മണിപ്പൂരിൽ മെയ്തേയ് സംഘടനാ നേതാവിന് നേരെ അജ്ഞാതരുടെ ആക്രമണം. വെസ്റ്റ് ഇംഫാൽ ജില്ലയിൽ ഇന്നലെ രാവിലെയാണ് സംഘടനാ നേതാവ് മയങ്ബാം പ്രമോത് സിംഗിന് ആക്രമണം ഉണ്ടായത്. മെയ്തേയ് ലീപുൺ തലവനാണ് പ്രമോത് സിംഗ്. പ്രമോത് സിംഗും ഡ്രൈവറും ലാംഗോളിലെ മെയ്തേയ് ലീപുൺ ഓഫീസിൽ ഒരു മീറ്റിംഗിൽ പങ്കെടുക്കുന്നതിനു പോവുകയായിരുന്നു. ലാംഗോളിൽ ഒരു ആശുപത്രിക്ക് സമീപമെത്തിയപ്പോൾ കാറിൽ വന്ന തോക്കുധാരികൾ ഇവർക്ക് നേരെ വെടിയുതിർക്കുകയായിരുന്നു. ആറ് തവണയാണ് അക്രമികൾ വെടിയുതിർത്തത്. അക്രമണത്തിൽ രണ്ട് പേർക്കും പരിക്കില്ല. പോലീസ് കേസ് രജിസ്റ്റർ ചെയ്തു. സംഭവസ്ഥലത്ത് നിന്ന് ഫോറൻസിക് സംഘം സാമ്പിളുകൾ ശേഖരിച്ചിട്ടുണ്ട്. ആക്രമണത്തിന്റെ കാരണം ഇനിയും വ്യക്തമായിട്ടില്ല. പോലീസ് അന്വേഷണം ആരംഭിക്കുന്നു.
Read MoreCategory: Loud Speaker
കളമശേരി ബോംബ് സ്ഫോടനക്കേസ്; പ്രതിക്കായി കസ്റ്റഡി അപേക്ഷ നല്കും; പ്രതിയെ തിരിച്ചറിഞ്ഞ് മൂന്നു പേര്
കൊച്ചി: കളമശേരിയില് മൂന്നു പേരുടെ മരണത്തിന് ഇടയാക്കിയ ബോംബ് സ്ഫോടനക്കേസിലെ പ്രതി ഡൊമിനിക് മാര്ട്ടിനെ കസ്റ്റഡിയില് ലഭിക്കുന്നതിനായി അന്വേഷണ സംഘം ഇന്ന് ജില്ലാ സെഷന്സ് കോടതിയില് അപേക്ഷ നല്കും. ഡൊമിനിക്കിനെ കസ്റ്റഡിയില് ലഭിച്ചാല് മാത്രമേ കൂടുതല് തെളിവെടുപ്പ് നടത്താനാവൂ. നിലവില് ബോംബ് നിര്മിച്ചുവെന്ന് പ്രതി പറയുന്ന ഇയാളുടെ അത്താണിയിലുള്ള വീട്ടില് മാത്രമാണ് അന്വേഷണസംഘം പ്രതിയുമായി തെളിവെടുപ്പ് നടത്തിയിട്ടുള്ളത്. കസ്റ്റഡിയില് ലഭിച്ചാലുടന് ബോംബ് നിര്മാണത്തിന് ആവശ്യമായ സാമഗ്രികള് വാങ്ങിയ പെട്രോള് പമ്പുകളിലും തൃപ്പൂണിത്തുറയിലെ പടക്കക്കടയിലും റിമോട്ട്, ബാറ്ററി എന്നിവ വാങ്ങിയ പള്ളിമുക്കിലെ ഇലക്ട്രിക് കടയിലും തമ്മനത്തെ വീട്ടിലും സ്ഫോടനം നടത്തിയ സമ്ര കണ്വെന്ഷന് സെന്ററിലും പ്രതിയുമായി തെളിവെടുപ്പ് നടത്തും. പ്രതിയെ തിരിച്ചറിഞ്ഞ് മൂന്നു പേര്എറണാകുളം ജുഡീഷ്യല് ഫസ്റ്റ് ക്ലാസ് കോടതി മജിസ്ട്രേറ്റ് എല്ദോസ് മാത്യുവിന്റെ സാന്നിധ്യത്തില് കാക്കനാട് സബ്ജയില് ഹാളില് ഇന്നലെ പ്രതി ഡൊമിനിക് മാര്ട്ടിന്റെ തിരിച്ചറിയല്…
Read Moreകേരളീയത്തിനായി നിർബന്ധിത പണപ്പിരിവില്ല: ധനമന്ത്രി
തിരുവനന്തപുരം: കേരളീയത്തിനായി നിർബന്ധിത പണപ്പിരിവില്ലെന്ന് ധനകാര്യമന്ത്രി കെ.എൻ. ബാലഗോപാൽ. 27 കോടി രൂപയൊന്നും കേരളീയത്തിന് ചെലവഴിച്ചിട്ടില്ല. ഇപ്പോൾ നടക്കുന്ന പ്രചാരണങ്ങൾ തെറ്റാണെന്നും മന്ത്രി പറഞ്ഞു. കേരളീയത്തിൽ പങ്കെടുക്കാൻ സാധിക്കാത്തതിൽ പല യുഡിഎഫ് നേതാക്കൾക്കും പശ്ചാത്താപമുണ്ടെന്നും അദ്ദേഹം പറഞ്ഞു. നവകേരള സദസിന് പണം പിരിയ്ക്കാൻ തദ്ദേശസ്വയംഭരണ സ്ഥാപനങ്ങളെ ചുമതലപ്പെടുത്തിയിട്ടില്ല. താൽപ്പര്യമുള്ളവരെ ഒപ്പം കൂട്ടി സംഘാടകസമിതി രൂപീകരിക്കാനാണ് നിർദേശിച്ചിട്ടുള്ളത്. നെല്ല് സംഭരണ വിഷയത്തിൽ സപ്ലൈകോയുടെ ഭാഗത്ത് പല വീഴ്ചകളും സംഭവിച്ചിട്ടുണ്ട്. സപ്ലൈകോയെ ഇനി പഴയ രീതിയിൽ പോകാൻ അനുവദിക്കില്ലെന്നും ധനകാര്യമന്ത്രി വ്യക്തമാക്കി.
Read Moreട്രെയിൻ മാർഗം കഞ്ചാവ് കടത്ത് വ്യാപകം: പിന്നിൽ ഇതരസംസ്ഥാന തൊഴിലാളികൾ
ചാത്തന്നൂർ: തീവണ്ടി മാർഗം ജില്ലയിലേയ്ക്ക് കഞ്ചാവ് കടത്ത് വ്യാപകമാകുന്നു. പോലീസിന്റെയും റെയിൽവേ സംരക്ഷണ സേനയുടെയും പരിശോധനകൾ ഇപ്പോൾ കാര്യമായി നടക്കാത്തതാണ് ഇതിന്റെ പ്രധാന കാരണം. കഴിഞ്ഞ ദിവസം എക്സൈസ് സംഘം കൊട്ടിയത്ത് വൻ കഞ്ചാവ് വേട്ട നടത്തുകയുണ്ടായി. അഞ്ചര കിലോയിലധികം കഞ്ചാവുമായി രണ്ട് ഇതര സംസ്ഥാന തൊഴിലാളികളായ യുവാക്കളെയാണ് കൊല്ലം എക്സൈസ് സ്പെഷൽ സ്ക്വാഡ് കൊട്ടിയത്ത് നിന്നും പിടികൂടിയത്. ബംഗാൾ കുച്ച് ബിഹാർ, വീതാർകുറ്റി പാർഥനയിൽ രവി ബർമൻ (34), സിതാർ കുറ്റിയിൽ ഗോവിന്ദ് സർക്കാർ (38) എന്നിവരാണ് പിടിയിലായത്. ഗോവിന്ദ് സർക്കാരാണ് ബംഗാളിൽ നിന്നും സ്ഥിരമായി ട്രെയിൻ മാർഗം കൊല്ലത്ത് കഞ്ചാവ് എത്തിച്ചതെന്ന് എക്സൈസ് ഉദ്യോഗസ്ഥർ പറഞ്ഞു. കൊല്ലം റെയിൽവേ സ്റ്റേഷനിൽ എത്തിച്ച കഞ്ചാവ് രവീന്ദ്ര ബർമന്റെ സ്കൂട്ടറിൽ ഇരുവരും ചാക്കിൽ കെട്ടി കൊട്ടിയത്തേക്കു കൊണ്ടു വരവെയാണ് ഇവരെ എക്സൈസ് സംഘം പിടികൂടിയത്. പിടിയിലായ പ്രതികൾ…
Read Moreകേരളീയത്തിൽ തരംഗമായി ‘മണിച്ചിത്രത്താഴ്’; ഇത് ലിയോയൊ ജയിലറോ അല്ലെന്ന് മന്ത്രി സജി ചെറിയാൻ
കേരളീയം പരിപാടിയിലെ സിനിമാ മേളയിൽ ഫാസിൽ സംവിധാനം ചെയ്ത മണിച്ചിത്രത്താഴ് പ്രദർശിപ്പിച്ചു. ഇന്നലെ വൈകിട്ട് 7.30നായിരുന്നു പ്രദർശനം. എന്നാൽ ഷോ തുടങ്ങുന്നതിനു മണിക്കൂറുകൾക്ക് മുൻപെ തന്നെ ആളുകളുടെ നീണ്ട നിര തന്നെ ആയിരുന്നു. തിരക്ക് കൂടിയതോടെ അധിക ഷോകളും നടത്തി. ഇത് ലിയോയോ ജയിലറോ കാണാനുള്ള ആൾക്കൂട്ടമല്ല, മൂന്ന് പതിറ്റാണ്ടു മുമ്പ് ഇറങ്ങിയ മലയാളികളുടെ പ്രിയപ്പെട്ട മണിച്ചിത്രത്താഴ് കാണാനുള്ള തിരക്കാണിതെന്ന് മന്ത്രി സജി ചെറിയാൻ പറഞ്ഞു. മന്ത്രി സജി ചെറിയാന്റെ ഫേസ്ബുക്ക് പോസ്റ്റ്…കേരളീയം പരിപാടിയുടെ ഭാഗമായി കേരള സംസ്ഥാന ചലച്ചിത്ര അക്കാദമി കെ.എസ്.എഫ്.ഡി.സിയുടെ സഹകരണത്തോടെ സംഘടിപ്പിച്ച ചലച്ചിത്രമേളയില് അഭൂതപൂര്വ്വമായ ജനത്തിരക്കാണ് കാണാന് കഴിയുന്നത്. ജനപ്രീതിയും കലാമൂല്യവുമുള്ള മികച്ച ചിത്രത്തിനും മികച്ച നടിക്കുമുള്ള ദേശീയ, സംസ്ഥാന പുരസ്കാരങ്ങള് നേടിയ മണിച്ചിത്രത്താഴിന് 30-ാം വര്ഷത്തില് വന്വരവേല്പ്പാണ് ലഭിച്ചത്. കൈരളി തീയേറ്റര് സമുച്ചയത്തിന്റെ കവാടത്തിന് താഴിടാതെ പെരുമഴയില് കാത്തുനിന്ന ആയിരങ്ങള്ക്കായി മൂന്ന്…
Read Moreദീപാവലി തിരക്ക് ഒഴിവാക്കാൻ വൺവേ ജൻ സാധാരൺ സ്പെഷലുമായി റെയിൽവേ
എസ്.ആർ.സുധീർ കുമാർകൊല്ലം: ദീപാവലിയോട് അനുബന്ധിച്ചുള്ള യാത്രക്കാരുടെ തിരക്ക് ഒഴിവാക്കാൻ ജൻ സാധാരൺ സ്പെഷൽ ട്രെയിൻ ഏർപ്പെടുത്തി റെയിൽവേ. വൺവേ അൺറിസർവ്ഡ് സ്പെഷൽ ട്രെയിനാണ് സർവീസ് നടത്തുക. ആദ്യ വണ്ടി എറണാകുളം ജംഗ്ഷനിൽ നിന്ന് ധൻബാദിലേയ്ക്ക് പത്തിന് പുറപ്പെടും. രാത്രി 11.55 ന് എറണാകുളത്ത് നിന്ന് യാത്രതിരിക്കുന്ന വണ്ടി 12 – ന് രാത്രി 11 -ന് ധൻബാദിൽ എത്തും.ആലുവ, തൃശൂർ, പാലക്കാട്, കോയമ്പത്തൂർ, ഈറോഡ്, സേലം, ജോലാർപ്പെട്ട ജംഗ്ഷൻ, കാട്പാടി ജംഗ്ഷൻ, പെരമ്പൂർ, ഗുഡൂർ, വിജയവാഡ, രാജമുദ്രി, ദുവ്വാഡ, വിഴിയനഗരം, റായഗഡ, സാമ്പൽപുർ, റൂർക്കേല എന്നിവയാണ് സ്റ്റോപ്പുകൾ. രണ്ട് ലഗേജ് – ബ്രേക്ക് വാൻ കോച്ചുകൾ കൂടാതെ 22 രണ്ടാം ക്ലാസ് ജനറൽ സിറ്റിംഗ് കോച്ചുകൾ ഉണ്ടാകും. ഇത് കൂടാതെ ഒരു വീക്കിലി സ്പെഷൽ സൂപ്പർഫാസ്റ്റ് ട്രെയിൻ നാഗർകോവിൽ ജംഗ്ഷനിൽ നിന്ന് താംബരത്തേയ്ക്കും തിരികെയും സർവീസ് നടത്തും.…
Read More‘ഇന്ത്യ’യിൽ കോൺഗ്രസിന് താത്പര്യമില്ല; നിയമസഭാ തിരഞ്ഞെടുപ്പുകളിലാണ് താത്പര്യമെന്ന് നിതീഷ് കുമാര്
പട്ന: ‘ഇന്ത്യ’ മുന്നണിയിൽ കോണ്ഗ്രസിനു താത്പര്യമില്ലെന്ന കുറ്റപ്പെടുത്തലുമായി ബിഹാര് മുഖ്യമന്ത്രിയും പ്രതിപക്ഷനിരയിലെ മുതിര്ന്ന നേതാക്കളില് ഒരാളുമായ നിതീഷ് കുമാര്. അഞ്ച് സംസ്ഥാനങ്ങളിൽ നടക്കുന്ന നിയമസഭാ തിരഞ്ഞെടുപ്പുകളിലാണ് കോൺഗ്രസിനു താത്പര്യമെന്നും അദ്ദേഹം പറഞ്ഞു. ‘ബിജെപിയെ അധികാരത്തില്നിന്നു പുറത്താക്കൂ, രാജ്യത്തെ രക്ഷിക്കൂ’ എന്ന മുദ്രാവാക്യമുയർത്തി പട്നയിൽ സിപിഐ സംഘടിപ്പിച്ച റാലിയിലാണ് നിതീഷ് കുമാര് ഇന്ത്യ മുന്നണിയിലെ തനിക്കുള്ള അതൃപ്തി പരസ്യമായി പ്രകടിപ്പിച്ചത്. സിപിഐ ജനറല് സെക്രട്ടറി ഡി.രാജ ഉള്പ്പടെയുള്ള മുതിർന്ന നോതാക്കള് പങ്കെടുത്ത പരിപാടിയിലാണ് നിതീഷ് മുന്നണിയിലെ അസ്വസ്ഥകൾ തുറന്നുപറഞ്ഞത്.
Read More‘അഞ്ച് വർഷവും മുഖ്യമന്ത്രി ഞാൻ തന്നെ’; പരസ്യപ്രഖ്യാപനവുമായ് സിദ്ധരാമയ്യ
ബംഗളൂരു: കർണാടകയിൽ അധികാരം പങ്കിടലുമായി ബന്ധപ്പെട്ട ചർച്ചകൾക്കിടയിൽ മുഖ്യമന്ത്രിയായി കാലാവധി പൂർത്തിയാക്കുമെന്ന് സിദ്ധരാമയ്യ. സിദ്ധരാമയ്യയും കർണാടക കോൺഗ്രസ് അധ്യക്ഷനും ഉപമുഖ്യമന്ത്രിയുമായ ഡി.കെ. ശിവകുമാറും രണ്ടരവർഷം വീതം മുഖ്യമന്ത്രിസ്ഥാനം പങ്കുവയ്ക്കുമെന്ന റിപ്പോർട്ട് പുറത്തുവരുന്നതിനിടെയാണ് സിദ്ധരാമയ്യയുടെ പരസ്യപ്രഖ്യാപനം. ‘സർക്കാർ അഞ്ചു വർഷം അധികാരത്തിലുണ്ടാകും. ഞാൻ മുഖ്യമന്ത്രിയാണ്, അധികാരത്തിൽ തന്നെ തുടരും. അധികാരമാറ്റം ഹൈക്കമാൻഡ് തീരുമാനിക്കും. കോൺഗ്രസ് പ്രാദേശിക പാർട്ടിയല്ല, ദേശീയ പാർട്ടിയാണ്’- അധികാരം പങ്കിടലിനെ നിഷേധിച്ചുകൊണ്ട് സിദ്ധരാമയ്യ പറഞ്ഞു. നിയമസഭാ തിരഞ്ഞെടുപ്പിൽ ബിജെപിയെ പുറത്താക്കി 224 സീറ്റിൽ 135 സീറ്റും കരസ്ഥമാക്കിയാണ് കോൺഗ്രസ് സംസ്ഥാനത്ത് അധികാരം തിരിച്ചുപിടിച്ചത്. മുഖ്യമന്ത്രിയെ തിരഞ്ഞെടുത്തപ്പോൾ സിദ്ധരാമയ്യയുമായി അധികാരം പങ്കിടാൻ ശിവകുമാർ സമ്മതം മൂളിയതായി റിപ്പോർട്ട് വന്നിരുന്നു. കോൺഗ്രസിലെ ചില എംഎൽഎമാർ, മുഖ്യമന്ത്രിസ്ഥാനം പങ്കിടൽ, മന്ത്രിസഭാവികസനം തുടങ്ങിയ വിഷയങ്ങൾ പരസ്യമായി ഉന്നയിക്കുന്നുണ്ട്.
Read Moreരാജസ്ഥാന്, ഛത്തീസ്ഗഡ് സംസ്ഥാനങ്ങളില് ഇഡി റെയ്ഡ്
ജയ്പൂര്: രാജസ്ഥാന്, ഛത്തീസ്ഗഡ് സംസ്ഥാനങ്ങളിലെ വിവിധയിടങ്ങളില് ഇഡി റെയ്ഡ്. രാജസ്ഥാനിലെ 25 ഇടങ്ങളിലാണു പരിശോധന. ജല്ജീവന് മിഷന് അഴിമതിയുമായി ബന്ധപ്പെട്ടാണ് രാജസ്ഥാനിൽ റെയ്ഡ് നടക്കുന്നത്. പദ്ധതിയില് അഴിമതി നടന്നെന്ന് ഒരു ഐഎഎസ് ഉദ്യോഗസ്ഥന് ഇഡിക്കു വിവരം നല്കിയിരുന്നു. പദ്ധതിയില് 13,000 കോടി രൂപയുടെ അഴിമതി നടന്നെന്നാണ് ആരോപണം. ഛത്തീസ്ഗഡില് ഓണ്ലൈന് വാതുവയ്പ്പുമായി ബന്ധപ്പെട്ട കേസിലാണ് റെയ്ഡ് നടക്കുന്നത്. മഹാദേവ് ഓണ്ലൈന് ആപ്പുവഴിയുള്ള വാതുവയ്പ്പ് കേസിലാണു പരിശോധന. ചില രാഷ്ട്രീയ നേതാക്കള് ഉൾപ്പെടെയുള്ളവർക്ക് ഇതിന്റെ ഗുണം കിട്ടിയിട്ടുണ്ടെന്നാണ് ഇഡിയുടെ വിശദീകരണം.
Read Moreവായുമലിനീകരണം; ഡല്ഹിയില് സ്കൂളുകള്ക്ക് അവധി;മലിനീകരണത്തിന്റെ അളവു കുറയ്ക്കുന്നതിനുള്ള നടപടികള് സര്ക്കാര് ഊര്ജിതമാക്കി
ന്യൂഡല്ഹി: രാജ്യതലസ്ഥാനത്ത് ആശങ്കാജനകമാം വിധം വായു മലിനീകരണം രൂക്ഷമാകുന്നതിനാല് രണ്ട് ദിവസത്തേക്ക് സ്കൂളുകള്ക്ക് അവധി പ്രഖ്യാപിച്ച് സര്ക്കാര്. സ്കൂളുകള്ക്ക് അവധി നല്കുന്ന വിവരം ഡല്ഹി മുഖ്യമന്ത്രി അരവിന്ദ് കേജരിവാള് ഔദ്യോഗിക എക്സ് അക്കൗണ്ടിലൂടെയാണ് അറിയിച്ചത്. ഡല്ഹിയിലെ മലിനീകരണ തോത് ഉയരുകയാണെന്നും എക്യുഐ (എയര് ക്വാളിറ്റി ഇന്ഡക്സ്) 450ന് മുകളിലാണെന്നും ഇന്നലെ റിപ്പോര്ട്ട് വന്നിരുന്നു. ഈ സാഹചര്യത്തില് എല്ലാ സര്ക്കാര്, സ്വകാര്യ പ്രൈമറി സ്കൂളുകള്ക്കും അവധിയായിരിക്കുമെന്നാണ് മുഖ്യമന്ത്രി അറിയിച്ചത്. നവജാതശിശുക്കളടക്കമുള്ള കുട്ടികള്ക്ക് ഡല്ഹിയിലെ വായു മലിനീകരണം ഏറെ അപകടകരമാണെന്ന് വ്യക്തമാക്കുന്ന പഠന റിപ്പോര്ട്ട് എയിംസ് പുറത്തുവിട്ടിരുന്നു. ഇതോടെ പ്രദേശത്തു മലിനീകരണത്തിന്റെ അളവു കുറയ്ക്കുന്നതിനുള്ള നടപടികള് സര്ക്കാര് ഊര്ജിതമാക്കി.
Read More