രാജസ്ഥാനിലെ കോട്ടയിൽ ഐഐടിക്ക് തയ്യാറെടുക്കുന്ന 20 കാരനായ വിദ്യാർഥി ആത്മഹത്യ ചെയ്തു. ഉത്തർപ്രദേശിലെ ബല്ലിയയിലെ വീട്ടിൽവച്ചാണ് ആത്മഹത്യ ചെയ്തത്. തിങ്കളാഴ്ച രാത്രി ദേവ്കി ഛപ്ര ഗ്രാമത്തിലെ വീടിന്റെ വരാന്തയിൽ കുടുംബാംഗങ്ങൾക്കൊപ്പം ഉറങ്ങുകയായിരുന്നു റോഷൻ വർമ. ശേഷം മുറിയിലേക്ക് പോയി ഫാനിൽ തൂങ്ങിയാണ് ആത്മഹത്യ ചെയ്തത്. പന്ത്രണ്ടാം ക്ലാസ് പരീക്ഷ പൂർത്തിയാക്കിയ റോഷൻ കോട്ടയിലെ ഐഐടിക്ക് തയ്യാറെടുക്കുകയായിരുന്നു. അവധിക്ക് നാട്ടിലെത്തിയതാണ് റോഷൻ. പിറ്റേന്ന് രാവിലെയാണ് വീട്ടുകാർ സംഭവം അറിഞ്ഞത്. കഴിഞ്ഞ കുറച്ച് നാളുകളായി കടുത്ത തലവേദന അനുഭവപ്പെട്ട് ചികിത്സയിലായിരുന്നു റോഷൻ എന്നാണ് വീട്ടുകാർ പറയുന്നത്. ഇതേ തുടർന്നാണ് ആത്മഹത്യ ചെയ്തതെന്നാണ് എസ്എച്ച്ഒ ധരം വീർ സിംഗ് കരുതുന്നത്. മൃതദേഹം പോസ്റ്റ്മോർട്ടത്തിന് അയച്ചതായി എസ്എച്ച്ഒ അറിയിച്ചു.
Read MoreCategory: Loud Speaker
പത്ത് വിദ്യാർഥികളെ ലൈംഗികമായി പീഡിപ്പിച്ചു; മദ്രസ അധ്യാപകൻ അറസ്റ്റിൽ
പ്രായപൂർത്തിയാകാത്ത പത്ത് വിദ്യാർഥികളെ ലൈംഗികമായ് പീഡിപ്പിച്ച മദ്രസ അധ്യാപകൻ അറസ്റ്റിൽ. ഗുജറാത്തിലെ ജുനഡ് ജില്ലയിലെ ഒരു മദ്രസയിലെ അധ്യാപകനായ 25 കാരനെയാണ് പോലീസ് അറസ്റ്റ് ചെയ്തത്. അധ്യാപകനെതിരെ വിദ്യാർഥികൾ പരാതി നൽകിയിട്ടും നടപടി സ്വീകരിക്കാത്തതിന് മദ്രസയുടെ ട്രസ്റ്റിയെയും പോലീസ് അറസ്റ്റ് ചെയ്തു. സൂറത്തിലെ ഒളിത്താവളത്തിൽ നിന്ന് അധ്യാപകനെ അറസ്റ്റ് ചെയ്തപ്പോൾ രക്ഷപ്പെട്ട മദ്രസ ട്രസ്റ്റിയെ ഞായറാഴ്ച ജുനഗഡിലെ ഒരു സ്ഥലത്ത് നിന്ന് പിടികൂടിയതായി പോലീസ് അറിയിച്ചു. 17 വയസ്സുള്ള ഒരു ആൺകുട്ടി നൽകിയ പരാതിയുടെ അടിസ്ഥാനത്തിൽ ഇന്ത്യൻ ശിക്ഷാനിയമം 377 (പ്രകൃതിവിരുദ്ധ ലൈംഗികബന്ധം), 323 (ആക്രമണം), 506-2 (ക്രിമിനൽ ഭീഷണിപ്പെടുത്തൽ), എന്നീ പ്രസക്തമായ വകുപ്പുകൾ പ്രകാരം രണ്ട് പ്രതികൾക്കെതിരെയും പോലീസ് എഫ്ഐആർ രജിസ്റ്റർ ചെയ്തു. ദിവസങ്ങൾക്ക് മുമ്പ് റസിഡൻഷ്യൽ സ്കൂളിലെ വിദ്യാർഥികളിൽ ഒരാൾ മറ്റൊരു മൗലാനയുടെ മൊബൈൽ ഫോൺ ഉപയോഗിച്ച് അമ്മയെ വിളിച്ച് അധ്യാപകന്റെ ലൈംഗിക ആംഗ്യങ്ങളെയും…
Read Moreഅറിവും നൈപുണിയും കൈമുതലായ നവകേരളത്തെ വാർത്തെടുക്കാൻ വിദ്യാരംഭ ദിനം ഊർജ്ജം പകരട്ടെ; പിണറായി വിജയൻ
അറിവും നൈപുണിയും കൈമുതലായ ഒരു നവകേരളത്തെ വാർത്തെടുക്കാൻ ഈ വിദ്യാരംഭ ദിനം ഊർജ്ജം പകരട്ടെ. വിജയ ദശമി ആശംസകളുമായി മുഖ്യമന്ത്രി പിണറായി വിജയൻ. പൊതുവിദ്യാഭ്യാസ രംഗത്ത് കേരളം കൈവരിച്ച നേട്ടങ്ങൾ ലോകമെമ്പാടും ശ്രദ്ധിക്കപ്പെട്ടതാണ്. ഈ മാറ്റങ്ങളെ കൂടുതൽ ജനകീയമാക്കാനും ഇനിയും മെച്ചപ്പെട്ട വിദ്യാഭ്യാസ സ്ഥാപനങ്ങളും സൗകര്യങ്ങളും പഠന സംവിധാനവും എല്ലാവർക്കുമൊരുക്കാനും നമുക്ക് സാധിക്കണമെന്നും മൂഖ്യമന്ത്രി കൂട്ടി ചേർത്തു. ക്രിയാത്മകമായ സാമൂഹിക പുരോഗതിയിൽ വലിയ പങ്കുവഹിക്കുന്ന ഒന്നാണ് ആ സമൂഹം ആർജിച്ചെടുക്കുന്ന അറിവ്. വിദ്യാഭ്യാസമെന്ന സാമൂഹ്യപ്രവർത്തനത്തിന്റെ പ്രസക്തി ഈ വളർച്ചയുമായി ഏറെ ബന്ധപ്പെട്ടിരിക്കുന്നു. നിരവധി കുഞ്ഞുങ്ങളാണ് ഈ വിദ്യാരംഭ ദിനത്തിൽ അറിവിന്റെ ലോകത്തേക്ക് കാലെടുത്തുവെക്കുന്നത്. ഇന്ന് അനന്യ, അദ്വിഷ്, ഹിദ, ഐറീൻ, ഏണസ്റ്റോ എന്നീ കുഞ്ഞുങ്ങളെ എഴുത്തിനിരുത്തി. പൊതുവിദ്യാഭ്യാസ രംഗത്ത് കേരളം കൈവരിച്ച നേട്ടങ്ങൾ ലോകമെമ്പാടും ശ്രദ്ധിക്കപ്പെട്ടതാണ്. ഈ മാറ്റങ്ങളെ കൂടുതൽ ജനകീയമാക്കാനും ഇനിയും മെച്ചപ്പെട്ട വിദ്യാഭ്യാസ സ്ഥാപനങ്ങളും…
Read Moreമിലിട്ടറി ജോലി വാഗ്ദാനം ചെയ്ത് ഒരു കോടി രൂപ തട്ടിയെടുത്തു; പ്രതികൾ പൊലീസ് പിടിയിൽ
ഇന്ത്യൻ ആർമി, എയർഫോഴ്സ്, നേവൽ ഫോഴ്സ് എന്നിവിടങ്ങളിൽ ജോലി വാഗ്ദാനം നല്കി 150 പേരിൽ നിന്നും ഒരു കോടി രൂപ തട്ടിയെടുത്ത രണ്ട് പേർ പോലീസ് പിടിയിൽ. കർണാടകയിലെ ചിത്രദുർഗ ജില്ലയിലും സംസ്ഥാനത്തിന്റെ വിവിധ ജില്ലകളിലുമായാണ് ഇവർ തട്ടിപ്പു നടത്തിയിരുന്നത്. ചിത്രദുർഗ, ദാവൻഗെരെ, ഹാവേരി ജില്ലകളിലെ യുവാക്കൾക്ക് ജോലി നൽകാമെന്ന് പ്രതി 40 കാരനായ ശിവരാജ് വതഗലും കൂട്ടാളി ബീമ്മവയും വാഗ്ദാനം ചെയ്തു. ഇന്ത്യൻ കരസേനയിൽ നിന്ന് ഒളിച്ചോടിയ ഹൂബ്ലി സ്വദേശിയായ ശിവരാജിനെതിരെയാണ് പ്രകാശ് പരാതി നൽകിയത്. ബംഗളൂരു മിലിട്ടറി ഇന്റലിജൻസും ശ്രീരാംപുര പോലീസും സംയുക്തമായാണ് പ്രതിയെ പിടികൂടിയത്. അറസ്റ്റിലായതിന് ശേഷം വ്യാജ തിരിച്ചറിയൽ കാർഡുകളും ആർമി റിക്രൂട്ട്മെന്റുമായി ബന്ധപ്പെട്ട രേഖകളും പ്രതികളുടെ പക്കൽ നിന്ന് കണ്ടെടുത്തു.
Read Moreവ്യാജ വിസ നൽകി കോടികൾ തട്ടിയെടുത്ത സംഘം പിടിയിൽ; ഇര ആയവരിൽ ഭൂരിഭാഗവും മലയാളികൾ
ജോലി വാഗ്ദാനം ചെയ്ത് ആളുകളിൽ നിന്ന് പണം തട്ടിയെടുത്ത സംഘത്തെ ഡൽഹിയിൽ നിന്ന് പിടി കൂടി. തട്ടിപ്പിനിരയായ ആയിരക്കണക്കിനു ആളുകളുടെ പരാതിയിൽ മേലാണ് ഇവർക്കായി തിരച്ചിൽ നടത്തിയത്. ഡൽഹി കേന്ദ്രീകരിച്ചാണ് സംഘം പ്രവർത്തിച്ചത്. ഡൽഹി സെെബർ സെല്ലും ക്രെെബ്രാംഞ്ചും സംയുക്തമായി നടത്തിയ അന്വേഷണത്തിലാണ് സംഘത്തെ പിടികൂടിയത്. ദുബായ് കേന്ദ്രീകരിച്ച് പ്രവർത്തിക്കുന്ന ഒരു സ്വകാര്യ കമ്പനിയിൽ ജോലി വാങ്ങി തരാമെന്ന് പറഞ്ഞാണ് ഇവർ ആളുകളിൽ നിന്ന് പണം വാങ്ങിയത്. പ്രധാനമായും ദുബായിലേക്കുള്ള വ്യാജ വിസയാണ് സംഘം ഉണ്ടാക്കി നൽകിയിരുന്നത്. തട്ടിപ്പിനിരയായവരിൽ ഭൂരിഭാഗം ആളുകളും കേരളത്തിൽ നിന്നുള്ളവരാണ്. എഞ്ചിനീയറിംഗ് ബിരുദധാരിയും ബീഹാർ സ്വദേശിയുമായ ഇനാമുൾ ഹഖ് എന്നയാളാണ് തട്ടിപ്പ് സംഘത്തിന്റെ തലവൻ. അഞ്ച് വർഷത്തിനിടയിൽ ഇയാളുടെ വലിൽ വീണത് നിരവധി ആളുകളാണ്. പലരും നാണക്കേട് മൂലം പരാതി നൽകാൻ മടിച്ചു. സാക്കിർ നഗർ കേന്ദീകരിച്ച് പ്രവർത്തിക്കുന്ന ഇയാളുടെ ഓഫീസിൽ നിന്ന്…
Read Moreഇന്ന് വിദ്യാരംഭം; അറിവിന്റെ ആദ്യാക്ഷരം കുറിച്ച് കുരുന്നുകള്
കോട്ടയം: നാവിലും അരിയിലും ആദ്യാക്ഷരമെഴുതി കുരുന്നുകൾ അറിവിന്റെ അക്ഷരവെളിച്ചത്തിലേക്ക്. പനച്ചിക്കാട് ദക്ഷിണ മൂകാംബിക ക്ഷേത്രത്തിൽ പുലർച്ചെ നാലു മുതൽ ആരംഭിച്ച വിദ്യാരംഭത്തിൽ ആയിരത്തിലേറെ കുരുന്നുകൾ ആദ്യാക്ഷരം കുറിച്ചു. രണ്ട് മുതൽ പൂജയ്ക്കുവച്ച ഗ്രന്ഥങ്ങൾ എടുത്തു. വൈകിട്ടുവരെയാണ് വിദ്യാരംഭ ചടങ്ങുകൾ. മുപ്പത്തി അഞ്ച് ആചാര്യന്മാരാണ് കുഞ്ഞുങ്ങളെ ആദ്യാക്ഷരം എഴുതിക്കുന്നത്. മധ്യകേരളത്തില് ഏറ്റവും കൂടുതല് ആളുകള് കുട്ടികളെ എഴുത്തിനിരുത്താന് എത്തുന്ന ക്ഷേത്രം കൂടിയാണ് പനച്ചിക്കാട് സരസ്വതി ദേവീക്ഷേത്രം. ക്ഷേത്രത്തിലെ പൂജവയ്പ്പ് ചടങ്ങുകൾ കഴിഞ്ഞ ദിവസം സരസ്വതി നടയിൽ നടന്നു. ഇതിനു മുന്നോടിയായി വിശിഷ്ട ഗ്രന്ഥങ്ങൾ വഹിച്ചുകൊണ്ടുള്ള ഗ്രന്ഥമെഴുന്നള്ളിപ്പ് ഘോഷയാത്രയും നടന്നു. സരസ്വതിസന്നിധിയിൽ പ്രത്യേകം ഒരുക്കിയ മണ്ഡപത്തിൽ ഗ്രന്ഥങ്ങൾ പൂജ വച്ചു. സരസ്വതിനടയിൽ വെള്ളി അങ്കി സമർപ്പണവും നടന്നു. ജില്ലയുടെ വിവിധ ഭാഗങ്ങളിലും എഴുത്തിനിരുത്തു നടന്നു. കോട്ടയം രഞ്ജിനി സംഗീതസഭ, കുട്ടികളുടെ ലൈബ്രറി, കുമരകം കലാഭവൻ, പുതുപ്പള്ളി സെന്റ് ജോർജ് ഓർത്തഡോക്സ്…
Read Moreഹയർസെക്കൻഡറി ഗസ്റ്റ് അധ്യാപകരുടെ പ്രായപരിധി 56 ആക്കി ഉയർത്തി
ഹയർസെക്കൻഡറി ഗസ്റ്റ് അധ്യാപകരുടെ പ്രായപരിധി 56 ആക്കി ഉയർത്തി വിദ്യാഭ്യാസ വകുപ്പ്. നേരത്തെ നാൽപത് വയസായിരുന്നു പ്രായപരിധി.അതിൽ നിന്ന് 56 ആക്കിക്കൊണ്ടുള്ള ഉത്തരവാണ് വിദ്യാഭ്യാസ വകുപ്പ് പുറത്തിറക്കിയത്. 40 വയസ്സ് കഴിഞ്ഞ ഗസ്റ്റ് അധ്യാപകരുടെ നിയമന ഉത്തരവുകൾ റീജിയണൽ ഡെപ്യൂട്ടി ഡയറക്ടർമാർ തള്ളുന്നതായി പരാതി ഉയർന്നിരുന്നു. ഒബിസി വിഭാഗത്തിന് 43 എസ്സി, എസ്.ടി വിഭാഗങ്ങൾക്ക് 45 വയസ് എന്നിങ്ങനെ ആയിരുന്നു പ്രായപരിധി. നിലവിൽ സ്പെഷ്യൽ റൂൾ പ്രകാരമുള്ള പ്രായപരിധിക്കുള്ളിലെ ഗസ്റ്റ് അധ്യാപകരെ ലഭിക്കാത്തതിനാൽ പഠിപ്പിക്കുവാൻ അധ്യാപകരില്ലാത്ത അവസ്ഥ വരുന്നതായി പൊതു വിദ്യാഭ്യാസ ഡയറക്ടറുടെ റിപ്പോർട്ട് ഉണ്ടായിരുന്നു. ഹയർ സെക്കൻഡറി വിദ്യാർഥികളുടെ പഠനം തടസപ്പെടാതിരിക്കാൻ വേണ്ടിയാണ് പ്രായം പുനർനിശ്ചയിച്ചതെന്നും ഉത്തരവിൽ പറയുന്നു.
Read Moreപൊതുജനം തീരുമാനിക്കട്ടെ മാപ്പ് പറയണോ വേണ്ടയോ എന്ന്; ഇന്ന് ഉച്ചക്ക് 12ന് വാർത്താസമ്മേളനം; മാത്യു കുഴൽനാടൻ
മാസപ്പടി വിവാദത്തിൽ സിപിഎം നേതാക്കൾക്കുള്ള മറുപടിയുമായി മാത്യു കുഴൽനാടൻ ഇന്ന് രാവിലെ 11.30ന് മാധ്യമങ്ങളെ കാണും. ഫേസ്ബുക്കിലൂടെയാണ് ഈ കാര്യം അറിയിച്ചത്. എന്നെ വിശ്വസിച്ചവരെ നിരാശരാക്കില്ലെന്ന് കുഴൽനാടൻ ഫേസ്ബുക്ക് കുറിപ്പിൽ പറഞ്ഞു. ഫേസ്ബുക്ക് പോസ്റ്റിന്റെ പൂർണരൂപം… മാസപ്പടി/ ജി എസ് ടി വിഷയത്തിൽ ഞാൻ ഉന്നയിച്ച കാര്യങ്ങളിൽ നിന്നും ഒരിഞ്ചു പോലും പിന്നോട്ടില്ല.. ധനവകുപ്പിന്റെ കത്തിന്റെ പശ്ചാത്തലത്തിൽ ഞാൻ മാപ്പ് പറയണം എന്നാണ് സിപിഎം ആവശ്യപ്പെടുന്നത്. ഈ വിഷയത്തിലെ വസ്തുതകളും എന്റെ ബോധ്യവും ഞാൻ നാളെ കേരളത്തിന്റെ പൊതുസമൂഹത്തിന് മുമ്പിൽ വിശദീകരിക്കും. വിശദമായി തന്നെ നമുക്ക് പരിശോധിക്കാം. എന്നിട്ട് പൊതുജനം തീരുമാനിക്കട്ടെ ഞാൻ മാപ്പ് പറയണോ വേണ്ടയോ എന്ന്. എന്റെ ഭാഗം ബോധ്യപ്പെടുത്താൻ ആയില്ലെങ്കിൽ മാപ്പ് പറയാൻ മടിക്കില്ല. അഴിമതിക്കെതിരായ പോരാട്ടത്തിൽ നിന്നും പിന്നോട്ടില്ല. ജിഎസ്ടിയുടെ പേരിൽ മാസപ്പടി അഴിമതിയിൽ നിന്നും ശ്രദ്ധ തിരിക്കാൻ ബോധപൂർവ്വമായ ശ്രമമാണ്…
Read Moreസഹോദരന്മാരെ ഒന്ന് നിർത്തൂ’; ഇസ്രയേൽ- ഹമാസ് യുദ്ധം അവസാനിപ്പിക്കാൻ അഭ്യർത്ഥിച്ച് ഫ്രാൻസിസ് മാർപ്പാപ്പ
പശ്ചിമേഷ്യയിൽ സമാധാനം പുനസ്ഥാപിക്കണമെന്ന നിർദേശവുമായി ഫ്രാൻസിസ് മാർപ്പാപ്പ. യുദ്ധം തുടരുന്ന പശ്ചാത്തലത്തിൽ ഫ്രാൻസിസ് മാർപ്പാപ്പ അമേരിക്കൻ പ്രസിഡന്റ് ജോ ബൈഡനുമായി ചർച്ച നടത്തി. ആക്രമണം ഉടൻ നിർത്തണമെന്നും മേഖലയിൽ സമാധാനം പുനസ്ഥാപിക്കണമെന്നും ആവശ്യപ്പെട്ടാണ് മാർപ്പാപ്പ അമേരിക്കൻ പ്രസിഡന്റുമായി ചർച്ച നടത്തിയത്. 20 മിനിറ്റോളം നീണ്ട ചർച്ചയിൽ ഗാസ മുനമ്പിലേക്ക് സഹായം എത്തിക്കുന്നതിനെക്കുറിച്ചും മാർപ്പാപ്പ ആവശ്യപ്പെട്ടു. റോമിലെ സെന്റ് പീറ്റേഴ്സ് സ്ക്വയറിൽ നടന്ന പരമ്പരാഗത ആഞ്ചലസ് പ്രാർത്ഥനയ്ക്ക് ശേഷം യുദ്ധം നിർത്താൻ മാർപ്പാപ്പ ആഹ്വാനം ചെയ്തു. യുദ്ധം എല്ലായ്പ്പോഴും നഷ്ടങ്ങൾ മാത്രമേ സമ്മാനിക്കൂ, സഹോദരന്മാരെ നിർത്തൂ, നിർത്തൂ… മാർപ്പാപ്പ പറഞ്ഞു. യുദ്ധം നിലനിൽക്കുന്ന സാഹചര്യത്തിൽ ഉന്നത ലോകനേതാക്കൾ വിവിധ ചർച്ചകൾക്കായി ഇസ്രയേലിലേക്ക് പുറപ്പെട്ടിട്ടുണ്ട്. ഡച്ച് പ്രധാനമന്ത്രി മാർക്ക് റുട്ടെയും ഇസ്രയേലിലേക്ക് യാത്ര തിരിച്ചു. ഫ്രഞ്ച് പ്രസിഡന്റ് ഇമാനുവേൽ മാക്രോൺ ഇസ്രയേലിൽ ഇന്നെത്തുമെന്നാണ് റിപ്പോർട്ട്.
Read Moreമാസപ്പടി വിവാദം; കുഴല്നാടന് മാപ്പ് പറയണം; എ.കെ ബാലന്
മുഖ്യമന്ത്രിയോടും കുടുംബത്തോടും കോൺഗ്രസ് എംഎൽഎ മാത്യു കുഴല്നാടന് മാപ്പ് പറയണമെന്ന് സിപിഎം കേന്ദ്ര കമ്മിറ്റിയംഗം എ.കെ ബാലൻ. മാസപ്പടി വിവാദത്തില് വീണ വിജയനെ പ്രതിക്കൂട്ടില് നിര്ത്തിയതിലാണ് ആരോപണം. എല്ലാ രേഖകളും വീണയുടെ പക്കലുണ്ടെന്ന് കുഴല്നാടനോട് താൻ ആദ്യമേ പറഞ്ഞതാണെന്നും എ.കെ.ബാലൻ പറഞ്ഞു. നുണപ്രചരണത്തിന്റെ ഹോൾസെയിൽ ഏജൻസിയാവുകയാണ് കേരളത്തിൽ യുഡിഎഫും കോൺഗ്രസും. ഇത് ഈ നാടിനെ എങ്ങോട്ടാണ് കൊണ്ടുചെന്ന് എത്തിക്കുകയെന്നും എ.കെ. ബാലൻ ആരാഞ്ഞു. പ്രതിപക്ഷത്തിനും നേതാക്കള്ക്കും രാവിലെ എഴുന്നേല്ക്കുന്നത് മുതല് ആരോപണങ്ങള് ഉന്നയിക്കലാണ് പണി.രാവിലെ എഴുന്നേറ്റ് വരുന്നത് മുതല് പച്ചക്കളളങ്ങള് പറഞ്ഞുകൊണ്ടിരിക്കുകയാണെന്ന് അദ്ദേഹം പരിഹസിച്ചു. ‘കുഴല്നാടന് പൊതുപ്രവര്ത്തനത്തില് തുടരാനാണ് ഉദ്ദേശിക്കുന്നതെങ്കില് അദ്ദേഹം ആദ്യം പറഞ്ഞതുപോലെ മാപ്പ് പറയണം. മാത്യു കുഴൽനാടൻ മാപ്പ് പറയുന്നതാണ് പൊതുപ്രവർത്തനത്തിൽ അദ്ദേഹത്തിന്റെ വിശ്വാസ്യത കൂട്ടുക. അത് അദ്ദേഹം ചെയ്യുമെന്നാണ് താൻ കരുതുന്നത് വീണയോടും മുഖ്യമന്ത്രിയുടെ കുടുംബത്തോടും ഒരു വട്ടമെങ്കിലും മാപ്പ് പറയണം. ഈ…
Read More