എല്ലാ നിയമസഭാ മണ്ഡലങ്ങളിലും പര്യടനത്തിനൊരുങ്ങി മുഖ്യമന്ത്രി ഉൾപ്പെടെയുള്ള മന്ത്രിമാർ. നവകേരള നിര്മ്മിതിയുടെ ഭാഗമായി സര്ക്കാര് ഉണ്ടാക്കിയ മുന്നേറ്റത്തെക്കുറിച്ച് ജനങ്ങളുമായി കൂടുതല് സംവദിക്കുന്നതിനാണ് പര്യടനമെന്നു മുഖ്യമന്തി പറഞ്ഞു. ജനാധിപത്യത്തിന്റെ അർത്ഥ തലങ്ങൾ സമ്പൂർണ്ണതയിലെത്തിക്കാനുള്ള ക്രിയാന്മക മുന്നേറ്റമാണ് നവകേരള സദസ്സ്. നവംബര് 18 ന് മഞ്ചേശ്വരത്ത് തുടക്കം കുറിക്കുമെന്നും മുഖ്യമന്ത്രി അറിയിച്ചു. ജനങ്ങളുടെ പ്രശ്നങ്ങളും പ്രതീക്ഷകളും ആശയങ്ങളും അടുത്തറിയുന്നതിനു ഇത് സഹായിക്കുമെന്നും മുഖ്യമന്ത്രി പറഞ്ഞു. ഫേസ്ബുക്ക് പോസ്റ്റിലൂടെയാണ് ഈ കാര്യം അറിയിച്ചത്. ഫേസ്ബുക്ക് പോസ്റ്റ് കാണാം…നവകേരള നിര്മ്മിതിയുടെ ഭാഗമായി സര്ക്കാര് ഉണ്ടാക്കിയ മുന്നേറ്റത്തെക്കുറിച്ച് ജനങ്ങളുമായി കൂടുതല് സംവദിക്കുന്നതിനും ജനങ്ങളുടെ പ്രശ്നങ്ങളും പ്രതീക്ഷകളും ആശയങ്ങളും അടുത്തറിയുന്നതിനും മുഖ്യമന്ത്രി എന്ന നിലയിൽ ഞാനും മന്ത്രിസഭ ആകെയും എല്ലാ നിയമസഭാ മണ്ഡലങ്ങളിലും പര്യടനം നടത്തും. നവകേരള സദസ്സ് എന്ന പേരിൽ സംഘടിപ്പിക്കുന്ന വിപുലമായ പരിപാടി ജനാധിപത്യത്തിന്റെയും ഭരണ നിർവ്വഹണത്തിന്റെയും ചരിത്രത്തിൽ പുതുമയുള്ളതാണ്. സമാനതകളില്ലാത്തതുമാണ്. ജനാധിപത്യത്തിന്റെ…
Read MoreCategory: Loud Speaker
സംഘപരിവാറിന് വേണ്ടി പ്രവര്ത്തിക്കുന്ന ഇടനിലക്കാരന്റെ റോളിലേക്ക് കേരള മുഖ്യമന്ത്രി അധഃപതിച്ചു;വി.ഡി. സതീശൻ
കേരള മുഖ്യമന്ത്രി സംഘപരിവാറിന് വേണ്ടി പ്രവര്ത്തിക്കുന്ന ഇടനിലക്കാരന്റെ റോളിലേക്ക് അധഃപതിച്ചെന്ന് പ്രതിപക്ഷ നേതാവ് വി.ഡി. സതീശൻ. എന്ഡിഎയുടെ ഘടകകക്ഷിയായ ജെഡിഎസിനോട് മാറി നില്ക്കണമെന്ന് പറയാനുള്ള രാഷ്ട്രീയ ആര്ജ്ജവം പിണറായി വിജയനും സിപിഎമ്മിനുമില്ലന്നും അദ്ദേഹം കൂട്ടി ചേർത്തു. ഫേസ്ബുക്ക് കുറിപ്പിലൂടെയാണ് പ്രതിപക്ഷ നേതാവിന്റെ പരാമർശം. ഫേസ്ബുക്ക് പോസ്റ്റിന്റെ പൂർണ രൂപം… ജെ.ഡി.എസിനെ മന്ത്രിസഭയില് തുടരാന് അനുവദിച്ചതും എല്.എഡിഫിന്റെ ഘടകകക്ഷിയായി നിലനിര്ത്തിയിരിക്കുന്നതും പിണറായി വിജയന്റെ മഹാമനസ്കതയെന്നാണ് എച്ച്.ഡി കുമാരസ്വാമി പറഞ്ഞത്. അതുതന്നെയാണ് ദേവഗൗഡ ഇന്നലെ പറഞ്ഞതും. എന്.ഡി.എ സഖ്യത്തില് ചേര്ന്നതുള്പ്പെടെ എല്ലാം പിണറായിയുടെ അറിവോടെയും സമ്മതത്തോടെയുമായിരുന്നെന്ന ദേവഗൗഡയുടെ വെളിപ്പെടുത്തല് അടിവരയിടുന്നതാണ് കുമാരസ്വാമിയുടെ പ്രസ്താവന. കേരള മുഖ്യമന്ത്രി സംഘപരിവാറിന് വേണ്ടി പ്രവര്ത്തിക്കുന്ന ഇടനിലക്കാരന്റെ റോളിലേക്ക് അധഃപതിച്ചെന്നാണ് ഈ രണ്ട് പ്രസ്താവനയും വ്യക്തമാക്കുന്നത്. ദേശീയതലത്തില് സംഘപരിവാറിനൊപ്പം പ്രവര്ത്തിക്കുന്ന രാഷ്ട്രീയ പാര്ട്ടിയാണ് ജെ.ഡി.എസ്. സംഘപരിവാറില് ചേര്ന്ന് ഒന്നരമാസമായിട്ടും സംസ്ഥാനത്ത് ജെ.ഡി.എസ് സി.പി.എം നേതൃത്വം നല്കുന്ന…
Read Moreഗർബ കളിക്കുന്നതിനിടെ 17കാരൻ ഹൃദയാഘാതത്തെ തുടർന്ന് മരിച്ചു
നവരാത്രി ആഘോഷങ്ങൾക്കിടയിൽ ഗർബ കളിക്കുന്നതിനിടെ പതിനേഴ് വയസുകാരൻ ഹൃദയാഘാതത്തെ തുടർന്ന് മരിച്ചു. ഗുജറാത്തിലെ ഖേഡ ജില്ലയിലാണ് സംഭവം. വീർ ഷാ കപദ്വഞ്ചിലെ ഗാർബ ഗ്രൗണ്ടിൽ ഗർബ കളിക്കുകയായിരുന്നു. തലകറക്കമുണ്ടായതിനെ തുടർന്ന് സംഭവസ്ഥലത്തുണ്ടായിരുന്ന സന്നദ്ധ പ്രവർത്തകരുടെ സംഘം ഉടൻ തന്നെ സിപിആർ നൽകി. തുടർന്ന് ആംബുലൻസിൽ ആശുപത്രിയിലേക്ക് കൊണ്ടുപോയി. എന്നാൽ ആശുപത്രിയിൽ വച്ച് കുട്ടി മരിക്കുകയായിരുന്നു.
Read More“അവസരം ലഭിച്ചാൽ ബിജെപി സർക്കാർ തന്നെയും അറസ്റ്റ് ചെയ്യും’; ഛത്തീസ്ഗഡ് മുഖ്യമന്ത്രി ഭൂപേഷ് ബാഗൽ
റായ്പുർ: അവസരം ലഭിച്ചാൽ കേന്ദ്ര സർക്കാർ തന്നെ അറസ്റ്റ് ചെയ്തേക്കുമെന്ന ആരോപണവുമായി ഛത്തീസ്ഗഡ് മുഖ്യമന്ത്രി ഭൂപേഷ് ബാഗൽ. ബിജെപി സർക്കാർ കേന്ദ്ര ഏജൻസികളെയും അധികാരവും ദുരൂപയോഗം ചെയ്യുകയാണെന്നും അദ്ദേഹം കുറ്റപ്പെടുത്തി. റായ്പുരിൽ എഎൻഐയോട് സംസാരിക്കവെയാണ് ബാഗൽ ഇക്കാര്യം പറഞ്ഞത്. എന്നെ അറസ്റ്റ് ചെയ്യാൻ അവർക്ക് അവസരമൊന്നും ലഭിക്കുന്നില്ല. അതിനാൽ അവർ അധികാരം ദുരുപയോഗം ചെയ്യുകയാണ്- ഭൂപേഷ് ബാഗൽ പറഞ്ഞു. ഗൂഢാലോചനയുടെ ഭാഗമായി എൻഫോഴ്സ്മെന്റ് ഡയറക്ടറേറ്റ് ഈ അടുത്ത കാലത്ത് നടത്തിയ നടപടിയെ കുറ്റപ്പെടുത്തിയ മുഖ്യമന്ത്രി, ബിജെപിക്ക് പൊതുജനങ്ങളെ ആകർഷിക്കാനുള്ള പരിപാടികളോ പദ്ധതികളോ ഇല്ലെന്നും അതിനാൽ അവർ സംസ്ഥാന സർക്കാരിനെ അപകീർത്തിപ്പെടുത്താൻ നിരന്തരം ശ്രമിക്കുകയാണെന്നും പറഞ്ഞു.
Read Moreഗഗൻയാൻ ദൗത്യം ആദ്യ ഘട്ടം വിജയകരമായി പൂർത്തിയാക്കിയത് അഭിമാനകരം;മുഖ്യമന്ത്രി പിണറായി വിജയൻ
മനുഷ്യനെ ബഹിരാകാശത്തെത്തിക്കാനുള്ള ഇന്ത്യയുടെ ഗഗൻയാൻ ദൗത്യത്തിന്റെ ആദ്യ ഘട്ടം വിജയകരമായി പൂർത്തിയാക്കിയത് ഏറെ അഭിമാനകരമായ കാര്യമെന്ന് മുഖ്യമന്ത്രി പിണറായി വിജയൻ. മനുഷ്യരെ 400 കിലോമീറ്റര് ഉയരെ ഭ്രമണപഥത്തില് എത്തിച്ച് താഴെ ഇറക്കുകയാണ് ഗഗന്യാന്റെ ദൗത്യം. ഫേസ്ബുക്ക് പോസ്റ്റിലൂടെയാണ് അദ്ദേഹം ആശംസകൾ അറിയിച്ചത്. ഇന്ത്യയുടെ ശാസ്ത്ര സാങ്കേതിക ഗവേഷണ രംഗത്തെ സുപ്രധാന ചുവടുവെപ്പാണിതെന്നും മുഖ്യമന്ത്രി കൂട്ടിചേർത്തു. ഫേസ്ബുക്ക് പോസ്റ്റിന്റെ പൂർണ രൂപം… മനുഷ്യനെ ബഹിരാകാശത്തെത്തിക്കാനുള്ള ഇന്ത്യയുടെ ഗഗൻയാൻ ദൗത്യത്തിന്റെ ആദ്യ ഘട്ടം വിജയകരമായി പൂർത്തിയാക്കിയത് ഏറെ അഭിമാനകരമായ കാര്യമാണ്. ഇന്ത്യയുടെ ശാസ്ത്ര സാങ്കേതിക ഗവേഷണ രംഗത്തെ സുപ്രധാന ചുവടുവെപ്പാണിത്. ഒരു സമൂഹമെന്ന നിലയിൽ നമ്മുടെ ശാസ്ത്രാവബോധത്തെ ശക്തിപ്പെടുത്താനും കൂടുതൽ സമഗ്രമായ വളർച്ച സാധ്യമാക്കാനും ഈ വിജയം ശക്തി പകരും. ആ മുന്നേറ്റത്തിന് ഈ പരീക്ഷണഫലം വലിയ ഊർജ്ജമാവും. ഈ ദൗത്യം വിജയകരമായി പൂർത്തിയാക്കാൻ പ്രയത്നിച്ച എല്ലാവർക്കും അഭിനന്ദനങ്ങൾ. ബഹിരാകാശ…
Read Moreപാനി പൂരി കഴിച്ച് ഭക്ഷ്യവിഷബാധ; സ്ത്രീകളും കുട്ടികളുമടക്കം 50 പേർക്ക് ഛർദിലും വയറിളക്കവും
വഴിയോരത്ത് നിന്ന് പാനി പൂരി കഴിച്ചതിനെ തുടർന്ന് കുട്ടികൾക്കും സ്ത്രീകൾക്കും ഭക്ഷ്യവിഷബാധ. ജാർഖണ്ഡിലെ കോഡെർമ ജില്ലയിലാണ് സംഭവം. ഇന്നലെ വൈകുന്നേരം ലോകായ് പഞ്ചായത്തിന് കീഴിലുള്ള ഗോസൈൻ തോലയിലെ ഒരു തെരുവ് കച്ചവടക്കാരന്റെ പക്കൽ നിന്ന് പാനിപൂരി കഴിച്ച് 40 ഓളം കുട്ടികളും 10 സ്ത്രീകളും ഭക്ഷ്യവിഷബാധയേറ്റതായി അഡീഷണൽ ചീഫ് മെഡിക്കൽ ഓഫീസർ അറിയിച്ചു. പാനി പൂരി കഴിച്ചതിന് ശേഷം കുട്ടികൾക്കും സ്ത്രീകൾക്കും ഛർദ്ദി, വയറിളക്കം തുടങ്ങിയവ ഉണ്ടായിരുന്നു. കൂടാതെ ബാക്ടീരിയ അണുബാധ ഉണ്ടെന്ന് കണ്ടെത്തി അവരെ കോഡെർമയിലെ സദർ ആശുപത്രിയിൽ എത്തിച്ചു. ഇവിടെ കഴിഞ്ഞ 24 മണിക്കൂർ ഇവർ നിരീക്ഷണത്തിലായിരുന്നുവെന്ന് ഉദ്യോഗസ്ഥർ പറഞ്ഞു. ആശുപത്രിയിലുള്ളവരുടെ ആരോഗ്യനില തൃപ്തികരമാണെന്നും വിൽപ്പനക്കാരന്റെ ബാക്കിയുള്ള ഭക്ഷണ സാധനങ്ങൾ കണ്ടുകെട്ടിയിട്ടുണ്ടെന്നും സാമ്പിളുകൾ പരിശോധനയ്ക്കായി റാഞ്ചിയിലേക്ക് അയച്ചിട്ടുണ്ടെന്നും അദ്ദേഹം കൂട്ടിച്ചേർത്തു.
Read Moreമലദ്വാരത്തിലൂടെയുള്ള ഗോൾഡ് കടത്ത് കൂടുന്നു; കണ്ണൂർ വിമാനത്താവളത്തിൽ ഹംസയിൽനിന്ന് പിടിച്ചെടുത്തത് 46 ലക്ഷത്തിന്റെ സ്വർണം
മട്ടന്നൂർ: കണ്ണൂർ രാജ്യാന്തര വിമാനത്താവളത്തിൽ നിന്നും സ്വർണം പിടികൂടി. 46 ലക്ഷം രൂപ വരുന്ന 753 ഗ്രാം സ്വർണമാണ് പിടികൂടിയത്. ഇന്നു പുലർച്ചെ ഷാർജയിൽ നിന്നും എയർ ഇന്ത്യ എക്സ്പ്രസ് വിമാനത്തിലെത്തിയ കാസർഗോഡ് സ്വദേശി ഹംസ ആഷിഖിൽ നിന്നാണ് സ്വർണം പിടികൂടിയത്. ഡിആർഐയും കസ്റ്റംസും നടത്തിയ പരിശോധനയിലാണ് സ്വർണം പിടികൂടിയത്. ചെക്കിംഗ് ഇൻ പരിശോധനയിൽ സംശയം തോന്നിയതിനെ തുടർന്നു യാത്രക്കാരനെ കസ്റ്റഡിയിലെടുത്ത് പരിശോധിച്ചപ്പോഴാണ് സ്വർണം കണ്ടെത്തിയത്. പേസ്റ്റ് രൂപത്തിലുള്ള സ്വർണം ഗുളിക മാതൃകയിലാക്കി മല ദ്വാരത്തിൽ ഒളിപ്പിച്ചു കടത്തുകയായിരുന്നു. ഗുളിക മാതൃകയിലാക്കിയ സ്വർണം 862 ഗ്രാം ഉണ്ടായിരുന്നുവെങ്കിലും പിന്നീട് വേർതിരിച്ചെടുത്തു.
Read Moreകരുവന്നൂർ ബാങ്ക് തട്ടിപ്പ്; ഇഡി വീണ്ടും ട്രാക്കിലേക്ക്; എംഎൽഎ എ.സി. മൊയ്തീനു വീണ്ടും നോട്ടീസ് നൽകും
തൃശൂർ: കുന്നംകുളത്ത് നടന്ന സംസ്ഥാന സ്കൂൾ കായികമേള കഴിഞ്ഞ് താരങ്ങൾ ട്രാക്ക് വിട്ടതോടെ കരുവന്നൂർ കേസിന്റെ അന്വേഷണവുമായി ഇഡി വീണ്ടും ട്രാക്കിലേക്ക്. കരുവന്നൂർ ബാങ്ക് തട്ടിപ്പും കള്ളപ്പണം വെളുപ്പിക്കലും അടക്കമുള്ള കേസുകളുടെ അന്വേഷണവുമായി ബന്ധപ്പെട്ട് കുന്നംകുളം എംഎൽഎയും മുതിർന്ന സിപിഎം നേതാവുമായ എ.സി. മൊയ്തീന് ഇഡി വീണ്ടും നോട്ടീസ് നൽകും. സംസ്ഥാന സ്കൂൾ കായികമേള നടന്ന കുന്നംകുളത്തെ എംഎൽഎ ആയതിനാൽ കരുവന്നൂർ കേസിന്റെ അന്വേഷണത്തിൽനിന്ന് മേള കഴിയുംവരെ മൊയ്തീനെ ഇഡി ഒഴിവാക്കിയിരിക്കുകയായിരുന്നു. സംസ്ഥാന സ്കൂൾ കായികയുടെ മുഖ്യ സംഘാടകനായിരുന്നു മൊയ്തീൻ. കരുവന്നൂർ കേസുമായി ബന്ധപ്പെട്ട് മൊയ്തീനെ ഇഡി നേരത്തെ കൊച്ചി ഓഫീസിലേക്ക് വിളിച്ച് വരുത്തി ചോദ്യം ചെയ്തിരുന്നു. മൊയ്തീൻ നൽകിയ പല മറുപടികളും തൃപ്തികരമല്ലാത്തതിനാലും കൂടുതൽ വിശദീകരണം ആവശ്യമുള്ളതിനാലും കൂടുതൽ രേഖകൾ ഹാജരാക്കേണ്ടതിനാലും മൊയ്തീനെ വീണ്ടും ചോദ്യം ചെയ്യാൻ വിളിപ്പിക്കുമെന്ന് ഇഡി സൂചന നൽകിയിരുന്നു. പി.ആർ. അരവിന്ദാക്ഷൻ…
Read Moreകണ്ണൂരിൽ പെട്രോൾ പമ്പിലേക്ക് പോലീസ് ജീപ്പ് ഇടിച്ചുകയറിയ സംഭവം; ഡ്രൈവറുടെ പിഴവെന്ന് അന്വേഷണ റിപ്പോർട്ട്
കണ്ണൂർ: കണ്ണൂർ നഗരത്തിൽ നിയന്ത്രണംവിട്ട പോലീസ് ജീപ്പ് പെട്രോൾ പന്പിലേക്ക് ഇടിച്ചു കയറി ഇന്ധനം നിറച്ചുകൊണ്ടിരുന്ന കാറിലിടിച്ചത് ഡ്രൈവറുടെ പിഴവെന്ന് അന്വേഷണ റിപ്പോർട്ട്. ജീപ്പിന് മെക്കാനിക്കൽ തകരാറുകൾ ഉണ്ടായിരുന്നില്ലെന്ന് മോട്ടോർ വാഹനവകുപ്പിന്റെ അന്വേഷണത്തിൽ കണ്ടെത്തി. അപകടത്തിനുശേഷമാണ് ജീപ്പിന്റെ ജോയിന്റ് പൊട്ടിയതെന്ന് എംവിഐ റിപ്പോർട്ട് നൽകി. രണ്ടു ദിവസത്തെ വിശദമായ പരിശോധനയ്ക്ക് ശേഷമാണ് സാങ്കേതിക തകരാറൊന്നും ഇല്ലെന്ന് കണ്ടെത്തിയത്. അപകടം സംബന്ധിച്ച് അന്വേഷണം നടത്തി റിപ്പോർട്ട് സമർപ്പിക്കാൻ സിറ്റി പോലീസ് കമ്മീഷണർ ആർ. അജിത്കുമാർ ഉത്തരവിട്ടിരുന്നു. ഇതിന്റെ അടിസ്ഥാനത്തിലാണ് മോട്ടോർവാഹന വകുപ്പ് അന്വേഷണം നടത്തിയത്. കഴിഞ്ഞ തിങ്കളാഴ്ച 6.45നായിരുന്നു അപകടം നടന്നത്. കണ്ണൂർ എആർ ക്യാന്പിലെ മെസിൽ സാധനങ്ങൾ വാങ്ങാൻ ഉപയോഗിക്കുന്ന ജീപ്പായിരുന്നു അപകടത്തിൽപ്പെട്ടത്. ഇടിയുടെ ആഘാതത്തിൽ കാറിലുണ്ടായിരുന്ന കന്പിൽ സ്വദേശി കരുണാകരൻ നിസാര പരിക്കുകളോടെ രക്ഷപ്പെട്ടു.ഇന്ധനം നിറയ്ക്കാനുപയോഗിക്കുന്ന മെഷീനും തകർന്നിരുന്നു. സംഭവസമയത്ത് പന്പിൽ കൂടുതൽ വാഹനങ്ങളില്ലാത്തതും ഇടിയുടെ…
Read Moreഗഗന്യാന് പരീക്ഷണ ദൗത്യം വിജയകരം; ക്രൂ മൊഡ്യൂള് സുരക്ഷിതമായി കടലില് ഇറക്കി
ശ്രീഹരിക്കോട്ട: മനുഷ്യനെ ബഹിരാകാശത്തെത്തിക്കാനുള്ള ഗഗന്യാന് ദൗത്യത്തിന്റെ ഭാഗമായ ക്രൂ എസ്കേപ് സിസ്റ്റത്തിന്റെ പരീക്ഷണ വിക്ഷേപണം വിജയകരം. ക്രൂ മൊഡ്യൂള് സുരക്ഷിതമായി കടലില് ഇറക്കി. ഒമ്പത് മിനിറ്റ് 51 സെക്കന്റ് കൊണ്ടാണ് ദൗത്യം പൂര്ത്തിയാക്കിയത്. രാവിലെ പത്തിനാണ് ശ്രീഹരിക്കോട്ടയില് ടെസ്റ്റ് വെഹിക്കിള് കുതിച്ചുയര്ന്നത്. വിക്ഷേപണത്തിന് ശേഷം 60-ാം സെക്കൻഡില് ക്രൂ മൊഡ്യൂള് റോക്കറ്റില്നിന്നു വേര്പെട്ടു. പിന്നീട് ക്രൂ എസ്കേപ്പ് സിസ്റ്റത്തിന്റെ ആദ്യ പാരച്യൂട്ടുകള് വിടര്ന്നു. കടലില്നിന്ന് രണ്ടര കിലോമീറ്റര് ഉയരത്തില് വച്ചു പ്രധാന പാരച്യൂട്ടുകള് തുറന്നു. ഇതിനു പിന്നാലെ ശ്രീഹരിക്കോട്ടയില്നിന്ന് ഏകദേശം 10 കിലോമീറ്റര് അകലെ കടലില് പേടകം സുരക്ഷിതമായി ഇറങ്ങി. ഇനി നാവികസേനയുടെ സഹായത്തോടെ പേടകത്തെ കരയിലെത്തിക്കും. 2024 അവസാനം മൂന്നു പേരെ ബഹിരാകാശത്ത് അയയ്ക്കുകയാണ് ഗഗന്യാന് ദൗത്യത്തിന്റെ ലക്ഷ്യം. ദൗത്യം റദ്ദാക്കേണ്ടിവന്നാല്, യാത്രികരെ തിരികെയെത്തിക്കാനുള്ള പരീക്ഷണദൗത്യമാണ് ഇന്നു നടന്നത്. പ്രത്യേക വിക്ഷേപണവാഹനത്തില് 17 കിലോമീറ്റര് ഉയരെ…
Read More