ഹരിയാനയില് മലവെള്ളപ്പാച്ചിലില് പുഴയിലൂടെ ഒഴുകിപ്പോയ കാറില് നിന്നും യുവതിയ്ക്ക് അദ്ഭുത രക്ഷ. അമ്മയുമൊത്ത് കാറില് ഖടക് മന്ഗോളില് എത്തിയതായിരുന്നു യുവതി. പുഴയുടെ തീരത്താണ് വാഹനം നിര്ത്തിയിട്ടത്. പുഴയില് വെള്ളം പെട്ടെന്ന് ക്രമാതീതമായി ഉയര്ന്നതോടെ വാഹനം ഒഴുകിപ്പോയി. ഈ സമയത്ത് യുവതി മാത്രമായിരുന്നു വാഹനത്തിലുണ്ടായിരുന്നത്. അതിസാഹസികമായി യുവതിയെ രക്ഷിക്കുന്നതിന്റെ ദൃശ്യങ്ങള് ഇതിനോടകം പുറത്തുവന്നിട്ടുണ്ട്. യുവതിയെ പഞ്ച്കുളയിലെ ആശുപത്രിയില് പ്രവേശിപ്പിച്ചു. ക്രെയിന് ഉപയോഗിച്ച് വാഹനം ഉയര്ത്താനുള്ള ശ്രമത്തിലാണ്. അതേസമയം, പഞ്ച്കുള സെക്ടര് 27നു അടുത്തുള്ള പുഴ കുറുകെ കടക്കാന് ശ്രമിച്ച ഏഴുപേര് കുടുങ്ങി. പോലീസും എന്ഡിആര്എഫ് സംഘവും സ്ഥലത്തെത്തി. കഴിഞ്ഞ രാത്രി മുതല് ഡല്ഹിയിലും സമീപപ്രദേശങ്ങളിലും കനത്ത മഴയാണ്. മധ്യപ്രദേശ്, ഉത്തര്പ്രദേശ്, ഡല്ഹി, ഗുജറാത്ത്, രാജസ്ഥാന്, പഞ്ചാബ്, ജമ്മു, ഹരിയാനയുടെ ചിലഭാഗങ്ങളിലും തെക്കുപടിഞ്ഞാറന് കാലവര്ഷം എത്തിയെന്നു കാലാവസ്ഥാ വകുപ്പ് അറിയിച്ചു.
Read Moreമലവെള്ളപ്പാച്ചിലില് കാര് പുഴയിലൂടെ ഒഴുകിപ്പോയി ! യുവതിയെ സാഹസികമായി രക്ഷപ്പെടുത്തി; ഞെട്ടിക്കുന്ന വീഡിയോ
