ബ്യൂണോസ് ഐറീസ്: ലോക ഫുട്ബോള് ഇതിഹാസം ലയണല് മെസിക്ക് ഇന്ന് 36-ാം പിറന്നാള്. ആശംസകള് നേർന്ന് ആരാധകർ ലോകകപ്പില് മുത്തമിട്ടശേഷമുള്ള ആദ്യ ജന്മദിനമാണിത്. ഖത്തര് വേദിയായ 2022 ലെ ലോകകപ്പ് കിരീടം നേടിയത് മെസിയുടെ അര്ജന്റീനയായിരുന്നു. 1987 ജൂണ് 24 ന് അര്ജന്റീനയിലെ റൊസാരിയോയിലാണ് ലയണല് മെസി ജനിച്ചത്. 13-ാം വയസില് സ്പെയിനിന്റെ എഫ്സി ബാഴ്സലോണയില് കളി തുടങ്ങിയ അദ്ദേഹം ഇന്ന് കാല്പന്ത് കളിയുടെ രാജാവായി മാറിയിരിക്കുന്നു. ഫുട്ബോള് കരിയറില് സാധ്യമായ എല്ലാ പ്രധാന കിരീടങ്ങളിലും അദ്ദേഹം മുത്തമിട്ടുകഴിഞ്ഞു. ലോറസ് പുരസ്കാരം രണ്ടുതവണ നേടിയ ഒരേയൊരു കളിക്കാരനാണ് മെസി. ഏഴ് ബാലോണ്ഡി ഓറിന്റെ തിളക്കവുമുണ്ട്. അടുത്തിടെ പിഎസ്ജി വിട്ട മെസി യുഎസ്എയിലെ ഇന്റര് മയാമിയിലേക്കെത്തിയിരുന്നു. പുതിയ ക്ലബിനായുള്ള അദ്ദേഹത്തിന്റെ ആദ്യ മത്സരം ജൂലായ് 21-ന് ഉണ്ടായേക്കുമെന്നാണ് റിപ്പോര്ട്ടുകള്.
Read Moreമെസിക്ക് ഇന്ന് 36-ാം പിറന്നാള്; ആശംസകള് നേര്ന്ന് ആരാധകർ
