ഷാജിമോന് ജോസഫ് കൊച്ചി: പി.ടി. തോമസ് എംഎല്എയുടെ നിര്യാണത്തെത്തുടര്ന്ന് തൃക്കാക്കര നിയമസഭാ മണ്ഡലത്തിലേക്കുള്ള ഉപതെരഞ്ഞെടുപ്പ് ഉത്തര്പ്രദേശ് നിയമസഭാ തെരഞ്ഞെടുപ്പിനൊപ്പം മാര്ച്ചില് നടന്നേക്കുമെന്ന അഭ്യൂഹങ്ങള് ശക്തമായതോടെ മുന്നണികള് സ്ഥാനാര്ഥിനിര്ണയ ചര്ച്ചകളിലേക്ക്. ഇതുവരെ ആലോചനകളൊന്നും നടത്തിയിട്ടില്ലെന്ന് മുന്നണി നേതാക്കള് പറയുമ്പോഴും സ്ഥാനാര്ഥിമോഹികള് ചരടുവലി തുടങ്ങിക്കഴിഞ്ഞു.പ്രാരംഭ ചര്ച്ചകള്ക്കായി ജില്ലയിലെ കോണ്ഗ്രസ് നേതാക്കളുടെ യോഗം അഞ്ചിന് ഡിസിസിയില് ചേരും. ഇതുവരെ കാര്യമായ ആലോചനകളിലേക്കു കടക്കാതിരുന്ന എല്ഡിഎഫിനും ഇനിയങ്ങോട്ട് സ്ഥാനാര്ഥിനിര്ണയ ചര്ച്ചകള് വേഗത്തിലാക്കേണ്ടതുണ്ട്. പ്രത്യേകിച്ചും മാര്ച്ച് ആദ്യം സിപിഎം സംസ്ഥാന സമ്മേളനം കൊച്ചിയില് നടക്കാനിരിക്കെ. പി.ടിയുടെ ഭാര്യ മത്സരിക്കുമോ?പി.ടി. തോമസിന്റെ ഭാര്യ ഉമ തോമസ് മത്സരിക്കാന് സന്നദ്ധയായാല് അവര്ക്കു പ്രഥമ പരിഗണന നല്കണമെന്ന വികാരം കോണ്ഗ്രസിലെ നല്ലൊരു വിഭാഗം പ്രവര്ത്തകരിലുമുണ്ട്. ഇത്തരത്തിലുള്ള ഒരു ചിന്തയുടെ സമയമല്ല ഇതെന്ന് അവര് കഴിഞ്ഞദിവസം പറഞ്ഞെങ്കിലും ഒരു ഘട്ടത്തിലും മത്സരിക്കില്ല എന്നു പറഞ്ഞിട്ടില്ല. മറ്റൊരാളെ പരിഗണിക്കേണ്ടിവന്നാല് കോണ്ഗ്രസില് ഗ്രൂപ്പ്…
Read Moreഉപതെരഞ്ഞെടുപ്പ് പ്രഖ്യാപനം കാത്ത് തൃക്കാക്കര; സ്ഥാനാര്ഥികൾക്കായി ചർച്ചകൾ സജീവം; പി.ടിയുടെ ഭാര്യ മത്സരിക്കുമോ?
