണ് പണിമുടക്ക് പിൻവലിക്കാൻ തീരുമാനിച്ചതെന്ന് സംഘടനാ ഭാരവാഹികൾ മാധ്യമങ്ങളെ അറിയിച്ചു. വിദ്യാർഥികളുടെ യാത്രാനിരക്ക് ഉൾപ്പെടെയുള്ള ബസ് ചാർജ് നിരക്കു വർധിപ്പിക്കണമെന്നാവശ്യപ്പെട്ടാണ് സ്വകാര്യ ബസ് ഉടമകളുടെ സംഘടകൾ പണിമുടക്ക് പ്രഖ്യാപിച്ചത്. 140 കിലോമീറ്ററിൽ കൂടുതൽ ദൈർഘ്യമുള്ള സ്വകാര്യ ബസ് പെർമിറ്റുകൾ റദ്ദുചെയ്ത നടപടി പിൻവലിക്കുക, വർധിപ്പിച്ച റോഡ് ടാക്സും ഇൻഷ്വറൻസ് പ്രീമിയവും പിൻവലിക്കുക, പെട്രോളിയം ഉത്പന്നങ്ങളെ ചരക്കുസേവന നികുതിയുടെ പരിധിയിൽ കൊണ്ടുവരിക തുടങ്ങിയ ആവശ്യങ്ങളും സംഘടനകൾ ഉന്നയിക്കുന്നു.
Read More