തിരുവനന്തപുരം: കോൺഗ്രസിൽ നെഹ്റു-ഗാന്ധി കുടുംബത്തിന്റെ പങ്കിനെ പ്രശംസിച്ച് കോൺഗ്രസ് വർക്കിംഗ് കമ്മിറ്റി (സിഡബ്ല്യുസി) അംഗം ശശി തരൂർ എംപി. അവർ പാർട്ടിയുടെ ശക്തിയാണെന്ന് തരൂർ പറഞ്ഞു. സോഷ്യൽ മീഡിയ പ്ലാറ്റ്ഫോമായ എക്സിൽ പോസ്റ്റ് ചെയ്ത പ്രസ്താവനയിലൂടെയാണ് കോൺഗ്രസും നെഹ്റു-ഗാന്ധി കുടുംബവും തമ്മിലുള്ള ബന്ധത്തിന്റെ ആഴം ശശി തരൂർ ചൂണ്ടിക്കാട്ടിയത്. 2024ലെ ലോക്സഭാ തിരഞ്ഞെടുപ്പിൽ ഇന്ത്യാ സഖ്യം വിജയിച്ചാൽ പ്രധാനമന്ത്രി സ്ഥാനത്തേക്ക് സാധ്യതയുള്ള സ്ഥാനാർഥികൾ ആരൊക്കെയാവാമെന്ന പരാമർശങ്ങളുടെ തുടർച്ചയായാണ് തരൂരിന്റെ ഈ പ്രസ്താവന. പാർട്ടി അധ്യക്ഷൻ മല്ലികാർജുൻ ഖാർഗെയെയോ മുൻ എഐസിസി അധ്യക്ഷൻ രാഹുൽ ഗാന്ധിയെയോ പ്രധാനമന്ത്രിയായി നാമനിർദേശം ചെയ്യാമെന്ന് അദ്ദേഹം പറഞ്ഞിരുന്നു. പിന്നീട് ഇതൊരു സ്വകാര്യ പരിപാടിക്കിടെ നടത്തിയ പ്രസ്താവനയാണിതെന്ന് വ്യക്തമാക്കിയ തരൂർ, അവ ഔദ്യോഗിക പരസ്യ പ്രസ്താവനയല്ലെന്ന് ഊന്നിപ്പറഞ്ഞിരുന്നു.
Read MoreCategory: Loud Speaker
കര്ണാടകയില് താമസിക്കുന്നവർ കന്നഡ സംസാരിക്കാന് പഠിക്കണമെന്നു സിദ്ധരാമയ്യ
ബംഗളൂരു: കര്ണാടകയില് താമസിക്കുന്ന എല്ലാവരും കന്നഡ സംസാരിക്കാന് പഠിക്കണമെന്ന് മുഖ്യമന്ത്രി സിദ്ധരാമയ്യ. സംസ്ഥാനത്ത് കന്നഡ ഒഴിച്ചുകൂടാനാവാത്ത അന്തരീക്ഷം സൃഷ്ടിക്കേണ്ടതുണ്ട്. നമ്മള് മറ്റ് ഭാഷകളെ സ്നേഹിക്കണം. പക്ഷേ സ്വന്തം ഭാഷ മറക്കരുതെന്നും അദ്ദേഹം പറഞ്ഞു. മൈസൂരു സംസ്ഥാനം കര്ണാടക എന്ന് പുനര്നാമകരണം ചെയ്തതിന്റെ 50-ാം വര്ഷത്തോടനുബന്ധിച്ച് കന്നഡ സാംസ്കാരിക വകുപ്പ് സംഘടിപ്പിച്ച പരിപാടിയിലാണ് സിദ്ധരാമയ്യയുടെ പ്രസ്താവന. കര്ണാടകയില് താമസിക്കുന്ന കന്നട സംസാരിക്കാത്തവരെ ഭാഷ പഠിക്കാന് സഹായിക്കണമെന്ന് അദ്ദേഹം ജനങ്ങളോട് അഭ്യര്ത്ഥിച്ചു. “നമ്മളെല്ലാം കന്നഡക്കാരാണ്. കര്ണാടകയുടെ ഏകീകരണത്തിനുശേഷം വിവിധ ഭാഷകള് സംസാരിക്കുന്ന ആളുകള് ഇവിടെ സ്ഥിരതാമസമാക്കിയിട്ടുണ്ട്. കന്നഡക്കാര് നമ്മുടെ ഭാഷ മറ്റുള്ളവരെ പഠിപ്പിക്കുന്നതിനു പകരം അവരുടെ ഭാഷയാണ് നമ്മള് ആദ്യം പഠിക്കുന്നത്. സംസ്ഥാനത്തിന്റെ ചില ഭാഗങ്ങളില് താമസിക്കുന്ന പ്രവാസികള് കന്നഡ സംസാരിക്കാറില്ല. ഇത് സംഭവിക്കുന്നത് കന്നഡക്കാരുടെ ഔദാര്യം കൊണ്ടാണെന്നും അദ്ദേഹം പറഞ്ഞു.
Read Moreപണിയൊന്നുമെടുക്കാതെ ഖജനാവുതിന്നുമുടിക്കുന്നവർ പണിയെടുത്തുജീവിക്കുന്നവനോടുചോദിക്കുന്നു നിനക്കൊന്നും വേറെ പണിയില്ലേടന്ന്; എം.സി. ദത്തനെതിരെ കെ.സുരേന്ദ്രന്
മാധ്യമപ്രവര്ത്തകര്ക്കു നേരെ മോശം പരാമർശം നടത്തിയ മുഖ്യമന്ത്രിയുടെ മാധ്യമ ഉപദേഷ്ടാവിനെതിരെ ബിജെപി സംസ്ഥാന പ്രസിഡന്റ് കെ.സുരേന്ദ്രന്. പണിയുണ്ടായിരുന്ന കാലത്തൊരുപണിയുമെടുക്കാതെ കൊടിയുമെടുത്തുനടന്നവരെയൊക്കെ ഉപദേഷ്ടാക്കളാക്കിവെച്ച് അതിന്റെ പേരിൽ വീണ്ടും പണിയൊന്നുമെടുക്കാതെ ഖജനാവുതിന്നുമുടിക്കുന്നവർ ,പണിയെടുത്തുജീവിക്കുന്നവനോടുചോദിക്കുന്നു നിനക്കൊന്നും വേറെ പണിയില്ലേയെന്ന്. സെക്രട്ടറിയേറ്റു നടയിൽ കണ്ടത് കേരളം തിന്നുതീർക്കാൻ ദത്തെടുത്തവരുടെ ദുർന്നടപ്പെന്ന് അദ്ദേഹം ഫേസ്ബുക്കില് കുറിച്ചു. യുഡിഎഫിന്റെ സെക്രട്ടേറിയേറ്റ് ഉപരോധ സമരത്തിനിടെ സെക്രട്ടേറിയേറ്റിൽ എത്തിയ ശാസ്ത്ര ഉപദേഷ്ടാവ് എം.സി ദത്തനെ പോലീസ് അകത്തേക്ക് പ്രവേശിക്കാൻ അനുവദിച്ചില്ല. മുഖ്യമന്ത്രിയുടെ മാധ്യമ ഉപദേഷ്ടാവാണെന്ന് മനസിലാകാതെയാണ് എം.സി ദത്തനെ പോലീസ് തടഞ്ഞത്. എന്നാൽ പിന്നീട് മനസിലായതോടെ അകത്തേക്ക് കടത്തി വിടുകയായിരുന്നു. സംഭവത്തെ കുറിച്ച് ചോദിച്ച മാധ്യമ പ്രവർത്തകരോട് അദ്ദേഹം മോശമായി സംസാരിച്ചു. ഇതിനെതിരെയാണ് കെ.സുരേന്ദ്രന്റെ ഫേസ്ബുക്ക് പോസ്റ്റ്. പോസ്റ്റ് കാണാൻ ഇവിടെ ക്ലിക് ചെയ്യുക.
Read Moreസംസ്ഥാനത്ത് ഒറ്റപ്പെട്ട മഴയ്ക്ക് സാധ്യത; ചക്രവാതചുഴികൾ ഇന്ന് ന്യൂനമർദമായി ശക്തി പ്രാപിക്കും; മലയോര മേഖലയിൽ അതീവ ജാഗ്രത
തിരുവനന്തപുരം: സംസ്ഥാനത്ത് ഇന്ന് ഒറ്റപ്പെട്ട മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് . അറബിക്കടലിനും ബംഗാൾ ഉൾക്കടലിനും മുകളിൽ സ്ഥിതി ചെയ്യുന്ന ചക്രവാതചുഴികൾ ഇന്ന് ന്യൂനമർദമായി ശക്തി പ്രാപിച്ചേക്കും. അതേ സമയം ഇന്ന് ഒരു ജില്ലകളിലും മഴ മുന്നറിയിപ്പ് നൽകിയിട്ടില്ല. മലയോര മേഖലയിൽ ഉള്ളവർ അതീവ ജാഗ്രത പാലിക്കണമെന്ന് നിർദേശമുണ്ട്. ഉയർന്ന തിരമാലക്കും കടലാക്രമണത്തിനും സാധ്യതയുള്ളതിനാൽ കടലിൽ ഇറങ്ങിയുള്ള വിനോദ പരിപാടികളും ബീച്ചിലേക്കുള്ള യാത്രയ്ക്കും നിരോധനം ഏർപ്പെടുത്തിയിട്ടുണ്ട്. കേരള-കർണാടക തീരങ്ങളിൽ മത്സ്യ ബന്ധനത്തിന് വിലക്ക് ഏർപ്പെടുത്തിയിട്ടില്ല. തിരുവനന്തപുരത്ത് ദുരിതാശ്വാസ ക്യാമ്പുകൾ പ്രവർത്തിക്കുന്ന സ്കൂളുകൾക്ക് ഇന്ന് അവധി പ്രഖ്യാപിച്ചിട്ടുണ്ട്. മധ്യ ബംഗാൾ ഉൾക്കടലിലും വെള്ളിയാഴ്ചയോടെ ന്യൂനമർദ്ദം രൂപപ്പെടുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പ്. ഇതിന്റെ സ്വാധീനഫലമായി വരും ദിവസങ്ങളിലും സംസ്ഥാനത്ത് മഴ പ്രതീക്ഷിക്കാം.
Read More‘സർക്കാരല്ലിത് കൊള്ളക്കാർ’..! എൽഡിഎഫ് സർക്കാരിനെതിരേ സെക്രട്ടേറിയറ്റ് വളഞ്ഞ് യുഡിഎഫ്
തിരുവനന്തപുരം: എൽഡിഎഫ് സർക്കാരിനെതിരേ ‘സർക്കാരല്ലിത് കൊള്ളക്കാർ’ എന്ന മുദ്രാവാക്യം ഉയർത്തി യുഡിഎഫിന്റെ ആഭിമുഖ്യത്തിലുള്ള സെക്രട്ടേറിയറ്റ് ഉപരോധം ആരംഭിച്ചു. കന്റോണ്മെന്റ് ഗേറ്റ് ഒഴികെയുള്ള മറ്റ് മൂന്ന് ഗേറ്റുകളും കോണ്ഗ്രസ്, യുഡിഎഫ് പ്രവർത്തകർ രാവിലെ ആറരയോടെ തന്നെ ഉപരോധിച്ചിരുന്നു. പ്രവർത്തകർ ഏജീസ് ഓഫീസ് മുതൽ സെക്രട്ടേറിയറ്റിന്റെ ആസാദ് ഗേറ്റ് വരെ അണിനിരന്നിരിക്കുകയാണ്. മന്ത്രിമാരും സെക്രട്ടേറിയറ്റ് ജീവനക്കാരും അകത്തേക്ക് കടക്കുന്നത് കന്റോണ്മെന്റ് ഗേറ്റിലൂടെയാണ്. സർക്കാരിന്റെ അഴിമതി, സഹകരണ ബാങ്ക് തട്ടിപ്പ്, വിലക്കയറ്റം ഉൾപ്പെടെ ചൂണ്ടിക്കാട്ടിയാണ് യുഡിഎഫിന്റെ സമരം. പ്രതിപക്ഷ നേതാവ് വി.ഡി. സതീശൻ രാവിലെ ഉപരോധസമരം ഉദ്ഘാടനം ചെയ്തു.കഴിഞ്ഞ അഞ്ച് മാസത്തിനുള്ളിൽ യുഡിഎഫിന്റെ നേതൃത്വത്തിൽ നടക്കുന്ന രണ്ടാമത്തെ സെക്രട്ടേറിയറ്റ് ഉപരോധമാണ് ഇന്ന് നടക്കുന്നത്. കെപിസിസി പ്രസിഡന്റ് കെ. സുധാകരൻ, പ്രതിപക്ഷ നേതാവ് വി.ഡി. സതീശൻ, യുഡിഎഫ് കണ്വീനർ എംഎം ഹസൻ, രമേശ് ചെന്നിത്തല, അഡ്വ. ബിന്ദു കൃഷ്ണ, യുഡിഎഫ് ഘടക കക്ഷി…
Read Moreസിബിഐ ഉദ്യോഗസ്ഥനെന്ന വ്യാജേന ജോലി വാഗ്ദാനം; പ്രതി അറസ്റ്റിൽ
സിബിഐ ഉദ്യോഗസ്ഥനെന്ന വ്യാജേന ജോലി വാഗ്ദാനം ചെയ്ത് തട്ടിപ്പ് നടത്തിയ ആൾ അറസ്റ്റിൽ. തന്റെ മകന് കേന്ദ്ര അന്വേഷണ ഏജൻസിയിൽ ജോലി നൽകാമെന്ന് വാഗ്ദാനം ചെയ്ത് പ്രതി ഒരു ടാക്സി ഡ്രൈവറെ കബളിപ്പിച്ചതായി പോലീസ് പറഞ്ഞു. സി.ബി.ഐ ഉദ്യോഗസ്ഥനെന്ന വ്യാജേന ഡ്രൈവറെ തെറ്റ് ധരിപ്പിച്ചാണ് പ്രതി ടാക്സിയിൽ സഞ്ചരിച്ചത് . റെയ്ഡ് നടത്തി ആളുകളെ അറസ്റ്റ് ചെയ്യുന്നതിനെക്കുറിച്ച് ഇയാൾ വീമ്പിളക്കുന്നത് ഡ്രൈവർ കേട്ടു. ഇയാളുടെ സംസാരത്തിൽ ആകൃഷ്ടനായ ഡ്രൈവർ സിബിഐയിലെ ജോലികളെക്കുറിച്ച് അന്വേഷിച്ചു. സംഭാഷണത്തിനിടെ ഡ്രൈവറുടെ മകന് ഒരു ലക്ഷം രൂപയ്ക്ക് സിബിഐയിൽ ജോലി നൽകാമെന്ന് പ്രതി പറഞ്ഞു. ശേഷം ഇയാൾക്ക് 15,000 രൂപ നൽകുകയും ബാക്കി തുക പിന്നീട് നൽകാമെന്ന് പറയുകയും ചെയ്തു. എന്നാൽ ആളെ ഇറക്കിവിട്ടതോടെ സംശയം തോന്നിയ ഡ്രൈവർ മറൈൻ ഡ്രൈവ് പൊലീസ് സ്റ്റേഷനെ സമീപിക്കുകയായിരുന്നു. തുടർന്ന് ബാക്കി തുക വാങ്ങാൻ എത്തിയപ്പോൾ…
Read Moreബഹിരാകാശ ദൗത്യത്തിന് തയ്യാറെടുത്ത് ഐഎസ്ആർഒ; സ്വപ്നങ്ങൾ യാഥാർഥ്യമാക്കാൻ ഇന്ത്യ
ഗഗൻയാൻ പദ്ധതിയുടെ നിർണായക പരീക്ഷണം 21 നു നടക്കുന്നതിനു മുന്നോടിയായി അവലോകന യോഗം നടന്നു. ഇന്ത്യൻ ബഹിരാകാശ പദ്ധതിക്കു വേണ്ടി വലിയ സ്വപ്നങ്ങളാണ് ഐഎസ്ആർഒ ക്ക് മുൻപിൽ പ്രധാനമന്ത്രി നരേന്ദ്രമോദി മുന്നോട്ട് വെച്ചത്. ഗഗൻയാൻ പദ്ധതി അവലോകന യോഗത്തിലാണ് പ്രധാനമന്ത്രിയുടെ നിർദ്ദേശങ്ങൾ. 2035 നുള്ളിൽ ഇന്ത്യ സ്വന്തം ബഹിരാകാശ നിലയമുണ്ടാക്കണമെന്നും 2040 ൽ മനുഷ്യനെ ചന്ദ്രനിൽ ഇറക്കണമെന്നും ചൊവ്വയിലേക്കും ശുക്രനിലേക്കും ദൗത്യങ്ങൾ നടത്തണമെന്നും നരേന്ദ്ര മോദി നിർദ്ദേശിച്ചു. 2025 ഓടെ ഗഗൻയാൻ പദ്ധതിയിലെ ആദ്യ മനുഷ്യ ദൗത്യം നടത്തണമെന്നു പറഞ്ഞു. അതിനു മുന്നോടിയായി മൂന്ന് ആളില്ലാ ദൗത്യങ്ങൾ നടക്കും. ഈ സ്വപ്നങ്ങൾ യാഥാർഥ്യമാക്കണമെങ്കിൽ ഒരുപാട് അടിസ്ഥാന സൗകര്യങ്ങൾ നടപ്പിലാക്കണം. പുതുതലമുറ വിക്ഷേപണ വാഹനം, ശ്രീഹരിക്കോട്ടയിലെ ലോഞ്ചിങ് പാഡ് ഉൾപ്പെടെയുള്ളവയിൽ മാറ്റങ്ങൾ,ലബോറട്ടറികൾ,ഗവേഷണ സ്ഥാപനങ്ങൾ എന്നിവ സ്ഥാപിക്കണം. എന്നിവയാണ് പ്രധാനമന്ത്രി മുന്നോട്ട് വെച്ച സ്വപ്നങ്ങൾ.
Read Moreചോദ്യം ചോദിക്കാൻ കോഴ; തൃണമൂൽ എംപിക്കെതിരേ അദാനി ഗ്രൂപ്പും
ന്യൂഡൽഹി: പാര്ലമെന്റില് ചോദ്യം ചോദിക്കാൻ കോഴ വാങ്ങിയെന്ന വിവാദത്തിൽ തൃണമൂൽ കോൺഗ്രസ് എംപി മഹുവ മൊയിത്രയ്ക്കെതിരേ ബിജെപിക്ക് പിന്നാലെ അദാനി ഗ്രൂപ്പും രംഗത്തെത്തി. കേന്ദ്രസർക്കാരിനെയും അദാനി ഗ്രൂപ്പിനെയും സംശയത്തിന്റെ നിഴലിൽ നിർത്തി ചോദ്യങ്ങൾ ചോദിക്കുന്നതിന് ഹിരാനന്ദാനി ഗ്രൂപ്പിൽനിന്ന് രണ്ടു കോടിയോളം രൂപ മഹുവ കൈപ്പറ്റിയെന്നും തെരഞ്ഞെടുപ്പ് പ്രചാരണത്തിന് 75 ലക്ഷം രൂപയും ഐഫോണടക്കം വിലയേറിയ സമ്മാനങ്ങളും ഹിരാനന്ദാനി ഗ്രൂപ്പ് മഹുവയ്ക്ക് നൽകിയെന്നും ആരോപിച്ച് ബിജെപി എംപി നിഷികാന്ത് ദുബെ ലോക്സഭ സ്പീക്കർക്ക് പരാതി നല്കിയിരുന്നു. ഈ വാർത്ത ഞെട്ടിക്കുന്നതാണെന്നും ചില വ്യക്തികളും സ്ഥാപനങ്ങളും അദാനി ഗ്രൂപ്പിന്റെ പ്രതിച്ഛായ മോശമാക്കാൻ ശ്രമിക്കുന്നുവെന്ന് തങ്ങൾ നേരത്തെ പറഞ്ഞതാണെന്നും അദാനി ഗ്രൂപ്പ് പ്രസ്താവനയിലൂടെ അറിയിച്ചു. വിഷയത്തിൽ ബിജെപി നേതാക്കൾ എംപിക്കെതിരേ രൂക്ഷ വിമർശനവും നടപടിയും ആവശ്യപ്പെട്ടിരിക്കെയാണ് അദാനി ഗ്രൂപ്പും പരസ്യ പ്രസ്താവന ഇറക്കിയത്. കോഴ ആരോപണ പരാതിയിൽ ലോക്സഭാ സെക്രട്ടേറിയറ്റിന്റെ തീരുമാനം…
Read Moreമഴ സാധ്യതയ്ക്കൊപ്പം ഇനി ആഘാത സാധ്യതാ മുന്നറിയിപ്പും നൽകാനൊരുങ്ങി ദുരന്തനിവാരണ അതോറിറ്റി
തിരുവനന്തപുരം: ഇനി മുതൽ കാലാവസ്ഥ അറിയിപ്പുകളിൽ മഴ സാധ്യതക്കൊപ്പം ആഘാത സാധ്യത മുന്നറിയിപ്പ് കൂടി നൽകാൻ ദുരന്തനിവാരണ അതോറിറ്റി. തിരുവനന്തപുരത്ത് ശനിയാഴ്ച പെരുമഴ ഉണ്ടാകുന്നതിനു മുന്പ് കാലാസ്ഥ നിരീക്ഷണ കേന്ദ്രവും ദുരന്തനിവാരണ അതോറിറ്റിയും നൽകിയ മുന്നറിയിപ്പുകളിൽ സംസ്ഥാനത്ത് എവിടെയും ശക്തമായ മഴയ്ക്ക് സാധ്യത അറിയിച്ചിരുന്നില്ല. ശനിയാഴ്ച യെല്ലാ അലർട്ടും ഞായറാഴ്ച ഗ്രീൻ അലർട്ടുമായിരുന്നു തിരുവനന്തപുരത്ത് പ്രഖ്യാപിച്ചിരുന്നത്. ഇതിന്റെ പശ്ചാത്തലത്തിലാണ് ആഘാത സാധ്യത മുന്നറിയിപ്പ് കൂടി നൽകാൻ തീരുമാനം. അതായത്, മഴ സാധ്യതയ്ക്ക് ഒപ്പം, വെള്ളക്കെട്ട്, മണ്ണിടിച്ചിൽ തുടങ്ങിയ അപകടങ്ങൾക്കുള്ള സാധ്യതയും മുന്നറിയിപ്പിൽ നൽകും. ആറ് മണിക്കൂറിടവിട്ട് കാലാവസ്ഥ നിരീക്ഷണ കേന്ദ്രം നൽകുന്ന മുന്നറിയിപ്പാണ് ദുരന്ത നിവാരണ അതോറിറ്റി നൽകുന്നത്.
Read Moreമഹാരാഷ്ട്രയിലെ ഏറ്റവും വലിയ ഫ്ലൈ ഓവർ നിർമാണത്തിനിടെ തകർന്നു
മുംബൈ: മഹാരാഷ്ട്രയിലെ ഏറ്റവും വലിയതെന്ന വിശേഷണവുമായി നിർമാണം തുടങ്ങിയ ഫ്ലൈ ഓവർ തകർന്നുവീണു. സംഭവത്തിൽ ക്രെയിൻ മെഷീനും തകർന്നു. മുംബൈ-ഗോവ ഹൈവേയിലെ രത്നഗിരി ജില്ലയിലെ ചിപ്ലൂൺ നഗരത്തിലാണ് ഇന്നലെ ഉച്ചയ്ക്ക് 2.30 ഓടെ അപകടം നടന്നത്. ആർക്കും പരിക്കേറ്റിട്ടില്ലെന്നാണ് പ്രാഥമിക വിവരം. വലിയ ശബ്ദത്തോടെ അപ്രതീക്ഷിതമായി നാലുവരിപ്പാത ഫ്ലൈ ഓവർ തകർന്നുവീഴുകയായിരുന്നു. പാലത്തിനടിയിൽ വാഹനങ്ങളും ആളുകളുമില്ലാത്തതിനാൽ വലിയ അപകടം ഒഴിവായി. നടുവിലെ രണ്ട് ഗർഡറുകൾ തകർന്നതോടെയാണ് പാലം താഴേക്കുവീണത്. മൊത്തം 46 പില്ലറുകളുള്ള ഫ്ലൈ ഓവറിന്റെ ആറ് തൂണുകളുടെ നിർമാണം പൂർത്തിയായി. പാലത്തിന്റെ മറ്റുഭാഗങ്ങൾക്ക് കുഴപ്പമില്ലെന്ന് തകർച്ചയുടെ കാരണം അന്വേഷിക്കുമെന്നും അധികൃതർ അറിയിച്ചു.
Read More