പഴയങ്ങാടി: അപകടാവസ്ഥയിലായ ചെറുകുന്ന് മുട്ടിൽ അണക്കെട്ടിന് പകരം പാലം ഉൾപ്പെടെയുള്ള സൗകര്യങ്ങളോടെ പുതിയ അണക്കെട്ട് നിർമിക്കണമെന്ന ആവശ്യം ശക്തമാകുന്നു. കാലപ്പഴക്കത്താൽ ജീർണാവസ്ഥയിലായ അണക്കെട്ടിന്‍റെ വലിയൊരു ഭാഗം തകർന്ന് കഴിഞ്ഞ ദിവസം രാത്രി പുഴയിലേക്ക് പതിച്ചത് ഏറെ ആശങ്ക ഉയർത്തിയിരിക്കുകയാണ്. അപകടസമയത്ത് മത്സ്യത്തൊഴിലാളികളോ നാട്ടുകാരോ സമീപത്തില്ലാതിരുന്നതിനാലാണ് വൻ ദുരന്തം ഒഴിവായത്. ചെറുകുന്ന് ഗ്രാമപഞ്ചായത്തിലെ വിവിധ പ്രദേശങ്ങളിലേക്ക് ഉപ്പുവെള്ളം കയറുന്നത് തടയുന്നതിനായി ആറു പതിറ്റാണ്ട് മുമ്പാണ് മുട്ടിൽ അണക്കെട്ട് നിർമിച്ചത്. കാലക്രമേണ കമ്പികൾ തുരുമ്പെടുത്ത് സ്ലാബുകൾ പലയിടത്തും പൊട്ടിപ്പൊളിഞ്ഞ നിലയിലായിരുന്നു. ഇതിനിടെയാണ് അണക്കെട്ടിന്‍റെ വലിയൊരു ഭാഗം തകർന്ന് പുഴയിലേക്ക് പതിച്ചത്. സാധാരണ രാത്രി മത്സ്യത്തൊഴിലാളികൾ ഇവിടെ ഉണ്ടാകാറുണ്ട്. കഴിഞ്ഞദിവസം ശക്തമായ മഴയുണ്ടായിരുന്നതിനാൽ പ്രദേശത്ത് ആരും ഉണ്ടായിരുന്നില്ല. ഇതാണ് വലിയൊരു അപകടം ഒഴിവാകാൻ കാരണമായത്. മുട്ടിൽ പ്രദേശവാസികൾ പ്രധാനമായും ആശ്രയിക്കുന്ന സഞ്ചാരപാത കൂടിയാണ് അണക്കെട്ടിന്‍റെ മുകൾഭാഗം. വിദ്യാർഥികളുൾപ്പെടെ നിരവധി പേർ ദിവസേന…
Read Moreചെറുകുന്ന് മുട്ടിലിൽ പുതിയ അണക്കെട്ടിന് ആവശ്യമുയരുന്നു
