കാസര്ഗോഡ്: മലയാളി മാധ്യമപ്രവര്ത്തക ബംഗളൂരുവിലെ ഫ്ളാറ്റില് ജീവനൊടുക്കിയ സംഭവത്തില് ദുരൂഹത തുടരുന്നു. റോയിട്ടേഴ്സില് സബ് എഡിറ്ററായിരുന്ന ശ്രുതി നാരായണനെ (35) കഴിഞ്ഞ ബുധനാഴ്ചയാണ് നല്ലൂര്ഹള്ളി സിന്ധിപുരയിലെ മേഫെയര് അപ്പാര്ട്ട്മെന്റിലെ മുറിയില് തൂങ്ങിമരിച്ച നിലയില് കണ്ടെത്തിയത്. ഇതിനുമുമ്പേ നാട്ടിലേക്ക് പോയിരുന്നതായി പറയുന്ന ഭര്ത്താവ് തളിപ്പറമ്പ് സ്വദേശി അനീഷി (42) നെ ഇനിയും കണ്ടെത്താനായിട്ടില്ല. ശ്രുതിയുടെ മുറിയില്നിന്നും കണ്ടെത്തിയ ആത്മഹത്യാക്കുറിപ്പില് അനീഷിനെതിരായി പരാമര്ശങ്ങളുണ്ടായിരുന്നു. ഭര്ത്താവിന്റെ ഭാഗത്തുനിന്നും കടുത്ത പീഡനങ്ങളാണ് ശ്രുതിക്ക് സഹിക്കേണ്ടിവന്നതെന്ന് കുടുംബാംഗങ്ങള് ആരോപിക്കുന്നു. വീട്ടുകാരെ വിഷമിപ്പിക്കേണ്ടെന്നു കരുതിയാണ് ഭര്ത്താവിന്റെ ക്രൂരതകള് നേരത്തേ പറയാതിരുന്നതെന്നാണ് ആത്മഹത്യാകുറിപ്പില് പറയുന്നത്. തുടര്ന്ന് ബംഗളൂരു വൈറ്റ്ഫീല്ഡ് പോലീസ് അനീഷിനെതിരേ കേസെടുത്തിരുന്നു. എന്നാല് തളിപ്പറമ്പ് ചുഴലിയിലെ വീട്ടിലും ബംഗളൂരുവിലെ ജോലിസ്ഥലത്തുമെല്ലാം അന്വേഷിച്ചിട്ടും അനീഷിനെ കണ്ടെത്താനായില്ല. നാലുവര്ഷം മുമ്പാണ് ബംഗളൂരുവില് സോഫ്റ്റ്വേര് എന്ജിനിയറായ അനീഷും കാസര്ഗോഡ് വിദ്യാനഗര് ചാല സ്വദേശിനിയായ ശ്രുതിയും വിവാഹിതരായത്. വീട്ടുകാര് ആലോചിച്ചുറപ്പിച്ച വിവാഹമായിരുന്നു.…
Read Moreമാധ്യമപ്രവര്ത്തകയുടെ മരണം ! ഭര്ത്താവ് ഇനിയും കാണാമറയത്ത്; ദുരൂഹത തുടരുന്നു; ആത്മഹത്യാക്കുറിപ്പില് അനീഷിനെതിരായി പരാമര്ശങ്ങളുണ്ടായിരുന്നു
