കല്യാണം കഴിക്കുന്നതിനായി നിര്ബന്ധിച്ച് ലിംഗമാറ്റ ശസ്ത്രക്രിയ നടത്തിയ ശേഷം ഉപേക്ഷിച്ചുവെന്ന് യുവാവിന്റെ പരാതി. സ്ത്രീയാവാന് ലിംഗമാറ്റ ശസ്ത്രക്രിയയ്ക്ക് വിധേയനായി എന്ന് കാണിച്ച് 22കാരനാണ് ‘ഭര്ത്താവിനെതിരെ’ പോലീസില് പരാതി നല്കിയത്. കല്യാണം കഴിഞ്ഞ് രണ്ടുവര്ഷം ഒരുമിച്ച് കഴിഞ്ഞ ശേഷം തന്നെ ‘ഭര്ത്താവ്’ ഉപേക്ഷിച്ചതായും പരാതിയില് പറയുന്നു. പ്രയാഗ് രാജിലെ കൗസംബിയിലാണ് വ്യത്യസ്ത സംഭവം. ‘ഭര്ത്താവിനും’ ‘ഭര്തൃവീട്ടുകാര്’ക്കുമെതിരെയാണ് യുവാവ് പരാതി നല്കിയത്. വിശ്വാസ വഞ്ചന, ഭീഷണി അടക്കം വിവിധ വകുപ്പുകള് അനുസരിച്ച് കേസെടുത്ത് പോലീസ് അന്വേഷണം ആരംഭിച്ചിട്ടുണ്ട്. ഇവര് പണം തട്ടിയെടുത്തതായും ജാതീയ പരാമര്ശങ്ങള് നടത്തിയതായും മര്ദ്ദിച്ചതായും 22കാരന്റെ പരാതിയില് പറയുന്നു. 2016ലാണ് താന് സുഹൃത്തുമായി പ്രണയത്തിലാവുന്നതെന്നും കല്യാണം കഴിക്കുന്നതിന് ലിംഗമാറ്റ ശസ്ത്രക്രിയ നടത്താന് സുഹൃത്ത് നിര്ബന്ധിക്കുകയായിരുന്നുവെന്നും ഇയാള് പറഞ്ഞു. തുടര്ന്ന് രണ്ടുവര്ഷം മുന്പ് തങ്ങള് ഇരുവരും വിവാഹിതരായി. കല്യാണത്തിന് ശേഷം ഇരുവരും ഭാര്യയും ഭര്ത്താവും എന്ന നിലയിലാണ് ജീവിച്ചിരുന്നതെന്ന്…
Read MoreCategory: Today’S Special
നന്മയുടെ വെളിച്ചം വിതറി കെഎസ്ഇബി ! പോസ്റ്റിനു മുകളില് കുടുങ്ങിയ പൂച്ചക്കുട്ടിയെ രക്ഷിച്ചു
കാലവര്ഷം അതിശക്തമായതോടെ കെഎസ്ഇബി ഉദ്യോഗസ്ഥര്ക്ക് ഇരിക്കപ്പൊറുതിയില്ലാത്ത അവസ്ഥയാണ്. മരം വീണും പോസ്റ്റ് ഒടിഞ്ഞുവീണും സംസ്ഥാനത്തിന്റെ പലയിടത്തും വൈദ്യുതി ബന്ധം താറുമാറായതോടെ, പ്രശ്നം പരിഹരിക്കാന് രാവെന്നും പകലെന്നും വ്യത്യാസമില്ലാതെ നെട്ടോട്ടത്തിലാണ് കെഎസ്ഇബി ജീവനക്കാര്. ഈ തിരക്കിനിടയിലും സഹജീവികളോടു കെഎസ്ഇബിയുടെ കരുതലാണ് ഇപ്പോള് ചര്ച്ചയാകുന്നത്. പൂച്ചയോട് കാരുണ്യം കാണിച്ച ജീവനക്കാരുടെ ചിത്രങ്ങള് കെഎസ്ഇബിയാണ് പങ്കുവെച്ചത്. തിരുവനന്തപുരം വെള്ളയമ്പലം സെക്ഷനില് തകരാര് പരിഹരിക്കാന് എത്തിയ ജീവനക്കാരാണ് മാതൃകയായത്. ജോലിക്കിടെ, പോസ്റ്റിന് മുകളില് പൂച്ചക്കുട്ടി കുടുങ്ങിയിരിക്കുന്നത് ശ്രദ്ധയില്പ്പെട്ടു. തിരക്കിനിടയിലും പൂച്ചക്കുട്ടിയെ രക്ഷിക്കാനും ജീവനക്കാര് സമയം കണ്ടെത്തി. കുറച്ചു ബുദ്ധിമുട്ടിയാണ് പൂച്ചക്കുട്ടിയെ രക്ഷിച്ചത് എന്ന് കെഎസ്ഇബിയുടെ കുറിപ്പില് പറയുന്നു. ഓരോ ജീവനും വിലപ്പെട്ടതാണ് എന്ന സന്ദേശത്തോടെയാണ് ചിത്രങ്ങള് ഫേസ്ബുക്കില് പങ്കുവെച്ചത്.
Read Moreഞാന് മാപ്പ് ചോദിക്കുന്നു ! മുഖത്ത് മൂത്രമൊഴിക്കപ്പെട്ട ആദിവാസി യുവാവിന്റെ കാല് കഴുകി പൊന്നാടയണിച്ച് മുഖ്യമന്ത്രി; വീഡിയോ വൈറല്
മധ്യപ്രദേശില് ആദിവാസി യുവാവിന്റെ മുഖത്ത് മൂത്രമൊഴിച്ച സംഭവത്തില് ഇരയായ യുവാവിനോട് മാപ്പു പറഞ്ഞ് മധ്യപ്രദേശ് മുഖ്യമന്ത്രി ശിവ്രാജ് സിംഗ് ചൗഹാന്. ആക്രമണത്തിന് ഇരയായ ദശ്മത് റാവത്തിനെ മുഖ്യമന്ത്രിയുടെ വസതിയിലേക്ക് ക്ഷണിച്ച് വരുത്തിയാണ് യുവാവ് ചെയ്ത തെറ്റിന് മുഖ്യമന്ത്രി മാപ്പുപറഞ്ഞത്. വസതിയില് കാല് കഴുകിയും പൊന്നാട അണിയിച്ചും ദശ്മത്ത് റാവത്തിന് ഗംഭീര സ്വീകരണമാണ് മുഖ്യമന്ത്രി നല്കിയത്. കസേരയില് ഇരുത്തിയ ശേഷം മുഖ്യമന്ത്രി തന്നെയാണ് കാല് കഴുകലിന് നേതൃത്വം നല്കിയത്. തുടര്ന്ന് പൊന്നാട അണിയിക്കുകയും മധുരപലഹാരവും സമ്മാനങ്ങളും നല്കുകയും ചെയ്തു. ദശ്മത്ത് റാവത്തിന്റെ പ്രശ്നങ്ങളും പ്രയാസങ്ങളും കേള്ക്കാനും മുഖ്യമന്ത്രി സമയം കണ്ടെത്തി. ‘ആ വീഡിയോ കണ്ട് ഞാന് വേദനിച്ചുപോയി. ഞാന് മാപ്പുപറയുന്നു. ജനങ്ങള് എനിക്ക് ദൈവത്തെ പോലെയാണ്’മുഖ്യമന്ത്രി പറഞ്ഞു. കഴിഞ്ഞദിവസമാണ് ദശ്മത്ത് റാവത്തിന്റെ മുഖത്ത് യുവാവ് മൂത്രമൊഴിക്കുന്ന ദൃശ്യങ്ങള് പുറത്തുവന്നത്. സിഗരറ്റ് വലിച്ച് കൊണ്ട് ദശ്മത്ത് റാവത്തിന്റെ മുഖത്ത് പ്രവേശ്്…
Read Moreകുട്ടികള്ക്ക് ക്ലാസെടുക്കുന്നതിനിടെ റിട്ട.അധ്യാപകന് കുഴഞ്ഞു വീണ് മരിച്ചു
റിട്ട.അധ്യാപകന് ക്ലാസ്മുറിയില് കുഴഞ്ഞുവീണ് മരിച്ചു. കഥ പറഞ്ഞും കവിത ചൊല്ലിയും സ്കൂള് വിദ്യാര്ഥികളോട് സംവദിക്കുന്നതിനിടെയാണ് മരണം. മലപ്പുറം കാളികാവ് ചോലശ്ശേരി ഫസലുദ്ദീന് (63)ആണ് മരിച്ചത്. വീടിനു സമീപത്തുള്ള ആമപ്പൊയില് ഗവ.എല്പി സ്കൂളില് വച്ചാണ് സംഭവം. വൈക്കം മുഹമ്മദ് ബഷീറിന്റെ ചരമ വാര്ഷിക ദിനത്തോടനുബന്ധിച്ച് സംഘടിപ്പിച്ച ‘കഥോത്സവ’ത്തിന്റെ ഭാഗമായി ക്ലാസെടുക്കുന്നതിനിടെ കുഴഞ്ഞു വീഴുകയായിരുന്നു. ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാന് സാധിച്ചില്ല. ആശുപത്രിയില് എത്തുന്നതിന് മുന്പ് തന്നെ മരണം സംഭവിക്കുകയായിരുന്നു. ക്ലാസെടുക്കുന്നതിനിടെ കസേരയിലേക്ക് ഇരിക്കുകയും തുടര്ന്ന് നിലത്തേക്ക് വീഴുകയുമായിരുന്നു. അടയ്ക്കാക്കുണ്ട് ക്രസന്റ് ഹയര് സെക്കന്ഡറി സ്കൂളില് 30 വര്ഷം അധ്യാപകനായിരുന്നു ഫസലുദ്ദീന്. അഞ്ചു വര്ഷം മുന്പാണ് അദ്ദേഹം വിരമിച്ചെങ്കിലും പ്രദേശത്തെ സ്കൂളുകളിലും കോളജുകളിലും ക്ലാസെടുത്തും വിദ്യാര്ഥികള്ക്കും രക്ഷിതാക്കള്ക്കും കൗണ്സിലിംഗ് നല്കിയും സജീവമായിരുന്നു.
Read Moreസിംഹങ്ങള് വരി വരി വരിയായ് ! നദിയില് നിന്ന് ദാഹമകറ്റുന്ന സിംഹക്കൂട്ടം കൗതുകക്കാഴ്ചയാകുന്നു;വീഡിയോ വൈറല്
പ്രകൃതിയിലെ ജീവിത കാഴ്ചകള് നമുക്ക് എപ്പോഴും ആനന്ദം പകരുന്നവയാണ്. അത്തരമൊരു വീഡിയോ വീണ്ടും സമൂഹമാധ്യമങ്ങളിലിടം നേടുകയാണ്. ദക്ഷിണാഫ്രിക്കയിലെ സാന്ഡ് നദിയില് ദാഹമകറ്റുന്ന സിംഹങ്ങളാണ് വീഡിയോ ദൃശ്യത്തിലുള്ളത്. മാലമാലാ ഗെയിം റിസര്വ്വില് നിന്നുള്ളതാണ് ഈ ദൃശ്യങ്ങള്. ലേറ്റസ്റ്റ് സൈറ്റിങ്സിന്റെ സി.ഇ.ഒ ആയ നദാവ് ഒസ്സെന്ഡ്രൈവറാണ് ദൃശ്യങ്ങള് പകര്ത്തിയതും പങ്കുവെച്ചതും. വീഡിയോയുടെ തുടക്കത്തില് നദിയിലേക്ക് നടന്നടുക്കുന്ന വിരലിലെണ്ണാവുന്ന സിംഹങ്ങളെ കാണാം. മെല്ലെ ഏതാനും സിംഹങ്ങള് കൂടി നദിയുടെ അടുത്തേക്ക് വരികയാണ്. പെണ്സിംഹങ്ങളാണ് നദിയില് എത്തിയവയില് അധികവും. പുള്ളിപ്പുലിയെ അന്വേഷിച്ചാണ് സവാരിക്കായി രാവിലെ ഇറങ്ങിയതെങ്കിലും നിരാശയായിരുന്നു ഫലമെന്ന് നദാവ് പറയുന്നു. പിന്നീട് ക്യാംപിലേക്ക് മടങ്ങി പോകും വഴി സാന്ഡ് നദിക്കരയില് ഏതാനും കാട്ടാനകളെ കണ്ടുവണ്ടി നിര്ത്തിയപ്പോഴാണ് സിംഹങ്ങള് നദിക്കരയിലേക്ക് എത്തുന്നത് സംഘം കണ്ടത്. അത്യപൂര്വ്വമായി മാത്രാണ് സിംഹങ്ങള് കൂട്ടത്തോടെ ദാഹമകറ്റാനായി നദിക്കരയിലേക്ക് എത്തുകയെന്ന് വന്യജീവികളുമായി ബന്ധപ്പെട്ട് പ്രവര്ത്തിക്കുന്ന വിദഗ്ധര് പറയുന്നു.
Read Moreപൊതുനിരത്തില് വിദേശവനിതയെ കടന്നു പിടിച്ചു ! വീഡിയോ വൈറലായതിനു പിന്നാലെ പ്രതി പിടിയില്…
വിദേശവനിതയെ പൊതുനിരത്തില് വെച്ച് കടന്നു പിടിച്ച കേസിലെ പ്രതി പിടിയില്. രാജസ്ഥാനിലെ ബാരന് സ്വദേശിയായ കുല്ദീപ് സിങ് സിസോദിയ(40)യെയാണ് ബിക്കാനേര് പോലീസ് കസ്റ്റഡിയിലെടുത്തത്. ബിക്കാനേറിലെ നോഖാ പോലീസാണ് പ്രതിയെ കസ്റ്റഡിയിലെടുത്തതെന്നും ഇയാളെ ജയ്പൂര് പോലീസിന് കൈമാറുമെന്നും ബിക്കാനേര് എസ്.പി. തേജസ്വിനി ഗൗതം അറിയിച്ചു. കഴിഞ്ഞദിവസം ജയ്പുരില്വെച്ചാണ് വിനോദസഞ്ചാരിയായ ബ്രിട്ടീഷ് യുവതിയോട് ഇയാള് അപമര്യാദയായി പെരുമാറിയത്. നടന്നുപോവുകയായിരുന്ന യുവതിയെ മോശമായരീതിയില് സ്പര്ശിക്കുകയും ഒപ്പം നടന്ന് ശല്യപ്പെടുത്തുകയുമായിരുന്നു. യുവതിക്കൊപ്പമുണ്ടായിരുന്ന സുഹൃത്ത് ഇതിന്റെ ദൃശ്യങ്ങള് ചിത്രീകരിച്ചിരുന്നു. ഈ ദൃശ്യങ്ങള് പിന്നീട് സാമൂഹികമാധ്യമങ്ങളില് പ്രചരിച്ചതോടെയാണ് പോലീസ് കേസെടുത്ത് അന്വേഷണം ആരംഭിച്ചത്. ഡല്ഹി വനിതാ കമ്മീഷന് അധ്യക്ഷ സ്വാതി മാലിവാള് അടക്കമുള്ളവരും അതിക്രമത്തിന്റെ വീഡിയോ സാമൂഹികമാധ്യമങ്ങളില് പങ്കുവെച്ചിരുന്നു. ഇത് നാണക്കേടുണ്ടാക്കുന്നതാണെന്നും ഇത്തരം സംഭവങ്ങള് രാജ്യത്തിന് ചീത്തപ്പേരുണ്ടാക്കുമെന്നുമായിരുന്നു സ്വാതി മാലിവാളിന്റെ പ്രതികരണം. സിന്ധി ക്യാമ്പിന് സമീപത്തുള്ള ഹോട്ടലിന് മുന്നില്വെച്ചാണ് യുവതിക്ക് നേരേ അതിക്രമം നേരിട്ടതെന്നാണ് പോലീസ്…
Read Moreക്വയറ്റ് റൂമുകളില് സെക്സ് പാടില്ല ! മുന്നറിയിപ്പുമായി വിംബിള്ഡണ്
വിശ്രമത്തിനും പ്രാര്ഥനയ്ക്കുമായി നീക്കിവെച്ചിട്ടുള്ള ക്വയറ്റ് റൂമുകള് സെക്സിനായി ഉപയോഗിക്കരുതെന്ന് ടെന്നീസ് ആരാധകര്ക്ക് മുന്നറിയിപ്പ് നല്കി വിംബിള്ഡണ് അധികൃതര്. കഴിഞ്ഞ വര്ഷം കോര്ട്ട് 12ന് സമീപമുള്ള ഇത്തരത്തിലുള്ള മുറികള് ലൈംഗിക ബന്ധത്തിനായി ചിലര് ഉപയോഗിച്ചിരുന്നതായി റിപ്പോര്ട്ടുകളുണ്ടായിരുന്നു. ഇതേ തുടര്ന്നാണ് വിംബിള്ഡണ് മുന്നറിയിപ്പുമായി രംഗത്തെത്തിയിട്ടുള്ളത്. ‘ക്വയറ്റ് റൂമുകള് വളരെ വിലപ്പെട്ട സൗകര്യമാണ്. അതിന്റെ പവിത്രത പങ്കാളികള് കാത്ത് സൂക്ഷിക്കേണ്ടതുണ്ട്. ആളുകള് അത് ശരിയായ വിധത്തില് ഉപയോഗപ്പെടുത്തുന്നുണ്ടെന്ന് ഞങ്ങള് ഉറപ്പാക്കും’ ഓള് ഇംഗ്ലണ്ട് ലോണ് ടെന്നീസ് ക്ലബ്ബ് ചീഫ് എക്സിക്യൂട്ടീവ് സാലി ബോള്ട്ടന് പറഞ്ഞു. ആളുകള്ക്ക് പ്രാര്ഥിക്കാനും വിശ്രമിക്കാനും കുട്ടികള്ക്ക് മുലയൂട്ടുന്നതിനുമടക്കമുള്ള ശാന്തമായ ഇടമാണ് ക്വയറ്റ് റൂമുകളെന്നും അവര് വ്യക്തമാക്കി. രണ്ട് ചാരുകസേരകളും മടക്കിവെക്കാനുള്ള മേശയും ചാര്ജിംഗ് സൗകര്യവുമടങ്ങുന്നതാണ് ഇത്തരത്തിലുള്ള റൂമുകള്.
Read Moreസോഷ്യല്മീഡിയയിലൂടെ പ്രണയിക്കുമ്പോള് നടിയാണെന്ന് അറിഞ്ഞിരുന്നില്ല ! ഇപ്പോള് മറ്റൊരു പ്ലാനിംഗില് ആണെന്ന് നടി രഞ്ജിനി
ഒരുകാലത്ത് മലയാള സിനിമയില് നായികയായി നിറഞ്ഞാടിയ നടിയാണ് രഞ്ജിനി. ചിത്രം എന്ന ഒറ്റ സിനിമയിലൂടെത്തന്നെ മലയാളികളുടെ മനസ്സില് ചിരകാല പ്രതിഷ്ഠ നേടാന് താരത്തിനായി. ഈ സിനിമ രഞ്ജിനിക്ക് കരിയര് ബ്രേക്ക് തന്നെയായിരുന്നു. തമിഴ് സിനിമയിലൂടെയായിരുന്നു താരത്തിന്റെ അരങ്ങേറ്റം. സ്വാതി തിരുനാള് എന്ന ചിത്രത്തിലൂടെയായിരുന്നു മലയാള സിനിമയിലേക്ക് എത്തിയത്. ഇതിന് ശേഷം നിരവധി സിനിമയകളില് അഭിനയിച്ചു. പ്രണയവിവാഹമായിരുന്നു താരത്തിന്റേത്. പിയര് എന്നാണ് ഭര്ത്താവിന്റെ പേര്. ഇപ്പോഴിതാ തന്റെ വിവാഹത്തെ കുറിച്ചും ഭര്ത്താവിനെ കുറിച്ചും സംസാരിക്കുകയാണ് രഞ്ജിനി. തങ്ങള് ഓണ്ലൈന് വഴിയാണ് പരിചയപ്പെട്ടതെന്നും ഒരിക്കല് അദ്ദേഹം തന്നെ പ്രൊപ്പോസ് ചെയ്തുവെന്നും അപ്പോഴും താനൊരു സിനിമാനടിയാണെന്ന് അദ്ദേഹത്തിന് അറിയില്ലായിരുന്നുവെന്നും രഞ്ജിനി പറയുന്നു. തങ്ങളുടെ വിവാഹത്തിന് അമ്മ എതിര്പ്പൊന്നുമില്ലായിരുന്നു. വളരെ പക്വതയോടെയായിരുന്നു താന് ആ തീരുമാനമെടുത്തതെന്നും അതുകൊണ്ടുതന്നെ മാതാപിതാക്കള്ക്ക് മറ്റൊരു അഭിപ്രായമില്ലായിരുന്നുവെന്നും വളരെ ലേറ്റ് വിവാഹമായിരുന്നു തന്റേതെന്നും പിയറിന്റെ വീട്ടില് അച്ഛനും അമ്മയും…
Read Moreആദിവാസി യുവാവിന്റെ ദേഹത്ത് മൂത്രമൊഴിച്ചയാള് പിടിയില് ! നടപടി ദൃശ്യങ്ങള് സോഷ്യല്മീഡിയയില് പ്രചരിച്ചതിനു പിന്നാലെ
ആദിവാസി യുവാവിന്റെ ശരീരത്ത് മൂത്രമൊഴിച്ച സംഭവത്തിലെ പ്രതി അറസ്റ്റില്. മധ്യപ്രദേശിലെ സിദ്ധി ജില്ലയിലായിരുന്നു ഈ സംഭവം നടന്നത്. പ്രവേഷ് ശുക്ല എന്നയാളാണ് മധ്യപ്രദേശ് പോലീസിന്റെ പിടിയിലായത്. ബുധനാഴ്ച പുലര്ച്ചെയായിരുന്നു ഇയാളുടെ അറസ്റ്റ്. നിലത്തിരിക്കുന്ന ആദിവാസി യുവാവിന്റെ ദേഹത്തേക്ക് പ്രവീണ് മൂത്രമൊഴിക്കുന്നതിന്റെ ദൃശ്യങ്ങള് സാമൂഹിക മാധ്യമങ്ങളില് പ്രചരിച്ചിരുന്നു. വീഡിയോ പ്രചരിച്ചതിന് പിന്നാലെ ഇയാള്ക്കെതിരെ കേസെടുക്കാന് മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന് ആവശ്യപ്പെടുകയായിരുന്നു. ദേശീയ സുരക്ഷാ നിയമം, എസ്.സി, എസ്.ടി ആക്ട് എന്നിവ ചുമത്തിയാണ് ശുക്ലയ്ക്കെതിരെ കേസെടുത്തിരിക്കുന്നത്. ഇയാളെ നിലവില് പോലീസ് കസ്റ്റഡിയില് എടുത്ത് ചോദ്യം ചെയ്ത് വരികയാണ്. കേസിന്റെ ഭാഗമായി ഇയാളുടെ ഭാര്യയെയും മാതാപിതാക്കളെയും ചോദ്യം ചെയ്തിരുന്നു. 36-കാരനായ ദസ്മത് രാവതിന് നേരെയായിരുന്നു പ്രതിയുടെ അക്രമം. ചോദ്യം ചെയ്യലിനിടെ നിലവില് പുറത്ത് വന്നിരിക്കുന്ന വീഡിയോ വ്യാജമാണെന്ന് രാവത്ത് ചൂണ്ടിക്കാട്ടി. ശുക്ലയെ കുടുക്കുന്നതിനായി ആരോ നിര്മിച്ചതാണെന്നാണ് അദ്ദേഹത്തിന്റെ വാദം.…
Read Moreഡെഡ്ലിയസ്റ്റ് കോംബോ ! ചിക്കന് കറിയില് നിന്ന് കിട്ടിയത് ചത്ത എലിയെ; വീഡിയോ വൈറല്
ചിക്കന് കറിയില് നിന്ന് ചത്ത എലിയെ കിട്ടിയെന്ന പരാതിയുമായി ഉപഭോക്താവ്. ട്വിറ്ററിലാണ് ചിത്രം ഉള്പ്പടെ പോസ്റ്റ് ചെയ്തിരിക്കുന്നത്. കുടുംബസമേതം ഭക്ഷണം കഴിക്കാനെത്തിയപ്പോഴാണ് ലുധിയാനയിലെ പ്രകാശ് ദാബയില് നിന്നുമാണ് വൃത്തിഹീനമായ ഭക്ഷണം ലഭിച്ചതെന്നും ഇയാള് കുറിച്ചു. റസ്റ്ററന്റിന്റെ ഉടമ ഭക്ഷ്യസുരക്ഷാ ഉദ്യോഗസ്ഥര്ക്ക് കൈക്കൂലി നല്കിയാവും പ്രവര്ത്തിക്കുന്നതെന്നും സൂക്ഷിക്കണമെന്നുമുള്ള കുറിപ്പോടെയാണ് ഇയാള് വീഡിയോ ഉള്പ്പടെ പങ്കുവച്ചിരിക്കുന്നത്. അതേസമയം കറിയില് നിന്നും ചത്ത എലിയെ കിട്ടിയെന്ന വാര്ത്ത ഭക്ഷണശാല അധികൃതര് നിഷേധിച്ചു. ഇതേച്ചൊല്ലി ഭക്ഷണം കഴിക്കാനെത്തിയയാളും കടയുടമയും തമ്മിലുള്ള വാഗ്വാദത്തിന്റെ വീഡിയോയും പുറത്തുവന്നിട്ടുണ്ട്. 31 സെക്കന്റ് മാത്രം ദൈര്ഘ്യമുള്ള ട്വിറ്റര് വീഡിയോയില് സ്പൂണ് കൊണ്ട് എലിയെ കോരിയെടുക്കുന്നതും കാണാം. അങ്ങേയറ്റം വൃത്തിഹീനമാണ് റസ്റ്ററന്റിലെ അടുക്കളയെന്നും ഇവര് ട്വീറ്റില് കുറിച്ചു. ആശങ്കപ്പെടുത്തുന്നതാണ് പുറത്തുവന്ന വാര്ത്തയെന്നും കൃത്യമായി പരിശോധിച്ച് വേണ്ട നടപടികള് സ്വീകരിക്കണമെന്നുമാണ് ട്വിറ്ററില് പലരും കുറിച്ചത്.
Read More