കോഴിക്കോട്: കരിപ്പൂര് വിമാനത്താവളത്തില് കേന്ദ്ര സര്ക്കാറിന്റെ മുദ്രയുള്ള സ്റ്റിക്കര് പതിച്ച് സ്വര്ണം തട്ടാനെത്തിയ നാലുപേര്ക്ക് വേണ്ടിയുള്ള അന്വേഷണം പോലീസ് ഊര്ജിതമാക്കി.സംസ്ഥാനത്താകെ അന്വേഷണം വ്യാപിപ്പിച്ചിട്ടുണ്ട്. കാപ്പ ചുമത്തി നാടുകടത്തപ്പെട്ടവര് അടക്കമുള്ള കേസായതിനാല് പോലീസ് ഗൗരവത്തോടെയാണ് ഇതിനെ കാണുന്നത്. സംഘത്തിലെ രണ്ടുപേരെ പോലീസ് അറസ്റ്റ് ചെയ്തിരുന്നു. ഇവരില് നിന്നുള്ള വിവരം അനുസരിച്ചാണ് മറ്റു പ്രതികള്ക്കായി പോലീസ് അന്വേഷണം ശക്തമാക്കിയത്. പ്രതികളില് അര്ജുന് ആയങ്കിയുടെ കൂട്ടാളിയും ഉള്പ്പെടും. ഇന്നലെ പുലര്ച്ചെ നാലിനാണ് കരിപ്പൂര് വിമാനത്താവളത്തിനു പുറത്തുവച്ച് കേന്ദ്ര സര്ക്കാറിന്റെ മുദ്ര പതിച്ച വ്യാജ നമ്പറുള്ള കാര് പോലീസിന്റെ ശ്രദ്ധയില്പെട്ടത്. പോലീസ് ഉപയോഗിക്കുന്ന വാഹനത്തിനു സമാനമായ വിധത്തില് വെള്ള ബൊലേറൊ കാറിലാണ് കേന്ദ്ര സര്ക്കാറിന്റെ മുദ്ര വ്യാജമായി പതിച്ചിരുന്നത്. ഒറ്റ നോട്ടത്തില് സര്ക്കാര് വാഹനമാണെന്നു മാത്രമേ കരുതുകയുള്ളു. ഇതിലാണ് ആറംഗ സംഘം ഒളിച്ചിരുന്നത്. കരിപ്പൂര് വിമാനത്താവളത്തില് വിമാനമിറങ്ങി പുറത്തിറങ്ങുന്ന കള്ളക്കടത്തുകാരെ തട്ടിക്കൊണ്ടുപോയി സ്വര്ണം…
Read MoreCategory: Loud Speaker
തൃശൂരിൽ നിർത്തിയിട്ട ലോറിക്കു പിന്നിൽ ടൂറിസ്റ്റ് ബസ് ഇടിച്ച് 23 പേര്ക്ക് പരിക്ക്; അഞ്ചുപേരുടെ നില ഗുരുതരം
തലോര് (തൃശൂർ) : ദേശീയപാതയിൽ ജറുസലെമിന് സമീപം നിര്ത്തിയിട്ട കണ്ടെയ്നര് ലോറിക്കു പുറകില് ടൂറിസ്റ്റ് ബസ് ഇടിച്ച് 23 പേര്ക്ക് പരിക്ക്. അഞ്ചുപേരുടെ നില ഗുരുതരം. ഇന്നു പുലര്ച്ചെ നാലുമണിയോടെയായിരുന്നു അപകടം. തമിഴ്നാട് നാമക്കലില് നിന്ന് കൊച്ചിയിലെ വ്യവസായ കേന്ദ്രങ്ങളിലേക്ക് പഠനയാത്രക്ക് പുറപ്പെട്ട സംഘം സഞ്ചരിച്ച ബസാണ് അപകടത്തില്പ്പെട്ടത്. ദേശീയ പാതയില് തകരാറിലായി കിടന്ന ലോറിക്കു പുറകിലാണ് ബസ് ഇടിച്ചത്.പരിക്കേറ്റവരെ തൃശൂരിലെ സ്വകാര്യ ആശുപത്രിയിലും, തൃശൂർ മെഡിക്കല് കോളജിലും, പുതുക്കാട് താലൂക്ക് ആശുപത്രിയിലും പ്രവേശിപ്പിച്ചു. ഡ്രൈവർ ഉറങ്ങിയതാണ് അപകട കാരണമെന്നാണ് പ്രാഥമിക നിഗമനം. കൂടുതൽ പരിശോധനകൾ നടന്നുവരുന്നു. അപകടത്തെ തുടര്ന്ന് ദേശീയപാതയുടെ ഒരു ദിശയില് രണ്ട് മണിക്കൂറോളം ഗതാഗതം സ്തംഭിച്ചു. പുതുക്കാട് നിന്നെത്തിയ ഫയര്ഫോഴ്സും പോലീസും നാട്ടുകാരും ചേര്ന്നാണ് രക്ഷാപ്രവര്ത്തനം നടത്തി.
Read Moreയൂത്ത് കോണ്ഗ്രസ് സംസ്ഥാന സമ്മേളനം: തേക്കിൻകാട് മൈതാനത്ത് ഡി.കെ. ശിവകുമാറും
തൃശൂര്: തൃശൂരില് നടക്കുന്ന യൂത്ത് കോണ്ഗ്രസ് സംസ്ഥാന സമ്മേളനത്തില് കര്ണാടക ഉപ മുഖ്യമന്ത്രി ഡി.കെ ശിവകുമാര് പങ്കെടുക്കും. സമ്മേളനത്തിന്റെ ഭാഗമായി നടക്കുന്ന പൊതുസമ്മേളനത്തിലാണ് ശിവകുമാർ പങ്കെടുക്കുന്നത്. തേക്കിന്കാട് മൈതാനത്ത് വൈകുന്നേരം മൂന്നിന് ചേരുന്ന പൊതുസമ്മേളനത്തിൽ എഐസിസി സംഘടനാ ജനറല് സെക്രട്ടറി കെ.സി വേണുഗോപാല്, പ്രതിപക്ഷ നേതാവ് വി.ഡി. സതീശന്, കെപിസിസി അധ്യക്ഷന് കെ. സുധാകരന് എന്നിവർ പങ്കെടുക്കും. വെള്ളിയാഴ്ചയാണ് പ്രതിനിധി സമ്മേളനം. സംസ്ഥാനത്തിന്റെ വിവിധ ഭാഗങ്ങളില് നിന്നായി 750 പ്രതിനിധികള് സമ്മേളനത്തില് പങ്കെടുക്കും. സമ്മേളനത്തോടനുബന്ധിച്ച് ബുധനാഴ്ച പഴയകാല പ്രവര്ത്തകരുടെ കുടുംബ സംഗമം സംഘടിപ്പിച്ചിരുന്നു.
Read Moreഇരുചക്രവാഹനത്തിൽ 12 വയസിൽ താഴെയുള്ള കുട്ടികൾക്ക് താൽകാലിക ഇളവ്; എഐ കാമറ നിരീക്ഷണം വഴിയുള്ള പിഴ ജൂൺ 5 മുതൽ
തിരുവനന്തപുരം: റോഡുകളിൽ എ ഐ കാമറ നീരിക്ഷണം വഴിയുള്ള പിഴ അടുത്തമാസം അഞ്ച് മുതൽ ഈടാക്കുമെന്ന് ഗതാഗതമന്ത്രി ആന്റണിരാജു. അതേസമയം ഇരുചക്രവാഹനത്തിൽ കുട്ടിയുമായി സഞ്ചരിക്കുന്ന കാര്യത്തിൽ കേന്ദ്രതീരുമാനം വരുവരെ ഇളവുണ്ടാകും. 12 വയസിന് താഴെയുള്ള കുട്ടികളെ തൽക്കാലത്തേക്ക് പിഴയിൽ നിന്നൊഴിവാക്കും. പൊതുവികാരം കണക്കിലെടുത്താണ് തീരുമാനമെന്നും മന്ത്രി പറഞ്ഞു. ഇരുചക്രവാഹനങ്ങളിൽ കുട്ടികളുമായുള്ള യാത്രയിൽ ഇളവ് തേടി സംസ്ഥാനം കേന്ദ്രത്തിന് കത്തയച്ചിരുന്നു. 12 വയസിന് താഴെ പ്രായമുള്ള ഒരു കുട്ടിയെ രണ്ടു പേർക്കൊപ്പം ഇരുചക്രവാഹനത്തിൽ യാത്ര ചെയ്യാൻ അനുവദിക്കണമെന്നാണ് കത്തിലെ ആവശ്യം.
Read Moreബസ് സമരം വരുന്നത് അധ്യയനവര്ഷം തുടങ്ങാനിരിക്കെ; അനിശ്ചിതകാല സ്വകാര്യ ബസ് സമരം അനാവശ്യമെന്നു ഗതാഗതമന്ത്രി
കോഴിക്കോട്: അധ്യയനവര്ഷം തുടങ്ങാനിരിക്കേ സമരമുഖത്തേക്ക് വീണ്ടും ബസുടമകള് എത്തുമ്പോള് ദുരിതത്തിലാകുക വിദ്യാര്ഥികളും മറ്റ് യാത്രക്കാരും. ഗതാഗതമന്ത്രിയുമായി നടത്തിയ ചർച്ച പരാജയപ്പെട്ടതോടെ ജൂണ് ഏഴുമുതല് പണിമുടക്ക് ഉറപ്പായി. വിദ്യാര്ഥികളുടെ മിനിമം കണ്സഷന് 5 രൂപയാക്കണം, കണ്സഷന് നിരക്ക് ടിക്കറ്റിന്റെ 50 ശതമാനമാക്കണം, കണ്സഷന് പ്രായപരിധി നിശ്ചയിക്കണം, ലിമിറ്റഡ് സ്റ്റോപ്പ് പെര്മിറ്റ് നിലനിര്ത്തണം എന്നിവയാണ് സ്വകാര്യ ബസുടമകള് മുന്നോട്ടുവയ്ക്കുന്ന ആവശ്യങ്ങള്. ഇക്കാര്യങ്ങളിലൊന്നും സര്ക്കാര് അനുകൂല നിലപാട് സ്വീകരിച്ചിട്ടില്ല. വിദ്യാര്ഥികളുടെ കണ്സഷന് കാര്യത്തില് സര്ക്കാര് തലത്തില് ഉടന് തീരുമാനമുണ്ടാകുമെന്നാണ് സൂചന. ബസുടമകള് നിരന്തരമായി ഉയര്ത്തുന്ന ആവശ്യമാണിത്. അതേസമയം കോവിഡനന്തരമുണ്ടായ പ്രതിസന്ധി പരിഹരിക്കാന് ബസുടമകള് ഉയര്ത്തിയ ചാര്ജ് വര്ധന ആവശ്യം സര്ക്കാര് അംഗീകരിച്ചിരുന്നു. കണ്സഷന് ചാര്ജ് ഉയര്ത്തിയാല് വിദ്യാര്ഥിസംഘടനകള് എതുരീതിയില് പ്രതികരിക്കുമെന്ന ആശങ്കയാണ് സര്ക്കാരിനുള്ളത്. വിവിധ മേഖലകളിലുണ്ടായ ചാര്ജ് വര്ധനവ സര്ക്കാരിനെ പ്രതിക്കൂട്ടിലാക്കിയിരിക്കുന്ന സാഹചരത്തില് പ്രത്യേകിച്ചും. തിരുവനന്തപുരം: സ്വകാര്യബസ് ഉടമകൾ ഗതാഗതമന്ത്രിയുമായി നടത്തിയ…
Read Moreഎട്ടു വയസ്സുകാരിയെ പീഡിപ്പിച്ച സെക്യൂരിറ്റി ജീവനക്കാരന് കടുത്ത ശിക്ഷ വിധിച്ച് കോടതി…
എട്ടു വയസുകാരി പെണ്കുട്ടിയെ ലൈംഗികമായി പീഡിപ്പിച്ച സെക്യൂരിറ്റി ജീവനക്കാരന് മരണം വരെ തടവുശിക്ഷ വിധിച്ച് എറണാകുളം പോക്സോ കോടതി. ഇതിനു പുറമെ 1,20,000 രൂപ പിഴയും വിധിച്ചിട്ടുണ്ട്. കൊല്ലം പരവൂര് ചിറക്കത്തഴം കാറോട്ട് വീട്ടില് അനില്കുമാറിനെയാണ് (55) ജഡ്ജി കെ. സോമന് ശിക്ഷിച്ചത്. 2019 ഫെബ്രുവരിയിലാണ് സംഭവം. പ്രതി സെക്യൂരിറ്റിക്കാരനായി ജോലി ചെയ്തിരുന്ന ഫ്ളാറ്റില് വാടകയ്ക്ക് താമസിച്ചിരുന്നതാണ് കുട്ടി. സംഭവത്തെ തുടര്ന്ന് ഭയന്നുപോയ പെണ്കുട്ടി അമ്മയോട് വിവരം പറഞ്ഞു. കുട്ടിയുടെ മൊഴിയില് പോലീസ് കേസെടുത്ത് പ്രതിയെ അറസ്റ്റ് ചെയ്തു. ഫ്ളാറ്റില് താമസിക്കുന്നവരുടെയും കുട്ടികളുടെയും സുരക്ഷ ഉറപ്പുവരുത്തേണ്ട ചുമതലയുള്ള പ്രതി ഇത്തരം ക്രൂരകൃത്യം എട്ടുവയസ്സുകാരിയോട് കാണിച്ചതിനാല് ഒരു ദയയും അര്ഹിക്കുന്നില്ലെന്ന് വിലയിരുത്തിയാണ് കനത്ത ശിക്ഷ നല്കുന്നതെന്ന് കോടതി വിധിയില് വ്യക്തമാക്കി. പ്രതിയില് നിന്ന് ഈടാക്കുന്ന പിഴത്തുക കുട്ടിക്ക് നല്കാനും നിര്ദേശിച്ചിട്ടുണ്ട്. മരണം വരെ കഠിന തടവ് കൂടാതെ മറ്റു…
Read Moreകുട്ടികളെ കൊന്ന് ദമ്പതികൾ ജീവനൊടുക്കി; രണ്ടാഴ്ച മുമ്പ് വിവാഹിതരായ ശ്രീജയുടെ ആദ്യവിവാഹത്തിലെ കുട്ടികളാണു കൊല്ലപ്പെട്ടത്
ചെറുപുഴ: ദമ്പതികളെ തൂങ്ങിമരിച്ചനിലയിലും മൂന്നു കുട്ടികളെ കൊലപ്പെടുത്തി കെട്ടിത്തൂക്കിയനിലയിലും കണ്ടെത്തി. പെരിങ്ങോം പഞ്ചായത്തിലെ പാടിയോട്ടുചാൽ വാച്ചാലിലാണ് നാടിനെ നടുക്കിയ സംഭവം നടന്നത്. മുളപ്രവീട്ടിൽ ഷാജി (40), ഭാര്യ നകുടിയിൽ ശ്രീജ (38), ശ്രീജയുടെ മക്കളായ സൂരജ് (12), സുജിൻ (8), സുരഭി (6) എന്നിവരാണ് മരിച്ചത്. ഷാജിയുടെയും ശ്രീജയുടെയും രണ്ടാം വിവാഹമാണ്. രണ്ടാഴ്ച മുമ്പാണ് ഇവർ വിവാഹിതരായതെന്നാണ് അയൽവാസികൾ പറയുന്നത്. ഷാജിക്ക് ഭാര്യയും രണ്ടു മക്കളുമുണ്ട്. ശ്രീജയ്ക്കു ഭർത്താവും മൂന്നു മക്കളുമാണുണ്ടായിരുന്നത്. ശ്രീജയുടെ മൂന്നു മക്കളാണ് കൊല്ലപ്പെട്ടത്. ശ്രീജയുടെ ആദ്യ ഭർത്താവിന്റെ വീട്ടിലാണ് കൂട്ടമരണം നടന്നിരിക്കുന്നത്. കുട്ടികളെ കൊന്നു കെട്ടിത്തൂക്കിയശേഷം ദന്പതികൾ തൂങ്ങി മരിക്കുകയായിരുന്നെന്നാണു പോലീസിന്റെ പ്രാഥമിക നിഗമനം. ഇന്നു പുലർച്ചെ ശ്രീജ ചെറുപുഴ പോലീസ് സ്റ്റേഷനിൽ വിളിച്ച് ഞങ്ങൾ കൂട്ടത്തോടെ ആത്മഹത്യ ചെയ്യുകയാണെന്ന് അറിയിച്ചിരുന്നു. പോലീസ് സ്ഥലത്തെത്തിയപ്പോഴേക്കും അഞ്ചു പേരും മരിച്ചിരുന്നു. പോലീസ് വന്നു കഴിഞ്ഞാണ്…
Read Moreമദ്യപിച്ചു കഴിഞ്ഞാല് മറ്റൊരാണും പെണ്ണും കിടക്കുന്നത് കാണുന്നത് ഹോബി ! ഷിനോ കടുത്ത മനോവൈകൃതമുള്ളയാള്…
വൈഫ് സ്വാപ്പിംഗ് എതിര്ത്ത യുവതിയെ ഭര്ത്താവ് കൊലപ്പെടുത്തിയ സംഭവത്തിനു പിന്നില് കൂടുതല് ആളുകളുണ്ടെന്ന് കൊല്ലപ്പെട്ട ജൂബിയുടെ സഹോദരന്. ഭാര്യമാരെ പങ്കുവെയ്ക്കുന്നതിനെതിരെ പോലീസില് പരാതി നല്കിയതിന്റെ പകതീര്ക്കാനാണ് ഭര്ത്താവ് ഷിനോ ജൂബിയെ കൊലപ്പെടുത്തിയതെന്നാണ് കുടുംബത്തിന്റെ ആരോപണം. പങ്കാളി കൈമാറ്റത്തിന് പോലീസ് കേസ് വന്നതിന് പിന്നാലെ അകന്ന് കഴിയുകയായിരുന്ന ജൂബിയെ അതിന് ശേഷം പലതവണ ഷിനോ പിന്തുടര്ന്നിരുന്നതായി സഹോദരന് വെളിപ്പെടുത്തി. ഒരു മാസം മുമ്പ് കാസര്ഗോഡ് ഒരു കമ്പനിയില് ജൂബി ഇന്റര്വ്യൂവില് പങ്കെടുക്കുന്നതിനായി പോയപ്പോള് താനും സുഹൃത്തും കൂടെ പോയെന്നും സഹോദരന് പറഞ്ഞു. കോട്ടയം കുറുപ്പന്തറ കഴിഞ്ഞ് ഒരാള് മാറിനില്ക്കുന്നത് പോലെ ജൂബിക്ക് തോന്നി. അത് ഷിനോ ആണെന്ന് അവള് സംശയം പ്രകടിപ്പിച്ചു. തുടര്ന്ന് ഞാനും സുഹൃത്തും പോയി നോക്കിയപ്പോള് അത് ഷിനോ തന്നെയായിരുന്നു. തുടര്ന്ന് അവന് ജൂബിയെ ട്രെയിനില് നിന്ന് വലിച്ചിറക്കി. എന്റെ കൂടെ വരണമെന്ന് ആവശ്യപ്പെട്ടു. തുടര്ന്ന്…
Read Moreകടം വാങ്ങിയും ജോലി വാഗ്ദാനം ചെയ്തും തട്ടിപ്പ് ! രാഹുലിനെതിരേ ഉയരുന്നത് കോടികളുടെ തിരിമറി
കൊടുമണ്: റിമാന്ഡിലായ എസ്എന്ഡിപി പ്രാദേശിക നേതാവിനെതിരേ ഉയരുന്നത് ഗുരുതര സാമ്പത്തിക ആരോപണങ്ങള്. സാമ്പത്തിക തട്ടിപ്പുകേസില് ഒളിവിലായിരുന്ന കൊടുമണ് അങ്ങാടിക്കല് തെക്ക് എസ്എന്ഡിപി യോഗം 171-ാം നമ്പര് ശാഖാ പ്രസിഡന്റ് രാഹുല് ചന്ദ്രനെ കന്യാകുമാരിയിലെ ഒരുലോഡ്ജില് നിന്നാണ് കഴിഞ്ഞദിവസം പോലീസ് അറസ്റ്റ് ചെയ്തത്. ഇയാളെ തിങ്കളാഴ്ച അടൂര് കോടതിയില് ഹാജരാക്കി റിമാന്ഡ് ചെയ്തു. കൊടുമണ് സ്റ്റേഷനില് ആറു പരാതികളാണ് രാഹുല് ചന്ദ്രനെതിരേ ലഭിച്ചത്. ഉയര്ന്ന പലിശ വാഗ്ദാനം ചെയ്താണ് ഇയാള് ശാഖായോഗാംഗങ്ങളില് നിന്ന് പണം തട്ടിയത്. 171-ാം നമ്പര് ശാഖയ്ക്ക് കീഴിലുള്ള അങ്ങാടിക്കല് തെക്ക് എസ്എന്വിഎച്ച്എസ്എസില് ജോലി വാഗ്ദാനം ചെയ്തും ഇയാള് പണം കൈപ്പറ്റിയതായി പറയുന്നു. ബിസിനസ് ആവശ്യത്തിനെന്നും പറഞ്ഞാണ് പലരില് നിന്നും പണം വാങ്ങിയിട്ടുള്ളത്. പലിശ എല്ലാ മാസവും തരുമെന്നും എപ്പോള് ആവശ്യപ്പട്ടാലും മുതല് മടക്കി നല്കാമെന്നും വിശ്വസിപ്പിച്ചാണ് കൈപ്പറ്റിയത്. പണം ആവശ്യപ്പെട്ട് തിരികെ കിട്ടാതെ വന്നപ്പോള്…
Read Moreവനമേഖലയില് മാലിന്യം തള്ളിയ യുവാവിനെ വാഹനം സഹിതം പിടികൂടി
വടശേരിക്കര: വനമേഖലയില് മാലിന്യം നിക്ഷേപിച്ച യുവാവ് അറസ്റ്റില്. വാഹനവും പിടിച്ചെടുത്തു. ചിറ്റാര് പന്നിയാര് കോളനിയില് ധാരാലയം വീട്ടില് ഡി.പി. പ്രശാന്തിനെയാണ് (32) വടശേരിക്കര റേഞ്ച് ഓഫിസര് കെ. വി. രതീഷ്കുമാറിന്റെ നേതൃത്വത്തിലുള്ള വനപാലകസംഘം അറസ്റ്റ് ചെയ്തത്. മാലിന്യം കൊണ്ടുവന്ന കെഎല് 26 എഫ് – 5357 നമ്പര് പിക്അപ് വാനും പിടിച്ചെടുത്തു. എട്ട്് വലിയ ചാക്കുകളില് നിറച്ച് വടശേരിക്കരയില് സുബി എന്നയാളുടെ പക്കല് നിന്നും ശേഖരിച്ച അപ്ഹോള്സ്റ്ററി മാലിന്യമാണ്് വനമേഖലയില് തള്ളിയത്. മണിയാര് – അഞ്ച്മുക്ക് റോഡില് കൊടുമുടി ഫോറസ്റ്റ് ക്യാമ്പ് ഷെഡിനു സമീപം ഞായറാഴ്ച രാത്രിയാണ് മാലിന്യം തള്ളിയത്. സംഭവം ശ്രദ്ധയില്പെട്ടതിനേ തുടര്ന്ന് നടത്തിയ അന്വേഷണത്തിലാണ് പ്രശാന്തിനെ അറസ്റ്റ് ചെയ്തത്. വാഹനം ചിറ്റാറില് നിന്നു പിടിച്ചെടുക്കുകയും ചെയ്തു. മാലിന്യം ചിറ്റാറില് എത്തിക്കാമെന്ന് പറഞ്ഞ് 1500 രൂപ വാഹന വാടകവാങ്ങിയിരുന്നതായും ഇയാള് മൊഴിനല്കി. പ്രതിയെ കോടതിയില് ഹാജരാക്കി.…
Read More