പാളയം ഗവ. സംസ്കൃത കോളജില് സിപിഎം വനിതാ നേതാവിന്റെ മകനെ ആക്രമിച്ച് പരിക്കേല്പ്പിച്ച് എസ്എഫ്ഐക്കാര്. ഒന്നാം വര്ഷ വിദ്യാര്ഥിയെ എസ്എഫ്ഐ യൂണിറ്റ് മുന് ഭാരവാഹികളുടെ നേതൃത്വത്തിലുള്ള സംഘമാണ് ആക്രമിച്ചത്. പെരുങ്കടവിള പഞ്ചായത്ത് വൈസ് പ്രസിഡന്റ് മാരായമുട്ടം സ്വദേശി എസ്.ബിന്ദുവിന്റെ മകന് ആദര്ശിനാണു പരിക്കേറ്റത്. തടിക്കഷണം കൊണ്ടുള്ള ക്രൂരമായ മര്ദനത്തില് താടിയെല്ലു പൊട്ടി ഗുരുതരമായി പരിക്കേറ്റ ആദര്ശിനെ ആശുപത്രിയില് പ്രവേശിപ്പിച്ചു. കോളജില് എസ്എഫ്ഐ സംഘടിപ്പിച്ച ഓണാഘോഷ പരിപാടിക്കിടെ ചാക്കില്കയറി ഓട്ടം മത്സരത്തില് നിന്നു പിന്മാറിയതാണ് ആക്രമണത്തിനു കാരണം. കോളജിലെ മുന് വിദ്യാര്ഥികളും എസ്എഫ്ഐ യൂണിറ്റ് മുന് ഭാരവാഹികളുമായ അമ്പലമുക്ക് സ്വദേശി നസീം, നെല്ലിമൂട് സ്വദേശി ജിത്തു, കരമന സ്വദേശി സച്ചിന് എന്നിവര്ക്കെതിരെ കന്റോണ്മെന്റ് പോലീസ് കേസ് എടുത്തു. മറ്റു പ്രതികളെ തിരിച്ചറിഞ്ഞിട്ടില്ലെന്നു പോലീസ് പറഞ്ഞു. 24നു വൈകിട്ടു മൂന്നിന് ആയിരുന്നു സംഭവം.
Read MoreCategory: Loud Speaker
ഒരുക്കങ്ങൾ പൂര്ത്തീകരിച്ചു, പുതുപ്പള്ളി സജ്ജം; വോട്ട് ചെയ്യുന്നതിന് ഉപയോഗിക്കാവുന്ന തിരിച്ചറിയൽ കാർഡുകൾ
കോട്ടയം: നാളെ നടക്കുന്ന ഉപതെരഞ്ഞെടുപ്പിനുള്ള ഒരുക്കങ്ങൾ പൂര്ത്തീകരിച്ചതായി ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടര് വി. വിഗ്നേശ്വരിയും ജില്ലാ പോലീസ് ചീഫ് കെ. കാര്ത്തികും അറിയിച്ചു. സുതാര്യവും നീതിപൂര്വവുമായ തെരഞ്ഞെടുപ്പ് ഉറപ്പാക്കാനുള്ള എല്ലാ നടപടികളും ഒരുക്കങ്ങളും നടത്തിയിട്ടുണ്ട്.നാളെ രാവിലെ ഏഴു മുതല് ആറു വരെയാണ് വോട്ടെടുപ്പ്. ഏഴു സ്ഥാനാര്ഥികളാണ് മത്സരരംഗത്തുള്ളത്. 90,281 സ്ത്രീകളും 86,132 പുരുഷന്മാരും നാലു ട്രാന്സ്ജെന്ഡറുകളും അടക്കം 1,76,417 വോട്ടര്മാരാണുള്ളത്. 957 പുതിയ വോട്ടര്മാരുണ്ട്. ഹരിതചട്ടം പാലിച്ചാണ് തെരഞ്ഞെടുപ്പ് നടക്കുക. ജില്ലാ മജിസ്ട്രേറ്റ് ജി. നിര്മല് കുമാര്, ജില്ലാ ഇന്ഫര്മേഷന് ഓഫീസര് എ. അരുണ് കുമാര്, തെരഞ്ഞെടുപ്പ് ഡെപ്യൂട്ടി കളക്ടര് എന്. ബാലസുബ്രഹ്മണ്യം എന്നിവരും പത്രസമ്മേളനത്തില് പങ്കെടുത്തു. പോളിംഗ് സാമഗ്രികളുടെ വിതരണം വോട്ടെടുപ്പിനുള്ള പോളിംഗ് സാമഗ്രികളുടെ വിതരണം കോട്ടയം ബസേലിയോസ് കോളജില് ആരംഭിച്ചു. 228 വീതം കണ്ട്രോള്, ബാലറ്റ് യൂണിറ്റുകളുടെയും വിവി പാറ്റുകളുമാണ് തയാറാക്കിയിട്ടുള്ളത്.…
Read Moreപുതുപ്പള്ളി ഉപതിരഞ്ഞെടുപ്പ്; മണ്ഡലത്തിൽ പൊതുഅവധി, നാല് സെന്സിറ്റീവ് ബൂത്തുകള്,48 മണിക്കൂര് നിരോധനാജ്ഞ, ഡ്രൈഡേ
കോട്ടയം; വോട്ടെടുപ്പു ദിവസമായ സെപ്റ്റംബര് അഞ്ചിന് മണ്ഡലത്തിന്റെ പരിധിയിലുള്ള സര്ക്കാര്, അര്ധസര്ക്കാര്, വിദ്യാഭ്യാസ, വാണിജ്യ സ്ഥാപനങ്ങള്ക്ക് പൊതുഅവധി ആയിരിക്കും. മണ്ഡലത്തിന്റെ പരിധിയില് ഷോപ്സ് ആന്ഡ് കൊമേഴ്സ്യല് എസ്റ്റാബ്ലിഷ്മെന്റ് നിയമത്തിനു കീഴില് പ്രവര്ത്തിക്കുന്ന സ്വകാര്യ സംരംഭങ്ങള്-സ്ഥാപനങ്ങള്, വ്യവസായ സ്ഥാപനങ്ങള്, കടകള് എന്നിവിടങ്ങളിലെ ജീവനക്കാര്ക്കും വേതനത്തോടു കൂടിയ അവധിയായിരിക്കും. മറ്റിടങ്ങളില് ജോലിചെയ്യുന്ന പുതുപ്പള്ളി നിയമസഭാ മണ്ഡലത്തിലെ സ്ഥിരതാമസക്കാരും വോട്ടര്മാരുമായ കാഷ്വല് ജീവനക്കാര് അടക്കമുള്ള ജീവനക്കാര്ക്കും വേതനത്തോടെയുള്ള അവധി ബാധകമാണ്. പോളിംഗ് സ്റ്റേഷനുകളായി പ്രവര്ത്തിക്കുന്ന എല്ലാ വിദ്യാഭ്യാസ സ്ഥാപനങ്ങള്ക്കും ഇന്നു അവധി പ്രഖ്യാപിച്ചിട്ടുണ്ട്. വിതരണ, സ്വീകരണ, വോട്ടെണ്ണല് കേന്ദ്രമായ കോട്ടയം ബസേലിയസ് കോളജിന് ഇന്നു മുതല് എട്ടുവരെ അവധി പ്രഖ്യാപിച്ചിട്ടുണ്ട്. നാല് സെന്സിറ്റീവ് ബൂത്തുകള്കോട്ടയം: നാല് ബൂത്തുകള് സെന്സിറ്റീവ് ബൂത്തുകളായി കണ്ടെത്തിയിട്ടുണ്ടെന്ന് ജില്ലാ പോലീസ് ചീഫ് കെ. കാര്ത്തിക്. പാമ്പാടി പോലീസ് സ്റ്റേഷന് പരിധിയിലുള്ള വെള്ളൂര് സെന്ട്രല് എല്പിഎസ് സ്കൂളിലെ 91,…
Read Moreഉമ്മന് ചാണ്ടിയുടെ എക്കാലത്തെയും ഭൂരിപക്ഷത്തെ മറികടക്കും; പുതുപ്പള്ളിക്കാര് ഉമ്മന് ചാണ്ടിക്ക് നല്കുന്ന അവസാന യാത്രയയപ്പ് നാളെയെന്ന് അച്ചു ഉമ്മന്
കോട്ടയം: പുതുപ്പള്ളിക്കാര് ഉമ്മന് ചാണ്ടിക്ക് നല്കുന്ന അവസാന യാത്രയയപ്പ് നാളെയാകുമെന്ന് അച്ചു ഉമ്മന്. യുഡിഎഫ് സ്ഥാനാര്ഥി ചാണ്ടി ഉമ്മന് റിക്കാര്ഡ് ഭൂരിപക്ഷം നേടുമെന്നും അച്ചു പ്രതികരിച്ചു. ഉമ്മന് ചാണ്ടിയുടെ കരസ്പര്ശമേല്ക്കാത്ത ഒരു വീട് പോലും പുതുപ്പള്ളിയില് ഇല്ലെന്നതാണ് യാഥാര്ഥ്യം. ഉമ്മന് ചാണ്ടിയുടെ എക്കാലത്തെയും ഭൂരിപക്ഷത്തെ മറികടക്കുന്ന ഭൂരിപക്ഷമാകും അത്. കോണ്ഗ്രസിന് ഇത്രയും അനുകൂല സാഹചര്യമുള്ള തെരഞ്ഞെടുപ്പ് മുമ്പ് ഉണ്ടായിട്ടില്ലെന്നും അച്ചു പറഞ്ഞു.
Read Moreമാതാപിതാക്കൾ തമ്മൽ നിരന്തരമായി വഴക്ക്; പെൺമക്കൾ ആത്മഹത്യ ചെയ്തു
മാതാപിതാക്കൾ തമ്മിലുള്ള തർക്കത്തെ തുടർന്ന് രണ്ട് സഹോദരിമാർ വിഷം കഴിച്ച് ആത്മഹത്യ ചെയ്തു. ഉത്തർപ്രദേശിലെ പുരൻപൂർ പോലീസ് സ്റ്റേഷൻ പരിധിയിലാണ് സംഭവം. പ്രാദേശിക കോർപ്പറേറ്റർ അസിം റാസയുടെ മക്കളായ കാശിഷ് (20), സഹോദരി മുന്നി (18) എന്നിവർ ഞായറാഴ്ച വൈകുന്നേരം വിഷം കഴിച്ചത്. ജില്ലാ ആശുപത്രിയിൽ എത്തിച്ചെങ്കിലും ചികിത്സയ്ക്കിടെ മരിക്കുകയായിരുന്നുവെന്ന് സർക്കിൾ ഓഫീസർ അലോക് സിംഗ് പറഞ്ഞു. കുടുംബപ്രശ്നങ്ങളുടെ പേരിൽ ഇവരുടെ മാതാപിതാക്കൾ വഴക്കിടാറുണ്ടായിരുന്നു. ഞായറാഴ്ചയും അവർ തമ്മിൽ വഴക്കുണ്ടായി. തുടർന്നാണ് പെൺമക്കൾ വിഷം കഴിച്ചതെന്ന് പോലീസ് പറഞ്ഞു. സംഭവത്തിൽ നടപടിയെടുക്കാൻ കുടുംബാംഗങ്ങൾ പോലീസിനെ ആദ്യം അനുവദിച്ചില്ല. എന്നിരുന്നാലും, കൂടുതൽ പോലീസ് സേനയെ പ്രദേശത്ത് വിന്യസിച്ചിട്ടുണ്ടെന്നും മൃതദേഹങ്ങൾ പോസ്റ്റ്മോർട്ടത്തിന് അയച്ചതായും പോലീസ് അറിയിച്ചു.
Read More65 കാരനെ അടിച്ചുകൊന്നു, മകനെ ക്രൂരമായി മർദിച്ചു; 5 പേർ അറസ്റ്റിൽ
വഴക്കിനെ തുടർന്ന് 65 വയസ്സുകാരനെ കൊലപ്പെടുത്തുകയും മകനെ മർദിക്കുകയും ചെയ്തു. ഉത്തർപ്രദേശിലെ ഡിയോറിയ ജില്ലയിലെ രുദ്രാപൂർ പ്രദേശത്താണ് സംഭവം. പ്രശുറാം നഗ്രൗലി ഗ്രാമത്തിലേക്ക് മടങ്ങുന്നതിനിടെ മറ്റൊരു സമുദായത്തിൽ നിന്നുള്ള ചിലരുമായി തർക്കമുണ്ടായി. തർക്കത്തെ തുടർന്ന് സംഘം പ്രശുറാമിനെയും 22 വയസ്സുള്ള മകനെയും മർദിച്ചതായി സർക്കിൾ ഓഫീസർ ജിലാജീത് സിംഗ് പറഞ്ഞു. ആക്രമണത്തിൽ പ്രശുറാം കൊല്ലപ്പെട്ടു. പ്രശുറാമിന്റെ മറ്റൊരു മകൻ രവിശങ്കർ, പെൺമക്കളായ പിങ്കി, റിങ്കി എന്നിവർക്കും ആക്രമണത്തിൽ പരിക്കേറ്റതായി ഉദ്യോഗസ്ഥർ കൂട്ടിച്ചേർത്തു. സംഭവവുമായി ബന്ധപ്പെട്ട് അഞ്ച് പ്രതികളെ പോലീസ് അറസ്റ്റ് ചെയ്തിട്ടുണ്ട്. മുൻകരുതൽ നടപടിയായി ഗ്രാമത്തിൽ ഉദ്യോഗസ്ഥരെ വിന്യസിച്ചിട്ടുണ്ടെന്നും പോലീസ് പറഞ്ഞു.
Read Moreകണ്ണൂരില് വീട്ടമ്മയ്ക്ക് കുത്തേറ്റു ! കുടുംബ സുഹൃത്തിനായി പോലീസിന്റെ തിരച്ചില്
കണ്ണൂര് എടക്കാട് വീട്ടമ്മയ്ക്ക് കുത്തേറ്റു. എടക്കാട് യുപി സ്കൂളിന് സമീപത്തെ സാബിറ (43)യ്ക്കാണ് കുത്തേറ്റത്. ഇന്നു രാവിലെയാണ് സംഭവം. പരുക്കേറ്റ സാബിറയെ ചാലയിലെ സ്വകാര്യ ആശുപത്രിയില് പ്രവേശിപ്പിച്ചു. പോലീസ് അന്വേഷണം തുടങ്ങി. വീട്ടിലെത്തിയ കുടുംബ സുഹൃത്താണ് തര്ക്കത്തിനിടയില് കത്തി കൊണ്ട് കൊണ്ട് കുത്തിയതെന്ന് പോലീസ് സംശയിക്കുന്നു. പ്രതിക്ക് വേണ്ടിയുള്ള തിരച്ചില് ആരംഭിച്ചു.
Read Moreനിരന്തരമായി ലൈംഗിക പീഡനത്തിനിരയാക്കി ! 26കാരനെ കഴുത്തറുത്ത് കൊന്ന് 14കാരന്
കഴിഞ്ഞ രണ്ടു മാസമായി തന്നെ നിരന്തരമായി ലൈംഗികചൂഷണത്തിനിരയാക്കിയ 26കാരനെ കഴുത്തറുത്ത് കൊന്ന് 14കാരന്. ദക്ഷിണദില്ലിയിലെ ബാട്ല ഹൗസ് മേഖലയിലാണ് സംഭവം. ഓഗസ്റ്റ് 30നാണ് കൊലപാതകം നടന്നത്. മുഹമ്മദ് വസീം എന്ന യുവാവാണ് കൊല്ലപ്പെട്ടത്. ജാമിയ നഗറിലെ ഫ്ളാറ്റിലാണ് രക്തത്തില് കുളിച്ച നിലയില് യുവാവിന്റെ മൃതദേഹം കണ്ടെത്തിയത്. മൃതദേഹത്തിന്റെ കഴുത്തില് ആഴമേറിയ മുറിവുണ്ടായിരുന്നു.സംഭവത്തില് 14കാരനെ പോലീസ് പിടികൂടി. മുഹമ്മദ് വസീം 14കാരനെ കഴിഞ്ഞ രണ്ടു മാസത്തോളമായി ലൈംഗികമായി ദുരുപയോഗിക്കുകയും പീഡിപ്പിക്കുകയുമായിരുന്നു. പീഡനത്തിന് പിന്നലെ വീഡിയോ എടുത്ത് ഭീഷണി കൂടി ആയതോടെ ഇയാളെ കൊലപ്പെടുത്താന് 14കാരന് തീരുമാനിച്ചു. ആക്രമിക്കാനായി പേപ്പറും കട്ടറും കയ്യില് കരുതിയിരുന്നു. ഇത് വച്ച് ശനിയാഴ്ച 14കാരന് 26കാരനെ ആക്രമിക്കുകയായിരുന്നു. 26കാരന് കുടുംബത്തിന്റെ ഉടമസ്ഥതയിലുള്ള കെട്ടിടം വാടകയ്ക്ക് നല്കിയിരുന്നതായിരുന്നു. ഏതാനും ദിവസം മുമ്പായിരുന്നു കെട്ടിടത്തില് ആളൊഴിഞ്ഞത്. സക്കീര് നഗറിലെ വീട്ടില് കുടുംബത്തിനൊപ്പമായിരുന്നു യുവാവ് താമസിച്ചിരുന്നത്.
Read Moreപെട്ടിക്കുള്ളിൽ യുവതിയുടെ പാതി കത്തിക്കരിഞ്ഞ മൃതദേഹം; മുഖം മുതൽ അരക്കെട്ട് വരെ പെട്രോൾ ഒഴിച്ച് കത്തിച്ച നിലയിൽ
സ്ത്രീയുടെ പാതി കത്തിക്കരിഞ്ഞ മൃതദേഹം തകരപ്പെട്ടിയിൽ നിന്ന് കണ്ടെത്തി. യുപിയിലാണ് സംഭവം. ദേശീയപാത 19-ൽ ലാലാ നഗർ ടോൾ പ്ലാസയ്ക്ക് സമീപം കിടന്നിരുന്ന പെട്ടിയിൽ നിന്ന് എന്തോ കത്തുന്നതിന്റെ ഗന്ധം വന്നതോടെ പോലീസ് സ്ഥലത്തെത്തുകയായിരുന്നു. തുടർന്ന് നടത്തിയ പരിശോധനയിലാണ് പാതി കത്തിക്കരിഞ്ഞ നിലയിൽ ഒരു സ്ത്രീയുടെ മൃതദേഹം ഉള്ളിൽ കണ്ടെത്തിയതെന്ന് പോലീസ് പറഞ്ഞു. കൊലപാതകത്തിന് മുമ്പ് ബലാത്സംഗത്തിനുള്ള സാധ്യത തള്ളിക്കളയാനാവില്ലെന്നും പോലീസ് വ്യക്തമാക്കി. യുവതിക്ക് ഏകദേശം 20 വയസ്സ് പ്രായമുണ്ടെന്നും വെള്ള സ്യൂട്ട് ധരിച്ചിരുന്നതായും സംഭവസ്ഥലം സന്ദർശിച്ച ഭദോഹി പോലീസ് സൂപ്രണ്ട് (എസ്പി) മീനാക്ഷി കത്യായൻ പറഞ്ഞു. തിരിച്ചറിയാനാകാത്ത വിധം മൃതദേഹം മുഖം മുതൽ അരക്കെട്ട് വരെ പെട്രോൾ ഒഴിച്ച് കത്തിച്ചിരുന്നു. സ്ത്രീയുടെ കാലുകൾ കയറുകൊണ്ട് ബന്ധിച്ചതായി തോന്നുന്നു. ഫോറൻസിക് സംഘവും ഡോഗ് സ്ക്വാഡും സ്ഥലത്തെത്തി തെളിവെടുപ്പ് നടത്തി മൃതദേഹം പോസ്റ്റ്മോർട്ടത്തിന് അയച്ചു. യുവതിയെ തിരിച്ചറിയാനുള്ള ശ്രമങ്ങൾ നടന്നുവരികയാണെന്നും…
Read Moreസിഗരറ്റ് ഉപയോഗിച്ച് ശരീരം പൊള്ളിച്ചു, ദിവസങ്ങളോളം വീട്ടിൽ പൂട്ടിയിട്ടു; വീട്ടുജോലിക്കായെത്തിയ പന്ത്രണ്ട് വയസുകാരിക്കേറ്റത് ക്രൂര മർദനം
വീട്ടുജോലിക്കായെത്തിയ പ്രായപൂർത്തിയാകാത്ത പെൺകുട്ടിയെ ദാരുണമായി പീഡിപ്പിച്ചു. ദിവസങ്ങളോളം ഇരുട്ടിൽ പൂട്ടിയിട്ട് മർദിക്കുകയും സിഗരറ്റ് ഉപയോഗിച്ച് ശരീരത്തിൽ പൊള്ളലേൽപ്പിക്കുകയും ചെയ്തു. മഹാരാഷ്ട്രയിലെ നാഗ്പൂരിലാണ് സംഭവം. നാഗ്പൂരിലെ അഥർവ നഗരി സൊസൈറ്റിയിൽ ഒരു കുടുംബം വീട്ടുജോലികൾക്കായി ബെംഗളൂരുവിൽ നിന്ന് കൊണ്ടുവന്ന പന്ത്രണ്ട് വയസ്സുള്ള പെൺകുട്ടിയാണ് ക്രൂരമായ മർദനത്തിന് ഇരയായതെന്ന് പോലീസ് പറഞ്ഞു. തെറ്റ് ചെയ്താൽ ചൂടുള്ള പാത്രവും സിഗരറ്റും ഉപയോഗിച്ച് പെൺകുട്ടിയുടെ ശരീരം പൊള്ളിക്കുമായിരുന്നു. പെൺകുട്ടിയുടെ സ്വകാര്യ ഭാഗങ്ങളിൽ മുറിവുകളുണ്ടായിരുന്നു. വീട്ടുകാർ ബംഗളൂരുവിലേക്ക് പോകുന്നതിനിടെ നാല് ദിവസത്തോളം കുട്ടിയെ വീട്ടിൽ പൂട്ടിയിടുകയും ചെയ്തു. സഹായത്തിനായി പെൺകുട്ടി കരയുന്നത് അയൽവാസികൾ കേൾക്കുകയും അവൾ ജനലിലൂടെ വീടിന് പുറത്തേക്ക് പോകാൻ ശ്രമിക്കുന്നത് അവർ കാണുകയും ചെയ്തു. തുടർന്ന് അയൽവാസികൾ പെൺകുട്ടിയെ വീട്ടിൽ നിന്ന് പുറത്തിറക്കി ഭക്ഷണവും വെള്ളവും നൽകിയ ശേഷം പോലീസിൽ വിവരമറിയിക്കുകയായിരുന്നു. വീടിന്റെ വൈദ്യുതി ബിൽ അടയ്ക്കാത്തതിനെ തുടർന്ന് കണക്ഷൻ വിച്ഛേദിച്ചതായി…
Read More